محــــــتار ياعرب محـــــتار

[طربان على صوت]

السلام عليكم ورحمة الله وبركاته ..

وبعد..

اليكم قصتي..

اكتب هذه الكلمات وفي داخلي حيرة دامت اكثر من سنه احبتي اعضاء مكشات انا شاب في مقتبل العمر وقد اقبلت على شراء موتر والله الموفق سبحانه وقد احترت بين موترين،، الا وهما -هايلوكس 2011 غمارة(جديدة)- او -باترول ربع 2008-2009(مستعمل)- استعمالي للموتر سيكون على الاقل 4 سنوات ان عطانا الله عمر وسلّم السيارة وسيكون / جلد بالنفد وجلد بالجلّد وجلد بالخطوط (يعني كتل الموتر);)/ الحيرة ارتكزت على عدت امور منها صرف البنزين وهو لصالح الهلي والنشاط وهو لصالح الهلي الكشتات والتطعيس وهو لصالح الباترول الرساوة وهي لصالح الباترول ..

ابي رايكم وابي واحد يغسل مخي باحداهن ولكم مني الدعاء..


والله ولي التوفيق


كتب هذا العضو طربان وقد شاب شعره من الحيرة:(

[الصويتي]

وعليكم السلام و رحمة الله وبركاته



فالبدايه


الله يبعد عنك الحيره



ولكن اين الحيره فالموضوع ؟؟؟؟؟؟



أنت تقارن وانيت مع جيب باترول ياخي والله امرك عجيب !!!



توكل على الله وبيت النيه و عن البااااااترول لا يردك شي

خذها نصيحه


قبل لا تكووون شووور ...


الله يوفقك ويكتب لك اللي فيه الخير لك وللمسلمين ...

[الشهابة]

لو الهايلكس غمارتين كان قلت لك توكل على الله و خذها بس اذا هي غماره خذ الباترول

[شبح الصحراء]

اذا هي غمارتين دبل لا تفكر على طول خذ الهايلوكس خصوصاً انها جديدة وماهي مستعملة مثل الباترول ولا تنسى الحوض راح يريحك كثير في مكاشيتك .

[طربان على صوت]

ياجماعة الخير ,انا سمعت ان الباترول 4500 مايتعدا 160 هل هو صحيح ولالا؟؟

[google-999-]

على فكره فيه اربااع نياسين اصفار بالرياض في معرض نجد
وفيه واحد في مكشات مسوي اعلان يقول سيوم 77 الف

[طربان على صوت]

للرفع


واكرر سؤالي هل هو يدقر على 160

[الربذي]

للرفع


واكرر سؤالي هل هو يدقر على 160
الله يستر وبعد تبي اكثر من 160 اذكر واحد مثلك يقول مايتعدى 170مايتعدى 150 والان تحت الثرى رحمه الله وغفر له راح عمره بحادث شنيع بسبب السرعة
وساهر راح تروح كل ميزانيتك عنده يقلطك من 10كم

[باترول 4500]

إذا كنت راعي مكاشيت بعيد وراعي خطوط خذ باترول
اما إذا مكاشيتك قريب ومنت راعي سفر واجد خذ هايلوكس لأنه بتكسر ظهرك من المناقز

الباترول الربع مايتعدى 170 لاكن واحد من الشباب يقول إذا ركبت فرارت ومراوح كهرب يمشي اكثر

ومثل ماقال اخوي الربذي السرعة مابه خير

بالتوفيق إن شاء الله

[(((.ابوتميم .))))]

تذكر ترا الربع فيه دبل والهايلكس مافيه دبل
واذا جاء جنب قيرك قير عز الله ان تستانس وتروح للقريب وللبعيد في البر
اما اذا كانك روحاتك خفيفه خذ الهايلكس غماره ولا تقرب الغمارتين ابداا

[سرطوقا]

استخر وخذ اللي تفكر فيه والهايلكس اذا انت وحداني خذه

[طربان على صوت]

الله يجزاكم خير والله المقصد مهو السرعة بس شي بالنفس بعد مهو معقول جيب 6 سلندر اخر موديل مايتعدا 160 شي يقهر

ـــــــــــــــــــــــــــــــــــ
طيب احد يعطين رايه 70-75 وش تجيب لي من الجيوب 6سلندر (قير عادي-تايوتا او نيسان)

[مجنون نحم]

تقارن الهايلوكس بالباترول ؟؟؟!!!!

خذ باترول وش تبي بالهايلوكس ؟!!

[ابو مكازي2002]

خذ باترول ولا تشاور والله يوفقك
تحياتي

[patrol vtc]

عزيزي طربان ..

ان شاء الله تاخذ اللي يسرك , وولا تنسى الاستخارة ..

بالنسبة لممشى الباترول , يعدي بعد الــ ١٨٠ بالراحة اذا ما قداامك هوا ..
عن تجرربة طبعا بباترول كربليتر ٩٩ ..

اسئل الله لك التوفيق وتحصيل ما هو خير لك .

:)

[التعـ King ـديل]

باترول ولو كان اربع ابواب فتك عز الله انك راح تكون طربان اسم على مسمى

على قد فلوسك يجيب لك 2004 - 2005 يجيب لك فل كامل

ولو خذت السفاري ممكن توصل 2006

[المنيعي1]

للرفع


واكرر سؤالي هل هو يدقر على 160

أولاً شوري عليك باترول
ثانياً الـ 2008 و 2009 ماجربته بس كان معي 99 كبليتر مكينة 4200 مركب فرارات وبواجي يمشي 180/185
وبعده شريت 99 طويل بخاخ 4500 يعني نفس الربع الجديد بدون أي أضافات وكالة يصفط 190/195 براحة

[يريور عيمان]

يجيب 180 بالراحة اذا الجيب في كامل قواه
عندنا جيب سفاري موديل 92 كلبيتر ينزل 180 بالراحة فما بالك بواحد موديله جديد

[ابوصالح77]

الله يرزقك اللي يسرك