هل حصل انك سحبت سيارة او انسحبت؟ شارك بخبرتك انا افداك!

[سعلي]

بسم الله الرحمن الرحيم


وحياكم الله أعظاء وزوار منتدانا الرائع


الكثير منا لابد ان حصل له موقف بل مواقف خرب عليه الموتر او غرز ومن هذا القبيل
واحتاج الفزعة لسحب سيارته
وكذلك يمكن احد طلب منك تعاونه وتسحب له السيارة من الورطة الي طب فيها!!


فهذا موضوع احببنا كل يدلي بدلوه بقصة حصلت له ويعطينا المستفاد منها وماهي الطريقة الخاطئة او الصحيحة في تجربته


اعطيكم موقف واحد والباقي في ردود قادمة ان شاء الله:
كان معنا هيلوكس غمارتين وجينا بمكان منخفض ورباضة بين الطعوس يعني لازم طلوع من جميع الجهات واضطرينا ننتعها بالجيب لين ظنيت ان الشاص بينخلع لكن سلم الحمد لله. الطريقة الخاطئة النتع بقوة والافضل في هذه الحالة الصبر شوي شوي وتنسيم الكفرات.



اترككم مع المقاطع ولو انها مضحكة لحد ما لكن ماكانو يتوقعون بيحصل الي حصل.


أخوكم سعـــــــــــــــــــــــلي

=هذا يسحب سيارة بالثلج
http://www.youtube.com/watch?v=vO1jsO9MrnM

وهذا واحد واثني
http://www.youtube.com/watch?v=lgYBScMASRs&feature=related

وهذا شوفو ايش بقي له من سيارته راحت ملح

http://www.youtube.com/watch?v=HJA3J--g_yI&feature=fvw

[السلمان2010]

الله يعطيك العافيه على المقاطع المضحكه المبكيه
مع الملاحظه انه تم وضع واير السحب في مواقع خاطئه او السحب بطريقه غير صحيه
اخي الكريم قد تحتاج الي النتل (نتع )في كثير من الاحيان وخاصه اذا كانت السياره اللتي
تريد سحبها عالقه

[DIVE STAR]

والله يا اخوك انا معي شفر تاهو باب واحد دبل

مرفعه ومركب له دعامات

يعني يا ما سحبنا في العالم في البران لين قلنا بس والحمد لله

واذكر مره وحده اللي تعبت فيها وانا اطلع سيارتين مغرزه قبال بعض فوق تبه

وحده سفاري السلف خربان ومتعطل فوق طعس على الساحل

والثانيه شاص طلع فزعه لخويه يحسبون الدعوى بطاريه

وطلع عمود الدبل حق الشاص مفصول

حلها عاد موتر سلفه خربان يبي له سحب ونتع

وموتر متعلق ومغرز ودبله مفصول

ووجيههن متقابله

الله يسلمك نسمت كفراتي

وحاولت بكل الطرق ومن جميع الزوايا وحبه وحبه ونتع

الين طلع الشاص وحلينا نص المشكله

والسفاري جيته من الجهه الثانيه بشويش وسحبته على رواقه لانه مو مغرز

ويوم استوت الارض شوي نتع الرجال الموتر واشتغل ولله الحمد

هذي اغرب قصه سحب حصلت لي

واما دف السيارات في السيول والمتعطله في مخارج الخط السريع

عد واغلط

ههههههههههههههههه

ومن يوم طحت في الدبلات من 8 سنوات تقريبا ولله الحمد ما احتجت سحب او دفع

من قبل الله لا يوريك كل شوي ناشب لي في طعس

تحياتي لك واسف للاطاله

اخوك - ابو فهد

[جوالة]

الله يبارك فيك مقاطع خطيرة خاصة الأخير

[ابو باااسل]

تعتمد على مكان وضع السبته وفيه هوكات تتحمل وفيه هوكات لا حسب الموتر انا عندي الهوكات الاماميه منعوجه من كثر النتل

[عاشق السيل]

المقاطع الثلاثة كلها تدل على غباء وعدم خبرة اللي يسحبون !!

المقطع الأول : شبك الواير بالصدام وهذا خطأ والواير دائما يشبك بالشاص ،، الخطأ الثاني إنه مناطح الثلج والمفروض يسحب بالجهة الثانية !!

المقطع الثاني : الخطأ الوحيد شبك الواير بالصدام !!

المقطع الثالث : طريقة السحب غلط في غلط والمفروض يجي من يسار السيارة لأن الجهة اليمنى غاطسة بالطين ،، وبصراحة ماتوقعت إن الشيروكي ردي إلى هالدرجة !!!!! وأعجبني الحوض الديزل اللي يسحب نعنبوه تقول بلدوزر !!



