تربيط سيارات

[الذيب سرحان]

بسم الله الرحمن الرحيم
السلام عليكم ورحمة الله وبركاته
يالربع من يخبر لي ورشة في الرياض او الدمام لتربيط السيارات بشرط الجودة والنظافة في الشغل ، وكذلك عندي مشكلةفي الباب الخلفي للسيارة وباب السواق اسمع قرقعة عند المطبات ، علما بان السيارة لاند كروزر 0
ولكم جزيل الشكر---

[حرباش]

من افضل محلات التربيط في الشرقيه محل اسمه ( ناصر سكروه ) بالقطيف ، بالقرب من مجمع الخنيزي ، شغلهم واكي ونا ماربط الا عندهم ، ومشهوور لدى اهل الشرقيه .


ماياخذ واجد على السياره 50 ريال واذا كان هناك ربلات يبيلها تغيير يعلمك ويخليك تجيب زيها :d .


واذا اردت وصف دقيق ابشر بسعدك

تحياتي لك ;)

[المكنيكي]

السلام عليكم ورحمة الله بركاتة
اخوي الذيب . التربيط الصحيح الكامل ياخذ حوالي يوم كامل من العمل ولم منت كسلان وشويت صبر تبي تربطها انت واحسن من الوكالة .

[سوبرمان]

أخوي حرباش
السلام عليكم ورحمة الله وبركاته
الله يجزيك خير أنا عندي سوبربان ودي أربطه ، وياليت تعطيني وصف دقيق (لمحل ناصر سكروه )اللي في القطيف ( حيث أني اسكن الدمام )

[Khalid AlGhamdi]

وعليكم السلام ورحمة الله وبركاته

في الرياض لاتعدى النويصير في الصناعية القديمة مجربينه اكثر من واحد والكل يمدحه

[بن نويشر]

رقم النويصير الله لا يهينك ..

[حرباش]

الأخ سوبر مان

بالنسبه لوصف محل ناصر سكروه هو كالتالي حسب معرفتي لأن صعبه علي اوصفك من الدمام :D

1-امسك خط الجبيل الدمام السريع.
2- يجيك كبري يسمونه كبري الأوجام ( الأوجام تصير على يسارك والقطيف على يمناك )
3- وانت جاي من الدمام انزل مع الكبري هذا يمين
4- راح يجيك اشارات مروريه تقريبا 4 او 5 اشارات .
5-الأشاره المقصوده واللي ابيك تلف يمين معها عندها محطه وقود والديكور حقها عباره عن ثلاث مجسمات لسيارات تكون فوق المضله اللي تحتها يعبون بنزين ( واضحه والمجسمات كبيره جدا وترى من بعيد ).
6- بعد ان تلف من عند الإشاره يمين خلك سيده الين يجيك مجمع الخنيزي على يدك اليمين.
7- المجمع راح يكون على زاويه وقبله لفه يمين ، لف منها .
8- بعدها يجيك محل سكرووه على يدك اليسار .

واعذرني على ردائه الوصف ( امحق وصف دقيق) :p ولكن احفظ الوصف وان شالله ماتضيع ،
حاولت ان ارسم كروكي لكن ماهناك خبره في برنامج الرسام .
وحاولت ايضا الإتصال باحد الإصدقاء عشان اجيب عدد الإشارات بالضبط ولكن انا اقولك هي رابع او خامس اشاره وعندها محطه وقود في الزاويه اليمنى امامك .


اذا رحت وصعب عليك الأمر هذا رقم جوال وحاضرين للطيبين والله 0553359969 ابو حامد ;)


تحياتي لكم :D

[الاصفر]

السلام عليكم
والله يا الغالي لو بالكويت ابشر بعز في محل ولا كل المحلات حتى من دول الخليج يجونه واسمه كراج السوري

[الذيب سرحان]

الاخ/ حرباش + ميكانيكي
بيض الله وجيهكم وجزاكم الله الف خير .

