المساعد الشخصي الرقمي

مشاهدة النسخة كاملة : كورولا 2005 / 2006 جميلية / بازعية.. شوركم...


الدبل الثقيل
19/09/2005, 02:09 PM
السلام عليكم ورحمة الله وبركاته...
يالربع شوركم أبغى أشتري كورولا ومحتار... اتصلت على البازعي وحصلت 2005 Xli مطور قير عادي وقزاز ومرايا وأبواب كهربا وتخشيبة وريموت وسي دي والمكينة 1300/ 85حصان .. والألوان المتوفرة بحري / أسود / أبيض / فضي ... وأنا راغب السيارة واللون البحري.. والسعر 49500 مع الأستمارة واللوحة... وحجزت تذاكر للرياض لأني من جدة .. المهم في نفس الليلة فتحنا الأنترنت على موقع الفطيم وكيل تويوتا في الأمارات ... كاتبين ان كورولا 2006 زاد عرضها وصارت أوسع بمقدار 13 سم .. وألغيت السفر حتى اتأكد من السالفة.. رحت للمعارض وللوكالة قالوا لاماتغير فيها شي الا المرايات جا فيها غماز... واتصلت على البازعي قال ماتغيرت لكن حاليا ماعندهم ..بعد 5 ايام مع زيادة في السعر 5 الاف ريال يعني ب 54500.. واما وارد جميل 2006 في الوكالة ب 53200 وفي المعارض 51800 نفس المواصفات سي دي وتخشيبة وريموت لكن ماأدري هل مكيف بلدها.... مع العلم ان الكورولا صنع اليابان... فيا اخوان تكفون هل أستخير وأتوكل على الله وأخذ 2005 وارد البازعي لون بحري ومكينة صغيرة صحيح عزمها بارد ومشي حالك لكنها ماتصرف وأبغاها لمشاوير داخل جدة وللدوام ثلاث أيام لمكة .. وأنا لاأسرع ولا أحب السرعة 120 كافيه... تكفون الشور ياهل الشور أشتري ولى أنتظر الى رمضان يمكن فيه عروض بس أخاف تروح عليه 2005 .. وجزاكم الله خير..
Mohammad
19/09/2005, 02:23 PM
اذا لم يكن هناك فرق كبير فى السعر او المواصفات فجميل ارحم لك! والله اعلم وفى كل الاحوال استخير واذهب الى جميل!
الدبل الثقيل
19/09/2005, 07:19 PM
جزاك الله خير.. لكن ابو جميل وشركته ماتأمنهم يجيبون السيارات بدون مسجل وخطوط ومكيف ويركبون صيني ولى ماليزي.. واذا كان الفرق معقول مايضر نتعنى ... وجزاك الله خير أولا وأخرا... نتمنى بقية الردود.
اسيزو 4x4
20/09/2005, 12:54 AM
لا تتعدى البازعي

البازعي عندهم ذمة ويجيب ياباني أصلي

أبو جميل هلاسين ولا تقربهم

وخذ 2005 من البازعي وتوكل على الله ...

الكورلا ممتازة وعملية ومجربة من أفضل السيارات الصغيرة
الدبل الثقيل
20/09/2005, 06:17 AM
جزاك الله خير ... وين الباقين..
حـاتـم
20/09/2005, 09:50 AM
موتر ممتاز والله يوفقك
Mohammad
20/09/2005, 10:25 AM
انا انظر للامور بعد الشراء!! المسجل غير مهم!
ربما هناك امور انا اجهلها!
ففى اى دوله البازعى؟ وكيف تعمل صيانه؟ فى حالة حدث مكروه للسياره نسأل الله ان يبارك لك؟ وماذا عن الجمارك؟

والله اعلم
شاص
20/09/2005, 12:51 PM
البازعي موجود بالرياض وبعض مناطق المملكة ويعطي ضمان وعنده صيانة
لبرتي
20/09/2005, 01:55 PM
السلام عليكم ورحمة الله وبركاتة

أول ماطلعت الكورلا 2001 أخذتها من عبداللطيف وأول شي خرب فيها المسجل في خلال أسبوع

أن لا أقول لك خذ من عبداللطيف أو من البازعي لكن شف أفضل مواصفات وتوكل على الله

وأنصحك نصيحه خذ المكينة الكبيرة 1800 أفضل لك في العزم وفي القوة وفي البيع مستقبلاً
وإذا كنت تبي سيارة لمشاوير داخل المدينة وأقتصادية خذ لك أكسنت جديدة 24ألف وأسأل مجرب حتى في البيع مرغوبه ولا يطيح واجد
بالتوفيق أخوي
سعدسعود888
20/09/2005, 06:58 PM
السلام عليكم ورحمة الله وبركاته شف يا أخوي أبوجميل في كل مكان
البازعي (المسجل أصلي)( وكمبرسر المكيف)( والتخشيب)( و الريموت كنترول )شد بلد يعني ياباني أصلي
وبعدين هذي تويوتا ماهنا خرابات حتى تحرص على الصيانة
أبـ [مطلق] ـو
20/09/2005, 10:37 PM
والله الكرولا موتر يخدم

ويصبر

والله يوفقك

.
الدبل الثقيل
20/09/2005, 11:39 PM
جزاكم الله خير..