طرق صيد الكنعد

[الخيول2002]

السلام عليكم ورحمة الله وبركاته

كيفكم شباب ..

عندي بعض الأستفسارات عن طريقة صيد الكنعد على السيف بالسناره::

1-الطعم المفضل للكنعد؟

2-طريقة شك الطعم؟

3-هل يحتاج ثقال وطفاح ام ثقال فقط او طفاح فقط؟

4-احسن وقت النهار ام الليل؟

5-اوقات الصيد من اي تاريخ من الأن؟

اعتقد هذا اللي عندي من استفسارات وياريت يردون علينا الشباب ومايقصروون.

تحياتي للجميع

[الخيول2002]

ياجماعه وين الردود

[MARINE]

السلام عليكم ورحمة الله وبركاته

حياك الله اخوي الخيول 2002 معنا في مكشات وانا بصراحه توي انتبه لموضوعك

بالنسبه لطرق صيد الكنعد هناك عدة طرق وعلى حسب المكان اللي انت فيه

هل هو عميق هل يوجد فيه تيار

انا باقولك اللى اعرف وان شاء الله اني اقدر افيدك

بالنسبة لحداق الكنعد على السيف يفضل يكون عندك سنارة مرنة شوي حتى ماتنكسر عليك لا قدر الله

وجات معك وحده بليه

بالنسبه لوضع الثقل تخليه متحرك في الخيط وتحط في طرف الخيط مدور وتحط في المدور سيم ونهاية السيم

سنارة ثلاثيه حجم متوسط

والطعم يفضل انه يكون حي واتوقع ان افضل طعم للكنعد هو الدويلمي الصغير والسلس كذالك

الميد والمنشوس اهم شئ يكون الطعم حي حتى يجذب الكنعد

لازم يكون معك مشك حتى تشكه في الطعم وتخترق الجلد بشكل سطحي بحيث اذا رميته بالسنارة

ما يتقطع عليك وحاول انك ما تأذي الطعم بقدر ما تستطيع والخبرة لها دور كبير في هالشئ

طبعا يفضل انه يكون بثقال

وقت الصيد المعروف ان الكنعد يكثر في النهار وقليل اللي سمعت قالوا انهم صادوه في الليل

عندك في النهار اذا كان البحر مليان بالمد ووقت الثبرة هذا افضل شئ حسب اعتقادي

عندك الكنعد بدء ولازم تجرب حظك اليوم

لكن عندي لك سؤال هل انت من سكان الدمام

مع تحياتي لك

MARINE

[الخيول2002]

يسلموووو اخي Marine كفيت ووفيت وماقصرت ...


نعم انا من سكان الدمام وصيدي دائما عند فانتايم بتزا.

وبقولك على شي ... قبل يومين ضرب عندي شي مب طبيعي على سناره طول 5.30 كربون والله من من قوة السحب سحبتني بغيت اروح معاه ومن قوة السحب انكسرة السناره من النص وجيت ومسكت الخيط بيدي بس مافي فايده يدي تحززت من الخيط وفي الأخير انقطع الخيط وعلى فكره الخيط مقاس 70 ...

بس الله يجيبه لي الأسبووع الجاي انا متوعد له بخيط حرير وسناره قويه

تحياتي للجميع

[المحيط]

هلا الخيول انتبه لا تمسك الخط بيدك وخاصه اذا كان حرير لانه راح يخترق لحم ايدك وقطعهم لا سمح الله انتبه :no2:



با النسبه للظربه الى جاتك على السيف انا اشوف هذة بتعبك كثير لانه لازم تلعب معاها فتره ترخي وتشد ترخي وتشد لين تتعب :o

بس لو كان شي كبير كبير الله يساعدك ما راح تطلع معاك بسناره :no2:


يبيلك تغوص لها وتحضنها بلقوه وسحبونك الشباب :D :j

[مرجان]

هلا اخوي والله وسعت صدري بالكلام عن الكنعد.

ملاحضة صغيره لاتقفل بكره المكيه مره وحده خلي فيها مجال شوي بحيث تتفادا انقطاع الخيط او كسر العصا و حاول تخلي هذا الشي بشكل دائم .

