المساعد الشخصي الرقمي

مشاهدة النسخة كاملة : كمبيوتر جمس 454


ابوبدرالشمري
24/11/2010, 11:32 PM
السلام عليكم ..

إخوتي الكرام / أين أجد ...كمبيوتر جمس اللي تحت الدرج في الطبلون ..أبي مستعمل ...

ولكم جزيل الشكر
أبوعبدالمحسن.
25/11/2010, 12:43 AM
كم موديله واعتقد مالك الا التشاليح
الحرالاشقر
25/11/2010, 02:41 AM
موديلات ال 2000 الى 2006 ب 800 ريال
موديلات 1992 الى 1999 ببحر ال 400 ريال
ابوبدرالشمري
25/11/2010, 07:39 AM
أبوعبدالمحسن ..والحرالأشقر .حياكم ربي
..موديل موتري 93الأسعار التي ذكرتم جديد أم تشليح
ابوبدرالشمري
25/11/2010, 02:25 PM
يرفع للأهمية ...
ابوبدرالشمري
30/11/2010, 10:07 PM
الا يوجد جواب يشفي الغليل ياأيه الأحبه ....عن كمبيوتر الجمس ؟؟؟
راعي الفروه
30/11/2010, 10:24 PM
اخي الكريم انا معي كابرس 93 وتعطل فيه الكمبيوتر الي تحت الدرج ورحت لتشاليح الحاير الي جنوب الرياض واخذت واحد مستعمل فاكينه من سيارة امامي ب 150 ريال مع التركيب وضمان شهر ولي الآن حوالي سنه ونص والسيارة ما شاء الله عليها اذهب الى تشاليح الحاير وسوف تجد مبتغاك والله يعينك
ابوبدرالشمري
03/12/2010, 11:41 PM
أخي راعي الفروة ...بارك الله فيك ورفع الله قدرك ...غدأ إن شاءالله ذاااااهب للحائر ..ولكن ياغالي ...وش أسم المحل اللي أخذت منه الجهاز ....
مكشات سعودي
04/12/2010, 12:06 AM
حياك الله ابو بدر
سعر الكمبيوتر باي حال من الاحوال مايتعدا500 ريال مستعمل سواء من تشاليح الحاير او القصيم واشرط عليهم الضمان ولو يعطونك ب 50ريال بدون ضمان لاتاخذه


سعر الجديد فوق 1000 ريال من غير سعر الشريحة اللي داخل الكمبيوتر يبيعونها لحالها
كاشت وحداني
04/12/2010, 12:13 AM
اخوي ابو بدر وش الخلل في موترك
ودي تصبرشوي
لان بعض المهندسين او مدعين الهندسه يقول للواحد مثلا جب لي كمبوتر abs حق الفرامل او كمبيوتر البخاخ او من هالكلام
وفي الحقيقه ان الخلل شئ ثاني
ادى الى توقف هالكمبيوتر عن العمل
ويجي العمل القطعه ويقوله تاخذ موترك بعد يومين
وصلح له فيش او فيوز او شئ بسيط والكمبيوتر اللي جابه العميل بيبيعه على عميل ثاني خربان عنده الكمبيوتر فعلا . حتى تسمع البعض تروح تصلح عنده ويقول ابشر ادبر لك القطعه الفلانيه بارخص الاسعار.
راعي الفروه
04/12/2010, 01:20 AM
الاخ بدر المعذره ياخوك والله اسم المحل لا يحضرني الآن ولكن اول ما تدخل التشليح اول نافذ يمين ثم اول نافذ يسار يجيك على اليمين رابع او خامس محل
ابوبدرالشمري
06/12/2010, 12:16 AM
أخي الكريم ...كاشت وحداني
الخلل هو عندالسرعة ١٢٠وأحيانآ عندالسرعة١٠٠يكون هناك مثل التغييرات بالقير وهو في الحقيقة ليست تغييرات إنما كأن القيريغير/ ذهبت عند تنستار قال توضيب وجيت أكثر من واحد قال توضيب قدر الله وضبت القير في شهر مرتين ..قالي كهربائي مسألة كهربأ..علمآ أن جهاز tbsاللي تحت القربه غيرته ٥مرات كل شهر تولع لمبة التشييك إذا كان الموتر بارد.. ثم تكون التغييرات قوية جدآ كأن البودي يبي يتكسر عند الغيار الأول والثاني ..أخر شئ فصلت اصابع البطارية لمدة١٥دقيقة ثم ركبته ضبط ثم بعد فترة رجع نفس اول وهاكذا

إذا لديك نصيحة أنت أو احد الأخوة يدلي بدلوه قبل اشتري الجهاز ..لأنني لم أجد مستعمل ..أبي اذهب للوكالة أشتري جديد ....
YUKON_GMC
06/12/2010, 01:29 AM
طيب شوف الموضوع هذا يمكن يفيدك ..

