عطونا علم ها الازرة في الجي اكس ار

[...المغيدر...]

بسم الله الرحمن الرحيم وبعد:
معي جي اكس ار 2004 خليجي وهذا اول جيب اشتريه وفيه زرارات ما ادري وشهي:D
وحتى الدبل ماهنا زود علم فيه نرجع للزرارات فيه زرصغير على جنب القير طبعا تماتيك وش يسوي ها الزر وفيه زرين ثانين تحت القير على اليسار واحد2nd والثاني pwrوش عملهن
.
.
نرجع للدبل الدبل في موتري زر والقير فيه ثلاث تعشيقات بالترتيب التالي
H
N
L4
اشروحوها لي وفي اي نمره احطه هو طافي

داري اني مكثر في الاسئلة :D بس والله لازم اعرف وش يسون يمكن تجي حاجتهن وانا ما اعرفلهن . مشكورا مقدما على اثراء الموضوع

[geega]

سلام عليك..
بشرح بسيط وسريع...
2nd يخلي القير يبدأ تعشيق من ثاني وماينزل لاول.
الفايدة= اذا وقفت فوق رمل ثقيل وبغيت تحرك يخفف من عملية غوص الكفرات بالرمل لان القير يكون بثاني
pwr زيادة تدفق الوقود للمحرك
الفايدة= التسارع يكون اكبر وعند تجاوز المواتر على الخطوط يكون اسرع ( احس انه مو عملي)
اما الدبل
الزر اللي تقول عليه لتشغيل الدبل سواء كنت برمل او ثلج او امطار على الخط وانت مسافر
يعمل على تشغيل الدفع الرباعي وتقدر تشغله وانت ماشي اقل من 100 كم وهو المستعمل في التطعيس والبر دائما ولو لاحظت ان قير الدبل في وضع H على طول الوقت سواء شغلت الدبل او ماشغلت
#الوضع N يفصل تعشيقات القير كاملة ويستعمل اذا غرزت وبغيت تستعمل ونش موترك(اذا كان فيها ونش) او تبي احد يسحبك من غراز بدون ماتدوس بنزين او تعطلت وتبي سطحة تسحبك لاسمح الله والفايدة= عشان ما يطق او يفرط القير
يعني يكون بفاظي على طوووووول
#الوضع L وتعني دبل ثقيل LOW او بطيئ ويستعمل في حال الغراز الشديد جدا او تبي تقطع طين او صعود جبل وعر اونزول منحدر خطر او بغيت تسحب حاجة ثقيلة لمسافة قصيرة فقط ( مثل سيارة مغرزة)
وانتبه
تحس الموتر صار ثقيل ويالله يمشي لذلك لاتسرع ولا تتعدى الاربعين ولا تخليه بL لمسافة طويلة بس للطوارئ

ارجو اني افدتك.............

[...المغيدر...]

سلام عليك..
بشرح بسيط وسريع...
2nd يخلي القير يبدأ تعشيق من ثاني وماينزل لاول.
الفايدة= اذا وقفت فوق رمل ثقيل وبغيت تحرك يخفف من عملية غوص الكفرات بالرمل لان القير يكون بثاني
pwr زيادة تدفق الوقود للمحرك
الفايدة= التسارع يكون اكبر وعند تجاوز المواتر على الخطوط يكون اسرع ( احس انه مو عملي)
اما الدبل
الزر اللي تقول عليه لتشغيل الدبل سواء كنت برمل او ثلج او امطار على الخط وانت مسافر
يعمل على تشغيل الدفع الرباعي وتقدر تشغله وانت ماشي اقل من 100 كم وهو المستعمل في التطعيس والبر دائما ولو لاحظت ان قير الدبل في وضع H على طول الوقت سواء شغلت الدبل او ماشغلت
#الوضع N يفصل تعشيقات القير كاملة ويستعمل اذا غرزت وبغيت تستعمل ونش موترك(اذا كان فيها ونش) او تبي احد يسحبك من غراز بدون ماتدوس بنزين او تعطلت وتبي سطحة تسحبك لاسمح الله والفايدة= عشان ما يطق او يفرط القير
يعني يكون بفاظي على طوووووول
#الوضع L وتعني دبل ثقيل LOW او بطيئ ويستعمل في حال الغراز الشديد جدا او تبي تقطع طين او صعود جبل وعر اونزول منحدر خطر او بغيت تسحب حاجة ثقيلة لمسافة قصيرة فقط ( مثل سيارة مغرزة)
وانتبه
تحس الموتر صار ثقيل ويالله يمشي لذلك لاتسرع ولا تتعدى الاربعين ولا تخليه بL لمسافة طويلة بس للطوارئ

ارجو اني افدتك.............
الله يجزاك خير والله افدتني الشيء الكثير بس الزر الصغير اللي على جنب القير مهب اللي يشغل الدبل اللي يشغل الدبل فيه صورة دفرنس وكفرات اما الزر الصغير ما ادري وشو

[geega]

هلابك اخوي

اذا تقصد الزر اللي مكتوب عليه shift صغير مرة وبجنب القير
هذا يعشق القير والسيارة طافية
يعني ما اشتغل الموتر لاي سبب كان وحبيت تحط القير بفاظي بس الموتر ما يشتغل يعني القير ما يتحرك
بهالحالة اضغط هالزر وخلك كابس عليه(طبعا السيارة الان طافية) وحرك القير لوضع N عشان تقدر تحرك الموتر او تسحبه اوتقلصه.
اي استفسار لا تتردد بالكتابة
وشكرا