بالنسبة لي انسحبت سيارتي مرتين فقط وأنا سحبت مواتر مئات المرات ولله الحمد والله يبلغني الأجر ،،

موقفي بالسحب : آخر مرة سحبت هايلكس غمارتين مثولث والطريف إنه كان فيه أطفال يدفون من الجهة اليمنى وأنا أتل الموتر من الجهة اليسرى ويوم تحرك الموتر كلهم طاحوا على وجيههم ههههههههه الحمد لله محد أصيب !!

شكرا لك يالنشمي على طرح الموضوع وعلى المقاطع المضحكة وتقبل مروري ومشاركتي يالغالي ....

[عاشق القطا.]

السحبات وآجد ولله الحمد لم يكن هناك شيء
لكن انا قد انسحبت

- كنت وسط وآدي وتعرفون الوادي فيه بطحا ومعي سفاري91 نمشي وسط الوادي ونتصيد حجل المهم جينا بنطلع على الجال ونركب الرمثه عاد كبيره يسمونها كوالا من كبرها والسفاري كان نازل ولا معنا عده ولا عفريته ولا هم يحزنون وينطلق احد العيال كان في مزرعه تبعد 5 كيلو وياخذ مويه ويمشي بين العروق لين وصل لها لحاله كان الوقت عالمغيب يعني لو تاخر الخوي امسينا في محلنا ولا فيه ارسال وينادي راعي المزرعه ولحسن الحظ ان راعي النزرعه ساكن فيها ويجي ويطلعنا ومن عقبها يايات استراليات وكفرات بالون وجنوط16 والعدة 24/24 موجوده . وهذا المفروض اللي لازم يكون

[أبوتركي الخالدي]

الله من مرة سحبت سيارة

والله بعد من مرة سحبو سيارتي الرجاجيل الطيبين

ولا أنسى مرة شهر 6 الماضي أيام الأمطار عند قصور المقبل

طحت لي بمطينة عند غروب الشمس

فزع معي رجال ونعم به جعفر القحطاني - أدعي له كل وقت-

ولاتعدى لين طلع موتري مع انه مطر ومطينة وحالة الله يعلم

الله يسهل أمره

[S4500]

الحمد للة انسحبت مرة كانت السيارة متعلقة و جاني راعي شاص و ما قصر الله يبيض وجهه


بس صار لي موقف مخيف كان بنسبة لي

طلعت انا و ولد عمي للبر وكان قبل العشاء بشوي وانا بين طعوس ولا كان فية ناس واجدين ( ينعدون بالاصابع )
واشوف من بعيد رجال وسبع حريم ببشوتهم يئشرون لي وانا و ولد عمي
طقتني ام ركب قالي ولد عمي رحلهم قلت اصبر خلنا نتاكد انهم مو قطاع طرق او جن ( اعوذ بالله )
وصرت ادور سيارة لهم من بعيد علشان اتاكد انهم صدق محتاجين مساعدة وفعلا والقى جمس قديم مغرز مرة و اروح لرجال وسلمت علية و قالي ابيك تسحب الجمس قلت هذي سهلة وشبكت الواير وجلست ربع ساعة علشان
نطلع هالجمس والله ولد عمي يسوق جمس الرجال و انا بسيارتي و هالجمس مليان عفش ( شكلهم مخيمين )
وطلعناة من تغريزتة و مشينا معة الين وصل للازفلت

[aboeyade]

هذا إقتباس لأحد مواضيعي بأحد المنتديات



السلام عليكم ورحمة الله وبركاته
صباح الخير للأعضاء المحترمين

أثناء تجولي هالصبحية باليوتيوب شاهدت مقطعين
ضحكت لما عجزت منها وقلت أنقلها لكم لتعم الفائدة وخصوصاً لمقطع السحب الأخير
لأن الرجال ما يعرف عن السحب أو النتل إلا إسمه فقط لأنه لم يراعي الآتي :
1/ قدرات سيارته .
2/ قدرات واير السحب .
3/ الطريقة المناسبة لمثل موقفه وذلك بمحاولته نتل (شقل) الوايت .

