سعر الهايلوكس 2011!!!

[ABOo0oOS3D]

ياخوان معليش بادخل عرض انا رحت لعبداللطيف في أول طريق الملك فهد وأخذت تقسيط هايلوكس دبل قال سعرها بـ 91ألف ومع التقسيط تعدت 130 ألف عسا ماهو بغاشني ............... قلت له ابيها فل كامل قال أعطيك معها شاشة وكاميرا خلفية قلت لا بس فل كامل ماعدا الشاشة والكاميرا الخلفية مواعدني استلمها الأحد الجاي ........ افيدوني قسطها بـ 2300 وشوي مع دفعه اخيره 26الف

[حزوبر]

السلام عليكم
مادامك شريت نقولك مبروك وجعلا قدم السعد عليك، وتعينك على طاعة ربك، وتنفعك في حياتك، ويكفيك شرها
أخي العزيز والله غاليه حيييييييييييييييييل، سعرها وقصدها
أنا معي الهلي دبل وقير تماتيك
لو تبي شوري ، دور لك مستعملة بحدود الستينات، 2009 واشترها تقصيد ، بالتورق، وبياخذو منك فايده عشر الاف على سنتين إلى ثلاث
أما عاد 130000 والله جريمة، 40000 ريال فائدة ، حسبي الله عليهم
أنحش تكفى اذا في مجال للههروووووووووووب من عبد اللطيف
إلى متى ونحن ضحايا لجشعهم، علشان سياره!!!!!
مستعمل نظيف وتوكل على الله

[أبو نـآيف]

يوم شريت جيت تشاور

الله يعطيك خيرها ويكفيك شرها

[بو يو سف]

يوم شريت جيت تشاور

الله يعطيك خيرها ويكفيك شرها

شي راح ومضى

[دل البحار]

لو قبل الشراء الاستشاره
لكن توكل على الله والله يوفقك في شريتك

[قمة افرست]

اخوي مبروك وجميع الشركات نفس النظام في مايخص نظام التاجير المنتهي بالتملك
السيارة عليها تامين وضمان شامل وهذا طبيعي يرفع سعرها يعني لو لاقدر الله عملت حادث فقط تتصل عليهم
ويشيلون السيارة ويصلحونها لك واذا ماتتصلح بيعوضونك
هذا الي رافع سعر سيارات التاجير المنتهي بالتملك
وهذا مايعني انها رخيصة او نظام الشركات بالتقسيط الغير مؤمن رخيص ولاكن هذا نظام تعودناه من اول مابدا التقسيط استغلال لحاجة الناس
انت شريت تستخدم استخدم السيارة الله يعطيك خيرها ولاتفكر بسعرها دام تخدم وانت محتاج ومظطر تشتري
لوحسبتها حسبة بسيطة بتلقاها قريبه من بعض
لنفرض اخذت قيمتها من البنك بنظام التورق بيحسبها عليك 100الف وشوي يصير الفرق تقريبا 25 الف ريال
وهذه قيمة التامين فلاتشغل بالك في شي فات

[المسعودى 900]

مبروك ماشريت

والاستشاره الان لاتضيق صدرك دامك شريت

والأن توكل على الله

والله يقضى عنا وعنك والجميع

[كريم الطباع]

مبروك ماشريت

والاستشاره الان لاتضيق صدرك دامك شريت

والأن توكل على الله

والله يقضى عنا وعنك والجميع

:good2::good2:

اللي يبي يشاور قبل لا يشري مهب بعد ما يشري >> ماتقدر ترجع ولا تقدم

[اسبيدر مان]

اخوي مبروك وجميع الشركات نفس النظام في مايخص نظام التاجير المنتهي بالتملك
السيارة عليها تامين وضمان شامل وهذا طبيعي يرفع سعرها يعني لو لاقدر الله عملت حادث فقط تتصل عليهم
ويشيلون السيارة ويصلحونها لك واذا ماتتصلح بيعوضونك
هذا الي رافع سعر سيارات التاجير المنتهي بالتملك
وهذا مايعني انها رخيصة او نظام الشركات بالتقسيط الغير مؤمن رخيص ولاكن هذا نظام تعودناه من اول مابدا التقسيط استغلال لحاجة الناس
انت شريت تستخدم استخدم السيارة الله يعطيك خيرها ولاتفكر بسعرها دام تخدم وانت محتاج ومظطر تشتري
لوحسبتها حسبة بسيطة بتلقاها قريبه من بعض
لنفرض اخذت قيمتها من البنك بنظام التورق بيحسبها عليك 100الف وشوي يصير الفرق تقريبا 25 الف ريال
وهذه قيمة التامين فلاتشغل بالك في شي فات

نضام ابوجميل في التأمين كلاتي
اذا صدمت في السياره لا سمح الله يقيمون السياره لك ولا يوجد اليه للتقييم يعني "اخراص" اذا كانت تكلفة تصليحها تساوي نصف قيمة السياره سليمه مستعمله بسوق ما يصلحونها على التأمين اما اتصلحها انت على حسابك او يسحبونها منك ولا تاخذغيرها الا بعد سنه من سحبهم لسياره
اخوي طلع كامري 2006 على وقتها وبعد سنتين سوى حادث فيها قدرو قيمة التصليح بـ24 الف فقالو له اما اتصلحها على حسابك او نسحبها منك وبعد سنه يحق لك تاخذ غيرها وجلست السياره عندهم اسبوعين بالحوش وحنا نحاول فيهم لكن مافيه فايده وبعدين قلنا نبي نصلحها على حسابنا ويوم جبنا سطحه نبي نشيلها حصلنا الكمبرسر حق المكيف والتكايات الخلفيه وراس العكس مسروقات من السياره وجلسنا حنا واياهم اسبوعين ثانيات وحنا نطالب ونرسل خطابات لكن مافيه فايده اخذنا السياره وجبنا لها قطع من تشليح الحاير وكلفت 11 الف وكسور طبعا اخوي صادم بعير

[ABOo0oOS3D]

الله لايهينكم على التفاعل وشاااااااااااااااااااااكر لكم

والله يبارك لنا فيها وللمعلومية أنا وأخوي متشاركين في قسطها شاااااااااااارينها للوالد

بيض الله وجيهكم

[أبوفهد الشمري]

جريمة والله جريمة

يارجل اذا انحديت خذ قرض من بنك الانماء وفايدة اقل

واشتر كاش


عبداللطيف كلنااااااااااااا يااااااااااااااااانااااااااااااس

[((ابوملاك))]

والله اني كنت بقول واقول وانقهرت على هالسعر

لكن مدامها للوالد

يستاهل ال 200.000

ولا هي خسارة فيه

الله يخليه لكم

[VXR.2007]

مبرررووووك