قيادة الجيب في المنعطفات ؟؟؟

[الهوى الغربي]

السلام عليكم

يا اخوان الله يمسيكم بالخير جميع

اخوكم توه مطلع له جيب كروزر 2010

المهم اني كنت اليوم مع واحد من الاخوان بالطريق وكنت داعس شوي

واخذنا منعطف وكنت ماشي حدود الـ 140

المهم الرجال صاح علي وقال انت مجنون؟ على بالك الجيب مثل الفورد؟<< سيارتي القديمه :D

قلت خير ؟ قال لا تاخذ اللفات بسرعتك كلها لا زم تهدي قبل ماتاخذ اللفه لان الجيب سريع الحوصان :D والانقلاب

المهم والله ان كلامه خوفني شوي ولا ادري هل عنده علم ولا من جنبها؟؟

هل الجيب تختلف قيادته مع المنعطفات عن باقي السيارات ولا نفس الشئ ؟

اترك الاجابه لكم واتمنى تفيدونا بهذا الخصوص

وسلامتكم

[التعـ King ـديل]

بقولك شي بالنسبه للتويوتا جربت الهدد على مخرج 8 وانا جاي من الدايري الشمالي بروح للمطار وكنت امشي 100 حسيت انه بدا يحوس قمت هديت

بينما اخذها على البرادو والباترول على 140 عادي وكني راكب كابرس تسعاوي

[مفخرة فورد]

عليكم السلام والله يمسيك يالخير
وعساه ألف مبروك
والله ياخوك السرعة شينة خاصة عند المنعطفات
لأن ارتفاع السيارة له دور في فقدان الثبات
والله يبارك لك ويعطيك خيره ويكفيك شره

[البرتقالي]

عليكم السلام ورحمة الله
مافيه سيارة تقارن بالفورد من ناحية الرساوة
وشي طبيعي الكروزر وغير الكروزر ما يقارن فيها
الجيب ما يختلف عن باقي المواتر لكن الفورد مختلف بقوه :)
نعن ابو من صنعه كنه علك لاصق بالازفلت ;)

[راشد المخلفي]

وين ساهر عنك :p:p ياخوي منت صاحي جيب و140:mad::mad:

[الهوى الغربي]

بقولك شي بالنسبه للتويوتا جربت الهدد على مخرج 8 وانا جاي من الدايري الشمالي بروح للمطار وكنت امشي 100 حسيت انه بدا يحوس قمت هديت




بينما اخذها على البرادو والباترول على 140 عادي وكني راكب كابرس تسعاوي


مدري وانا اخوك والله اني احس ان الرجال صادق

لكن اذا اخذت اي لفه مره ثانيه لا تهدي لانه خطر اكيد فالافضل خلك على سرعتك والمكتوب ما منه مهروب

اشكرك اخوي على تفاعلك

[abo_hoor]

وعليكم السلام ورحمة الله وبركاتة
والله ياخوي عندي جيب انا دايم سياره مرتفعه تحس في انعطاف السياره
اما وقت الانعطاف احسن شي انك تهدي للحرص وكذلك للامان لاسمح الله

[كم كيلو باقي]

طبعا يالغالي الجيب اخطر بكثير ويحتاج تهدي زيادة

والله يحفظني واياك وجميع المسلمين

[توفيق البلوي]

والله ياخوك اني داعس داعس جيب والا فورد
اهم شي لادخلت اللفه لاتدعس بنزين ولا ترفع رجلك يعني خل الدعسه وسط
وماجاك عندي مو تمشي 200 وتنقلب وتبلشني هههههههههههه

[سعد الخالدي]

مبروك الموتر يعطيك خيره ويكفيك شره

اخوي خلاص انسسا سواقت الفور

وبعدين كلام خويك صح بس رآح يحوس بعيد عنا وعنك فالمنعطفات القويه

وإنششاء الله تتهنى بالموتر

[MjNo0oN]

والله في هاذي على حسب

اذا كنت من النوع الي شاقل الموتر = رافعه اكثر من رفعة بلده
في هاذ خطر كبير

اما اذا كان على وكالته صراحه الاند الجديد سواقته محترمه ورساوته مشهود لها

و المنعطفات و السرعه و السياره ونوعية الزفلت وانت بكرامه هاذي مايقدر يحددها الا السواق نفسه اذا كان حايف موتر ووازنه يعرف يحدد السرعه الي يقدر ياخذ بها المنعطف

وبعطيك مثال خفيف عندنا في الديره منعطف اخذه على موتري الفورنتشر وانا امشي 160 عادي وواحد من الربع معه كامري مايقدر يتعدى ال140 فيه وهاذا مهوب قصور في سيارته ولا زود هبال فيني لاكن في نضرته انه اذا تعدى ال140 بيختل توازن موتره على المنعطف

ونصيحتي لك لا تسرع على موترك الا وانت وازنه وحايفه وعارف له

[الهوى الغربي]

