يا أهل الخبرهـ : أفضـل حـل لرفع الانــد من الخلف .. !؟؟ ياي ولا كعكات ..؟

[المزن الحقوق]

بسم الله الرحمن الرحيم

السلام عليكم ورحمة الله وبركاتة

ص/م بالخيـر والمسرات

زي ماهو عنوان الموضوع

رأيكمـ في أحسن شي لرفع الموتــر ..

السيارة : لاندكروزر 2001

عندي إذا جاء مطب أسمع صوت ورا باليايات .. يمكن الجلب تعبانه ..!.؟ ونازل الموتر مع الوقت

قلت ارفعه وأغيرهن مرهـ وحدهـ ..

لكن وش أفضــل شي للرفع بحيث ما يخل بالتوازن ولا بالمطب .. ولايحوس القيــر .. لأني برفعه 3 أو 4 سم فقط من الخلف .. وشوي قدام ..

هل أغيــــر الياي بكبرهـ وأحط إسترالي ؟

هل أركـــب كعكات على الياي القديمـ ؟

وهل الجلب نفسهن اللي وسط الياي ولا ثانيات ؟

أنتظــر رأي أهل الخبــرهـ ..

وشاكـــر لكمـ ..


,, المزن الحقوق

[وليد الجريدي]

احم احم

انا يعني خبره شويتين


هلا اخووي والله ازين شي انك تركب الياي الاسترالي ازين ومع التحميل ماينزل اكثر مثل ياي الوكالة
والمقاس اللي تبيه تحصل الياي بالرمايه بس المقاس الكبير تحصله بالسنيدي
واذا تبي راحت البال ركب الياي فقط لاتركب عليه كعكات لان الكعكات ممكن تطير من الموتر لانها مركبه على الياي واللي ماسكهاثقل السيارة على الياي فقط

انا مركب ياي استرالي وعليهن كعكات 3 سم ومابه ولا صوووت
بس مثل ماقلتلك اذا تبي راحت البال ركب الياي الاسترالي بدون كعكات والمقاس اللي تبي

[المزن الحقوق]

طيب كم مقاسات الياي عند الرماية ؟؟ وتركب زبط على اللاند ؟

مقدار ارفع اللي ابيه 4 سم فقط

وألف شكــر أخوي وليـد على المعلومـة القميـة ..

[محنك]

إذا كنت تبي الراحة العجيبة ... ركب بالونات ....
شي عجيب يصبح المطب .. وعملية جداً وتقنية فريدة تجعلك تسبح في رفاهية .
مع التركيب 900 ريال ..
الوكيل مقابل مستشفى العيون بالرياض من جهة الشمال ,, طريق العروبة بإتجاه الغرب .. ولاتنسى :
1_ أن الكعكات هناك من يشكوا منها الأصوات أو أنها ضغطت على الياي وزاد المطب .
2_ أن اليايات الإسترالية قاسية ولايوجد راحة معها ,, فقط رفعت الجيب .
3 _ أن البالونات التي أقصد هناك أيضاً من يذمها ... ولم أرى فيها أنا أي عيب حتى في الإستخدام الجائر ماخالفت . ولكن ياليت من يذمها يذكر السبب .
4_ 900 ريال قريبة من سعر اليايات مع تركيبها !! إذن ليست غالية بمقدار خدمتها العجيبة لموترك ولك ..

[مواسي الطعوس]

الكعكات ارخص لك وتقوم بالمطلوب .....وموجود كل المقاسات اللي تبي .مع تركيبها ماتكلفك 100 ريال .

[فهم العدواني]

نصيه الكعكات ما تنفع مع الياي الذى انتهى عمره الافتراضي تجلس في دوامه مع المرجحه والاصوات والناس متهاونه بهشي يعن اذا تبي ترتاح عليك بالجديد ولا تفكر واجد علشان لاتدخل في متاهات وتخسر وتسير عندك عقده من طاري اليايات من واقع تجارب والله يوفقك

[المزن الحقوق]

أخوي محنــكـ : ..

هل البالنوات اللي تقصد محلها وسط الياي .؟؟ .. وهل تصلح على الياي القديمـ ؟

ووش نظامـ هالبلونات في الرفع .. لها مقاسات ولا شي ..

قد شفت هدد مركب بالون في وسط الياي ولونه احمــر .. وفيــهـ بلــف هواء ؟؟؟!! أتمنى الإفادهـ

وشاكر لكـ معلوماتك الثريه يابعدي ..

مواسي الطعوس :

الكعكات هين من ناحية الرخص والتركيب مافيها كلامـ .. لكن نبي الآداء .. واخاف تحوسكـ ولا تظمنهن على الياي القديمـ

شاكر لكـ طلتكـ ..

فهمـ العدواني :

كلامكـ سليمـ .. ودامكـ مجرب أكيــد علمكـ أكيــد ..

لاهنت يالغالي ..