http://www.mekshat.com/vb/showthread.php?t=345258
ابوبدرالشمري
10/12/2010, 08:16 PM
جزاك الله خيرأ الغالي safare2على الرابط ....
أستشارة الأن الموتر صار ثقيل مرة هل من علاج ؟؟؟؟
YUKON_GMC
10/12/2010, 08:56 PM
انت فحصت الموتر كمبيوتر وتأكدت من سلامة الحساسات ؟؟

والموتر وش موديله
ابوبدرالشمري
10/12/2010, 09:05 PM
فحصت الموتر وأنا أخوك أكثر من مرة طبعأ الفحص بالورش العادية ليس بالوكالة ..وأنا الحقيقة ياغلي متمسك بالموتر لأنه نظيف ماشاءالله بديه مرة ...ولكن طلع لي هالمشكلة
mhajer666
12/12/2010, 04:38 AM
السلام عليكم ابو بدر

اذا انت بالرياض بأرسلك لواحد فاهم وبيساعدك ان شاء الله
ابوبدرالشمري
13/12/2010, 09:14 PM
سم ياغالي أنا بالرياض ...

بنتظارك ............
stranger
13/12/2010, 09:39 PM
السلام عليكم
اخوي انا ممكن اساعدك في حل المشكلة في اربعة حلول
1. اذا صار القير ثقيل او ما يغير دور فيوز القير وشيلة والسيارة شغاله راح تطفي معك السيارة ارجع وركبه وشغل السياره اذا مشت معك مضبوط فالمشكلة في احد الحساسات الموجودة في المكينة .
2. فيه ورشة في الرياض تخصصها جموس فقط ممكن ادلك عليها وان شاء الله راح يلاقيلك المشكلة .
3. فيه واحد من الزملاء عندة تشليح وما شاء الله فاهم اذا ودك انروح انا ويك عنده ويشوف السيارة
4. فيه واحد ثاني في التشليح عندة مثل موترك ممكن نجرب كمبيوتر من عنده ونشوف اذا كان المشكلة منه
اذا ودك راسلني على الخاص وان شاء الله الخميس الجاي 10/1 نروح على التشليح
ابوبدرالشمري
15/12/2010, 08:41 PM
وعليكم السلام

حياك الله الغالي stranger

اولأ شكرالله لك الأهتمام ..وجميع الأخوة الذين ساهمو في الموضوع
ثانيأ أبشرك بإن المشكلة أنتهت ولله الحمد والمنة ...
ذهبت لواحد كهربائي .مشاءالله عليه جيد مرة قال قبل تشتري الكمبيوتر ابي اشوف شغلة ..وجد المشكلة سلك يجي للبخاخات في أخر السلك قطع احيانأ يوصل واحيأنأ لا ...
ولو كنت جيد نزلت صورة المشكلة حتى يستفيد الجميع ..
ع و ن
15/12/2010, 09:29 PM
السلام عليكم و رحمة الله و بركاته .. مساك الله بالخير يا أبو بدر

الحمد لله إن علة موترك إنتهت .. و جابك الله في نفس الوقت

أنا عندي نفس علة موترك بالضبط .. موتري جمس 94 و مكينته 350 و القير لا جاء يبدل من الثالث إلى الرابع يقوم يتفتف و ينتفض (( ما يتعدى 80 كلم )) .. في البداية كنت أحسب المشكلة من القير و صرت أزود زيت القير كل شوي و تروح المشكلة لكن بعد فترة بسيطة ترجع نفس العلة .. و عقب الروحات و الجيات على الورش قالوا لي العلة في الكمبيوتر .. لكن مع الأسف عجزت ألقى الكمبيوتر في الشرقية لا في وكالة و لا في تشليح .. و لا عرفت من وين أجيب هالكمبيوتر ؟؟؟ و لا لقيت أحد يعرف يصلح علته .

فيا ليت تعلمني عن هالكهربائي الجيد وين مكانه علشان أجيه و إذا عندك رقم جواله يكون أحسن .. و الله يعيننا على 400 كلم إلى الرياض .

و الله لا يهينك على كل حال .. في أمان الله
ابوبدرالشمري
15/12/2010, 09:36 PM
وعليكم السلام

أبشر...غالي والطلب رخيص سم هاذا الكهربائي اسمه عدنان هندي0592817873لكن وأنا أخوك قبل تجي تواصل معي على 0568123866غدأ إن شاءالله
ع و ن
16/12/2010, 04:54 PM
جعل والديك في الجنة يا أبو بدر .. بإذن الله بأتصل عليك الليلة

لا هنت يا الأجودي و كثر الله من أمثالك .. ودعتك الله