عليكم السلام والله يمسيك يالخير
وعساه ألف مبروك
والله ياخوك السرعة شينة خاصة عند المنعطفات
لأن ارتفاع السيارة له دور في فقدان الثبات
والله يبارك لك ويعطيك خيره ويكفيك شره


الله يبارك فيك وانا اخوك

السرعه مافي شك شينه

بس والله اني كنت امغط الفورد على 140 تقريبا ومع منعطفات قويه ولا احس بالمنعطف

مدري احس ان الجيب يختلف يمكن بسبب ارتفاعه تحس انه بيحوص بس ما ادري

والسرعه لا شك خطيره بس ساعات الواحد ينسى اللفه او يكون متعود على قيادة معينه

ع العموم مشكور يالذيب على ردك وتفاعلك مع الموضوع

[الهوى الغربي]

عليكم السلام ورحمة الله
مافيه سيارة تقارن بالفورد من ناحية الرساوة
وشي طبيعي الكروزر وغير الكروزر ما يقارن فيها
الجيب ما يختلف عن باقي المواتر لكن الفورد مختلف بقوه :)
نعن ابو من صنعه كنه علك لاصق بالازفلت ;)

من ناحية الفورد صدقت راسي رساوه مشهود لها

بس الواحد لازم يخاف من اي خلل ممكن يحصل فيه وبالذات مع اللفات

الفورد ينخاف من الجوزات والقطع الاماميه التحتيه فلا تأمن لها مع اي منعطف

اما مقارنة رساوته بالسيارات الاخرى فما افتيك فيها لاني ما جربت المواتر كلها بس هو افضل ما مر علي من المواتر التي اقتنيتها حتى الان من حيث الرساوه

واشكرك اخوي على ردك وتفاعلك مع الموضوع

[الهوى الغربي]

وين ساهر عنك :p:p ياخوي منت صاحي جيب و140:mad::mad:

والله وانا اخوك الواحد ينسى

وبيني وبينك ما نعرف ساهر الى الان

ومرات الواحد تاخذه السوالف مع الطريق

ولو تكون أمامه ادارة المرور كامله ما ينتبه لها

الله يخارجنا من ساهر ومن كل أمر قاهر:p

وتسلم ع الرد يالذيب

[عاشق الماركيز]

انتبهو ياخوان هاذا الموقف شايفه قدام عيوني اول ايام عيد الاضحى كنت متجه للمزرعه بعد صلاة العيد ومعي الوالد المزرعه بالرغبه بعد حريملاء وليتعديت حريملاء تجيك منعطفات شينه وانا معي فورد اهدي المهم قدامي جيب برادو اخذ المنحنى جديد 2010 والله انه هج فيه لولاا رحمت ربك والا كان بيصير حادث بس الحمدالله ربك حماهم واتبهو ياخواني اصلن السرعه مهيب زينه

[سرطوقا]

على حسب المنعطف واخذ الحيطه والحذر افضل لاقدر الله ينجلط عليك كفر ولا شيء سبحان الله

ومبرروك عليك الموتر الله يطعمك خير ويكفيك شره وموفق يالغالي :)

[الهوى الغربي]

وعليكم السلام ورحمة الله وبركاتة
والله ياخوي عندي جيب انا دايم سياره مرتفعه تحس في انعطاف السياره
اما وقت الانعطاف احسن شي انك تهدي للحرص وكذلك للامان لاسمح الله

وهذا هو الشائع والمحسوس في نفس الوقت ولكن هل هناك فعلا اختلاف؟
والشكر لك اخوي على المشاركه

[abusalmaan]

اقول انتبه الله يعافيك

اولا عشان سلامتك

ثانيا عشان الجيب مرتفع ما يقارن ابدا بالفورد في اللفات

ثالثا عشان نظام ساهر اللي نتفنا تنتيف.

تحياتي - ابو سلمان

[الهوى الغربي]

طبعا يالغالي الجيب اخطر بكثير ويحتاج تهدي زيادة

والله يحفظني واياك وجميع المسلمين

الله يعطيك العافيه اخوي على المشاركه والافاده منك

ونسأل الله السلامه لنا ولكم

[الهوى الغربي]

والله ياخوك اني داعس داعس جيب والا فورد

اهم شي لادخلت اللفه لاتدعس بنزين ولا ترفع رجلك يعني خل الدعسه وسط
وماجاك عندي مو تمشي 200 وتنقلب وتبلشني هههههههههههه


الله يكافينا الشر وياكم

ومن هـ الناحيه لا تشيل هم

^^

خبره طال عمرك

اي فرمله او ترفع رجلك عن البنزين مع اللفه قل ياستار بس

اشكرك على مداخلتك ولا هنت يالذيب

[الهوى الغربي]

