معي 70000 وابغا لي سياره زينه للبر والمدينه...المشوره يالطيبين

[أبا مجاهد]

ياخوان ابغالي سياره زينه للكشتات وزينه بصرفية البنزين والامور الميكانيكيه


وتكون سيارة الاستخدام اليومي


فما رأيكم بين باجيرو ربع او باترول ربع طبعا مستعملات 2007-2008


او هايلكس وكاله



والله لي فتره محتار وباذن الله نرسى على شي طيب

[توفيق البلوي]

للبر انحش عن الهايلكس
خذ باترول او ربع

[ابن السحاب]

نصيحة خذ ايسوزو ديماكس زينة للبر والديرة اونا مجربها في البر والديرة

[ابوطاقية]

حياك الله يابومجاهد
جميع ماذكرت ممتازه
والافضل الجديد لان مشكلة المستعمل وخاصه الجيوب تكون مكروفه شوي ومساء استخدامه فا الافضل الجديد
الله يرزقك ومبروك مقدما

[جون الشمالي]

نصيحتي لك روح دبي او الشارقه وتلاقي جيوب رخصيه مره

[برق الشفاء]

اكستيرا 2009 نصيحه لوجه الله بر جبل ارض جو بحر ............الخ
اقتصادي وقوي مع كل الظروف ومن ناحيت الاعطال اجلده ليل ونهار وماشاء الله وايقول اح
وتقبل مروري................................

[كاتم الشكوى]

أنا ناوي مثلك إن شاء الله وما دامك استشرت إخوانك
فأنا أشير عليك ب أيسوزو غمارتين دبل أريح من الهايلوكس والددسن وتوفير
من واقع تجربة
وإن شاء الله ناوي على 2011

[عناز الحره]

شووووووووف روووح لقطر تجيب احسن جيب بالسبعين

[التعـ King ـديل]

بعطيك بالترتيب اللي لو كنت مكانك سويتها ودورت عليها

باترول فتك اربع ابواب سفاري 2

برادو اسبير فوق ستاندر 6 سلندر

البرادو الاسبير علاق خليجي ويجي تانكيين

[zzx503]

عليك بالجمس الحوض غمارتين موديل 2008 وفوق حجم 2500 شفة في المعارض وراح تدعيلي وترا اقيامها رخيصه
وشكرا

[شهراني وأفتخر]

جيب ربع وماجاك عندي ولا فتك 2004 او2005

[الصمان 2]

جيب ربع .




وعليك بالاستخارة .











.

[راشد المخلفي]

خذ باترول ديزل

[volcano]

خذ ميتسوبيشي ناتيفا او باجيرو سبورت كد ومد سبت وحد:D

[AMERALNET]

بحكم اني مجرب انصحك بالفورتشينر بشرط تاخذه من دبي او قطر يعني خليجي ارخص لك وافضل لك

[سرطوقا]

من بين السيارات التي ذكرت ارشح الباجيروا

لكن اذا تبي تبيع بعدين خذ لك هايلكس سعودي جديد :)


مووفق

[ونش]

اكستيراللبيع ب 70 م 2008

[ابو عبووودي]

خذ فورتشنر 6سلندر 2007او2008واحرص يكون توماتيك وراح تدعيلي

[مكشاتي 2011]

نافارااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااا

[HAS5SAN]

خذ لك هايلكس
جديد وانسى همومك
ترى ممنوع تدخل السيارات من الخليج
لأقل من موديل 5 سنوات

[khaled-f]

عندي لك باترل ربع 2009 وكاله على الشرط بدي ومحركات لونه لولوي ماشي 29500
بحدود76.000 ريال بعد اذن الأداره ( 0553777037 ):good2:

[طرابيش]

بالنسبه للباترول الربع يسرف بنزين غير طبيعي ومامن قوة لاكنه مايعرف الخراب
الباترول الفتك موتر البر والسفر والديرة والقوة والراحة لاكن مايبي الحراره ابد على طول
يخرب الراس ويبي مسح وبعدين لازم اتشيل مسامير الثلاجه
وخذ معك احتياط كتاوت طرمبة البنزين
الجيب الربع قل خراب ويمسك قيمه وقوي لاكن غير مريح والله يستر لو يضرب عليك كفر ونت مسرع منتب لهلك
او يفصخ الكفر ونت تطعس على طول قلبه لان القلبه عنده بالمخباة وموتر شبهه
الباجيرو متانه وقوة لاكن قطع غاليه وغير مرغوب بالسوق لان طلابه قليل بسبب غلى القطع
الاكستيرا قوة و راحة وصبر وقتصاد بالبنزين فل ب 28ريال لاكن فيه صوت هواء من عند القزازه
والتعليق سيء يتعلق على طول وفيه شوي مطب بالبران عند المطامر (فيه ردحه) شوي تعديل وينضبط شل سسته الام وحط حقت ددسن وحط مساعدات مرسيدس اكبار وقدام حقات مرسيدس
الي يركبن للهايلوكس
ال اف جي قوي متين زبونه جاهز عند البيع البنزين معقول لاكن باالنسبه للراكب الي ورى يبي يدعي عليك لاركب
يتعلق عند الحبوس لان المسافه بين الكفرين الامامي والخلفي اطول من غيره
البرادو زين بس انه غالي اكثر من حقه وارتفاع البدي وسخف الشاصي يعرضه للانقلاب عند حدوث بنشر الله يستر والكامل وجهه
لاكن على حسب الديره الي انت به
ان كانك من الجنوب اشر تايوتا ربع او صالون وبس
ان كانك من نجد تايوتا جميع الانواع وفتك
ان كان انك من الشرقيه اشر باجيرو
ان كان انك من الحجاز مكه والمدينه وماحواليها هايلوكس او ددسن دفرنسين
ملاحظه:
انتبه تشري موتر ديزل او سياره دفرنس واحد ان كان تبي شوري الحمد لله البنزين رخيص
الله يعز دولتنا ويوفقهم
ونا انصحك بالفتك الموتر الي مايمل (وازينه).......

