استفسـار يا شباب عن الرانجلر

[عاشق الرانجلر]

السلام عليكم ورحمة الله وبركاته

انا العضو اقطع واخس بس باسم ثاني بطلب من الادارة

كيف حالك اخواني ؟؟ .. انشالله بخير

بغيت اسالكم عن الجيب الرانجلر من جميع النواحي

واللي ما يعرف الرانجلر هذي صورته :

http://www.4x4review.com/feature/50-years-Jeep/2001-Jeep-Wrangler-Sport.jpg

http://www.bluchip.gg/images/guernseystock/wrangler%20jeep.jpg
وعندي مجموعة اسئلة واتمنى انكم تجيبون عليها:

- شلون الجيب بالبر من ناحية السير بالطعوس وليس من ناحية التحميل والمساحة :confused: ؟

- اذا بغيت اخذه عادي ولا اتوماتيك علما باني راح استعمله للمدينة احيانا ً :confused: ؟

- هو شلونه من جيب يعني يهرقل بسرعة ؟

- هل تنصحون باني آخذه ولا انحش ؟ :j :burnout2:

............................

ارجو انكم تجيبوني على اسئلتي :(

[path_poth]

ج1/نشيــــــــــــــــــــــــــــــــــط

ج2/ مشكلة العادي ان الكلتش متعب بالحيل

ج3/ نوعا ما يهرقل

ج4/ هذاك جاوبت بنفسك عن هالسؤال

[قاهر التنين]

والله صراحة سيارة جيدة وقوية في الرمال
وإذا كنت قادر على الصيانة الدورية وقطع الغيار النار و سعرها غالية جداً
في هذي الحالة السيارة مناسبة وخذلك قير عادي لأن قيمت الكلتش في العادي ممكن تنبلع لاكن في الأوتو لو غرب الكلتش تبي تجيك حالة طفارة ومشكور


أتمنا التوفيق للجميع

[salehhd]

ج1/نشيــــــــــــــــــــــــــــــــــط

ج2/ مشكلة العادي ان الكلتش متعب بالحيل

ج3/ نوعا ما يهرقل

ج4/ هذاك جاوبت بنفسك عن هالسؤال


السلام عليكم
كلام الاخ باث صحيح خاصة انه عنده باث مثلي :D

السيارة من موديل 2002وتحت كان فيها مشكلة عامود الدفرنش واعتقد انحلت هذي المشكلة في الموديل الجديد
اذا كنت هاوي فتوكل على الله وخده واذا كان في خيارات ثانية فانصحك تتركة عنك
وانصحك توقف الشباب الي عندهم وتسألهم عن السيارة فالمجرب افضل ويعرف خبايا السيارة

ولاتنسى تستخير قبل كل شي ترى من استخار ماخاب
بالتوفيق
وخبرنا ايش يصير معاك

[الكونترولCONTROL]

موتر زوين للطلعات الدلع الخفيفة ...
ولكن بصراحة ما ينفع لعلوم المكاشيت الحقيقية !!! و لا بقرش واحد !!!
====================================
قيره مشاكل ... البنزين مشاكل .... الحرارة مشاكل .... و يقطع الظهر بقوة ... و ما يشيل شي !!!
لو تحمل جركلين ماء صغار نزل شبر !!!

[الاصفر]

السلام عليكم
والله يا الغالي الرانجر للبحر بس ما يصلح للبر لانه مطبه قوي ويخض الواحد
اذا تبي النصيحه خله عند وخذ شروكي ويرزقك الله

[عاشق الرانجلر]

تسلمون وما قصرتوا

[حرباش]

أحلى مافيه ان العكوس الخلفيه مشبوكه على طول

يعني تقص الطعس بدون دبل :d


واخس مافيه الصليب دايم يقوم فيه :(


والأشياء الثانيه مقدور عليها وماتوقع تعوق معك

تحياتي لك ;)

[المهنـدس]

عزيزي يقولك اسأل مجرب ولا تسأل طبيب

وانا اخوك معي رانجلر له سنتين وانا اكده "للمعلوميه الموتر شاريه مستعمل"واللي قبلي ماخذ حقه منه وافي
عيبه طال عمرك مايشيل عفش وغلا قطع الغيار
بس الشهاده لله ماخليت ارض بنجد او حولها الا وجلدتها عليه, الموتر قوي ومطبه مريح مقارنه بالجيوب الصغيره الثانيه
ملاحظه اذا بدا مسلسل الخرابات تراه اردى من المسلسلات المكسيكيه خاصه اذا كنت راعي عفل
بس ارجع واقول سواقته ممتعه جدا,واذا فكه الله من الخرابات عزالله انها سياره
وشكرا

تحيات اخوكم المهندس للجميع

[المستوي 1]

انا مجربه

مميزاتة:
نششششششششششششيط العزم
شكلة حلو
ما يستهاك بنزين اقتصادي

عيوبة:
مطبة قوي ويكفيك الشر ينقلب بسرعة
عمود الكردان ينكسر على طول وباستمرار
العزل الداخلي مش ولا بد
قطع الغيار غالية وماهي متوفره الا عند الوكيل و الموزعين قليل والخصم عندهم ضعيف
ضيق من الداخل ما يشيل عفش للبر لذلك ما يصلح للكشتات البرية الطويلة

ودمتم

[عاشق الرانجلر]

مرة ثانية تسلمون وما قصرتوا على سرعة ردكم


. . . . . . . . . .

[ميق ميق]

يا عاشق الرانجلر انصحك هج
انا جا معي 2003 ما شي 42الف بس
جلس معي 8ايام منها خمس في الصناعية ويومين معي والاخير في المعارض بخسارة 3000 واعد نفسي كسبات
لاني ارتحت من وجع الراس ومشاكل الورشات
ولمعلوميك ان اكثر ما يشتغل فيه السوريين الي في الصناعية القديمة وانت خابر

[بركــــــا ن]

السلام عليكم ورحمة الله وبركاته اخوووووووووووي انصحك بجيب نيسان او تويوتا منها شيك في مخبااتك ومنها مرغووب ومتوفره قطع غياااره في كل مكااان يمكن لو تفتح اثلاجه يمكن تلقا قطع غيار من كثر مااهي متوفره كااانك رااعي مقاانيص ومكااشيت بلحيل انصحك بل باترول او جيب تويوتا جي اكس او شا ص حراااااااااام تحط فلووسك في شروكي او رنجلر بتشتري بغاالي وتبيع برخيص اخووووووووك الصغير بركااان

[shrink]

اعتقد الكلام المذكور وافي وشافي
بس الموتور له اكسسوري بالهبل
افتح النت وشوف وحتى قطع الغيار يمكن طلبها من الخارج

[حاتم سليمان]

السلام عليكم
شباب اخوكم عضو جديد وعندي استفسار بسيط عن الرانجلر.ابغى اشتري رانجلر موديل 2005 ايش النقاط الأساسيه والمهمه اللي لازم افحصها او اكشف عليها في السياره واللي منها اقدر اعرف هل السياره صالحه للإستخدام او لا؟ ارجو الإفاده جزاكم الله خير

و شكرا

[كم كيلو باقي]

انصحك بالتفكير بالباجيرو كبديل