سيآرتك بالمغسله ، والعامل يسوقها ؟

[سرطوقا]

السلام عليكم ورحمة الله وبركاته


بسم الله الرحمن الرحيم ...




اخواني


كل عام والجميع بخيـرر


الكل منا او البعض منا يملك سياره باختلاف انواعها سواء كانت فيراري او هايلكس وجيب وغيرها


انا وضعت هذا الموضوع كي أرى الاخوان في الخيمه المباركه وارائهم المباركه في مثل هذا العمل



البعض منا يحافظ على سيارته ويهتم فيها وقد لايعطي هذه السياره الا لأقرب شخص له او لا يعطيها

احد حتى لو كان ولده او أخوه !


لكني متعجب ان أرى بعض الناس يذهب بسيارته للمغسله ويجعل عامل المغسله وهو ليس

بمتخصص في هذا المجال يسوق سيارته !

مآرأيكم في مثل هذا ؟!


وهل انت مع أو ضد ان عامل المغسله يشغل سيارتك ويسوقها ويلبقها ؟! :)


شكرا لكم وآسف على الإطاله ..

[جديعان]

ضد انا ما اغسل موتري الا وانا على راااس العامل ما ارتاح طبعي كذا
وفيه بعض النااس عاادي لا وفيه من يوقف موتره ويخليه شغال وينزل للبقااله الله المستعااان

[almohandis]

والله يا سرقوطا وأنا أخوك مشكلة المغسلة ما أروحها وأنا رايق
دايما أروح للمغسلة في نفس الوقت اللي يكون عندي أشغال فأنزل السيارة وأروح أقضي أشغالي من محلات قريبة من المغسلة أو أنزل السيارة في المغسلة القريبة من بيتي وأرجع البيت.
والحافظ الله.

[أبو نـآيف]

والله ما اايد هالشي واحد من الشباب ضيعو مفتاح موتره
وصارت مشاكل ,, احسن شي خلك عن موتركـ كلها نص ساعه بالكثير وخالصه

[تناهيت]

اهنيك على الموضوع المفيد

مع أني ما اذكر آخر مره غسلت في المغسلة لأني ولله الحمد ما أحرص على الغسيل ميه ميه عندي حارس يغسل ولله الحمد

لاكن والله اني استغرب من اللي ينطل مفتاح موتره ويروح عنه
هذي أمثله مرت على أشخاص أعرفهم شخصياً:
1-واحد صدمو بموترة وأعدموا عليه باب كامل ........<قبل شهر تقريباً وانكروا فعلتهم .
2- وثاني سرقوا منه عطر وشاحن جوال وآيبود ....<من سنه تقريبا وخذ حقه بطريقته لأنه متاكد .
3-وثالث انسرق موتره من المغسله (كان اليماني ينشف القزاز والمورت شغال عشان يسمع الرادوا الله يحييه وجاه واحد وغافله وعطا الموتر دي ولا حصل موترة الا بعد شهرين معدوم في برحه ))
4- ورابع يقول مريت المغسله بعد ساعه استلم الموتر وحصل الغسال يطلع رصيف عشان يوقف متعيجز يدق ريوس .

بعد هذه الأمثله هل يقوى قلبك تسلمهم المفتاح ............<وكل هذا كوم وحقين الورش كوم ثاني لاكن مشكله الورش ما تقدر تاخذ المفتاح معك للبيت والموتر عندهم ((والله اني اشوف السواريه يلعبون بمواترنا لعب حسبي الله عليهم ))

تحياتي لشخصكم الكريم ولطرحك الرائع

[هواي البر فهد]

اكيـــــــــــــــــد
ضـــــــــــــــــــــــــــــــــــد وبشده انا ما اغسل موتري الا وانا على راااس العامل ما ارتاح طبعي كذا

[بوخليفه77]

انا ياخوي ماحب احد يستخدم سيارتي بس نادر ما اغسلها في المغسله
الهندي في البيت يغسلها كل يوم وينضفها يعني اذا بغسلها في الشهر مره
غسيل كامل
تسلم ياخوي على الموضوع
تحياتي

[abo_basil]

احياناً اترك المفتاح واروح بس بالمغسله الي متعامل معها يعني عارفني وعارف اخواني لانهم يجون بعدي ياخذونها
واغلب الاحيان اوقف فوق راسه وخاصه اذا كنت اغسلها بعد مشوار البر عن الطين وعن الرياغي وانتم خابرين

