الي يعرف ورشه أو كهربائي يركب بطارية إضافية (( الله لا يهينكم ))

[بر البراري]

السلام عليكم ورحمه الله وبركاته....

صبحكم / مساكم الله بالخير ..:s

بما أني مالي بالشغلات الكهربائية ووجع راس و ....و

ودي لو أحد يفيدنا بمحل أو ورشه أو كهربائي .. يركب بطارية إضافبة

والي مركب بطارية إضافية يقول وش السلبيات والايجابيات (( ووش تنصحون ))

ولا يهون مشرفنا مكشات على موضوعه
كيفية تشبيك بطارية إضافية للسيارة
http://www.mekshat.com/vb/showthread.php?s=&threadid=3472

ولا يهون مستشارنا المترو على موضوعه
طريقة شبك البطاريه الاحتياطيه للسياره بالشرح والصور
http://www.mekshat.com/vb/showthread.php?t=37714

ولا يهون أخونا أبو صالح 77 على موضوعه
تجهيز الجيب ( ج 1 ) : شبك البطارية الإضافية ، وبعض الملحقات المهمة .
http://www.mekshat.com/vb/showthread.php?t=326608

والي ما ذكرتهم يعذروني ..

وفق الله الجميع لما يحبه ويرضاه ...:f

[ابوصالح77]

هلا بك أخوي بر البراري
يسعدني ويشرفني أن أكون أول من رد وليس نقصان بالإخوان فهم جهابذة في ذلك .
وسوف أتطرق إلى إجابيات وسلبيات تركيب البطارية الإضافية .

أولاً : الإجابيات : كثيرة لااتحصى من أهمها
1- الإعتماد على الإضافية في تشغيل الأجهزة .
2- عند تعطل الأساسية لاقدر الله يكون معك الإضافية (الإحتياطية) .

ثانياً : السلبيات : (تكون بسببنا )
1-عدم معرفة الدائرة الكهربائية بحيث لو حصل خلل لاقدر الله نعرف كيف نقوم بالتصرف السليم .
2- إعتمادنا إعتماد كلي على الورشات دون الدخول في أدق التفاصيل( سببها الخجل للمستهلك أوسر المهنة للتاجر)
3- عدم ضع الأسلاك ذات الجودة العالية في التمديدات الكهربائية ، وكذلك الأفياش والفواصل .
4- شغل الورشات والكهربائين غالباً مايكون تجاري فهو يبحث عن الربح والسعر المعقول.
5- وجود البطارية يشجعك على تجهيزات أخرى مما يجعلك تخرم في داخلية السيارة .
6- السلبية الوحيدة التي واجهتها ، هو إزالة ماطور الهواء ووضع البطارية الإضافية مكانه
ومازال البحث جاري عن مكان مناسب لتثبيته بالكبوت -حيث أنه كبير الحجم- والحل هو وضعه في مقدمة السيارة أو شراء جديد أصغر منه .

وخلاصة الأمر أنه لاتوجد سلبيات إذا كان التجهيز على أعلى مستوى من الجودة .

أما الورشات والكهربائيين فتعج المملكة بهم ، وما عليك إلا أن تبحث بقوقل المنتدى أو تذكر مكان إقامتك يفيدونك الإخوان
تقبل مروري
أخوك/ أبو صالح

[بر البراري]

الله يجزاك ألف خير ونورت الموضوع بمرورك

أما بنسبة لسلبية :

4- شغل الورشات والكهربائين غالباً مايكون تجاري فهو يبحث عن الربح والسعر المعقول.


بهذي والله صدقت ( ولا نقص بالي قلته ) وهذا السبب الرئيسي في رداءة الجودة .. لكن حنا نحاول نبحث عن الشغل النظيف

كفيتت ووفيت يا أبو صالح ورايتكـ بيضاء

أما بالنسبة لمكان الاقامة .. الرياض

[دله وفنجال]

السلام عليكم...

اخوي بر البراري .. فيه ورشه في شارع الاربعين ( الامير متعب بن عبدالعزيز ) حي الربوه - الرياض .. ونت جاي من مخرج ١٥ بتجاه طريق الخرج خذ المخرج يمين تجيك اشارة شارع الاربعين خذ يمين يجيك محل ابو ريالين ( ياسلام ) في اول عماره على اليمين الورشه بعدها مباشره وهي مغسله ومشحمه وباب الورشه في النص .. الورشه شغلها ممتاز جدا جدا والاسعار ممتازه مره وهي اقل بكثير من سوافي و الدفع الرباعي ..

المسئول رجل فاضل يقاله ابو سليمان شباب نصوح وفاهم وحريص على شغله ..

وعنده افكار ثانيه جميله ومفيده ..

واحب اذكرك .. سعره ممتاز وشغله عالي الجوده مع الضمان وجميع المواد اصليه ..

جربه وتبي تدعيلي ...

والسلام عليكم

[قناص خلاوي]

بيض الله وجيهكم جميع
اخوي دلة وفنجال وش اسم الورشة وبأي مكان من شارع الأربعين
ياليت وصف عجل لأن الشارع معروف ولو كلفت عليك

[دله وفنجال]

بيض الله وجيهكم جميع
اخوي دلة وفنجال وش اسم الورشة وبأي مكان من شارع الأربعين
ياليت وصف عجل لأن الشارع معروف ولو كلفت عليك


السلام عليكم...


هلابك اخوي قناص خلاوي ...

والله اني مادققت في الاسم لاكن هي في اول الشارع من جهت طريق صلاح الدين .. قبل البنك الاهلي ..

[الصــرح]

بإختصار شديد
ركبت بطارية إضافية لسيارتي الشاص 2010 عند عروق الشمال ببريدة
بــ850 ريال من وإلى
يكفيك القاعدة والتسليك كأنها شغل شد البلد
ووالله العظيم من شاف الشغل أعجبه وأنبهر من الشغل السنع
وسلامة الجميع

[ساقان]

الورشه الي في شارع الاربعين اسمها الصبي ،، قبل البنك الاهلي ، وقبل امس مشتغل عندهم وأسعاره مناسبة وشغله نضيف وتعامله جيد

[قناص خلاوي]

السلام عليكم...


هلابك اخوي قناص خلاوي ...

والله اني مادققت في الاسم لاكن هي في اول الشارع من جهت طريق صلاح الدين .. قبل البنك الاهلي ..


الورشه الي في شارع الاربعين اسمها الصبي ،، قبل البنك الاهلي ، وقبل امس مشتغل عندهم وأسعاره مناسبة وشغله نضيف وتعامله جيد

بيض الله وجيهكم جميع
ان شاء الله بمر الورشة واشوف شغله
لاهنتوا

[بر البراري]

دله وفنجال

بيض الله وجهك وما قصرت ... عرفت الموقع .. وبسير عليه في أقرب وقت

:f


قناص خلاوي

شاكرا لمروركـ

:f


رفيق السفر

يعطيكـ خير الموتر ( والبطارية الإضافية ) ويكفيكـ شرهـ ... تحيه طيبة لأهل القصيم ... شاكرا لمروركـ


:f

ساقان

جزيت خيرا على الإيضاح والإفادة ..




.

[ابوصالح77]

ما قصروا الربع جعلهم يحيون

[بر البراري]

ما قصروا الربع جعلهم يحيون

ومن يقول ..

ولا يهون الي ردوا علي ع الخاص ... (( لا أستطيع الرد عليهم .. لعدم تجاوز مشاركاتي 50 مشاركة :( ))