اضافه بصيطة الدويلمي حاول تصيده بطعم على شكل ريشة لفاح يطلع حي شكة وارميه للكننعد.

أخوي ماريني تسلم والله كفيت .


تحياتي .

[MARINE]

السلام عليكم ورحمة الله وبركاته

حاضرين للطيب اخوي الخيول وهذي فرصة سعيده اللي اقدر افيد فيها اخواني

انا بصراحه اليوم كنت هناك بس للاسف ماحالفنا الحظ في شئ لكن تشوف الكنعد كنه طوربيد وهو يناقز قدامنا

من كثره ولا يضرب ليه الله اعلم , لكن يقول المثل عط الحر فرصه وان شاء الله الوعد قدام

وياخوي والله تشرفنا لو تجي هناك عند الفن تايم انا شبه يومي هناك

اذا حبيت تعرفني شف موضوع هامور بالفرن واحفظ شكلي وعرفني بنفسك

وهذي الساعه المباركة وموتري نيسان داتسن ابيض عليه استكر مكشات

اخوي مرجان حنا في الخدمه طال عمرك

MARINE

[gulfhunter]

السلام عليكم ورحمة الله وبركاته

حياك الله أخوي الخيول2002...... مشكور اخوي على طرح مثل هذا الموضوع اللي ان شاء الله الأعضاء يستفيدون منه.......

الله يوفقك ويبارك فيك

MARINE
مرجان...............المحيط

مشكورين على المعلومات المفيده ....................... وشكراً للتجاوبكم

الله يوفقكم ويبارك فيكم

[الخيول2002]

السلام عليكم ورحمة الله وبركاته

تسلمون اخواني على الردود.....

اخي المحيط وانت الصادق هذي اللي جات مستحيل اجيبه بيدي ولا بسناره هذي يبيله :redcar: .... :D

_______________________________________

اخي مرجان انا رخيت وشديت بس مافي فايده وخليت الخيط الى ان الخيط باقي فيه تقريبا 3 متر يعني شبه خلص !!!!!

انا شفت السالفه جذه جيت وسحبت السناره بس مافي فايده سحبتني تصدق فكرته اللي ساحبني طراد... :looney: :D :D :D وفي الأخير انكسرت السناره مع انها نت نوعيه ممتازه :mad:

وبالنسبه للطعم اللي انا حاطه دويلمي حي طايده من السيف لفاح مثل ماتفضلت
_______________________________________

اخي مارين والله الشرف لي اني اتقابل معاك واتعرف عليك بس انا اخر مره رحت فيه الفانتايم هي ذاك اليوم اللي انقهرت فيه بس لي روحه اليوم او باجر واللي خلاني ماروح الضرووووف....
وانشالله نتقابل هناك بقعد ادور عليك :j

_______________________________________

تسلملي اخوي gulfhunter الله يبارك فيك انشالله الكل يستفيد من تجاربنا

تحياتي للجميع

[الصيــاد]

.................................................. ...................... الله يوفقكم

[النوخذة الأحسائي]

احم احم أبو فهد وصل والحمد لله كان الهبوط بسلام ...

السلام عليكم

يالله حي الشباب

والله اشتقت لكم كثير .. بس الله يقطع هالتدريس لخطبني فوق تحت ..

وأبشركم جاني نقل للشرقية والحمد لله وأنا يوميا العصر أصلي عند الفن تايم والمغرب أروح الحلقة وقهر والله الميد والمنشوس قدامي والكنعد جالس يتسلى فيهم وأنا حدي قرقفان بس وأشركم طلنا شعري 3 حبات راح أدخل الصور قريب بس حجمها صغير مرة .. بصراحة اشتقت لكم كثيييييييييييير ولأهل مكشات وأشكرك أخي بو خالد عالمعلومات ولا يهون الشباب وإن شاء الله راح أجيب الكنعد بس بعد ما أعدل هالسنارات الفقر اللي عندي .. تحياتي
بو فهد

[MARINE]

السلام عليكم ورحمة الله وبركاته

حياك الله اخوي ابوفهد وعودا حميدا ان شاء الله وان شاء الله الله يرزقك بكنعده حلوة

وانا كل يوم هناك بس للاسف ما حالفنا الحظ مع شئ لكن ان شاء الله يرزقنا واياك

تحياتي لك

MARINE

[مجازف2006]

[QUOTE=الخيول2002]يسلموووو اخي Marine كفيت ووفيت وماقصرت ...