[مفخرة فورد]

بصراحة سواء كنت متعامل معهم او لا , لايمكن اني اخليه يسوق لثانية وحدة

[الرعد الغربي]

والله ما اخليه يسوقها لو مدري كيف
قبل شهر اوشهرين تقريبا ولد عمي ودا السياره المغسله جا لقا الصدام والشنطه والاسطب والرفرف معدومه ليش ساقها العامل ورجعها ريوس وخش في دينه واقفه والله المستعان
فأنا اكيد ضد هذا الشئ

[الستانس]

مستحيل اخليها واروح

عفشي فيها واغراضي وسواقتهم لك عليها

ما يحك جلدك مثل ظفرك

[BLACK-_-LOVE]

مستحيل اني اخليه يسوق الا وانا معه في السياره

[الحلم الغايب]

أنا طريقتي أجي وانطل عليهم المفتاح وما اجي الا إذا خلصت ..

بس بعد كـلامكم والقصص اللي ذكرتوها مشكله بصراحه لازم الواحد ينتبه

والله يستر علينا وعليكم .

[S3llo]

ذاك اليوم خليت العامل يسوقها ونا عنده ماعنده سالفة ومار يصبخ بالباب ذيك الصبخه الله لا يوريك ومار اكرشله كرش وعقبها ما خليت ولا عامل يسوق الموتر وبعد كم شهر جيت لنفس المغسلة ولقيت جيب يغسل يوم قضى ساقة الفتنامي والله ويرقع موتر مغسل وقاضي عندهم زين ان الجيب ما جاه شي بس مخوش والموتر الثاني جاه رفرف . (بس نصيحة لا تخلي العامل يسوقها)

[الشهابة]

المشكلة بعض المرات تضطر تعطيهم المفتاح و تروح تقضي أشغالك إذا كان الوقت ضيق ..

و في مرة من المرات طيح واحد من العمال المفتاح في مجرى الماء و بعد ساعه لقوه و لكن مايشتغل (مفتاح جيب لاندكروزر الي فيه ريموت) و بالمشاكل اخذت قيمته منهم و بعدها حرّمت أتركها عندهم ولو ما اغشلها شهر ..

[ابومرضي]

ذكرتني بسالفة قبل خمس سنوات
واحد طلع هوندا اكورد من المعارض مغبرة وحطها عند الغسال قالعا بجي استلمها بعد المغرب نظيفة
نظفها العامل وقفها في مواقف المحطة
ويجي واحد ما يخاف الله قله انا اخو صاحب السيارة وباخذها اول شي رفض العامل وقعدله هاللي مايخاف الله
قال له هذي بطاقتي والاستمارة في درج السيارة وانت طابق الاسم بس افتح السيارة عشان افتح الدرج واوريك الاستمارة

بس العامل فتح السيارة جلس الولد في مكان السواق وقله الدرج مقفل بالمفتاح اعطاه العامل المفتاح وعينك ما تشوف الا غبار السيارة

عاد العامل من القهر قام يبكي يصفق راسه بالأرض

[ملقاط بن جمر]

العافية طيبة ..

والله ما يسوق سيارتي أبد ..

تقعد على وساختها ولا يصير فيها شيء يحرق قلبي عليها ..

[عاشق السيل]

عن نفسي : فيه عامل يغسل الموتر يوميا وإذا اضطريت ورحت للمغسلة لا يمكن أروح وأخلي السيارة !!

وعن موضوعك : أشوف إن المسافة ماتزيد عن 15 متر يعني عادي لو دق سلف وحرك السيارة من مكان إلى مكان ولا تقارنها باللي ياخذ سيارتك ويروح عليها مشاوير !!!!!

رأيي الشخصي : من أكبر الأخطاء إنك تخلي موترك بالمغسلة أهم شي إنك تكون موجود حتى لو خليت العامل يسوقها لأنها معرضه للسرقة سواء أغراضك الشخصية أو السيارة كلها وصارت كثيييييييير للأسف !!

موضوع رائع ونقاش فيه الفائدة بارك الله فيك وفي كل الأعضاء .....

