شركة هيونداي والنصب والغش و الدجل

[راشد المخلفي]

شركة لا امانة ولا سيارت ولا موظفين مثل الاوادم ولا قطع غيار متوفرة و غالية ولا اقتصادية ولا..........ولا..الخ.... لاكن الشي العجيب اخذنا منهم سيارة ماتركس 2006 والله القرادة :D استعملناه والله 9 شهور وتعبنا منها من الخراب ولاهي اقتصادية اخذناه وكالة والله 38الف رديناة لهم قلنا تشترونها ويسون لها فحص وبالاخير قالو نشتري ب18الف :mad: يعني الي يشتري هيونداي لا يفكر يرجع له راس المال ولانص راس المال الله لايحدني وياكم الى هالشركة التعبانة الله يخليلنا تويوتا و نيسان اشكال واقتصاد وووالخ والسلام مسك الختام

[التعـ King ـديل]

كلامك على العين والراس .. لكن بعطيك مثال على شركه هونداي

الوالد اشترى اكسنت 2006 واستخدمها استخدام حشمه مشى عليها حوالي 81000 وبعناها قبل عيد الاضحى ب 20000

مع ان الوالد فاكها وكاله ب 31000

[جون الشمالي]

الله المستعان
والله اكثر الوكلات كذا

[التعـ King ـديل]

وبعطيك مثال اخر لشركه اخرى وهي شركه جيب

اي واحد تقوله شروكي يقولك حراره وقطع غيار نار ومن هالكلام .. عند واحد من العيال موتر فاكه وكاله عام 96 الموتر شيخ وماشي 250 الف

الموتر ماغير فيه شي غير الكلتش ماشاء الله تبارك الله ويروح عليه صيف وشتاء مااشتكى منه .. الموتر يوم يشتريه وكاله ب 62000

الان يسام منه ب 28000 بالصيف ويوم دخل الشتاء واصل 32000 بينما اخوه مشتري هدد 97 ب 115000

وماشي عليه 300 الف والان عارضه بالمعارض ب 40 ماجابها له

[راشد المخلفي]

شكرا على المرور لاكن ياخوك حراج السيارة ماتمشي عندهم هالوكالة بعدين السوق مافيه اي سيارة لهيونداي تحت 1995 لاكن تويوتا ونيسان ماشاء الله مالية السوق

[ولدمظبر]

المستقبل للكوري

ثم فورد

ونيسان خلال الخمس سنوات

[راشد المخلفي]

المستقبل للكوري

ثم فورد

ونيسان خلال الخمس سنوات
شكرا على مرورك الكريم

[التعـ King ـديل]

اخوي راشد سيارات هونداي ماغزت العالم الا عام 95 بالاكسنت

[zzx503]

الرياض فية الاكسنتات مثل النمل

[راشد المخلفي]

الرياض فية الاكسنتات مثل النمل
اكيد اجانب عشانها رخيصة ومخيسة

[سرطوقا]

عندي رد على أخوي كنق التعديل ، يعني لو تخيرني تقول اشتر جيب الشروكي ولا الهدد وش رايك انت ؟

شكرا على الموضوع والسياره على رجل راعيها اذا رجله حاره وقوي عليها لازم تطلب :)

[6ariq]

اخوه مشتري هدد 97 ب 115000

وماشي عليه 300 الف والان عارضه بالمعارض ب 40 ماجابها له




ويييييييييين راعي الهدد

دلنا عليه

[تميم4]

شف اسعار الجيب عندهم واضحك شوي وينافسون النيسان

[monsixnet]

هذا لقالك ....................شين وعينه قويه

[قناص سدير 20]

الهيونداي أثبت جدارته وخاصة الاكسنت و هي رابع أو خامس أكبر شركة سيارة في العالم و الثانيه على مستوي المملكه و أتوقع أن المستقبل له

[عبدالاله 123]

هونداي شركه عالميه سيارة قيمتها 44 الف ريال تكد معك خمس سنوات وتبيعها ب25الف
وتغنيك عن سيارات تويوتا ونيسان اللي بنفس الحجم واسعارها من فوق 60 الف
مثل الكورلا تغنيك عنها الانترا والا يارس تغنيك الاكسنت عنها والباقي من فرق السعر يكفيك بنزين لمدة 3 سنوات ههههه

[abusalmaan]

يا شباب ترى شركة هيونداي شركة ممتازة وسياتها ممتازة وللعلم فهي تعتبر من السيارات

المنافسة للياباني وذلك بشهادة وكلاء السيارات اليابانية ولكن فيها بعض السيارات اللي غير

معروفة في السوق وسعرها يطيح مثل الماتركس والقتز ووو بس تعال شوف الالنترا والاكسنت

والسوناتا والسيارات الثانية بعد زي الازيرا والسنتافي والفيراكروز والتوسان كلها سيارات حلوة

وتمسك اسعارها بعد البيع انا كان عندي سنتافيه 2007 مشيته 170000

بعتي ب48 وانا شاريه 80 واتوقع انه سعر حلو على هالمشي.

