قاعدة جاهزة للبطارية الثانية في اللاند كروزر

[ابو نجود]

ودي اركب بطارية ثانية للجيب لكن ما ابي لحام في وسط الكبوت...سؤالي هل توجد قاعدة جاهزة لبطارية الجيب الثانية؟؟؟
ابو نجود..

[الموادع]

تستطيع وضعها في الجهة اليمنى . بين علبة ماء الراديتر و الرفرف الايمن !! و بدون تلحيم !!
=============================================
انا ما جربت و لكن المكان ملائم حسب توقعي !!

[المترو]

اخي الحبيب السلام عليكم ورحمة الله وبركاته

انا مركب بطاريه اضافيه
والقاعده بسيطه جداً اذهب الى محل حداده بسيارتك وخذ مقاس البطاريه وللعلم اسفل البطريه اعرض من اعلاها وخله يلحم لك اربع زوايا حديد مجوف بشكل مربع ولا تنسى تخرم وحده من الزوايا الاربع لكي تمسك بمسمار القاعده العلويه واذا لحمها مع بعضها خذها وحطها بالمكان الايمن واشر على الفتحات الموجوده بالسياره موجود على ما اعتقد 3 منها فوق بالرفرف الايمن وخل اللحام يثقب الزوايا حسب البعد بين الفتحات اللي بالسياره (يعني فتحات موازيه اللي بالسياره وخذ لك 3 مسامير مناسبه تركب بنفس الفتحه اللي بجسم السياره وترى الصواميل جاهزه بالسياره اظن مقاسها 14 او 13 ماني متأكد وشد القاعده تماما وهات البطاريه وقعدها

اما القاعده التى تمسك البطاريه من فوق
موجوده عند اي محل قله قاعدة بطاريه علويه للتويوتا وقيمتها اظن انها 45 ريال وشد بلد اصلي من الوكيل او اي محل كبير وموجد لها فتحات كما هو للاساسيه



معلومه:::: يوجد عند محلات البطريات بطاريه عليها R و L خذ بطاريه عليها R لانها تعني بالجهه اليمنى من السياره وال L تعني الجهه اليسرى ومعلوم ان البطاريه الاساسيه L يسار اما الاحتياط فهي يمين R

تقول وش تفرق اقولك الفرق الله يسلمك هو انك اذا اخذت بطاريه L وركبتها احتياطيه بالجهه اليمنى سوف يصير الاصبع الموجب جهة الرفرف وهذا فيه خطوره كبيره لاي سبب كان يوصل هالاصبع مع الرفرف ويصير اللتماس بسكروب حطيه او زراديه لكن اذا الاصبع الموجب صار الى الداخل فهذا اقل خطوره وبعيد عن بدي السياره وأمن وكذلك اذا اردت تعمل اشتراك للبطاريه الاساسيه من الاحتياطيه بسيارتك معلوم انك لا تحتاج الى الاصبع السالب فقط وصل بين الاصبعين الموجبين وشغل ومره من المرات وصلنا بالمسحاه بين البطاريتين طبعاً لانهم جهة بعضهم الى الدخل كلهم لكن لو كل واحد بجهه لازم اشتراك او كيبل وتوخره عن السالب وشغله طويله

ويوجد صور عن البطاريه الاحتياطيه التى لدي ضمن موضوع وهو التجهيزات الاساسيه للرحلات البريه بخيمة العدد والادوات


امل اني افدت بما لدي

ولكم اجمل الاماني واعذب التحيا

المترو ابو ناصر

[ابو نجود]

اخوي الموادع...جزاك الله خير لتجاوبك
اخوي المترو.... جزاك الله خير لتجاوبك..ونصيحة غالية من اخ غالي ..تصدق غيرت البطارية من L الى R لاني ما كنت اعرف الفرق...
اخوك ابو نجود..