[.أبوعبدالرحمن]

نعم ، أنا ضد وبقوة

بل في بعض الاجيان وبالذات في اخر الليل ( قبل نهاية دوامهم على الساعة 11.30 ) تلقاه مطول على الاغاني

وهو يمسح السيارة على أقل من مهلة وراعي السيارة الله يخلف ما يدري وش اللي حاصل عشان حضرته راح يقضي

له كم شغله مع خويه

والاثم على ظهره بسبب تفريطه

[روحي شمالية]

السلام عليكم
انا مره قاعد اغسل موتري بالمغسله وواقف فوق روسهم
وجاء واحد معه تاهو الموتر امبين انه جديد
وخلا المفتاح عند الفريقي مدري نيجيري
ويوم راح صاحب السياره ركب الي يبي يغس يبي يدخل الموتر داخل والله ياشباااب
انه يدعس بنزززين ثم يحط المووتر ب D م الموتر يطق والله ان طقته بقلبي واستقعدلهم ياما جاء صاحب السياره وعلمته السالفه ومشيت مدري عااد وش سوا بهم

[هاوي القنص505]

مابقا الى ا***** يسوق الشاص لاغسلتة السياره اكون على راسه





تم تعديل هذا الرد
اذا تكرر منك
سيتم ايقاف عضويتك

مشرف القسم

[بدوي جنوبي]

بعض الاحيان أغسل سيارتى عند البيت :)

[عبون الجواء]

شكرا على صاحب الموضوع
بصراحة انا شف الحادث من عند المغسلة والقصة ما فيها دخلت المغسلة وقال الافريقي اصبر خلني اطلع سيارة الفورد كروان فتكوريا وادخل انت في الموقف قلت طيب واشوف الافريقي متحمس بالسيارة ويرجع بالموتر ويصدم بعمود الانارة واضر السيارة وقاعد يتحسر من الموقف وعقب هذا الموقف قلت مع احط السيارة الا وانا فوق العامل
تقبل احترامي وتقديري اخوك ابو عبدالله

[سرطوقا]

بارك الله فيكم ، ولي رجعه ان شاء الله :)

[سرطوقا]

ضد انا ما اغسل موتري الا وانا على راااس العامل ما ارتاح طبعي كذا
وفيه بعض النااس عاادي لا وفيه من يوقف موتره ويخليه شغال وينزل للبقااله الله المستعااان


حياك الله وياهلا ومرحبا ، ارجوا ان توصل المعلومه عشان مايتضرر صاحب السياره ويدخل نفسه بمشاكل :)

[سرطوقا]

والله يا سرقوطا وأنا أخوك مشكلة المغسلة ما أروحها وأنا رايق
دايما أروح للمغسلة في نفس الوقت اللي يكون عندي أشغال فأنزل السيارة وأروح أقضي أشغالي من محلات قريبة من المغسلة أو أنزل السيارة في المغسلة القريبة من بيتي وأرجع البيت.
والحافظ الله.

حياك الله وانا ارى انك تجلس ربع ساعه ولا تجلس سيارتك بالورشه لاقدر الله اسبوع مثلا :)

[سرطوقا]

اهنيك على الموضوع المفيد

مع أني ما اذكر آخر مره غسلت في المغسلة لأني ولله الحمد ما أحرص على الغسيل ميه ميه عندي حارس يغسل ولله الحمد

لاكن والله اني استغرب من اللي ينطل مفتاح موتره ويروح عنه
هذي أمثله مرت على أشخاص أعرفهم شخصياً:
1-واحد صدمو بموترة وأعدموا عليه باب كامل ........<قبل شهر تقريباً وانكروا فعلتهم .
2- وثاني سرقوا منه عطر وشاحن جوال وآيبود ....<من سنه تقريبا وخذ حقه بطريقته لأنه متاكد .
3-وثالث انسرق موتره من المغسله (كان اليماني ينشف القزاز والمورت شغال عشان يسمع الرادوا الله يحييه وجاه واحد وغافله وعطا الموتر دي ولا حصل موترة الا بعد شهرين معدوم في برحه ))
4- ورابع يقول مريت المغسله بعد ساعه استلم الموتر وحصل الغسال يطلع رصيف عشان يوقف متعيجز يدق ريوس .