أتمنى لكم مشاهدة ممتعه

ZUixVmOhR5U


EL2P-yGx92Q

[ملك الفكتوريا]

بصراحة موضوع ممتاز


أنا بحكم ان سيارتي سيدان وهي كراون فكتوريا وقليل دخلاتي للطعوس ومع ذلك لابد من المواقف العصيبة والمضحكة


مره طلعنا انا واخواني وولد عمتي جاي من جده للثمامه والمهم ان الشيطان دخل براسي ان ادخل بالنفود أكثر

والله ونغرز وننزل وطبعا اول ما غرزت وقفت عشان ما تعلق على الدفرنس

المهم اني طلعتها بالريوس وركبوا وغرزنا


قلت لهم اجل الحقوني للردمية ونطلعها مره ثانيه وعلى الدي وشغلت الاوفر درايف ودعست للردميه وقعدت نص ساعه انتظرهم هع




والثانيه انا والاهل وغرزت بمكان غبي وطبعا شغلت الاوفر درايف وطلعت مهارات القياده والقوة بسم الله عليه




لكن الدف عد واغلط وخصوصا سيارات تويوتا الجديده الكراتين



بس بذكر المهم


الاولى بالدائري الشمالي راعي كورا ومعه اهله متعطل ودفيته للمحطه

والثانيه بطريق الخرج راعي ماركيز 97 انشق الرديتر ودفيته للمحطه

والثالثه شايب معه ياريس بخريص طفت عليه ودفيته وانواع الدعاوي الله يحفظه



وما اذكر ان احد ساعدني الا مره وحده مغرز بكراسيدا وطلعني راعي شاص الله يذكره بالخير

[Ra3i.mekshat]

بصراحه انا ماقد انسحبت ولله الحمد

بس ياكثر ما سحبت ودفيت مواتر بدعامه موتري الهايلكس الدفرنسين الديزل
و(الثاني في اكس ار مره وحده سحبت فيه)

واذكر ايام السيول :l في الرياض قبل سنه تقريبا حوالي طلعت 4 سيارات
وحده بانوروما وفان وسيارتين مطعم :D
والحمد لله ان موتري ديزل لان والله يشهد ان المويه مغطيه الكبوت وهو ماشي والمواتر الثانيه طافيه
وكبر براسي الموتر بس تبون الصراحه من اليوم الثاني رحت وغيرت الارضيات
علشان ما تخيس من المويه اللي دخلت

تقبل مروري
أخوك : فتى الخوالد :good2:

[الربذي]

والحمد لله سحبت وانسحبت والقصص كثيرة اذكر مره تذكرون المرءه الي طاحت بالسيل بحائل وانقذوها شباب اكرمهم خادم الحرمين حفظه الله يوم جاء الشعيب عرفت انه قوي لان السيل ياخوان يمشي بسرعه 20كم تصدقون ومصوره بس ماادري امسح الا فيه راعي ددسن مغرس والناس تصدقون انحاشت عنه وتركوه وحيدا اشفقت عايه وعشقت الدبل وطبيت وانزل له يوم قربت السياره واحط الواير والسيل على بدايته قوي مره ومغير متمسك بالسياره لين ركبت وجريته من الخلف يوم طلع وهو يلف يسار مره ويحط رجله قبل مااحل الحبل وطلع عمره شاب صغير تقريبا 14سنه هو من الخوف والارتباك لف ومشى بسرعه عقبني والواير معه مربوط بسيارته مافكيناه وينتلني نتله كادت السيارة تقلب الي معي نزل يهاوشه ويلعن فيه وانا اهديه يقول مساعدينك وبغيت تقلبنا بالسيل والحمد لله انا عاذره ونزلت اضحك وفكيت الواير والماء دخل بالسياره من شدة السيل وهربنا باخر لحظه وسحب السيل بعدنا سيارات كثيره بعضها انعدمت

[سرطوقا]

الحمدلله على سلامة الجميع

السوالف واجد وانا اخوك ، نسحب وسحوبين لازم تخبر الرباضات شينه ونطيح فيها بعض الاحيان ونطلع انفسنا من غير سحب


المشكله الطين لاطحت فيها انشب لاتحفر ولا تسوي شي



اشكرك على الوضوع والله يحفظ الجميع


على فكره ترى حلاة الطعوس والنفود التغريز

[سعلي]

الله يعطيك العافيه على المقاطع المضحكه المبكيه







والله يا اخوك انا معي شفر تاهو باب واحد دبل


مرفعه ومركب له دعامات
واما دف السيارات في السيول والمتعطله في مخارج الخط السريع


عد واغلط


ههههههههههههههههه


ومن يوم طحت في الدبلات من 8 سنوات تقريبا ولله الحمد ما احتجت سحب او دفع


من قبل الله لا يوريك كل شوي ناشب لي في طعس


تحياتي لك واسف للاطاله


اخوك - ابو فهد




الله يبارك فيك مقاطع خطيرة خاصة الأخير


تعتمد على مكان وضع السبته وفيه هوكات تتحمل وفيه هوكات لا حسب الموتر انا عندي الهوكات الاماميه منعوجه من كثر النتل


المقاطع الثلاثة كلها تدل على غباء وعدم خبرة اللي يسحبون !!
شكرا لك يالنشمي على طرح الموضوع وعلى المقاطع المضحكة وتقبل مروري ومشاركتي يالغالي ....


