أين اجد ورشة لتفصيل طبق على مزاجي في الرياض؟

[almohandis]

كما في العنوان أحبابي..
أريد ورشة متخصصة في تفصيل الأطباق؟
حتى أفصل طبق على مزاجي ويكون اعامل فاهم شغله.

[مكشات واحد]

تحيه طيبه
السوافي مخرج 18

[عبدالله 102]

الكشاتة

امتداد طريق سعد بن عبدالرحمن وانت وجهك شرق (مخرج15)

[ريلاكس]

السائل يبي ورشه

مايبي محل لأن المحلات يشدون السعر

رح لم ورشة الخضير خلف كودو الي بالسلي عند الاستراحات رح لمه

[راعي المقانيص]

الصناعية القديمة ( طريق الخرج ) ورش الحدادة انت عطهم فكرتك واترك الشغل لهم واسعارهم مناسبه

[الشنه]

بيوجعك لراسك وكلن يقول رح هنا ورح هناك
انت من يحدد الشكل
ارفع مقاساتك وارسم الطبق على ورق وحدد الأ{تفاع حسب طبعك وعدتك
ورح لكم ورشه سعر وقيم
ولا تنسى
البويه وجه سلقون
ثم وجهين بويه ناري
واذا حبيت وجه رابع ورنيش ( لمعه)
وبعدها يجي نور الخشب
قص الخشب ومهم يكون 14 ملم ( يتحمل ويكون بليوت مب mdf(
وبعدها رح للغرابي ولبسه قماش متين وعملي ولا تنسى تخليه يو سع الماش شوي ( هذا حسب رغبتك) الخشب سمكه 14 ملم خل العامل يوسع ارتفاع القمش الى 20 ملم
علشن تدخل لباد ( يحط حدر الفرشات) وسيكون يعزل قرعة المعاميل
ويكون مريح اذا بيجلس عليه اطفل

هذا رأي والراي الأول والأخير لك

[ابو يوسف GX-R]

محلات الحداده الي في الصناعيه القديمه

[فيصل التميمي]

ارسم الفكرة ورح لم محلات الحددة الي بالصناعية وخل عنك الورش المشهورة غالين

[Treble H]

اخوي عذرا على السؤال بس مافهمت وش الحاجة من الطبق!! أو الطبق وش وظيفته؟؟

[ن م ر]

اخوي عذرا على السؤال بس مافهمت وش الحاجة من الطبق!! أو الطبق وش وظيفته؟؟


هذا الطبق للي ما يعرفه وفوائدة كثيرة ومنافعه عديدة :

http://www.mekshat.com/pix/upload02/images89/mk46422_fortuner.jpg



أما بالنسبة لطلب صاحب الموضوع أقوله أن اخوي الشنه ما قصر وأختصر كلامي كله

[almohandis]

يالله حي النشامى واحد واحد




تحيه طيبه
السوافي مخرج 18

السوافي أعرف إنهم حقين تجهيز كهرب وما كهرب وسويت سيارتي عندهم لكن ما توقعتهم يسوون الطبق، وتصوري إنهم بيكونون غويلين ..




الكشاتة

امتداد طريق سعد بن عبدالرحمن وانت وجهك شرق (مخرج15)

الوصف مو واضح
هل ورشة ولا محل رحلات؟
لأن محلات الرحلات ما ينفعون أنا أبغى أفصل بكيفي.
تسلم يا عبدالله.



السائل يبي ورشه

مايبي محل لأن المحلات يشدون السعر

رح لم ورشة الخضير خلف كودو الي بالسلي عند الاستراحات رح لمه
حياك الله يا ريلاكس..
كلامك سليم مية المية
راح أمر عليهم بمشيئة الله.





الصناعية القديمة ( طريق الخرج ) ورش الحدادة انت عطهم فكرتك واترك الشغل لهم واسعارهم مناسبه

تسلم يا راعي المقانيص
أنا أسأل عن ورشة مجربة بالاسم..
لاهنت .

[سرطوقا]

بالتوفيق اخي العزيز

[عبدالاله 123]

اشتر جاهز على حسب ماتبي لان التكاليف هي هي وتعبك اكثر
سعر الحداده سعر رش البويه وسعر الخشب وسعر التلبيس من غير التعب في الروحه والجيه
على حسب كلام الاخوان انه يشترونه وتعديل بسيط بالرجلين ويكون احلا مايكون

[speed 557]

ورشة المواهب وبس واهم يرشونها بعد

[almohandis]

بيوجعك لراسك وكلن يقول رح هنا ورح هناك
انت من يحدد الشكل
ارفع مقاساتك وارسم الطبق على ورق وحدد الأ{تفاع حسب طبعك وعدتك
ورح لكم ورشه سعر وقيم
ولا تنسى
البويه وجه سلقون
ثم وجهين بويه ناري
واذا حبيت وجه رابع ورنيش ( لمعه)
وبعدها يجي نور الخشب
قص الخشب ومهم يكون 14 ملم ( يتحمل ويكون بليوت مب mdf(
وبعدها رح للغرابي ولبسه قماش متين وعملي ولا تنسى تخليه يو سع الماش شوي ( هذا حسب رغبتك) الخشب سمكه 14 ملم خل العامل يوسع ارتفاع القمش الى 20 ملم
علشن تدخل لباد ( يحط حدر الفرشات) وسيكون يعزل قرعة المعاميل
ويكون مريح اذا بيجلس عليه اطفل

هذا رأي والراي الأول والأخير لك
لك الشكر أخي الشنة على المعلومات الرائعة،
شكل التكاليف بتكون مرتفعة،
جاري دراسة جميع الخيارات،




محلات الحداده الي في الصناعيه القديمه
شكرا أخي أبو يوسف،
كنت أرغب في عنوان ورشة بالاسم حسب الخبرة..




ارسم الفكرة ورح لم محلات الحددة الي بالصناعية وخل عنك الورش المشهورة غالين
المشكلة تطب لك في ناس ما عمرهم سوو الشغلة، وتتبهذل ساعة عشان تشرح له الفكرة وفي الأخير يقول "أنا ما في سوي هذا" :mad:..



اخوي عذرا على السؤال بس مافهمت وش الحاجة من الطبق!! أو الطبق وش وظيفته؟؟

الطبق الله يسلمك شرحه لك الأخ نمر . . حياك الله .



هذا الطبق للي ما يعرفه وفوائدة كثيرة ومنافعه عديدة :

http://www.mekshat.com/pix/upload02/images89/mk46422_fortuner.jpg



أما بالنسبة لطلب صاحب الموضوع أقوله أن اخوي الشنه ما قصر وأختصر كلامي كله


شكرا لك أخوي نمر ولأخونا الشنة . .