بعد هذه الأمثله هل يقوى قلبك تسلمهم المفتاح ............<وكل هذا كوم وحقين الورش كوم ثاني لاكن مشكله الورش ما تقدر تاخذ المفتاح معك للبيت والموتر عندهم ((والله اني اشوف السواريه يلعبون بمواترنا لعب حسبي الله عليهم ))

تحياتي لشخصكم الكريم ولطرحك الرائع

هلأ ومرحبآ اخوي تناهيت

صراحه اللي قلته شيء محزن للغايه واهي كلها ربع ساعه وسيارتك خالصه من المغسله

اشكرك على المشاركه والتفاعل وحياك الله :)

[سرطوقا]

اكيـــــــــــــــــد
ضـــــــــــــــــــــــــــــــــــد وبشده انا ما اغسل موتري الا وانا على راااس العامل ما ارتاح طبعي كذا




الا خلك عنده لو نصف ساعه عشان ماتتضرر انت ولا السياره نفسها


حياك الله وشاكر مرورك :)

[سرطوقا]

انا ياخوي ماحب احد يستخدم سيارتي بس نادر ما اغسلها في المغسله
الهندي في البيت يغسلها كل يوم وينضفها يعني اذا بغسلها في الشهر مره
غسيل كامل
تسلم ياخوي على الموضوع
تحياتي

انت مفتك من المغاسل وغثاها خل العامل بالبيت وريح نفسك

يسلمك ربي وحياك الله :)

[سرطوقا]

بصراحة سواء كنت متعامل معهم او لا , لايمكن اني اخليه يسوق لثانية وحدة

احياناً اترك المفتاح واروح بس بالمغسله الي متعامل معها يعني عارفني وعارف اخواني لانهم يجون بعدي ياخذونها
واغلب الاحيان اوقف فوق راسه وخاصه اذا كنت اغسلها بعد مشوار البر عن الطين وعن الرياغي وانتم خابرين


الله يحييكم ، وهذا الكلام الصح

[سرطوقا]

والله ما اخليه يسوقها لو مدري كيف
قبل شهر اوشهرين تقريبا ولد عمي ودا السياره المغسله جا لقا الصدام والشنطه والاسطب والرفرف معدومه ليش ساقها العامل ورجعها ريوس وخش في دينه واقفه والله المستعان
فأنا اكيد ضد هذا الشئ

الله يعوض ولد عمك ، وان شاء الله انه تعلم وهذا درس له :)

حياك الله على المرور



مستحيل اخليها واروح

عفشي فيها واغراضي وسواقتهم لك عليها

ما يحك جلدك مثل ظفرك


صحيح هذا الكلام الزين

حياك الله



مستحيل اني اخليه يسوق الا وانا معه في السياره


حياك الله وهذا العشم :)


أنا طريقتي أجي وانطل عليهم المفتاح وما اجي الا إذا خلصت ..

بس بعد كـلامكم والقصص اللي ذكرتوها مشكله بصراحه لازم الواحد ينتبه

والله يستر علينا وعليكم .

يارجال كلها ربع ساعه وماتضرك ولا تنشب وتحط نفسك بمشاكل وحياك الله


ذاك اليوم خليت العامل يسوقها ونا عنده ماعنده سالفة ومار يصبخ بالباب ذيك الصبخه الله لا يوريك ومار اكرشله كرش وعقبها ما خليت ولا عامل يسوق الموتر وبعد كم شهر جيت لنفس المغسلة ولقيت جيب يغسل يوم قضى ساقة الفتنامي والله ويرقع موتر مغسل وقاضي عندهم زين ان الجيب ما جاه شي بس مخوش والموتر الثاني جاه رفرف . (بس نصيحة لا تخلي العامل يسوقها)

معوض خير وانا اخوك ، انشهد لاتخلي العامل يسوق وحياك الله وشاكر مرورك


المشكلة بعض المرات تضطر تعطيهم المفتاح و تروح تقضي أشغالك إذا كان الوقت ضيق ..

و في مرة من المرات طيح واحد من العمال المفتاح في مجرى الماء و بعد ساعه لقوه و لكن مايشتغل (مفتاح جيب لاندكروزر الي فيه ريموت) و بالمشاكل اخذت قيمته منهم و بعدها حرّمت أتركها عندهم ولو ما اغشلها شهر ..

هذا الكلام يخربون عليك شيء وانت في غنى عنهم ، شاكر مرورك :)

[العبقري 1]

هذا البنشري وصاحب المغسلة والورشة ،، أضرب كرسي جنبهم وأجلس أراقبهم .

