** الفرق بين محطات البنزين **

[منتعش]

السلام عليكم ورحمة الله وبركاته
حياكم الله أخواني الفضلاء وجمعنا وإياكم في الفردوس الآعلى .. آمين

أخواني :
سمعت كثيراً من الناس يذمون محطات البنزين التي يعطونك هدية ( منديل ) إذا عبيت عندهم بــ ( 15-30-000 )
ويقولون إنهم يضيفون ( جاز ) مع البنزين أثنا التعبئة .

وجربت مره عبيت موتري ( جيب لاندكروزر GX-R ) وكانت لمبة البنزين مولعة للتانكين .
وعبيت فل بسعر ( 170 ريال ) :confused:

وعبيت مرة ثانية من محطة مشهورة وجميع قطاعات الشرطة تعبي عندها - ماودي أذكر أسمها حفاظاً على شروط المنتدى -
وعبيته فل بــ ( 120 ريال ) :confused:
وأزيدكم من الشعر بيت وطول معي البنزين ماخلص .
وقمت وسألت المسؤول عن المحطة
وقلت له القصة اللي حصلت لي في المحطات اللي توزع مناديل هدايا .
وقال :
هذه المحطات يضيفون مع البنزين ( جاز )
أو أن صاحب المحطة لا يدري ولا يفحص البنزين اللي جاي يعبي محطته يمكن يضيف شي ولا يدري .
وسألته وأنتم كيف بنزينكم
فقال : جميع محطات ..... تفحص وتأخذ عينات وتختبر ثم يأمر بالتعبئة .

فمن باب الحب لأخواني أحببت التنبية على ذلك .
واللي يقدر يفيدنا ياهلابه .

[الدبل الثقيل]

يا اخوي وين Gxr ب 170 ريال والله ولو كان مافيه ولانقطه.. جيب الشاص لو كانت توانكه فاضيه مره... تفليلتها 162 ريال لأنه الشاص تانكيين كل تانكي 90 لتر مجموعها 180 لتر * 90 هلله = 162 ريال ... انا ما أكذبك لكن عمال المحطة اذا جاهم جيب او اي سيارة يكون تانكيها كبير مايكونون مصفرين العداد يعني قد عبوا لسيارة قبلك ب 10 او 20 ويحط لي البنزين فوق تانكي المحطة ولا يدخله في مكانه .. لأنه لو دخله في مكانه .. وجا يطلعه لابد يصفر العداد غصب عنه... ويوم يجي يعبيلك يكمل على القراءة السابقة اللي هي 20 او غيرها ويدفعك أكثر من اللي عباه لك ... وهذي للتحذير أكثر من يسويها XXXX في كثير من مناطق المملكة الله لا يسهل للحرامية..... والجي اكس ار اذا كانت توانكه فاضيه وسعر اللتر 90 هللة يكون الفل حقه تقريبا 126.9 لأن 90هللة * 141 اللي هي مجموع توانك الجي اكس ار =126 ريال .. لكن الفرق الحقيقي في المناطق يكون شبه بسيط مثلا في جدة اللتر 90 هللة بينما في حائل 94 هلله بسبب عدم وجود مصفاة ارامكوا الا في القصيم اذا ماني واهم.. وجزاك الله خير..

[مرقاب الشرق]

170 !!!!!!!! اكيد غشوك العمال انا معي Gxr افلله ب120 اذا كان فاضي انتبه لعداد المكينه في كل مره تعبي اخوي المنتعشه .

[منتعش]

حي الله أخوي : الدبل الثقيل
قد يكون كلامك صحيح أنه كمل الباقي .
بس أنا شايف التصفير للعداد .
التانكي الأول بــ 100 ريال والثاني بــ 70 ريال .
وأشكرك على مشاركتك الفعالة ، ودمت في رعاية الله .


هلا وغلا بأخوي : نجم الحق
أنا مثلك مستغرب عند الحساب .
وسرني مرورك على الموضوع والله يحفظك ويرعاك

[ابو عمر 87]

السلام عليكم
حياك الله اخوي المنتعش انا معي مثل موترك و افلله بـ120 ريال بس انت عبيت بـ170 ريال مهوب هذا يعني ان المحطه خالطين مع البنزين قاز يمكن سعر اللتر اكثر من ريال ..

ولا اذا بغيت تدري عن البنزين مخلوط ولا لا قوم الموتر بالثاني و تشوف اذا طفى هذا يدل على انه معه قاز و هذا على حسب تجربتي
و الله اعلم

[حرباش]

هلا بك اخوي منتعش واشكرك لأثاره هذا الموضوع

اذكر مره على طريق الرياض الدمام جيت اعبي ووجدت مشكله بين شباب موترهم كورولا وعامل المحطه اللي يعبي ، فنقزت وقصدي احل الموضوع وسألت احد الشباب عسى ماخلاف وش بلاكم فرد علي وقال ياخوي الهندي معبي بخمسه وخمسين ريال وعمر السياره ماتعدت 40 :eek: ، وطال النقاش بينهم وبين العامل واتضح انه مسوي لعبه في نفس العداد بحيث يعطي قراءه غير صحيحه ، فما كان من الشباب الا ان دقو سلف وخلوه ولا عطوه ولا ريال وزين انهم ماطقوه بعد :(.

