مشتـــــاء ومقيــــــاض

[السرحان]

أهدي هذه القصيده الى شباب المنتدى جميعا وهي من نظم الشاعر الكبير عبدالعزيز الرشيدي أرجوا ان تحوز على رضاكم ..... والصوره أخذت قبل سنتين في منطقة الدبيه على ما أذكر مع الوالد حفظه الله والجماعه أعادها الله علينا وعليكم باليمن والبركات


مــــــــن نو بارقه بالدجاء ناض "=" يالله عسى هاك الديار محضوضه
يسقي القهد من ماه ويعلك فياض "="من نوء برق يشرح الصدر نوضه
منه الخزاما والنفل والزهر فاض "="والشيح قيعانه تبدل بروضه
حتي إليا مني سمعت القطا جاض"="طيرا وغنا به مع الصبح فوضه
أنا خوي البر مشتاء ومقياض"="أنا بدوي في جانب البئر حوضه
آرد واصدر عزبتي دلو وحياض "="وشداد مركاء السلاح معروضه
أشوم وافزع في طويلات واعراض"="وأهوم هومة حر وانهض نهوضه
وعشقت دار كلها حزوم ورياض"="عشق ما عمره مر طاري نقوضه
وعشقت دار صيدها برضها راض"="لأمرهها مهاجر تردي ركوضه
تلقاء لجزلات الحباري تنهاض "="مرباعهن عن كل صجه وضوضه
وتلقاء القطاء له بالنوازي تعراض"="لامن عرض بالحزم محلا عروضه
يا عاذلي لا تقول لي شمس ورماض"="ما غيرها عشق لدار يعوضه
وباق الدير لاونها تجلا المراض "="والله ما تساوي بعيني بعوضه



http://www.mekshat.com/pix/gallary/data/images/b.jpg

[السـبار2]

تلقـاء لـجـزلات الحـبـاري تنـهـاض "
00000000000000"مرباعهن عـن كـل صجـه وضوضـه

ابيات جميلة والله يسمع من راعي القصيدة ويغيثتا بالمطر النافع في جميع انحاء

بلادنا

[ابو عمر اللاحم]

صح لسانك يالسرحان - ولو اثرك راعي معنا صفت ادلال وبرقان مشاء الله عليكم هذا الشغل ولا بلاش والله يعود علينا بالخيرات والربيع والامن والسلامه .

ولك تحياتي .

[السمح]

وش هالزين .. وش هالروعة .. شي حقيقة يبهج النفس ويهيض المشاعر .. جمال القصيدة بكل ما تحمله من كلمات وصور معبرة وخيال مجنح تدل على جمال وحسن ذوق الناقل عضونا الغالي ( السرحان ) .. سلمت لنا يابعدي يالسرحان وعسى الله يكثر خيرك .. ماهي بغريبة عليك ..
كما أن الصورة المرفقة جميلة ومناسبة للقصيدة .. وذكرتنا فجريات الشتاء بعد صلاة الفجر والجلسة على الضو والقهوة والقدوع .. ( متى على الله تنطفي جمرة الصيف ) ..
سلمت لنا .. وننتظر منك الشيء الكثير .. وأنت أهل لذلك ..

تقبل تحياتي

[الحزين]

السرحاااااااااااااااااااان ,,,, شسويت فينا اكثر من روعه وهاذي عوايدك اذا اشتهيت يطلع منك ابداعات مميزه ,,,, اعرف ان مشاغلك كثيره ,,,, لكن حنا طمعانين بالمزيد اذا,,,,,,,,,,,,,,,,,,,,,,, فضيت الله يحفظك

اخوك الحزين (اصبح سعيد بعد الصوره)

[السرحان]

أسعد الله ايامك يالحزين والله يخلي المنتدى والقائمين عليه يوم انهم افرحوك
ولو لم يكن الا هذه فكافيه والله يعطيك العافيه....
______________________________

الأستاذ الفاضل / السمح .
العين ما تعلى على الحاجب وأشكر لك إطرائك الجميل ومشاركتك وسام للقصيده وناقلها
ولو لا إبداعاتك ما أبدع الاخرون ولست منهم .
______________________________
الاخ نهار ...... نحن على العهد باقون وعلى الخط موجودين
________________________________
أمت .........كلك ذوق وبركه والله يسمع منك

[عبدالعزيز الدباسي]

صح السانك يا السرحان ، ، ،

الحقيقة القصيدة رائعة جداً بروعة ناقلها ،،،، سلمت يداك يا السرحان .

واللي اكمل جمال القصيدة شبة النار وصفة البغداديات ،،،،

آه يا زينها من ايام

[السرحان]

مشكــــــــور يالشقردي وعسى الله يحفظك
وأهنيــــــك على قوة ملاحظتـــــك وخبرتك العريقه في هذا المجال ...!!!
وعسى الله يعيدها .......... أيام جميله وحلوه .

[رحال]

انت :good: :good: :good:
مساك الله بالخير اخوي (((( السرحاااااااان )))) وقوااااااااك الله يابعدي والله انها قصيده حلوه مره
والله انك اطربتنا بهذي القصيده الرائعه وبالتوفيق وإلى الامام ياصاحبي وبالتوفيق يالغالي.
تقبل تحياتي يالسرحان
اخووووووك الرحاااااااااااااال


http://pix.mekshat.com/imagesupload/images/RAHAAL.jpg