[سرطوقا]

ذكرتني بسالفة قبل خمس سنوات
واحد طلع هوندا اكورد من المعارض مغبرة وحطها عند الغسال قالعا بجي استلمها بعد المغرب نظيفة
نظفها العامل وقفها في مواقف المحطة
ويجي واحد ما يخاف الله قله انا اخو صاحب السيارة وباخذها اول شي رفض العامل وقعدله هاللي مايخاف الله
قال له هذي بطاقتي والاستمارة في درج السيارة وانت طابق الاسم بس افتح السيارة عشان افتح الدرج واوريك الاستمارة

بس العامل فتح السيارة جلس الولد في مكان السواق وقله الدرج مقفل بالمفتاح اعطاه العامل المفتاح وعينك ما تشوف الا غبار السيارة

عاد العامل من القهر قام يبكي يصفق راسه بالأرض

المشكله ماهي بالعامل وانا اخوك المشكله من راعي الموتر لكن ان شاء الله يعوض بالجنه :)
حياك الله وشاكر تفاعلك





العافية طيبة ..

والله ما يسوق سيارتي أبد ..

تقعد على وساختها ولا يصير فيها شيء يحرق قلبي عليها ..


صحيح صدقت وحياك الله على مرورك :)



عن نفسي : فيه عامل يغسل الموتر يوميا وإذا اضطريت ورحت للمغسلة لا يمكن أروح وأخلي السيارة !!

وعن موضوعك : أشوف إن المسافة ماتزيد عن 15 متر يعني عادي لو دق سلف وحرك السيارة من مكان إلى مكان ولا تقارنها باللي ياخذ سيارتك ويروح عليها مشاوير !!!!!

رأيي الشخصي : من أكبر الأخطاء إنك تخلي موترك بالمغسلة أهم شي إنك تكون موجود حتى لو خليت العامل يسوقها لأنها معرضه للسرقة سواء أغراضك الشخصية أو السيارة كلها وصارت كثيييييييير للأسف !!

موضوع رائع ونقاش فيه الفائدة بارك الله فيك وفي كل الأعضاء .....

حياك الله وكلامك على العين واتشرف بمرورك وجزاك الله خير :)



نعم ، أنا ضد وبقوة

بل في بعض الاجيان وبالذات في اخر الليل ( قبل نهاية دوامهم على الساعة 11.30 ) تلقاه مطول على الاغاني

وهو يمسح السيارة على أقل من مهلة وراعي السيارة الله يخلف ما يدري وش اللي حاصل عشان حضرته راح يقضي

له كم شغله مع خويه

والاثم على ظهره بسبب تفريطه

هنا بعد مشكله وانا اخوك لكن يعين الله وشاكر لك تفاعلك ومشاركتك :)




السلام عليكم
انا مره قاعد اغسل موتري بالمغسله وواقف فوق روسهم
وجاء واحد معه تاهو الموتر امبين انه جديد
وخلا المفتاح عند الفريقي مدري نيجيري
ويوم راح صاحب السياره ركب الي يبي يغس يبي يدخل الموتر داخل والله ياشباااب
انه يدعس بنزززين ثم يحط المووتر ب D م الموتر يطق والله ان طقته بقلبي واستقعدلهم ياما جاء صاحب السياره وعلمته السالفه ومشيت مدري عااد وش سوا بهم


عليكم السلام ، مرحبأ ، ياخي هذي مشكله يغفل الكثير عنها يقول وشلون خرب القير وانا معي السياره ماجاها شيء من وين يفكر انها من راعي المغسله

اشكر لك تفاعلك اخي الكريم وحياك الله



مابقا الى ***** يسوق الشاص لاغسلتة السياره اكون على راسه

هلا ومرحبا شكلك حاقد عليهم وانا اخوك :) حياك الله على تواجدك ~


شكرا على صاحب الموضوع
بصراحة انا شف الحادث من عند المغسلة والقصة ما فيها دخلت المغسلة وقال الافريقي اصبر خلني اطلع سيارة الفورد كروان فتكوريا وادخل انت في الموقف قلت طيب واشوف الافريقي متحمس بالسيارة ويرجع بالموتر ويصدم بعمود الانارة واضر السيارة وقاعد يتحسر من الموقف وعقب هذا الموقف قلت مع احط السيارة الا وانا فوق العامل
تقبل احترامي وتقديري اخوك ابو عبدالله

العفو وانا اخوك

هذي من سلبيات المغاسل وش نسوي للي يترك موتره :)

شاكر ومقدر لك تواجد وحياك الله ابو عبدالله

[سرطوقا]

بعض الاحيان أغسل سيارتى عند البيت :)


حياك الله مشرفنا ، انا مثلك في مثل هذا الأمر ، شاكر تواجدك :)

[سرطوقا]

هذا البنشري وصاحب المغسلة والورشة ،، أضرب كرسي جنبهم وأجلس أراقبهم .

