البنزين المناسب ل vxr

[قائد الاسطول]

السلام عليكم ورحمة الله وبركاتة

ممكن السؤال قديم ياشباب لكن المشورة زينة

شريت في اكس ار مديل 98 وراعيه الاولي ما يعبيه الى بنزين 95

طبعا الموتر على يد راعية من الوكالة ومن يوم طلعة ما غير نوع البنزين

عاد ياربع اخوي موتره 2003 في اكس ار وهو يعبية 91 من وكالته ويقول عب 91

والله اني تحيرت

السؤال هل المحرك نفسه اذا كان نفس المحرك اذا مافي مشكلة

علما انه مكتوب في الكتلوج 91 وما فوق

نبي شوركم يالربع لا تبخلوا علينا

[ن م ر]

الأفضل للاندكروزر كله هو بنزين 95

[يريور عيمان]

95 هو الافضل

[قائد الاسطول]

مشكور اخوي نمر واخوي يريور على المشاركة بالموضوع وننتظر بقية الاخوان

[Abo0od 77]

لالالالا تعبي الا 91

انا مجرب 95 ومجرب 91 الافضل من ناحيه البر والخط ولا يصرف بنزيم واذا دعستله ما يتفتف ....

تحياتي ... 91 الافضل..... وشكرآآآ

[سرطوقا]

بالتوفيق اخوي

[ربع خالي]

ال 91 يعطل عليك البلكات والانجكترات , ولما تكون السياره كسلانه وتدعس على الريس تسمع ضربات الوالات وهذا يعطل عليك المكينه ,, أما ال 95 لايعلا عليه وخاصه لل8 سلندر,
هذا الكلام عن تجربه وكنت أعاني من عدم توفر ال95 في المحطات البعيده وخاصه التي تتواجد في الربع الخالي , لأنهم مايجيبون الا ال 91

تقبل مروري
تحياتي

[عين حصنان]

91 ماهو زين يسوي ترسبات في البخاخات ويخلي المكينه فيها رجفه تقال بردانه

ويخلي البلوف لها طقطقه

ويطير بسرعه وظعيف عزمه

هذي الملاحظات صارت معي في كذا نوع من السيارات

مالك غير الـ 95 وبس الا اذا حدتك الظروف ومالقيت 59 عبي 91

والله اعلم

[البرتقالي]

91 سيء جدا لجميع السيارات عليك بـ 95 وبس

لو نحسبها حسبة بسيطة ونقول الفرق عشرين ريال اسبوعيا على 52 اسبوع سنوي
معناها الف واربعين ريال زيادة بالسنة
ماتستاهل المغامرة بـسيارتك

[قائد الاسطول]

اشكر الاخوان على مشاركة ارائهم وتجاربهم

الحقيقة انا حبيت اسمع تجاربكم قبل ما اغير نوع البنزين

وما قصرتوا يا اخوان الله لا يهينكم

[بروتون]

شف اخوي انتبه بنزين 91 بيخرب المكينه ويعدم البلوف ويعدم الظفيره وبعد الفحمات تخرب اسرع والكفرات تمسح بسرعه ويسوي تهريب في الهواء وحتى الجي بي اس يصير مايحدد مضبوط

والله ان الناس عجايب كل واحد يقول رايه بكل اريحيه ولاعنده دليل ولا شي وكن 91 ديزل موب بنزين
وانا ودي ااسمع ناس تتكلم بدليل والا تسكت لان المساله تتعلق بالمال وهو من الضروريات الخمس الي حفظها الدين يعني كلن يلزم حدوده ولا ينشر اشاعه تستمر اجيال من عنده لعنده
وبعدين الي يسال يقول مديل 98 اذا كان مصنع للخليج اشتر 91 لان وقت تصنيعه ماعندنا الا اوكتان 90 زائد رصاص ونصيحه للاخو الي يعاني من عندم توفر 95 يشتري من ساكو علب تزيد نسبة الاوكتان زي مايبي

[صقر نجد99]

والله ياخوك اعبي موتري 91 واكثر الناس اللي عرفهم يعبون 91 وماضرهم

واللي اعرفهة (95) عطيك مسافة اكثر من( 91) يعني ممشاة اكثر بالنسبة للاخراب الله يستر

وفية ناس اي شي يعبي 95 او 91 يقول يرجال عب ولا عليك وساتر الله عليهم كلة بنزين اختلاف في السعر

[مريقب العيفار]

انا معي vxr

وجربت ال 91 لكن حسيت انه غير مناسب للسيارة

وغيرت الى 95 وحسيت ان الوضع ازين من اول

وكان قبلها واحد من اهل التجربة ناصحني بال 95

[اهل الردات]

و91 الزين واحسن وخفيف ويصبر اما 95 هج عنه ريحته مروحه وثقيييييييييل مره تكل عجين

[عاشق الفكسار]

والله يا بعض الردود غريبه جدا

[كومبو]

كان معي فيكسار 2006 عبيت 95 ثم حولت 91 ومرتاح

[قائد الاسطول]

اشكر جميع الاعضاء اللذين شاركوا بارائهم وتجاربهم

والله حسيت يا خوان ان بعض الشباب يسلك معهم 91 وبعضهم ما يمشي معاه
لكن كل حسب رأيه واللي يلقاه زين

[vxr99]

91 لمدت 3سنوات ما شفت الا الخير