مالذي جعل الجيب يلف وهل تصرف قائده سليم انفجار الكفربالسرعات العالية كيف تتصرف ؟؟؟؟؟

[الربذي]

السلام عليكم

هل كل سياره ينفجر اطهار تلف ويفقد صاحبها التحكم

شفت سيارات تنفجر كفراتها تصوير وتجدها تلف حول نفسها

لكن هل بالامكان التحكم بسير المركبه بخط مستقيم
وايه اخطر الكفر الامامي او الخلفي

شوفوهذا المقطع صاحب دوريه حفظه الله سبحانه من الانقلابhttp://www.youtube.com/watch?v=ancFc5iGEjA

[عناز الحره]

ماشاااء الله صراحه العسكرى سوووووواق


ولاكن ثق تماما" اخى الكريم اذا ضرب الكفر وانت مسرع مافيه احد يضبط الجيب خاصه فتكون تحت رحمة الله لما ياقف الجيب زى العسكرى

[توفيق البلوي]

الحديد مافيه سواق
لاكن انا اشوف ناس ماسك الطاره بيد وحده
وهذا اكبر غلط
جود الطاره خاصة الجيب لانه اذا بنشر الكفر الامامي وانت مرخي يدك قل سلااااااام

[مفخرة فورد]

عليكم السلام ورحمة الله وبركاته
اذكر اني نزلت هالمقطع قبل فترة بالمنتدى
صراحة موقف صعب جداً والحمدلله على سلامة راعيه

نظافة الكفر + السرعة المعتدلة لابد منها لتجنب هذه المواقف بعد توفيق الله سبحانه
ونقطة مهمة أشار له الاخ توفيق الله يوفقه هي مسك الطاره او الدركسون بايديك الثنتين مع تجنب الضغط عالفرامل في هذه اللحظات
والله يحمينا واياكم من كل شر

[أبوفـهـــــد]

اكيد الاخطر الامامي ..
والله يكفينا وياكم من كل شر ..

[بدوي جنوبي]

ركزت في بداية المقطع وما شفت الكفر ضرب
السواق لو انه لمس الفرامل كانت علوم

[التعـ King ـديل]

الله ستر عليه .. والحمدلله على سلامته

[zzx503]

والله معد يسرع :D

[ابوصالح77]

ستر الله عليه

[احمد الشمال]

الحمد لله على سلامته

والكفر الامامي اخطر لانه غير ثابت مثل الخلفي
لكن اذا كنت مسرع وفجر عليك الكفر حاول ماتدوس على الفرامل بقوه واذا امكن تشغل الدبل الخفيف لزيادة الرساوه وعدم الانقلاب لاسمح الله طبعاً إذا نزلت السرعه عن 100 شغله


.

[كاشت وحداني]

بالنسبة لجيب الدورية ما ضرب عليه الكفر ولا شئ
هو يمكن يبي يجرب قدرته على التفحيط بالجيب او كان غافل وانتبه
وبصراحه عرف يضبط العقده
اما بالنسبة للانقلاب
غالبا الانقلاب سببه كعة الفرامل حتى على السرعات البسيطة مثل 100 او 110
وكفانا الله واياكم شر الحوادث

[ن م ر]

الله ستر عليه وضرب الصبات الخرسانيه اللي جمب الزفلت والا كان انقلب الجيب

والموقع أمام مهرجان الجنادرية



وبالنسبة للأخطر : الكفر الأمامي أخطر لأنه يتحرك يمين ويسار ويتحكم باتجاه السيارة


مشكور على المقطع

[س6ك7ب]

الحمد لله على سلامة العسكري، وعدم انقلاب الجيب ماهو إلا توفيق من الله وستر

السرعى الزائدة والكفرات الرديئة هي من أسباب الحوادث والإنقلابات

[سرطوقا]

السرعه الله يكفينا شر الحديد

[((ابوملاك))]

بالنسبة لجيب الدورية ما ضرب عليه الكفر ولا شئ
هو يمكن يبي يجرب قدرته على التفحيط بالجيب او كان غافل وانتبه
وبصراحه عرف يضبط العقده
اما بالنسبة للانقلاب
غالبا الانقلاب سببه كعة الفرامل حتى على السرعات البسيطة مثل 100 او 110
وكفانا الله واياكم شر الحوادث

اجل الكفر اللي منسدح عند وش يسوي ؟

ولا يتفرج ؟

[قمة افرست]

اعتقد ماضرب علية الكفر واضح السيارة واقفه مافيها بنشر يمكن ساهي وفقد السيطرة على السيارة
والصبة الي ضربة السيارة طيرت الاسبير الي وراء

