وش الحل مع باب الريموت ياجماعة

[ابو شكاع]

السلام عليكم يامكشاتيين
مسيكم بالخير
الله كلن يحييه بأسمه
أنشهد ان هالمنتدى يفتح النفس ياجماعة مهما رحت ومهما جيت بهالنت ...ما ترتاح الا لعدد بسيط من هالمنتديات ومنها اكيد مكشات
ماعلينا من طول الهرج وابقول لكم وش ابي <<< أخلص علينا :D
هالحين وش الحل مع باب الريموت .؟ (الكراج الكهربائي)
تعرفون ان الباب الريموت يجي نوعين ...واحد رولة وهو الأرخص ...وهو اللي نبي نهرج عنه
والثاني النوع الغالي ...وهذا ما عليه اشكالية
اقول لكم الله يسلمكم ...باب الريموت اللي رولة ... هذا يسبب ازعاج عندي خصوصا اذا نزلته
طرررررررررطق طق طق طررررررررررطق طق طق ... أحس ان جيراني ودهم اطلع من البيت اليوم قبل باتسر واشيل معي هالباب وأنا رايح
فاوش رايكم ؟
هل ممكن انه يزيت او شي ؟
احتريكم
لاعدمتكم

[نمر بن حثلين]

معاناتك نفس معاناتي بس بابي من النوع الثاني :good:

الباب كان يقرقع بقوه ووصل مرحلة انه يعجز يصك ويرجع مره ثانيه

ورحت للشركه حقته وقلتلهم عن المشكله

وقالو الحل بسيط وسهل وتقدر انت تحله

وهو انك :
تجيب بخاخ الصدا W40 وتبخه بالمجاري حقت الباب ، لانه يكون فيها غبار يعوق الباب

وبالفعل بخبخته وظبط وصار هادي ويمشي بسلاسه

[الـ ع ـارض]

الحل بسيط يا بوصالح ....

جيب الشركه اللي ركبوا لك الباب وخليهم يفكوه همن يفكوا الشرايح ويشحموها زين ويكثروا الشحم وايضا يشحموا المجرى حق الباب
وان شاء الله يروح الصوت ..... ولا تنسى العدة اللي تلف الباب هذي بعد لازم تشحم


هيااااااااا فمااااااااااان الله

[القناص]

انا مع الاخ نمر بن حثلين
عليك ببخاخ الصدا المسمى Wd40
ولا تحاول وضع زيت على مجرى الابواب
حسب توصية شركة انفال للابواب
والله الموفق

[ابو شكاع]

http://limo711.jeeran.com/hla-w-gla.gif

يالله حيهم

ماتقولون اني قريت ردودكم ....واخبر ان عندي بخاخ للصدأ ....وأروح ادوره والقاه ... بس طلع اسمه مهوب اللي تقولون .... لقيت اسمه penetrating oil <<< يجي له مثل المصاص

وأقرأ صناعته اثارية امريكي ... قلت بس هذولا أهل الصناعة وأن شاء الله انه يبي يزين خصوصا ان البخاخ أمريكي واليوكون أمريكي فالمفروض ان هالباب يختشي على دمه ويزين

وأقوم وأبخه على المسارات ...واصك الباب ومير اشوا يروح الصوت

قلت ياولد عيد عليه ما يضر

وأرفعه ثانية وأبخ عليه ...والحمد لله الحين تمام الحين

يعني زان بنسبة 99% هال 1 بالمية مخليه للظروف الله يستر يخرب ثاني اصير حاطن هالإحتمال عندي :)

مشكور يانمر بن حثلين

ويالعارض

ويالقناص

الله لايحرمنا منكم ويجزاكم خير

[الوهاج]

http://www.mekshat.com/pix/upload/images10/mk11049_abushkaa1.gif

وعليكم السلام ورحمة الله وبركاته ،،،

موضوع زين ووووو بس للاسف غير مكشاتي ،،، لذا تم إيداعه الى الارشيف
:D

وش رايك اصلح اصير مشرف :j

على العمووم يالحبيب حبينا نمزح (شكله مزح ثقيل حبتين)

نرجع للموضوع الله يسلمك باب الرولة يعتبر افضل من الباب المنزلق ،،، خاصة اذا كان من الوكالات المعروفة مثل الكحيمي او غيره، وذلك لان وسائل السلامة تكون متوفرة في الرولة، جميع الاصابات التي تحدث للاطفال المسؤل عنها الابواب الثقيلة المنزلقة، بسبب بسيط جداً انه اذا تعطل نظام السلامة لاقدر الله ينزل الباب الثقيل على الضحية، اضف الى ذلك ان له منزلقات معلقة داخل المنزل مما يشوه السور الداخلي اللمنزل،

اما ميزة انه ثقيل وقوي فهي ليست مهمة والسبب ان الذي يكسر الرولة سوف يكسره، بالعكس الورلة مرن ويمتص صدمة السيارة وكذلك الصيانة سهلة ولاياخذ حيز في المنزل، بس انصحك بابواب الكحيمي ولله قمة الجودة

اما بخصوص الصوت عند الفتح فالباب له ربلات او سيور تكون عازلة بينه وبين مجاري الباب، بحيث تمنع احتكاك الباب بالمجاري، لذا عند الصيانه يقوم الفني بتثبيت السيور وترجيعها الى مجراها بواسطة مفك او مفتاح وعندها سوف يختفي الصوت والرجه التي تحدث

اما بخصوص بخاخ الصدأ فهو يعتبر مسكن للالم (اقصد الصوت) فقط كلها كم يموم يوعود يحن ويزن، لذا تأكد من السيور او الربلات

شكلي طولت وانا اكتب وتعبت :o

تقبلوا تحياتي ،،، الوهاج ،،،