تكفون ؟ فزعة منكم مع الايام الفضيله

[الخزاعي2010]

مساكم الله بلخير او صبحكم بلخير
ياربع نويت ان شاء الله اشتري بثفندر موديل 2005
لكن محتار بين القير العادي او تماديك
اخاف اخذ عادي وتندم او اخذ تماتيك وندم
مع العلم اني مستغني عن البر والمقانيص
ابي من اهل الخبرة ينصحوني في السياره هذي العيوب ومشاكلها
1- اول منزل للحراج وش اهم شي اركز علية؟
2- بكم يكون اسعارهن ؟
3- وش احسن قير عادي ولا تماتيك؟
4- افضل لون على الباثفندر؟
معليش كثرت عليكم الاسئلة لكن افزعو معي
وكل عام ونتم بخيررررررر

[عناز الحره]

شف اخوى انا اشور عليك بالقير العادى هذا اول شى
بغض النضر عن المقانيص لانه اقوى واقل عطالات
واتوقع والله اعلم سعر 2005 مايتعدااا 52 وانت نازل
بس شوف اهــــــــــــــــــــــــــــــــــــــــم شى انتبه لمسامير الثلاجه لايكون فيها تهريب تراها مصيبه:eek:
افضل لون اللؤلؤى:good2:
وركز على العضلات والاذرعه تراها غاليه:D
وانفض الجيب عند المغسله غسيل من تحت وامسك فيه خط
بعدين شوف التهريبات فيه واللا لا
والباقى افحص فحص عادى مكينه بووودى:)
واتكل على الله اللى عندى يالغالى قلته لك
فى امان الله

[mmm998]

الاخ الخزاعي 2010 مساء الخير .
أنا ارشح التماتيك افضل واريح ... لاني مجرب التماتيك ومجرب العادي في الباثفايندر وارتحت للتماتيك (هذا حسب رايي وأنت أسال )
أهم شي ركز على النظيف وأقصد بالنظيف من كل شي السمكره الرش التعديل الاعطال الميكانيكيه وأهم شي الممشى لاتاخذ ماشي وواجد .
بالنسبه للاسعار يتراوح سعر الباثفايندر الفل كامل والنص فل من 45 الى 55 الف على حسب النظافه واللون والممشى . وأتوقع أنك لو تجيبه من دول الخليج بتلقاه أرخص وأنظف .
أفضل للون للباثفايندر هو 1- الؤلؤي 2- الفضي .

أرجو أن اكون قد أفدتك, وأنت لاتنسى الاستخاره والاستشاره من أكثر من شخص .
والباثفايندر فيه عيوب ميكانيكه مثل ارتفاع درجة الحرارة , نقص الزيت , تساقط مسامير الثلاجة في الماكينة .

والله يوفقنا وإياك وكل مسلم .

[الخزاعي2010]

عناز الحرة
كفيت ووفيت وبيض الله وجهك
لكن وش قصدك بي مسامير الثلاجه والله معرفها راح ببالي المكيف
وشلون تطيح فسرها لى ولى يرحم ولديك
جعلك ساااااااااااااااااالم

[الخزاعي2010]

mmm998
كفيت ووفيت وبيض الله وجهك
جعلك سااااااااااااااااااااااالم

[الزمان مغبرنا]

انا انصحك بالتماتيك الا اذا كنت راعي بر وتطعيس خذ عايدي لكن التماتيك اريح خاصه انك اكثر الايام في المدينه يعني بس في الشتاء بتروح للبر ...

وهذا رايي وانت حر ...

[الخزاعي2010]

الزمان مغبرنا
كفيت ووفيت وبيض الله وجهك
جعلك سااااااااااااااااااالم

[بدوي جنوبي]

ينقل للقسم المناسب

قسم السيارات وتجهيزاتها

[عناز الحره]

يالغالى وجهك ابيض اول شى
ورحم الله والديك
شف اخوى ود الجيب لمكانيكى شاطر وقول افحصلى مسامير الثلاجه لانهاااا تذوب وتطيح ويمكن تطيح بالمكينه ويخبط عليك بعد شهر واغلب الناس يلحمونهاااا تلحيم وهى مافيها شى خوفا" وتفاديا" من هذه المشكله المفاجئه والقاتله بنفس الوقت ليست قاتله لك انت بل للمكينه خخخخخ:D
فى امان الله

[مكشات واحد]

2005 اهم شي الحراره ونقص الزيت
2005 فيه عيب مصنعي بالئدتر
انا استخدمة العيدي والتماتيك
كل وحد له ضريبه العايدي نشط
التماتيك مريح بالبلد
والتمشي بالبر خصوصاً رعي صيد القمري
والحبار للتمشي والقص
والله يوفقك للي فيه خير
واذ حصالك 2003 ترا طيب بالحيل مجرب

[سرطوقا]

بالتوفيق وارشح اللون الؤلؤي

[الخزاعي2010]

بارك الله فيكم يا رجل
كفيتو ووفيتو
بيض الله وجيهكم