[قمة افرست]

قبل كل شي الاستخارة

ورايي لك خذ هايلكس 2010 جديد
تستخدمه وتبيعه بخسارة بسيطه

[shabrsh]

نصيحتي لك روح دبي او الشارقه وتلاقي جيوب رخصيه مره
كلام اخوووي سليم ميه الميه تلقاه هناك انظف من هنا

ولد خالي قبل فترة شاري سفاري 2005 فل حدود 80 الف صحيح فرق عشرة الاف عن المبلغ الي معك بس الموتر نظظظظيف وكان في معارض الرياض الي مثله 95 الف 90 ماتنزل عن كذا وكان ماشي 120 الف كيلووو

وبالتوفيق لك .

[نجم4]

باترول وبس

[Nissan hail]

طع شوري دتسن دبل

[سراي-01]

هايلكس غمارتين دبل 2010 او2011 بدون رفارف(بنزين),,,الله يوفقك.

[ابو خا11لد]

انصحك با الهلي الدبل او الفورتشينر

[ابوصالح77]

أخوي أستخر الله
الباجيرو والباترول ممتازات والأفضل البرادو ويوجد منه ربع
الهايلوكس لا تعليق
بالتوفيق

[شبل داورد 1]

والله كلن قام يقدح من راسه
خذلك مازده 79هههههههههه
نصيحه لوجه الله خذلك جيب تايوتا
جكس او ربع
بتقول ليش
نقولك الموتر عملي وماسك سعره زي الشيك

[بارود برنو]

نصيحه

اذا بغيت هايلوكس لا تاخذ الا دبل

[القاطور]

عندك ياخوي عدة سيارات قوية في كل اللي تبي منها ( اليوكن + باثفندر + برادو + واللي على شكلها مثل الاكسبلور وغيرها ) دور الشركة اللي تميل لها وفلوسك تجيب لك مستخدم اخو الجديد والله اعلم

[فل ابشن]

نصيحة خذ فورشنر خليجي للبر لا تدور غيرة وسعرة معقول

[كم كيلو باقي]

دراهمك تجيب لك باجيرو ربع جديد

واذا بغيت تستفسر عن الباجيرو لا يردك الا الخاص

[أبا مجاهد]

يعطيكم العافيه اخواني جميعا وماقصرتم يالذيابه

وهذا العشم برجال مكشات الكرام

[عاشق السيل]

ههههههههه والله دوخوا راسك الشباب بكثرة الآراء !!!!

عاد باقي رايي : نصيحتي لك خذ الهايلكس الجديد وإذا تبي الراحة بالمركب خذ الباترول وإذا تبي أفضل موديل وأكثر تحمل خذ الباجيرو ،،،

اللي براسي كثير لكني ماتعديت اللي قلتها أنت !!!!!!!!!

الله يوفق للي فيه الخير والصلاح .....

[خليفان]

كمل نص دينك
اعرس

[بريم السليل]

خذلك ياطويل العمر باجيرو ربع وماجاك عندي , انا مجربة وما شاالله , والجيب الربع تويوتا طيب

[ولد اعنيزة]

باترووووووووووول اسئل مجرب ولا تسئل طبيب والدليل تصويت مكشات على احسن سياره

[ولد اعنيزة]

عليك بل استخاره والله يوفقك اخوك vtc-4499@hotmail.com

[مكسر الشوك]

افضل هايلكس دبل جديد سعرها حلو وقوه لابأس فيها
سيارة غير مريحة بس اذ تعودت عليها ماودك تفارقها
الجيب الربع سواء نيسان او تايوتا ضيق شوي وسعر الجديد غالي والنظيف يمكن نادر تحصلة عندنا
والباجيروا سعر القطع غالي يقولك السلف بـ 3000 او اكثر والسير بــ 500 ريال

سياره قوية بس قطعها نار وغير متوفرة بكثرة في الاسواق

[saadqc]

كمل نص دينك
اعرس

فعلا !!!!!

[فتى الدهناء]

خذلك طيارة شراعية ..
هههه ناوي على الرجال ..
موضوع شيق وآراء تجعل الحليم حيران
الله يوفقك ويبارك لك

[dodge-ram]

اسوزو ديمك وبسسس