عموما الجيب اذا بنشر كفر امامي انسى تمسكه بيمشي على جهة البنشر لين يوقف وتلقى نفسك برى الطريق
هذا بالسرعات العالية مع الصحراء لوسرعت مية صعب تمسكه
وطبعا كل شي بارادة الله وسترة
الكفر الخلفي ممكن تتحكم بالسيارة بس لاتمسك فرامل وجود الدركسيون
طبعا الجيوب والجموس بسبب ارتفاع الكفر مخيفة بالبنشر
والان اصبح اغلب السيارات مواصفات الجنوط وارتفاع الكفرات تم مراعات سب السلامة فيها

[الباحث_6610]

اقول ستر الله فوق كل شي
والارتبك في لحظة أنفجار الكفر سوءا أمامي وإلا خلفي يسبب الكارثة
اذكر واحد من الشباب أنفجر معه كفر خلفي بسيارة كابرس SS 2003 والسرعة 240 والله ستر عليه لولا الله ثم التصرف السليم كان الله يرحمه
اهم شي مثل ما قالوا الأخوان عدم السرعة الزائدة +الكفر الجيد =سلامة من الحوادث

[زعيم الصيادين]

الله فكه
من الموت
الحمد لله علا السلامه

[الربذي]

ماشاااء الله صراحه العسكرى سوووووواق




ولاكن ثق تماما" اخى الكريم اذا ضرب الكفر وانت مسرع مافيه احد يضبط الجيب خاصه فتكون تحت رحمة الله لما ياقف الجيب زى العسكرى

نحنت رحمة الله ونرجوها وهي اكبر ةاعظم فوز
لكن صاحب الجيب وش خلاه يلف حول نفسه.

[6ariq]

اجل الكفر اللي منسدح عند وش يسوي ؟

ولا يتفرج ؟


هذا كفر الاستبنه طال عمرك

[امير الامراء]

اجل الكفر اللي منسدح عند وش يسوي ؟

ولا يتفرج ؟
لامايتفرج هاذا كفر الاستبنه الخلفي الي في الباب بعد ماصقع في الصبه طاح

[البرتقالي]

كتبت رد ومسحوه
سامحهم الباري لو اني مرتكب جريمه :)

[ابراهيم الضيو]

بعد الله الالماني حلو راااسي اعطو الدوريات الماني

[YUKON_GMC]

الكفر ما انفجر ولا شي وواضحه الصوره ان كفراته كلها سليمه وهو قاعد يلف ... والكفر اللي طاح هذا كفر الاسبير لما ضرب بالصبه ..

سبب الحادث سرعه زائده وعدم سيطره على السياره واختل توازنها ونزل من الشباك منخرع طار قلبه ..

الله يكفينا شر الحوادث ولكن الانسان يتوقع وعلى هونه والدنيا ماهي طايره

[الربذي]

راقبوا الثانية الاولى وش الدخان الي خرج من خلف المركبه
او ان هناك ماء على الطريق وزحلق الحيب او بنشر وهذا دخان الكفر ملاحظاتكم فعلا الكفر هو الاستبنه طاحت بس الغريبة بدون الجنط بس الكفر

[abusalmaan]

صحيح ان احترافية السائق لها دورها بس ما ينجيك من هالمواقف الا رحمة ربك بلا احترافية بلا هم

تحياتي - ابو سلمان

[((ابوملاك))]

هذا كفر الاستبنه طال عمرك

اجل وين الجنط يالغالي ولا طار عن الجنط بلحاله

لان هذا مستحيل

[YUKON_GMC]

اجل وين الجنط يالغالي ولا طار عن الجنط بلحاله

لان هذا مستحيل

اصلاً مستحيل الكفر يطلع من السياره بدون جنط الا كان متقطع لكن الكفر الله اعلم انه كان منطول في صندوق الجيب بدون جنط وطاح لما ضرب بالصبه

الدخان الي طلع في الثواني الاولى دخان الفرات لأنه كان ماسط بريك

[الربذي]

اصلاً مستحيل الكفر يطلع من السياره بدون جنط الا كان متقطع لكن الكفر الله اعلم انه كان منطول في صندوق الجيب بدون جنط وطاح لما ضرب بالصبه

الدخان الي طلع في الثواني الاولى دخان الفرات لأنه كان ماسط بريك
طيب ليه يمسك بريك اكيد انه سمع صوت ولا بنشر

[عاشق السيل]

ركزت في بداية المقطع وما شفت الكفر ضرب


هذا اللي بقوله ،، مافيه أي كفر ضرب يبدو إن السواق كان مسرح ويوم قرب للرصيف عدل الموتر بقوة والجيب مايبي شي على طول اختل توازنه !!!!!

والمفروض وخاصة للجيوب الرفيعة إن الواحد مايسرع حتى لو كفراته جديدة ....