ايش افضل للبيع الاستبنه علاق و ونش ولا العادي للاند كروزر [الأرشيف]

مشاهدة النسخة كاملة : ايش افضل للبيع الاستبنه علاق و ونش ولا العادي للاند كروزر

يوم السبت

20/11/2010, 04:08 AM

سرطوقا

20/11/2010, 04:20 AM

الونش اذا انت راعي بر وفزعات خذ ولا تشآور بس يبي لك محافظ عليه

السبير تحت أفضل من العلاق لان اللي سمعت العلاق يطلع قربعه وصوت

لكن اذا انت مو مهتم خذ لك جيب مكيفين وقير عايدي اذا انت راعي بر

واذا لقيت جيب نظيف علاق خذه مافي مشكله هذا العالم معهم ومايخالف الجيب

النبع الصافي

20/11/2010, 11:02 AM

السبير العلاق لو تحط تانكي تحت مناسب والونش يحتاج اهتمام اكثر وعند البيع طبعا الرغبة للونش والعلاق لنه هي الفل كامل
موفق

ابراهيم الضيو

20/11/2010, 11:10 AM

الافضل الونش من العلاق

الشهابة

20/11/2010, 01:29 PM

الاسبير العلاق اريح في البر و يترك لك مكان لإضافة تانكي ماء تحت السيارة و لكن متعب في الفتح و الإغلاق للباب الخلفي و مع الزمن يطلع صوت قربعه ..

الاسبير تحت السياره (خلفية لكزس) مريح في الفتح و الإغلاق للباب الخلفي و لا منه قربعه او إزعاج و لكن حجز عليك مكان التانكي و في البر مزعج جداً يحك في القشع و يمسك الرمل

و الونش له اوقات ينفعك فيها و تحتاجه و لكن ماهو ضروري جداً جداً .. يعني ممكن تتصرف و تستغني عنه ..

عند البيع ارغب شي عند الناس اذا كان اللاندكروزر بونش و خلفية لكزس (هذا الملاحظ في المعارض)

انا شخصياً افضل اللاندكروزر اسبير علاق و لا يمكن اشتري خلفية لكزس ..

عاشق السيل

20/11/2010, 01:42 PM

إذا أنت راعي بر خذ استبنة علاق علشان اللي تحت تردح بالنفود وممكن برضو تحط مكانها تانكي للماء ،،

والونش ماهو ضروري إلى ذيك الدرجة ،، لكن ممكن يجي يوم وتتمناه !!!

وإذا أنت راعي مدينة وسفريات خذ استبنة تحت أفضل وأجمل والونش لا تفكر فيه إطلاقا .....

ن م ر

20/11/2010, 01:49 PM

قد بغيت انقلب في الدهناء بسبب الاسبير تحت
كنت قاطع خطوط برية بميلان والجيب يرتفع وينزل بقوه من ورى والاسبير يضرب في حواف الجادة الا يوم ارتفع عن الارض من ورى وربك ستر ما انقلبت

أيضا الاسبير تحت اذا غرز الموتر يكون سبب في تعليقه

لكن مع ذلك أجمل في الشكل ويفكك من القرقعة و ما يزيد من طول السيارة من الخلف كما هو الحال في الاسبير العلاق

وأنا أفضل الاسبير تحت رغم عيوبه اللي ذكرتها

ابن عكاش

20/11/2010, 02:42 PM

اللإسبير العلاق ميزته اوذف واجمل عندي وتقدر تركب تانكي تحت لو بغيت واسهل عنما تحتاج للسبير
عيوبه إذا بغيت تفتح الشنطه لازم تفنح الكفر قبل ومن عيوبه يسوي قرقعه خفيفه نسبياً ويسوون لها تظمين وتخف ايضاً نازل شوي وحلها ركب كفر سلق سخيف
اما الونش ميزه لكن ليس ضروري والدفلك اهم منه
اتمنى اني افدتك