تحياتي لكم :D

[مشغول]

هلا وغلا بالمنتعش

الحقيقة امر غريب انك تعبي بـ 170 ريال واظاهر ان العامل عبئ التانكيين وعبئ كرشك معه وإلا معقوله 170 ريال ...

انا الحين عرفت وش المشكلة .. هو عبئ لك 130 وانت على بالك بتسوي ذكي وتبي تصرف مثل العادة تجمع وتطرح .. انا قايلك لا تسوي هذه الحرك عطه الفلوس وخله يرجع لك الباقي ازين :D

اتوقع المرة القادمة بتعبي 270 ريال :p

[أبو يوسف]

المشكلة حماية المستهلك مكبرين الوسادة
والشكاوي على اصحاب المناديل كثيييرة
أحد الشباب يقول مرة وقفت سيارة خويه وراحوا يجيبون لها بانزين من اقرب محطة وكان لون البانزين احمر مايل للصفار شوي
أما محطة ... اللي ذكرتها اخوي فالبانزين احمر وردي
وكذلك ولد خالتي عبا سيارته ( كامري بخاخات ) من المحطة اللي بالدائري حاطين نصف سيارة فوق كديكور المهم ما مشي 50 كيلو الا والموتر بدا يرجف
طلع البانزين مغشوش ديزل وكلفه 400 ريال تنضيف بخاخات وخلافه

حسبي الله ونعم الوكيل
حسبي الله ونعم الوكيل
حسبي الله ونعم الوكيل

ومشكور اخوي على طرح الموضوع

[ماجد الشمري]

اخوي منتعش ..
مثل ما قالوا الاخوان فممكن يكون العامل ما صفر العداد ويمكن يكون سعر اللتر بالمحطة ليس 90 هلله .. ويمكن الاثنين مع بعض وانا شفت بنفسي محطات تبيع البنزين ب 95 هلله بأحدى الخطوط السريعة ... واكيد هناك طرق اخرى للعب بالعداد ..
المحطة اللي تقصدها هي نفط وهي اللي تعبي عندها الدوريات لكن ما ادري سمعت ناس ما تمدحها وعلى العموم لايمكن اروح لها لأني غالبا ان رحت اقابل لي هاك الجندي اللي يتفلسف علي ويسوي لي قصة ... والمحطة الثانية هي التسهيلات اللي فشلتنا حتى اني اشارك في منتدى سوالف وذاك اليوم مشرف عندنا بالمنتدى وهو اماراتي وكان في زيارة للسعودية ومصور بنفسه عملية غش صارت له .. فوالله فشلونا قدام العالم ....







اخوكم ماجد الشمري

[القصبي]

والله العظيم
لو اعبي من المحطة ويغشوني في البنزيم
ويخرب الموتر
هههههههههههههههه
ابمرح عندهم واخذ قيمة خراب السيارة وزود والمناديل ذلي كنة ورق دفتر اجدعها في وجيههم

[راعي الهواء]

انـــــــــا العبي من محطت نفط ولا عمره موتري جاه شي



الحمد للهabo_khlod@hotmail.com للاستفسار راسلون على الاميل

[منتعش]

حي الله أخواني الفضلاء
وأشكركم على تواضعكم ومروركم على الموضوع ومشاركتكم .

أخوي الغالي : أبوعمر87[/
size]
والله يمكن كلامك صحيح .
وهذه فكرة حلوة جزاك الله خير . :good:


[size=4]أخوي المحب : حرباش
يعني كلامك يدل أن فيه تلاعب في محطات البنزين .
وين حماية المستهلك من هذا التلاعب ؟؟ :j


مراحب أخوي الغالي أبوعبدالله ( مشغول ) الله لايشغلنا إلا في طاعته .
هذي المرة بمشيها لك عشانك قادم على شي أسأل الله لك التوفيق والعون والسداد :heart:


أخوي العزيز : أبويوسف
هذي هي المشكلة والطامة . :no:


أهلين وسهلين بأخوي المحب : ماجد الشمري
طيب أخوي ماجد وش الحل مع هؤلاء أنا وأنت نعرف وخذنا درس ، بس الثاني والثالث وش يسون :confused:
أما المحطة اللي تكلمت عنها فليست نفط والا التسهيلات .
بل هي (( الدريس ))


أخوي الغالي : القصيبي
إذا وقع الفاس في الراس وش الحيلة .


أخوي المحب : راعي الهواء
أنا ما قد جربت نفط ، بس إذا كنت تمدحها فسوف أجربها إن شاء الله .

[nahham]

عز الله اني مجرب

افضل بنزين وارخص بعد يعني ما فيه تلاعب

من محطات ................. اللي كل الحكومه يعبون منها

يمكن لانهم متعاقدين مع سيارات الحكومه ويتم الفحص باستمرار

[منتعش]

ياهلا ومرحبا بأخوي الغالي : nahham

ودامك مجرب أستمر عليها .
وقال لي المسؤول عن المحطات : ما تعرفون الفرق إلا بعد سنتين إذا خرب عليك موترك من كلبليتر وغيره .
وأنا واحد من اللي ما يعبي إلا عندهم بأستمرار .
أشكرك على مرورك الطيب .