السحبات وآجد ولله الحمد لم يكن هناك شيء
لكن انا قد انسحبت



الله من مرة سحبت سيارة

الله يسهل أمره


الحمد للة انسحبت مرة كانت السيارة متعلقة و جاني راعي شاص و ما قصر الله يبيض وجهه
وطلعناة من تغريزتة و مشينا معة الين وصل للازفلت


هذا إقتباس لأحد مواضيعي بأحد المنتديات


بصراحة موضوع ممتاز

وما اذكر ان احد ساعدني الا مره وحده مغرز بكراسيدا وطلعني راعي شاص الله يذكره بالخير




بصراحه انا ماقد انسحبت ولله الحمد


تقبل مروري

أخوك : فتى الخوالد :good2:



والحمد لله سحبت وانسحبت والقصص كثيرة اذكر مره تذكرون المرءه الي طاحت بالسيل بحائل وانقذوها شباب اكرمهم خادم الحرمين حفظه الله يوم جاء الشعيب عرفت انه قوي لان السيل ياخوان يمشي بسرعه 20كم تصدقون ومصوره بس ماادري امسح الا فيه راعي ددسن مغرس والناس تصدقون انحاشت عنه وتركوه وحيدا اشفقت عايه وعشقت الدبل وطبيت وانزل له يوم قربت السياره واحط الواير والسيل على بدايته قوي مره ومغير متمسك بالسياره لين ركبت وجريته من الخلف يوم طلع وهو يلف يسار مره ويحط رجله قبل مااحل الحبل وطلع عمره شاب صغير تقريبا 14سنه هو من الخوف والارتباك لف ومشى بسرعه عقبني والواير معه مربوط بسيارته مافكيناه وينتلني نتله كادت السيارة تقلب الي معي نزل يهاوشه ويلعن فيه وانا اهديه يقول مساعدينك وبغيت تقلبنا بالسيل والحمد لله انا عاذره ونزلت اضحك وفكيت الواير والماء دخل بالسياره من شدة السيل وهربنا باخر لحظه وسحب السيل بعدنا سيارات كثيره بعضها انعدمت


الحمدلله على سلامة الجميع

السوالف واجد وانا اخوك ، نسحب وسحوبين لازم تخبر الرباضات شينه ونطيح فيها بعض الاحيان ونطلع انفسنا من غير سحب

على فكره ترى حلاة الطعوس والنفود التغريز

يعطيكم العافية وشكرا على مروركم
ومنكم نستفيد
وهذي ميزة مكشات فيه تفاعل
الله يجزاكم خير
وذا كان الواحد احتسب عندالله مساعدته للناس فيبشر ان الله لا يضيع اجر من احسن عملا

في انتظار المزيد من الخبرات ولا ننسى نذكر الصح او الخطا في خبراتنا
احيانا يمكن الواحد جلس ساعة يطلع موتر بينما فيه طريقة اسهل لا يخرب موتره ولا موتر غيره

تقبلو تحياتي ومحبتي

[الـــهـــواوي]

والله انا سحبت لي النترا مغرز مدري وش جابه فوق راس الطعس

المهم اني سحبته وانعدم عندي الكلتش بس ان شاء الله اخذت اجر في اخراجه

[الربذي]

يااخوان على طاري السحب انا من عرفت الجيوب وانا اسحب فيهن جيوب وغيره طبعا القير عادي
لكن الان اشتريت الله يجيركم فتك قير توبترونيك هل اقدر اسحب عليه احدوش رايكم يضر ولا لا

[لحظةوداع]

ياما سحبت ناس وياما سحبوني الناس
التعاون مطلوب بين عامة الناس

[moooj]

ياما-سحبنا-وانسحبنا
لكن-لا-ثم-لا-تسحب-احد-على-ورا
والا-سلم-على-الدفرنش

[سعلي]

شكرا لكل من شارك ولازلنا ننتظر المزيد

اتحفنا ببعض الاخوان بتنبيهات قد تحدث مثل:

تحرك الشاص - الدفرنس - القير - الاجزاء الميكانيكية

وسنقوم بتفصيلها فيما بعد

ولكن لازلنا في انتظار المزيد من المشاركات
وياليت كل واحد يذكر قصة حصلت له ومايستفاد منها ان كان صح او خطأ

ويعطيكم العافية

[عاشق الجمس78]

يعطيك العافيه