حتى لايسبقك الكفر الأمامي يومآ من الأيام

[عاشق الجبل]

السلام عليكم ورحمة الله وبركاته


البعض يشتري سيارة مستعملة ( خاصة الأمريكي ) ويغفل عن نقطة هامة جدآ وخطيرة قد تؤدي

الى مالاتحمد عقباه .

تخيل وأنت ماشي في آمان الله وإلا الكفر الأمامي يسبقك أو ينشب بالرفرف من الداخل نتيجة

أنكسار العكس من الداخل بسبب جفاف شحم الرمان المحيط بالعكس ، وذلك بسبب أحتكاك الحديد

ببعضه وتأكله بعد توقف الرمان عن الدروان الطبيعي حول العكس .

فنصيحتي أن تتم عملية أخراج كل قطعة مرتبطة بالعكس ثم غسلها بالبنزين وتشحيمها من جديد

بشحم ألماني ( الأصلي ) وتكرار ذلك كل 3 سنوات ، وكذلك تشحيم أو تغيير الركب الأمامية .

[اسيزو 4x4]

السلام عليكم ورحمة الله وبركاته

حيا الله الغالي عاشق الجبل

والله موضوع منور بصاحبة ... :good:

مثل ما تفضلت العكوس مهمة وكثير من الناس يتجاهلها أو لا يعطيها أي أهميه وهذا غلط

ويعطيك العافية على هالمعلومات الطيبة ...

أخوك أبو حمود ....

[غضنفر]

خصوصا السيارات التي يكون فيها السحب امامي

[عاشق الجبل]

حياك الله يبوحمود .... وأنت مصدر النور طال عمرك

والله مدري عنك يبوحمود أنت مشيك على الأسوزو وإلا بتشوف بيوم من الأيام الكفر متعديك ( من غير شر ) :)


الأخ : black path وكذلك السيارات الصغيرة وبالذات الأمريكية ( دفرنس خلفي )



بارك الله فيكم وفي مروركم :)

[al-nashmi]

السلام عليكم ورحمة الله وبركاته


عفاك ربي ياعاشق الجبل.....

ما شاء الله.... تبارك الله كل مشاركاتك مفيدة ... وتخدم الجميع..


ما قلت لك انك تحب الخير للجميع....


الله يوفقك .....

وبعدين سؤال.... قبل اروح

موتري 2001 vx.r من شريتة ما تعرضت الركب والرمانات ابد... بس فحصت عليها قبل سنة وقالوا الورشة انها جيدة ولله الحمد....

هل.. لها صيانة وقائية ام لا ...وش تنصحني فية... عساك تسلم ..

تحياتي

النشمي

[بو خليفه]

ياعشق الجبل
سبق أن تطرقت عن العكس و لكن القليل الذي أجاب و أهم الربلة لا تكون يابسه أو خشنه و يكون استبدالها عادة إذا تمزقت كي تحافظ على العكس أو تبديلها بين كل سنة
أما الكفر أمام السيارة فيكون الحديث فقط على الأمريكي Gm أما الدوج والفورد لا يحدث هذا
أما الألماني فيوجد أدواب سلامه لا يمكن يحدث
أما الياباني و الكوري فأيضاً يوجد مسمار يمسك الكفر و العكس يكون منفصل عنه
و لك تحياتي

[nahham]

تسلم على النصيحه يالغالي

نتمنى السلامه للجميع

[منتعش]

حياك ربي وبياك أخوي الغالي : عاشق الجبل

وأشكرك على طرحك مثل هذه المواضيع لتنبيه الأخوان .
ومرة وأنا أمشي في الطريق بالسيارة وعند قرب من الأشارة بحوالي 500متر
وأنا اللي أسمع الدبجه القوية :eek:
وأناظر بالمرايه وأثر الصوت من سيارة طاح الذراع أو المساعد .

والله يبيض وجهك وما قصرت .

[aziz2727]

والله انك يا عاشق الجبل صادق
وخاصه في السيارات الامريكية وهذا الشي الى كرهني وخوفني من السيارات الامريكية
عليك بعطية الله الياباني .
وبارك الله في الجميع

[حرباش]

الله يعطيك العافيه ياعاشق

اهتمامك عجيب بالكفر هاليومين مره عن الكفر ومره عن العفريته ومره عن غاز الكفر واليوم عن العكس لوووووووووووووووووووووووووووووووووول :D


الله لا يهيينك على كل حال ويعطيك طولت العمر والعافيه :cool:

بيض الله وجهك ;)

[أبو يوسف]

مشكور على التنبيه اخوي

ولكن اللي ما يعرف ممكن الميكانيكي يسويها له صح
لكن لازم فك الرمان ولا تشحيمه بدون فكه

مع التحية

[طشي وامطري]

والله يا عاشق ولا يهونون الربع
ثلاث أيام بشعيب أكلنا فيها تـ...... والسبب هالمقص انكسر وتبهذلنا ، والحمد لله ساق الله لنا واحد من الربع كأنه نازل من السماء هذا الكلام قبل شهر تقريباً .
والسيارة طبعا أمريكي

[اسيزو 4x4]

الله يسلمك يا عاشق الجبل والله أنك صادق ماحد يدري عن هالعكوس :D

والله الخوف من هالعكوس الله يستر على المسلمين :D :j

[أبـ [مطلق] ـو]

عاشق الجبل

مااا اقول الا بيض الله وجهك


تحيااتي

.

[عاشق الجبل]

الأخ : النشمي النظام الجديد ( العكوس الأمامية ) أكثر آمان من القديم ويكفي أنك فحصت السيارة وسيارتي نفس موديل

سيارتك والياباني تختلف عن غيره ولكن التشحيم لابد منه .




لاهنت يابوخليفه عن هذه المعلومات عن نظام السيارات الأخرى .



الله يسلمك أخوي : nahham




لاهنت أخوي الغالي : منتعش




شكرآ على مرورك أخوي aziz2727




تسلم يالغالي حرباش ( أخوك يطرح المشاكل التي مر بها لكي يستفيد الغير ) وكلك ذوق .... ووجهك أبيض :)



الأخ : أبويوسف ( من الأفضل فك الرمان والتيل وغسلها بالبنزين وكذلك غسل العكس وتضمنه بعد ذلك 3 سنوات إن شاء الله




الأخ : طشي وأمطري ( الحمدلله على السلامة والدنيا دروس وأنا أخوك )




تسلم يالغالي أبوحمود :)





ووجهك أبيض يبومطلق :)

[حـاتـم]

صادق اخوي عاشق الجبل انا مره قدام عيني يوكن موديل 2001 وفيها
طاح على خشته والكفر دخل فالرفرف والحمدلله الي فيه طلعوا سالمين لانهم ما اسرعوا

والحمدلله على كل حال

اخوكم / حاتم