متى نشوف ورش عندنا مثل كذا

[جديعان]

السلام عليكم ورحمته وبركاته

هل يوجد بالمملكه مثل الورش هذي
ما اعتقد

لو بغيت اسوي ورشه مثل كذا كم تتوقعون بتكلف فيه واحد من العيال مههووس مكانيكا وترهيم يبي يسوي ورشه مثل كذا والقروب سعودي لكن ما رده الا الفلوووس الله يرزقه انا اللي قاهرني اي قطعه يطلبونها تلقاها عندهم حتى موديل 65 ياخذ1ون القرنبع وخلال اسبوع وهي جديده وكااااله
لو بغا مكينه كامله يطلبها وتجيهم
حنا سلف حق ددسن 82 يا الله تحصله هههههههه الله المستعاااان

اليكم المقاطع وعطوني الراي



1HAYxr7sDLU




ooi_qA9mxI4







SXLsyGZ6vJY

[جديعان]

0ufFe-GO7z0






lYW1zZ7M8IM







iO0QvgmqENo

[جديعان]

افاااا 22 مشاهد ولا رررد

[جديعان]

لا و85 ولا مشاااركه

[االكريزي]

والله لنبطي وناخوك ماجتنا ورش كذا

تقبل مروري

[جديعان]

هههههههههههههههههههههههههههههههههههه الله يقطع ابليسك طيب ليش التحطيم يعلم الله لو يفتحون المجال والدعم من الشركات ان تحصل الشعب السعودي افضل من كذا
من ناحيت الابداااع والشغل بتحصل انا اعرف كم واحد ما شا الله لكن لا حياة لمن تنادي

[هوايتي مكشات]

افلقني اذا شفت زي كذا

[جديعان]

هههههههههههههههههه ليش التحطيم افلقني ونبطي هههههههههه

الله يستر من الجاااي

[سرطوقا]

شكرا على المقطع

السعودي يمديه يصنع طياره وش المشكله :)

[بواردي الدلم]

شكرا على المقطع

السعودي يمديه يصنع طياره وش المشكله :)


المشكله واضحه وانا اخوك خصوصا إذا لاقاك الهواء

مادام السعودي يربي الكرشه ماراح يفتح ورشه
:D :D :D

[باترول 4500]

والله إذا توفرت الماده لبعض الشباب السعودي لفعل أفضل من هذا
لأني أشوف بعض الشباب عندهم ورشات ترهيم يعني عندهم أفكار خياليه يسوونه في السيارات لاكن طبعا ترهيم خفيف لأن الماده غير متوفرة لفعل أشياء كبيرة

بالتوفيق

[Bader-M]

يجب التفريق بين بلد مصنع و بلد مستهلك
وكذالك الامكانيات المتوفره لديهم وايضا التعليم المتطور الذي ينقصنا بهذا البلد ولا تنسى عامل اللغة وهو مهم جدا
حيث اغلب الكتلوجات و الشروحات و المعلومات مكتوب بالانجليزي واغلبنا للاسف لا يطقنها
تقبل مروري

[حلم الحماد]

ماهنيالك الا البنغال لا وبالمنه

حبيبي حنا نسال و ش احسن غاز واحسن تانكي نبطي مانتطور

[YUKON_GMC]

فيه ناس عندهم الهوايه هذي بس مكلفه مادياً ولايوجد دعم ...

اللي انت تشوفهم بالفلم مدعومين بآلاف الدولارلات من التلفزيون وصاحب السياره مادفع ولاهلله

لكن عندنا العكس ..............
صاحب السياره يدفع ثلاث اضعاف سعرها أو اصلاحها الحقيقي والتلفزيون حتى يجري معك لقاء خمس دقائق لازم تدفع له 15 الف ريال

[بريداووي]

وفر الماده بتشوف احسن من تسذا :)

كون بخير

[النتاوي]

الله يشفق بحالنا ..

[جديعان]

والله اذا انكم كذا تحطيم واعتماد على الغير انسا ورش مثل كذااااا

اتمنى اكون اول واحد افتح ورش بالمملكه مثل كذا دعواتكم

[جديعان]

سبحان الله

[كاشت وحداني]

عزيزي
الموضوع ذو شجون
عندك المادة بالدرجة الاولى
ثم التجار بالدرجة الثانية
ثم تقبل الشعب بالدرجة الثالثة
المادة ومافيه سعودي الا مديون
التجار مستحيل يوفرون كل اللي في بالك سواء قطع الغيار او البويات او مستلزمات الشغل نفسه
معلومه وكلاء شفرولية من فترة وقفوا استيراد قطع الغيار لموديلات 95 وما سبق
افلقني ات لقيت شئ لموديل 79
اما تقبل الشعب جرب تغير فحمات عند باب بيتك
تلاقي الحارة مجتمعين يناظروك ما بين ناقد وهو النسبة الاعلى ومابين مستغرب انك مارحت للبنقالي بورشة ومابين مؤيد بنسبة2%