ابوصالح77

22/11/2010, 02:30 PM

استفسار ايهم ارغب في البيع الونش و استبنة علاق ولا العادي

و ايش انواع الونش و استبنة علاق المعقولة

وايش انواع العادي المعقولة

معقولة اقصد فيها سعرها معتدل يعني ابي جنوط و مكيفين شرط اساسي و الباقي مو مهم
بالنسبة للمرغوب للبيع في معظم مناطق المملكة على الترتيب .
1- خلفية .
2- سبير علاق خلفية .
3- سبير علاق بابين .
أما الأسعار عند الشراء فالعكس صحيح
وستجد موتر نظيف -سبير علاق بابين- بسعر معقول
والبيع والشراء نسبة وتناسب ، يعني خسارك نفسها ، لكن الأرغبوالأسرع في البيع بلا شك الخلفية .
اما من ناحية الأصوات والقربعة في السبير علاق فمبالغ فيها جداً جداً ، وإن وجد فعلاجها بسيط ربلات أو ماكينة الفتح .
وما يعيب الأسبير علاق خلفية-وأنا من ملاكه- هو صعوبة الفتح نسبياً مقارنة بالخلفية ، وما يميزه إرتفاع بطن الموتر .
الخلاصة /أنصحك أخي الكريم بالموتر النظيف ، عسى ربي يوفقك
تقبل مروري

Abu Terky

24/11/2010, 03:04 PM

الاسبير العلاق و عن تجربة
ما هو صحيح اللي يقول له صوت قربعة
ما هو صحيح اللي يقول غير مريح في فتح الباب الخلفي و إغلاقه
الصحيح انه عملي و تركيب الكفر اسهل عند الحاجة له
اذا الاسبير تحت يسبب مشكلة خاصة في النفود حيث انه كثيرا ما يعلق في الأشجار و أحيانا ينكسر
ولا يصلح الا للي يهمه شكل الخلفية بس .
تانكي الماء تحت صحيح انه يخدم ولكن نفس مشكلة الكفر

سراي-01

25/11/2010, 04:01 AM

بالنسبه لي ونش + خلفيه شغل تمام..تحياتي للجميع

4x4ofroad

12/12/2010, 01:13 PM

بالنسبه لي شنطه واسبير علاق ودفلوك وقير عادي وثمانية سلندر وعيش حاياتك
والناس اذواق

HA22

12/12/2010, 02:01 PM

بالنسبه لي شنطه واسبير علاق ودفلوك وقير عادي وثمانية سلندر وعيش حاياتك
والناس اذواق
وانا معاك اخوي حتى لو كان ست سلندر

على رمشي تمشي

12/12/2010, 02:21 PM

عليك بالعلاق افضل واجمل

واحد مبسوط

12/12/2010, 05:39 PM

اذا ربي معطيك
طق لك ونش اسبير علاق
الونش تحتاجه يوم من الايام انا نشبت في صبخة ولا طلعني الا الله ثم شجرة مقابلة شبكت الونش فيها وسحبته المكرة سحب:eek:
والاسبير العلاق اكثر امان من اللي تحت
من ناحية التغريز ومن ناحية فك الاستبنه بعض المرات يصلب عليك ونش الاستبنه السفلي من الغبار والصدا:good2:
وايضا من ناحية تركيب تانكي
والاستخارة طيبة:good:
لكن انت عندك حاجات مهمة وفلوسك ماتردك لاتشتري شي وتقول بكرة لو اني سويت وسويت
الله يكتب لك كل مافيه خير انت ومن يقرا ومن يكتب:D

بعيد الهقاوي6

12/12/2010, 06:58 PM

الاسبير تحت افضل ومرغوب اكثر عند البيع
ولايوجد فيه اصوات قرقعه مثل الاسبير العلاق

النقطه الاهم
الاسبير العلاق خطير اثناء البنشر لان الثقل يكون في الاعلى ويسهل انقلاب الموتر عكس الاسبير اللي تحت يعطي رساوه اكثر لان الثقل يكون تحت

Abu Mryea

12/12/2010, 10:48 PM

بالنسبة لي ....

أفضل الأسبير علاق وبقوووووووووووووووووة

واللاند كروزر بدون سبير علاق ..... تقول كامري بكس

والواجهية أكيد أفضل شكل لما يكون فيها ونش ... وكذلك أرغب عند البيع

وبالنسبة لي أشوف أن هذي المواصفات هي القمة ( بالنسبة لي ) :

اسبير علاق - ونش - دف لك - قير عايدي -فتحة - مكيفين ............المشكلة مايجي الا 6 سلندر

واحد مبسوط

12/12/2010, 11:55 PM