هذا اذا بعد تبي تصلح موترك في الورشه وش بتسوي :)

حياك الله على مرورك ~

[محسن اليامي]

مستحيل أخليها لازم أكون عندها ، وأنا استغرب من ناس يخلون سياراتهم في أيدي غير أمينة لأنك قد تعرض نفسك وللمغسله مشاكل أنت في غني عنها من الأول

[سرطوقا]

مستحيل أخليها لازم أكون عندها ، وأنا استغرب من ناس يخلون سياراتهم في أيدي غير أمينة لأنك قد تعرض نفسك وللمغسله مشاكل أنت في غني عنها من الأول


صحيح صدقت ومافي كلامك شك ، شاكر لك مرورك وبيض الله وجهك على التفاعل :)

[معهم]

اذا ماقعد عل راسه ولا مافي فايدة على اللي قريته واللي شفته في المغاسل اذا جا يشغلها حط ايدة على السلف ومايرفعها الا والسلف دايخ هذا غير حنه الكلتش,,

[راع الحشه]

انا ضد إنه يسوقها عامل المغسلة

[سرطوقا]

اذا ماقعد عل راسه ولا مافي فايدة على اللي قريته واللي شفته في المغاسل اذا جا يشغلها حط ايدة على السلف ومايرفعها الا والسلف دايخ هذا غير حنه الكلتش,,

ياليتها مشكله ، تحط السياره عنده وبعد يومين تحس انخا متغيره ولا فيها شيء والسبب عامل المغسله وانت مايجي على بالك عامل المغسله :)

كل الشكر لك على مرورك :~

[سرطوقا]

انا ضد إنه يسوقها عامل المغسلة

هذا الكلام ريح بالك وخلها يغسلها وانت عنده :)

شآكر لك على المرور ]

[المرزم]

والله ما اخليه يلمسه الا ونا على راسه انا اسوقه للمكان الي يبيه

[ساري بليل]

والله انا ضد هذا الشي والحرص تراه طيب

[سرطوقا]

والله انا ضد هذا الشي والحرص تراه طيب

صحيح كلامك :) وشاكر مرورك

[زنجبيل0]

العماله لعبو فينا حتى بالغسيل
انتبهو يسرقها بس ثم يقول مافي معلوم ماين شيل ايش فيه
انا بصراحه اغسلها بالبيت

[ابو سليمان 11]

مافيه امل يسوقه
انا قد مرة شفت هندي سيوق هيلوكس
وانتم خابرين الهليوكس عايدي
والهندي لك عليه في العايدي اول مرة طف عليه قلت ماعليش ماعرفه وخاصتن انه يبي يرجع ريوس
شوي الا اشوف لمبة الريوس وصوت المكينه شوي وتفتف وكل هذا عشان مايطف
يعني بنزيم و كلتج = يحترق الدكس والكلتج

[عاشق الكابرس]

ان اوديه مغسله فيه سعودي اهو المسئول عن تحريك السياره ها اذ كنت مشغول
ام اذ فاضي اجلس على راسهم
ام بالنسبه للورش مافي امل اتركه ثانيه وحده

[ابو خا11لد]

انا من اشد المعارضين على هذي الحركة ماحك ظهرك مثل ايدك وسلامتكم.....

[سرطوقا]

نظرا لـ أهمية الموضوع

رجعنا ريوس شوي :)

[ .. ؟ .. ]

[* ابو باسل *]

الله يحفظ الجميع والله بعض المرات وخاصه اذا كنت ابي اقضي شغل او ابي اروح مشوار في نفس الوقت واكثر الاوقات لاوالله اني اوقف على روسهم الين يخلصون .

[111333]

انا ضد وبشده انا اصلا اذا غسلت موتري اجلس فوق راسه واسوقه انا

مره شفت عامل يسوق هلي وهي عادي بغا يكسر الغير يعشق بدوون كلتش ( بنغالي جديد)