مبروك الموتر يعطيك خيره ويكفيك شره

اخوي خلاص انسسا سواقت الفور

وبعدين كلام خويك صح بس رآح يحوس بعيد عنا وعنك فالمنعطفات القويه

وإنششاء الله تتهنى بالموتر

الله يبارك فيك ويهنيك بحياتك اخوي سعد

رأيك وصل وأفدتنا به طال عمرك

مشكور والله يجزاك خير

[الجو ربيع]

عليكم السلام والله يمسيك يالخير
وعساه ألف مبروك
والله ياخوك السرعة شينة خاصة عند المنعطفات
لأن ارتفاع السيارة له دور في فقدان الثبات
والله يبارك لك ويعطيك خيره ويكفيك شره



:good2: 100 % 100 :good2:

[التعـ King ـديل]

انتبهو ياخوان هاذا الموقف شايفه قدام عيوني اول ايام عيد الاضحى كنت متجه للمزرعه بعد صلاة العيد ومعي الوالد المزرعه بالرغبه بعد حريملاء وليتعديت حريملاء تجيك منعطفات شينه وانا معي فورد اهدي المهم قدامي جيب برادو اخذ المنحنى جديد 2010 والله انه هج فيه لولاا رحمت ربك والا كان بيصير حادث بس الحمدالله ربك حماهم واتبهو ياخواني اصلن السرعه مهيب زينه

هالمنعطفات اخذتها كلها لاني رايح لديرتي اشيقر على باثفيندر 2005

يايات استراليه + جنوط جيتي 16 والسرعه ماتنزل عن 150

[طيب العرف]

على حسب ارتفاع الموتر كل مارتفع كل ماصار اخطر مع المنعطفات
ونوعية الزفلت لها دور

[السومر]

الجيوب ارسى من السيارات الاخرى على المنعطفات

[الهوى الغربي]

والله في هاذي على حسب

اذا كنت من النوع الي شاقل الموتر = رافعه اكثر من رفعة بلده
في هاذ خطر كبير

اما اذا كان على وكالته صراحه الاند الجديد سواقته محترمه ورساوته مشهود لها

و المنعطفات و السرعه و السياره ونوعية الزفلت وانت بكرامه هاذي مايقدر يحددها الا السواق نفسه اذا كان حايف موتر ووازنه يعرف يحدد السرعه الي يقدر ياخذ بها المنعطف

وبعطيك مثال خفيف عندنا في الديره منعطف اخذه على موتري الفورنتشر وانا امشي 160 عادي وواحد من الربع معه كامري مايقدر يتعدى ال140 فيه وهاذا مهوب قصور في سيارته ولا زود هبال فيني لاكن في نضرته انه اذا تعدى ال140 بيختل توازن موتره على المنعطف

ونصيحتي لك لا تسرع على موترك الا وانت وازنه وحايفه وعارف له

بردك ذا منتب مجنون :D

الا أعقل العقلاء

بيض الله وجهك اخوي على الرد الوافي والكافي

[الهوى الغربي]

انتبهو ياخوان هاذا الموقف شايفه قدام عيوني اول ايام عيد الاضحى كنت متجه للمزرعه بعد صلاة العيد ومعي الوالد المزرعه بالرغبه بعد حريملاء وليتعديت حريملاء تجيك منعطفات شينه وانا معي فورد اهدي المهم قدامي جيب برادو اخذ المنحنى جديد 2010 والله انه هج فيه لولاا رحمت ربك والا كان بيصير حادث بس الحمدالله ربك حماهم واتبهو ياخواني اصلن السرعه مهيب زينه

مامن شك وانا اخوك ان السرعه ميب زينه

بس السؤال كان هو هل هناك فرق بين الجيوب والسيارات الاخرى في المنعطفات ام لا؟

وتسلم اخوي على مشاركتك لنا

[الهوى الغربي]

على حسب المنعطف واخذ الحيطه والحذر افضل لاقدر الله ينجلط عليك كفر ولا شيء سبحان الله

ومبرروك عليك الموتر الله يطعمك خير ويكفيك شره وموفق يالغالي :)

الله يبارك فيك اخوي وتسلم طال عمرك على طاعته

وشكرا لك على مشاركتك من خلال الموضوع وابداء رأيك

[الهوى الغربي]

اقول انتبه الله يعافيك



اولا عشان سلامتك


ثانيا عشان الجيب مرتفع ما يقارن ابدا بالفورد في اللفات


ثالثا عشان نظام ساهر اللي نتفنا تنتيف.



تحياتي - ابو سلمان


تسلم اخوي على المشاركه

اولا الله يسلمك

ثانيا صدقت

ثالثا ما عندنا ساهر الى الحين:p

شكرا ابو سلمان:good:

[@..ابن الدلم..@]

وعليكم السلام ورحمة الله وبركاتة
والله ياخوي عندي جيب انا دايم سياره مرتفعه تحس في انعطاف السياره
اما وقت الانعطاف احسن شي انك تهدي للحرص وكذلك للامان لاسمح الله