تم الإرسال من جهازي GT-I9300 بواسطة تاباتوك 2

[najd star]

تعرف معنى كلمة ( أنسى )

هذي هي

[أطلال نجد]

بإمكانك تحقيق حلمك هذا إذا تحققت لك أربعة أمور أساسية

1 - توفر المادة.
2 - توفر بيئة عمل مناسبة !
3 - الدعم الحكومي.
4 - عقول وأيدي عاملة بنفس المستوى والمهارة ( شبه مستحيل )

بالتوفيق

[مخموم القلب]

السلام عليكم ورحمة الله وبركاته وكل عام والجميع بخير اذا خليت خربت وكل زمن وله ناسه والله يوفق الجميع والسلام.

[rpk]

اذا ما عاد شفت خشه ابو يمن راح تشوف مثا هذه الورش

[المسروحي]

انا أول الداعمين لك بالرأي....
وعسالله يحقق حلمك)))))))))) وإلا الأمام

[ملك الفكتوريا]

والله يا جماعة الخير بالنسبة لي ابوي مره شافني افك واركب بالحوش وراح للمستودع وعطاني عدة مفتاح اتوماتيك وحبات باغلب المقاسات

وكملتها انا من التوماتيك حق البواجي وباقي العدة

وصرت افك واركب



وحلمي وتأييد من الوالد والوالدة ورشه تخصص امريكي


الله يحقق الحلم


لكن بالنسبة للشعب ونظرتهم الحقيرة


مره الدينمو والبطارية ضربت والسيارة بالشارع فكيت البطارية والدينمو ومر شايب قاعد يتمتم ههههههههه غير اللي يمرون


والوالد المهم ما قال شئ

ورحت بسيارة اخوي دينمو وبطارية جديد


البطارية رجيع بـ 40 تقصتها من قيمة البطارية والدينمو 25 ريال لاحد الكهربائيين ورجعت وركبتها والحمد والحمد لله

[يكفيني نظرة]

الشباب اللي يفتحون ورشه رح شف اسعارهم وشف تعاملهم من النفسيات اللي يجون ..
الاسعار مريت واحد بالصناعيه بالرياض وقلت له ابيك تركب مراوح لهايلكس قال ب 700 ريال !!!!
قلت ليه 700 قال لازم اغير لك قواعد الرديتر عشان ماتنكسر حقة الوكاله!!!
ورحت من عنده للقصيم واستأجرت (فندق) مهوب شقه (يعني اغلا سعر ) ومريت هندي وركب المراوح بدون قواعد وجلسن على الموتر سنه ولا طاح الرديتر ولا شي وتركيبه ب 450 ريال ومع اجار الفندق والعائله معي ومصروفنا ماصرفت الا 650 ريال !!
بعدين شف المعدات اللي تبي تشتريهن للورشه كم اسعارهن ( يعني نرجع للمادة) غير اجار الورشه بالرياض واحد اعرفه سعودي يقول مستاجر ورشه ب 150 الف ..
الواحد يدفع اجار شقته يسكن والا اجار الورشه!!
غير الدوام الى 4 العصر وتطلع كاره نفسك ونص ساعه طريق همن بعد بتروح تحمل العالم!!!
الله يوفقنا واياك وكل مسلم والى الامام..

[Salamah.y]

هناك عندهم , ياخذ منك بقدر الشغل اللي يشتغله
يعني تلقى السعر اللي تدفعه , بمقابل شغل يستاهل و يملا عينك

اما عندنا الله يخلف ,, أسعار ناااااار بالعلالي
و الشغل اي كلام ,, دمشقه و مش حالك ~

هناك أهم شيء عندهم إرضاء الزبون , و الإستقبال ممتاز و الشغل مرضي
هنا , تجي تبي تشتغل عنده و بفلوسك , كأنك جاي تطر منه , زين اذا رد عليك

,

هناك يشتغلون بفن و حرفية عالية
هنا , يتعلمون على سيارتك و يدمشقون فيها دمشقه

,
,
,

يا رجال , اذا الوكالات عندنا ما تضبط شغلها
تبي الورشات تشتغل صح ؟!
أتوقع بالمملكه كلها , الورشات اللي يشتغلون شغل ممتاز و يملآ العين
ينعدون على الأصابع ,, لا و أسعارهم نااااار ناااار نااار

و ترى كلامي بغض النظر اللي يشتغل بالورشه سعوديين او اجانب
الزبون , أهم شي يطلع بشغل يرضيه , و هذا قليل عندنا , قليل جداً

و طبعاً ما نغفل ان الأجانب ينفعهم توفر المصانع و القطع , و هنا للأسف
خطير موديل السنه الماضيه ما تحصل له قطع خخخخ ~

,
,

الله يخلف علينا ,, @~

[أبو حمد 700]

ترى الصور ما طلعة عندي على شان كذا ما نيب مسوي رد