النور الأمامي لـ الأكسبلور شغال ؟؟

[جال النفود]

السلام عليكم ورحمة الله

كيف الحال يا جماعة الخير


بإختصار عندي فورد أكسبلور 2006 مشكلته لمن يكون القير في وضعية الـ p الوضع أوكي

لكن لما يكون في وضعية سواء الـ R أو الـ N أو الـ D يشتغل النور الأمامي

ما أدري وش اللي فيه رفع ضغطي في النهار وإلا في الليل شغال ..

إذا أحط من الأخوان عنده حل لـ المشكلة هذي أو صارت معه قبل أو أحد يعرفه يرد علينا

وبيض الله وجهه

وأيضا لما غيرت الكفرات طلعت لي لمبة حمراء وعلامة الكفر بوسطه علامة ! تعجب

وش الله بلانا بـ هالإلكترونيات عسى الله يخارجنا بخير ..


وبيض الله وجيهكم ولاهنتوا

[عبد الله 99]

المشكله الاولى صارت للسواق بفان فورد وهو انه موضوع على الاوتو
اما المشكله الثانيه تعني انه في كفر ناقص هواه عن غيره شيك عليها كلها و بتحصل كفر ناقص هواه
اتمنى اني افدتك

[abo_basil]

كلام سليم ممكن حاط على AUTO
اما المشكله الاخرى لا اعلم عنها

[تناهيت]

من الواضح اخوي ان موترك استيراد امريكي .........>وهذي مشكلة المواصفات الأمريكية
فبحكم اجوائهم هناك تفرض هيئه المواصفات الأمريكية على المصنع هذه الميزة لدواعي السلامة
الحل تروح لكهربائي شاطر ويفصل حساس النورالمرتبط مع القير ،،،،


وفيه له فيوز خاص تفصله من العبله اللي في الكبوت


وبالنسبة للمبه اللي في الطبلون هذي خاصه بضغط الكفرات .....>اوزن الهواء على 35 وتروح اللمبه

ويمكن يكون عندك حساس الكفر خربان من طريقة عمل البنشري ....<لاتهتم ماله تأثير


تحياتي

[جال النفود]

الله يبيض وجهيكم ما قصرتوا

بس الأوتو هذا وين ألقاه ما لقيت إلا كلمة أوتو وحده عند الدبل وهذي صورتها





http://www.gulfup.net/uploads/12898483171.jpg (http://www.gulfup.net/)


هذي أعتقد خاصة في الدبل

لكن وين ألقاه الأوتو المزعوم هذا

شاكر ومقدر أخواني لاهنتو

[جال النفود]

من الواضح اخوي ان موترك استيراد امريكي .........>وهذي مشكلة المواصفات الأمريكية

فبحكم اجوائهم هناك تفرض هيئه المواصفات الأمريكية على المصنع هذه الميزة لدواعي السلامة
الحل تروح لكهربائي شاطر ويفصل حساس النورالمرتبط مع القير ،،،،

وفيه له فيوز خاص تفصله من العبله اللي في الكبوت

وبالنسبة للمبه اللي في الطبلون هذي خاصه بضغط الكفرات .....>اوزن الهواء على 35 وتروح اللمبه

ويمكن يكون عندك حساس الكفر خربان من طريقة عمل البنشري ....<لاتهتم ماله تأثير


تحياتي




بيض الله وجهك أخوي ولاهنت يالغالي يعني ألقى فيوز في علبة الفيوز في الكبوت

..

والمسألة إن شاء الله مو خلل

الله يطمن قلبك لاهنت

[عشق الجنوب]

عيدكم سعيد
المفتاح بتحصله بتحكم النور على اليسار خليه وضع عادي او اوتو

[عشق الجنوب]

شيك على حساس الهواء بداخل الجنط يمكن فكه مع البنشر

[HAS5SAN]

موترك استخدام امريكي
وهذا من ولاية كلها ضباب على مدار العام
لذلك سوو دراسة في هذه الولاية وصارت السيارات
التي تدخل هذه الولاية له انوار ضباب امامية
حتى اليابانية ولو تلاحظ بعض جيوب اللكزس الاستخدام
تشوف فيه نور شغال في النهار
الخلاصة ليست كل وارد امريكا كذا إنما هذه الولاية ومعها كم وحدة الله يخسف بها الأرض

[الربذي]

علامة التعجب يمكن البنشري مخرب عليك حساس الهواء كاسره ولا مفكوك ولا اي عطب المفروض وقفت على راسه يوم يفك وبلغته ان هناك حساس لازم ينتبه له او عب الكفر فوق 38 واذا الحساسات سليمه تطفي هذي ميزه حلوه عشان تعلمك قبل البنشر وهذا امان والامان من الله سبحانه وتعالى
اما النور فبعض الامريكي يجي كذا شوف وين حساس النور ونظفه يمكن جايه غبار وهذا مستبعد لان الامريكي يجي نظيف وجوهم ممتاز لكن حاطين فيه امان اذا الشمس ماهي ساطعه 100بالميه اثنا الغيم ولا العصر يولع النور وبعضها يولع حتى اثنا النهار واشوفه كثير وكان جاري معه استيراد يقول يولع فقط اذا كان هناك غيم
المهم شفلك كهربائي شاطر ولا تعود عليه اذكر فيه دوله لازم تكون مولع النور حتى بعز القائله ولا تعطيك مخالفه وحتى هنا في مكشات واحد راح هناك واخذ مخالفه

[terke mekshat]

أسمع طال عمرك
بالنسبة للنور فهذه برمجه فقط ولا تفك فيوز ولاحاجة والحل اللي انصحك فيه انك تروح لأحد الورشات اللي متخصصة بالكمبيوتر ويلغون هذه الميزة من كمبيوتر السيارة وبسعر 100 ريال إذا غلبك وهذه الميزة (وهي تشغيل النور في وضع الـ R أو الـ N أو الـ D ) في أغلب السيارات الواردة من كندا

اما بالنسبة للمبة فهي تنبيه بأن هواء الإطار ناقص عن الحد الأدنى أو زائد عن الحد الأعلى أو احد الحساسات خربان أو بسبب تغير مكان الجنط عن مكانه السابق يعني الجنط اللي كان خلف حطيته قدام واللي قدام حطيته خلف والحل أنك تبرمج الحساسات عند نفس الورشة اللي يزين لك النور. وكان الله بعونك.

[عااادي]

شوف الحساس حق النور لايصير مغطى والا عليه شي فوقه

ولاتكون مركب تلبيسه على الطبلون تغطيه ؟؟