[بواسامه]

عموما النويصر شغله ممتاز :good:

بس كانك بعيد لاتعني حتى تستفسر عن السعر

تراهم لفخ على العلبى

يعني يربطون الموتر 1000 ريال
الى 1200 ريال

ومحسوب عليك كل شي من القطع واللستك اللي هم يقطعونه
والسليكون ولي الكنديشن اللي يدعسونه في ربلات الابواب
وممكن يقولك زود 300 قطع غيار
وهن عنده وهو اللي يسعرهن على كيفه

المهم اذا انت ارضي بهالاسعار فاستعن بالله

[المربد]

كيف اعرف السيارة محتاجة تربيط؟

الاخ المكنيكي
دروسك كلها مفيدة وانا انسخها واحفظها عندي
ليتك تعلمنا عن التربيط على الاقل الواحد اذا راح للورشة يعرف شنهو لازم يصير علشان ما ينغلب.

[الكابتن]

نعم اخوى انا اضم صوتى لصوتك بالنسبه للطلب من اخونا المكانيكى ان يتفضل علينا بموضوع مستقل عن (التربيط) من حيث

اهم الاشياء التى تحتاج تغير وكذلك التى تحتاج الى شد ,,,,,,,,,الخ

ويعذرنا اخوى المكانيكى لو بنتعبه ولكن هذا من العشم

[Mohammad]

ما اخد يعرف رقم سكرووه فى القطيف؟

[سوبرمان]

أخوي حرباش
السلام عليكم ورحمة الله وبركاته
الله يجزيك خير الجزاء على الوصف وماقصرت وصفاً جيد ، والمعذرة على التأخير في الرد لأنه حصلت لي ظروف والحمد لله على كل حال .
والله يجزيك خير مرة أخرى وماقصرت .

[الشقردي]

اي والله ودنا لو تفيدونا عن تربيط السيارة على كلام المربد
, ولو كان أحد عنده ورشة ثانية غير النويصر في الرياض أكون له شاكر ويكون نقس الجودة بس ودنا بأرخص

[العطة]

السلام عليكم ورحمة الله وبركاته

اخوي الشقردي
التربيط عند النويصر نوعين كامل السيارة وهذا يبيلة مدة يد
واسفل السيارة 600ريال لكن شغل يستاهل

اخوك ابوعبدالاله

[Mohammad]

اتصلت على الاستعلامات وعطونى رقم سكروه بس ما يرد ابد ابد!

معقوله ورشه معروفه ما حد يعرف تلفونها!!!

[اابوساره]

السلام عليكم ورحمة الله وبركاته

في الرياض وحسب علمي لا يوجد سوى ورشتين مختصات بالتربيط , علماً ان التربيط الكامل يكلف اكثر من الف ريال .

1 - ورشه بن مرضاح , الصناعية , شارع الجمعية .

2 - ورشة النويصر , الصناعية , هاتف 4480233 جوال 0505232097


وتقبل تحياتي .

[الذيب سرحان]

الاخ / حرباش
وهرجك على متمه ، بالنسبة للوصف اللي ذكرته فما شاء الله عليك ابركبك عندي بدال القارمن :D ولكن فيه بعض الملاحظات البسيطة مثل ، اذا لفيت يمين وانا على طريق الدمام الجبيل وخذت يمين مع كبري الأوجام القطيف ، بعد ثالث اشارة افرق يمين واسيد لين يجيني دوار واسيد من عند الدوار لين يجيني مجمع الخنيزي وآخذ دونه يمين ويصير المجمع يساري واسيد ويجي المحل على يدي اليسار واسمه صالح سكروه مهوب ناصر .
والله يبيض وجهك على ماقدمت .

[محمد السبيعي]

ياشباب ان دايم اربط عند سكروه سيارتي ةسيارات اخوياي احسن واحد يشتغل هو الشائب اللي في المحل والا الشباب تربيط عادي ولكن سعرهم كويس 50 ريال ماتضر

واضيف على موقعه انه بالقرب من سوق الخميس
1/ هي اول اشاره تلف معه يمين وانت داخل من الكبري يجيك سوق الخميس على يسارك
2 تجيك اشاره لف معها يسار لين ينتهي الشارع ولف يمين
3/ وامش وبيجيك اختيارين رح يسار
4/ اول لفه تجيك خذبعد يسار
5/ دخلت السوق تجيك بنوك على يمينك 300 متر يقع محل سكروه مربط المجانين
وهذا للمعلوميه

[مزاااجي300]

زمان كان اخوي الكبير يربط في ( جده ) لجميع المواتر اللي عنده

وابصراحه اذا احد يبي تربيط غير جده وشغل التكاريين لالالالا يدور


اخوكم مزاجي