يوسف الخليفة1
23/11/2010, 04:40 PM
راحت سنين العمر بديارنا سراع=وايامنا ما بين ثغما وسفيعه
قضينا فايت بالمداين ونجاع=ياما درجنا بالفجوج الوسيعه
سبوتنا تضرب على خالي القاع=مشينا بين الطامنه والرفيعه
في كل وادي لو تفرع تفراع=ما نترك اللي بالخلا نستطيعه
اوقات ما تحصى مضت بالوطا مزاع=ما باقي منها غير ذكرا نذيعه
عديت بالنايف والارياح لفاع=واشوف نفهات المقاصي مريعه
وابصرت بادروب البراخيص مرباع=يا ما حلا الخالي وماحلا ربيعه
وادرت عيني للحوايم به رفاع=من عالي الضلعان تهفي سريعه
ودليت انادي مشرله بالاصباع=ابي التسلي في حياة الطبيعه
يا طير يا حايم بالاكوان شلاع=ما توحي حسوسي وتدرك سميعه
هيهات ما تفهم من الحكي منذاع=ولا عليك وجوب فرض الشريعه
نزلت للوادي حمار المسا فاع=واذنت للمغرب ونفسي مطيعه
هذا فضل ربي كسب فيه من طاع=والروح بالعصيان تبقى صريعه
والعسر بالمكتوب ما به تجزاع=صبر الرضى مثل الحصون المنيعه
الارض ما فيها سوى البوم واسباع=بالليلة الظلما تعاوا مجيعه
واوحيت مشي وحوش يمكنها ضباع=هذي مساكنها عساها شبيعه
ما فيه بالعزله رعايا ومرياع=ولا فيه دلالن بسوق المبيعه
ما غير ناري فيها الاغصان ولاع=والحقتها سمر الجذوع السنيعه
عندي معاميلي من الوقده سفاع=والهيل بالدله هناني لذيعه
الليل دامس والمطايير هجاع=والكوكب القبلي جذبني لميعه
يكفيني بالعشوه ولو قطعة كراع=ترا العوض يلغي حسوف القطيعه
رزقي على اللي مالي العيش بالصاع=منزل عليه الغيث كافل طليعه
فالق بذورن تسقى من كف زراع=حتى العشوب بكل سهله وقيعه
مروي بغيثه دوح الاشجار باتلاع=والرمث واثمام السهل والنقيعه
حنا لاجل رب السماوات ركاع=نفوسنا له بالعباده تبيعه
يوسف الخليفة ( أبو عبد الله )
قضينا فايت بالمداين ونجاع=ياما درجنا بالفجوج الوسيعه
سبوتنا تضرب على خالي القاع=مشينا بين الطامنه والرفيعه
في كل وادي لو تفرع تفراع=ما نترك اللي بالخلا نستطيعه
اوقات ما تحصى مضت بالوطا مزاع=ما باقي منها غير ذكرا نذيعه
عديت بالنايف والارياح لفاع=واشوف نفهات المقاصي مريعه
وابصرت بادروب البراخيص مرباع=يا ما حلا الخالي وماحلا ربيعه
وادرت عيني للحوايم به رفاع=من عالي الضلعان تهفي سريعه
ودليت انادي مشرله بالاصباع=ابي التسلي في حياة الطبيعه
يا طير يا حايم بالاكوان شلاع=ما توحي حسوسي وتدرك سميعه
هيهات ما تفهم من الحكي منذاع=ولا عليك وجوب فرض الشريعه
نزلت للوادي حمار المسا فاع=واذنت للمغرب ونفسي مطيعه
هذا فضل ربي كسب فيه من طاع=والروح بالعصيان تبقى صريعه
والعسر بالمكتوب ما به تجزاع=صبر الرضى مثل الحصون المنيعه
الارض ما فيها سوى البوم واسباع=بالليلة الظلما تعاوا مجيعه
واوحيت مشي وحوش يمكنها ضباع=هذي مساكنها عساها شبيعه
ما فيه بالعزله رعايا ومرياع=ولا فيه دلالن بسوق المبيعه
ما غير ناري فيها الاغصان ولاع=والحقتها سمر الجذوع السنيعه
عندي معاميلي من الوقده سفاع=والهيل بالدله هناني لذيعه
الليل دامس والمطايير هجاع=والكوكب القبلي جذبني لميعه
يكفيني بالعشوه ولو قطعة كراع=ترا العوض يلغي حسوف القطيعه
رزقي على اللي مالي العيش بالصاع=منزل عليه الغيث كافل طليعه
فالق بذورن تسقى من كف زراع=حتى العشوب بكل سهله وقيعه
مروي بغيثه دوح الاشجار باتلاع=والرمث واثمام السهل والنقيعه
حنا لاجل رب السماوات ركاع=نفوسنا له بالعباده تبيعه
يوسف الخليفة ( أبو عبد الله )