تحياتب - ابو سلمان

[راشد المخلفي]

شكرآ لمروركم جميعآ يبقى الرأي و الرأي الأخر

[بعيد الارماس]

اسمع وانا اخوك لو تلف الارض كلها مافيه مثل تويوتا ونيسان اصلي على بطنه يابعد حي مافيه غش الا الكسورات تجي بعضها صيني بس الصناعه مافيه مثلها

[sumbook]

اخي الكريم لما تتكلم عن الهونداي كوكالة ما تقدر تعمم
في المملكة فيه ثلاث وكالات للهونداي.. المجدوعي في الشرقية .. والوعلان في الرياض ... والناغي في الغربية ان ما كنت انا غلطان

اخوي كان عنده ماتركس موديل 2002 او 2003 وخلال فترة الضمان صار عنده مشاكل بالجير وصلحوها على الضمان.. ولما كملت تقريبا ال 80 الف او ال 100 الف برضة رجع عنده مشكلة بالجير وقالو له تصليحها بحوالي ال 5 او 6 آلاف... دخل في محاورات مع الورشة وبالاخير اظنه دخل على المجدوعي وحملوا مصاريف التصليح على المصنع من باب التعامل الحسن مع العميل ولانه دايم يصلح السيارة عندهم..
وانا كانت عندي سيارة اكسنت موديل 2001 من المجدوعي وبعدها اخذت الجيب تيراكان موديل 2002 ومن المجدوعي بعد.. وكان تعاملهم جدا راقي ومنظم ولا فيه مواعيد او اي تأخير.. كنت ادخل السيارة عندهم وبعدها بيوم او يومين بالكثير استلمها منهم..

ان كانت سيارتك على الضمان ما يقدرون يغرمونك تصليحها.. الا اذا كنت مثل كثير من الناس عندنا.. ما يعرفون شي اسمه صيانة دورية او فحوصات كل 10 الاف او 20 الف...
فيه ناس ما تعرف الورش الا لما تطيح السيارة وتوقف عليه بنص الشارع

[بن سليمان]

مع احترامي الشديد للجميع حنا ما ضيعنا إلا مقولة غير نيسان وتويوتا لا تدور !!!
تخليوا وكلاء التويوتا والنيسان يقرون مثل الكلام في المنتديات باعتقادكم راح يرخصون الاسعار ؟
أنا ما أدري ليش نشعرهم أننا ما نقدر نستغني عن سياراتهم
سيارات الهيونداي الكورية غزت العالم غزت أسواق أمريكا وأوربا وأسيا وأفريقيا

[قائد السريه]

شركة لا امانه ولا سيارت ولا موظفين مثل الاوادم ولا قطع غيار متوفرة و غالية ولا اقتصادية ولا..........ولا..الخ.... لاكن الشي العجيب اخذنا منهم سيارة ماتركس 2006 والله القرادة :D استعملناه والله 9 شهور وتعبنا منها من الخراب ولاهي اقتصادية اخذناه وكالة والله 38الف رديناة لهم قلنا تشترونها ويسون لها فحص وبالاخير قالو نشتري ب18الف :mad: يعني الي يشتري هيونداي لا يفكر يرجع له راس المال ولانص راس المال الله لايحدني وياكم الى هالشركة التعبانة الله يخليلنا تويوتا و نيسان اشكال واقتصاد وووالخ والسلام مسك الختام

كل كلامك والتشهير هذا ماجبت لنا عليه دليل
وين الدليل ؟

بس ياشباب الي يبي يسأل لايسأل ناس متعصبه

الي يبي يسأل يركب مع تكسي النترا ويشوف كم هي ماشيه ويسأل سواق التكسي عنها

هذا وهي مع غشمان وعليميه وصابره معهم

وروحو لمحلات الاجار وشوفو وش السيارات الي صابره على مر السنين

والله ان اكثر الي يصبر عند محلات الاجار هي الاكسنت
وشوفو كم هي ماشيه هذا غير فصل الطبلون
وغير التفحيط والتفجير الي يجيها وصابره وتقولي مافيها صبر

فماله داعي التعصب والناس خلاص صحصحة مهيب مثل اول

انا والله ثم والله ان موتري هايلوكس 2011 بس مهو معناته اني اصير متعصب لمجرد ان معي تويوتا

[sumbook]

على فكرة ... فيه ملاحظة بسيطة
السيارة تقول موديل 2006 وشاريها من الوكالة واستخدمتها 9 اشهر.. يعني اختربت عليك في اول او نص 2007.. واحنا الحين في اواخر 2010.. يعني مستخدمها كل هالمدة والحين توك تشتكي منها؟؟

بصراحة فيه لبس بالموضوع
يا ان التواريخ عندك غلط او موديل السيارة غلط ... او ان الموضوع كله من اوله للآخره غلط في غلط