كيف تشغل سيارة أتماتيك بدون سلف

[فل ابشن]

بسم الله الرحمن الرحيم


يا أخوان انا عندي سيارة قير تماتيك بس انا اخاف أن يتعطل السلف في البر فكيف اشغل المحرك ابغى إذا سمحتم افكار منكم لتشغيل المحرك بدون سلف

[فل ابشن]

الموضوع للرفع

[ولد وايل]

تشغيلها شوي صعب

ترفع السياره ثم تحرك الكفر برجلك حتى سرعه فوق الخمسين
وتعطيها دي

بس اعتبرها صعبه جدا

هذا اللي سمعته ما جربته

[فل ابشن]

يا ولد وايل طريقتك صعبة مر والله يجزاك خير

[بدوي جنوبي]

السلام عليكم

عشان تطمن وانت في البر وترتاح :f
السلف ما يخرب عليك فجأه
حتى لو فكر انه يخرب
يعطيك دلالات واضحه
مثل ضعف في التشغيل
او طقطقه من الدقمه
او تفويت في التشغيل بسبب الترس الداخل

او ،،،، الخ

المهم يعلمك انه بيخرب :)

انت في الحاله هذي لازم تصلح السلف قبل تكشت للبر
http://www.mekshat.com/pix/upload04/images188/mk32037_mes5399m.jpg

حتى لو بدأ السلف يخرب
ممكن تشغيله عن طريق السلف مباشرة بملامسة
الطرف ال+ والطرف - في نفس السلف
وان شاء الله راح يشتغل .

اذا مره تأزمت معك الامور
توكل على الله وفك السلف وحاول تشوف الخلل .

http://www.mekshat.com/pix/upload04/images188/mk32037_carmechanic.jpg
غالبا السلف تنحل (ترتخي ) اسلاكه او الكيبل
فتحتاج الى الشد (احذر تشد الاسلاك بالمفتاح واصبع البطاريه مشبوك)
قد يحصل التماس خطير . :eek:

اذا مره مره مره تأزمت الامور وما تبي تترك سيارتك فك السلف
واستبدله بآخر بعد ما توصي احد يجبيه لك واعتقد اسعار السلوف الامريكي
تبدأ من 90 ريال .

هذا ما لدى

بالتوفيق

ملاحظة :
بتروح البر الله يحفظك ويرعاك
لازم تاخذ معك عده كامله
http://www.mekshat.com/pix/upload04/images188/mk32037_01_big.jpg
حتى لو كانت نوع تجارى اهم شيئ انها
تفك ازمه ،،، ويفضل يكون عندك خبره بسيطه متواضعه
هذا وانت راعى بر

وفقك الله

[فل ابشن]

جزاك الله خير يا بدوي جنوبي لاكن انا ظنيت انه يمكن ان السلف ممكن يخرب بدون مقدمات وشكرن على أفادتك

[التعـ King ـديل]

انا مع كلام اخوي بدوي جنوبي السلف يعطيك دلاله قبل يبدا يخرب

[بوخليفه77]

والله ياخوي السلف يبين اذا فيه اي عطل
يعني يعطيك مقدماااات
تحياتي