شركات التأمين تبحث عن أي مخرج .. أصحاب الدعامات والتضليل تفضلوا

[محنك]

السلام عليكم ....
تبحث شركات التأمين ومندوبيها ( نجم ) عن أي ملاحظة أو إكسسوارات مضافة على السيارة لكي يعتذروا عن السداد في الحوادث .. تأمين ضد الغير
ومن الأمور التي تلغي التأمين ..
1 _ التظليل الأمامي والجانبي للسائق والراكب . التظليل الذي يحرر المرور عليه مخالفة ويعد مخالف للنظام .
2_ الدعامة الأمامية سواء نيكل خفيفة أو حديد مثل دعامات المميز والمواهب وماعلى شاكلتها .
3_ الدعامة الخلفية وتشمل الشبك الخلفي (( السلة الخلفية )) . والدعامة الخلفية المضافة .
4_ السيارة المتوقفة . فإذا كنت تسير بسيارتك وأصطدمت بسيارة متوقفة ليس فيها قائد فإن التأمين هنا لايشملك .
5_ قطع الإشارة الضوئية المرورية .
6_ الشوارع الغير مرصفة .
هذا مالدي وأرجوا من الأخوة تزويدنا بمالديهم من معلومات بهذا الشأن ..
حفظ الله الجميع من كل مكروه .

أنشر تؤجر ..

[برج المعيدي]

شركات التامين حدث والا حرج
قبل فتره سويت حادث المهم
سالة موظف المرور وين الشركه قال مدري عنها
اول كانت بالخير وتغير موقعها
طيب ليش مايجبرون المرور شركات التامين
اقل شي تعطيهم رسم كروكي للموقعه اذا غيروه
اخر شي حصلتها بدعوس عند سيكو

[ولد وايل..]

من كان له من حيلة ....فلـــيحتل....



خلك متفاعم انت واللي صدمته بعيد الشر عن الجميع...

وتحايلوا على من تحايل...


لاااااابوهم لا ابو تبن !! ياخي شي يقهر والله يقهر...

حتى لما يسرقونك يحاولون يذلونك وللله ما ولدته امه !!

[فتى حائل123]

التظليل يشيل التامين والله غريب ويقهر مشكور اخوي ماقصرت تقبل مروري

[abo.a]

حسبي الله عليهم الله لا يوفقهم

[escape_man]

كنت واقف بموتري .. لا لي ولا علي .. ورجع علي واحد وصدمني صدمة قوية

طبعاً الخطاء 200% عليه

راجعت التامين قالو مانغطي حوادث الريوس .. تامين الاتحاد

قلت عطني صورة من الوثيقة ورد بخطاب وافادة بانك يا تامين الاتحاد ماتغطون حوادث الريوس

بالاخير الله لا يعافيهم ولا يعافي القائمين على تقديرات الحوادث المرورية عوضوني

2000 وانا مصلحها بـ 5500 ريال

عادي عادي واتقبلها بصدر رحب لانه غصب علي اتقبل هالامر ولا انطق

[ملقاط بن جمر]

الله لا يوفقهم ..

عندنا شركات أقرب ما تكون للحرمنه منها بحث عن الرزق ..

في امريكا شركات التأمين هي اللي تطلع عيوب الشركات والأخطاء الفنية فيها على شان تتلافى تأمين الاخطاء الفنية منها ..

وشركاتنا همها هات قسط التأمين وإذا سويت حادث هبلوا فيك وتراجع مقر فرع لهم غير الفرع اللي اشتركت فيه وتلقاه في آخر مكان في العالم .. وينشف ريقك وأنت تطارد وراهم تبي حقك و أخرتها يعطونك وهم يمنون عليك فيه ..

الله لا يوفقهم ولا يوفق من نهب أموال المسلمين بدون وجه حق..

[abo_hoor]

يعطيك العافيه اخوي محنك على هالموضوع وجزاك الله خير
والله يحفظ الجميع من الحوادث ولكن شوف اخوي فيه شركات تامين تكون جيده يعني
ابحث عنها في سرعة الحصول على امر تصليح او دفع الفلوس وهناك شركات حدث ولاحرج
وفيه نقطه مهمه بخصوص تضليل الامامي بعض الاشخاص يضللون الجام الاماميه بتضليل اسود
بعرف شلون بيشوف ناس طبعا هذا خطا وشركة معها حق شنو يعني يدعم ناس على شان يعني شكل سياره

[مقلع الرمث]

عادي في هذا الوقت توقع اي شي


ماحولك احد المسؤول سارح بسرقات احلى منها واذا تجيت تشتكي تقول تنفخ بقربه مشقوقه


انا صدمني واحد وهرب


واخذت الوحه ودقيت على المرور وجاء بضرف نصف ساعه تقريبا


وقالي تعرف لوحت اللي صدمك وهرب قلت هذا الرقم


قالي راجع مرور الشرق


راجعت المرور قالي سعر السياره عند شيخ المعارض


الموهم سعرانا وخلصت جميع الاوراق


قالي العسكري باقي تطق برنت وتعميم عن الرجال المهم طقيت برنت جاء العسكري حصل


رقم الجوال ودق عليه قال انت صادم واحد وهربت قال ايه نعم بس حكه بسيطه ماتسوى


قاله لازم تجي بكراء وتدفع للرجال افلوسه ولا تراء يبي يطق عليك تعميم


المهم الرجال جاء من بكراء وجاب معه كفيل وقدم خطاب اعتراض على المبلغ وضرب الباب


رحت لهم قالي خذ سيارتك ورح سعرها مره ثاني بالصناعيه قلت السياره بعتها


حولني على الضابط قالي حولها شرع قعت اضحك قلت الحين تقطعت رجليني وانا لي الحق


وتبي تحولها شرع والله مايحضر لكن قلت حسبي الله ونعم الوكيل على اداره المرور الفاشله