نعم انا من سكان الدمام وصيدي دائما عند فانتايم بتزا.

وبقولك على شي ... قبل يومين ضرب عندي شي مب طبيعي على سناره طول 5.30 كربون والله من من قوة السحب سحبتني بغيت اروح معاه ومن قوة السحب انكسرة السناره من النص وجيت ومسكت الخيط بيدي بس مافي فايده يدي تحززت من الخيط وفي الأخير انقطع الخيط وعلى فكره الخيط مقاس 70 ...

بس الله يجيبه لي الأسبووع الجاي انا متوعد له بخيط حرير وسناره قويه

تحياتي للجميع[/QUOTE
ــــــــــــــــــــــــــــــــــــــــــــــــــ ـــــــــ


مرحبا اخوي الخيول

بنسبه للي ضرب عليك اعتقد ولله اعلم هو لخمه او هريهري لان في هذي الاماكن تجي اشياء ضخمه من هذا الانواع

اما الخمة إذا ارته تعرف انه لخمة تعرف عن طريق سحبت العصى

ملاحظة

وانا ابنصحك نصيحه ركب حرير عشان اذا ضرب عليك تجيبه زي الالف (يعني ماينقطع )

[مخاوي الهوامي]

سلام عليكم

طرق صيد الكنعد ما قصر أخونا marine بس حبيت أزود معلومه بالنسبه لحداق السيف أفضل مكان تحصل فيه الكنعد عند تجمع الطيور لأنه يكثر سمك العومه هناك
والرزق على الله

[accentkool]

[quote=الخيول2002;273802]


1-الطعم المفضل للكنعد؟ الميدة ويفضل انها تكون حية او دويلمي صغيرة

2-طريقة شك الطعم؟تشكها بمشك بسلك وبورسي بو ثلاث

3-هل يحتاج ثقال وطفاح ام ثقال فقط او طفاح فقط؟بدون طفاح ولكن بثقل كروي ومدور ترديعة والثقل متحرك

4-احسن وقت النهار ام الليل؟النهار

5-اوقات الصيد من اي تاريخ من الأن؟الايام هذي هي وقتة

[moojalbhar]

اعرف ان الطعم المفضل هي الميده

[هاوي صيد]

السلام عليكم كيفكم يا شباب ان شاء الله طيبين انا شوقني كلامكم عن الكنعد والن شالله جلى لا الشرقية انا طبعن من سكان الرياض ومدمن صيد بحر غزل وارساليات وسنارات وودي نسوي قروب طلعة واتشرف بلاقاكم

[بوعادل الرشيد]

السلام عليكم ورحمة الله وبركاتة
اعجبني موضوعكم
وحاب اعرف اذا ممكن وين مكان الصيد بالدمام عند وين

[k.fares]

حيووو والله الله حيوو الله حيوو حياك والله حيااااك
منور منور
كأني منزل موضوع فيه كذا
لكن بشرط لازم تضيفله ردك
http://www.google.com.sa/url?sa=t&rct=j&q=%D8%A7%D9%85%D8%A7%D9%83%D9%86+%D8%A7%D9%86%D8%A F%D8%B1+%D8%A7%D9%84%D8%A7%D8%B3%D9%85%D8%A7%D9%83 +%D9%81%D9%8A+%D8%AC%D8%AF%D9%87+%D9%88%D8%B7%D8%B 1%D9%82+%D8%B5%D9%8A%D8%AF%D9%87%D8%A7&source=web&cd=1&ved=0CCwQFjAA&url=http%3A%2F%2Fwww.mekshat.com%2Fvb%2Fshowthread .php%3Ft%3D492569&ei=mHF3T--xJ4n04QTl0b3-Dg&usg=AFQjCNHiuiipo2pKmILCsrfZ9Yo8F6Fcyw