اذا الدعوى نهب دراهم وقسايم خذ رجل تساهيل الين ياخذون افلوسهم


الفوائد من القصه :


1- اذا صدمت احد اهرب وخله ياخذ رقم لوحتك ولا تستنى لا مرور ولا غيره


2- مهما مشيت بالسليم ماراح تصل الى مبتغاك لكن بالتحايل ويمين ويسار تمشي امورك

[HAS5SAN]

حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل

[مستر جمس]

التضلييل وعكس السير وقطع الاشاره هذي اشياء تسبب حوادث

لكن وش دخل الدعامه والسلله والاكسسوارات على شان تسوي حادث!!!!!!!!

واذا كان واحد موقف سيارته خطأ ومعترض ونازل للمحل يتقضى وش ذنبي اذا صدمته غصب عني

او اذا صار الشارع غير مرصف (( انزل اسوي رصيف على حسابس مثلا))

صراحه مالهم حق

حسبنا الله ونعم الوكيل

[ابوصالح77]

من أمن العقوبة أساء الأدب

[أبـو عــزام]

حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل

[المماتوس]

ياشباب أنا سمعت إنك تدخل الدعامية في التأمين يعني قبل ماتروح لشركة الحرامية تكون مركب الدعامية ويسجلونها لك ياليت اللي عنده خبر أكيد يفيدنا

[مفخرة فورد]

الله يعين
المشكلة مجبورين على هالتأمين ومن قبل لاتأمين ولايحزنون وامورنا ماشية ولله الحمد
لكن الشكوى لله

[(ابو عبدالله)]

ياشباب أنا سمعت إنك تدخل الدعامية في التأمين يعني قبل ماتروح لشركة الحرامية تكون مركب الدعامية ويسجلونها لك ياليت اللي عنده خبر أكيد يفيدنا


انا مركب دعامه وودي اجدد الاسنماره للجيب ماهي ارخص شركة تامين بالرياض

[أبوفـهـــــد]

6_ الشوارع الغير مرصفة .

من زين شوارع الرياض الحين
كل الشوارع غير مرصفه في الحواري وكلها حفر وجفر

مااقول الا الله لايحللهم ولا يبيحهم وياجلعهم تصير مطاقات بينهم
ومالقوا الا الضعيفين الشعب اذا واحد نقصه كم مليون افتح مشروع ساهر والتامين وانت رايح ماكلينا اكل

[قناص*07]

من أمن
العقوبة أساء الأدب




:good2::good2::good2::good2::good2::good2::good2:

شف من اصحاب شركات التأمين ومن يقدر يحاسبهم وانت تعرف

[.أبوعبدالرحمن]

هذي نهاية الحرام

وهم عندهم نظام ( حلال حرام ) كله واحد


أولا : لم يكتب ذلك بوثيقة التأمين
ثانيا : الموظف اللي تسجل عنده الوثيقة وتعطيه الدراهم ما يقولك وش الجديد
ثالثا : كل شي من صالحهم وفوق هذا ساهر مدلعهم ما عاد فيه حوادث ويتفلسفون بعد
رابعا : التأمين لدى المشائخ الفضلاء تحفظ من ناحية مشروعيته


لكن ( حسبي الله ونعم الوكيل )

[4*4]

لله ياكريم في سماك هالساعه المباركه انك تفقر شركات التامين ومن عاونهم وتعجل بمصايبهم في الدنيا قبل الاخره وتميتهم قهر مثل ماقهروني في نفسي ياسميع الدعاء

[الدبيخي]

اصلن انا سمعت ان التأمين ما يجوز وشلون تصلح سيارتك بشي حرام

[تيتشر]

بلا والله ماعندنا رجال عندهم ذمه وضمير بحماية المستهلك الله يهلكهم واحد واحد

آمين

[مجنون نيسان]

من أمن العقوبة أساء الادب
إذا صار خصمكـ القاضي .. من تقاضي !!!!!!!!!!!

[ابن مجدوع]

الشغلة نصب من اولها لاخرها وش ترجي منهم !!
مانقول الا حسبنا الله ونعم الوكيل ..!

[الفريشه]

معلومه مهمة جدا- جزاك الله خير

نعم صحيح

وقفت عند سيارات مختلفه تبع شركة نجم في عدة اوقات لكي اتاكد من الموضوع

واتفقوا جميعا على صحة هذا الكلام


ولكن

الخبر المفرح هو


يقولون يوجد لدى اغلب شركات التامين مرفق او ملحق يضاف للتامين الاساسي
خاص بالدعاميه طبعا بمبلغ اضافي بحدود 50 ريال

وفق الله الجميع

ووقنا واياكم شر الحوادث ..... امين

[sniper.5]

اخوي عندك ساكتون هاتسان للبيع
ياليت ترسلي حدك على الخاص وحالة الساكون
ومعليش الرد شاطح شوي
ولا هو فالموضوع

[خليفان]

يارجال واالله من يوم افتكيت من شركات التامين الخاصه ورحت للحكوميه التعاونيه وانا الحمدلله بخير وفلوسي تجي خلال اربع ايام

[ابوجهاد]

حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل
حسبنى الله ونعم الوكيل