ساعدوووووووني أرجوكم إذا عبيت 95 زاد زيت المحرك وإذا عبيت 91 تفتف الموتر

[راعي المجهم]

بسم الله الرحمن الرحيم

يا أخوان في مشكلة كبيرة جداً في بنزين السعودية

إذا عبيت بنزين 95

يزيد زيت المحرك بمقدار علبة !!!!

والاقي ريحة بنزين على عيار الزيت ولزوجته خفيفه تقول ماء

وإذا عبيت بنزين 91

الموتر يتفتف ويكربن

لكن الزيت مايتغير زي ماهو لزوجته ممتازة

سألت مكيانيكي يقول 95 مع الوقت يخبط بالمكينة ويحوسها حووووس

عب 91 والله يعينك على الكربنه وعدم الصفاء

الكلام هذا مجرب على :

جيب باترول 99

لاندكروزر صالون 2002

جمس يوكن 2004

هايلوكس 2007

لومينا 2006

أتوقع أنها حركة مسويتها شركة أرامكو !!!

لحاجة في نفس يعقوب والله أعلم

أرجو التفاعل من الجميع

[هبــ حريملاااء ـبوب]

السلااام عليكم

هلااا بك اخوي .. بنزينا ممتاز ما يحتاج

بس الخلل في كثير من المحطات سواء كان تعمد او إهمال

سمعنا وقرأنا كثير عن مخالفات محطات وقود تقوم بخلط الكيروسين او مواد اخرى مع البنزين !

وهناك محطات لديها اهمال اداري وصيانه معدومه للخزانات والانابيب وتسرب المياه اليها ..

بخصوص البنزين شي أكيد ان الـ 95 أفضل وأجود من الـ91

وخراب السلندر لو حصل راح يكون الـ91 احد الاسباب .. وهو بطبيعة الحال أرخص

الميكانيكي اللي سألته فاهم غلط مع احترامي ..
وما يحوس الموتر الا الـ 91 خاصه الموديلات 2005 ونازل
وعموما الـ 95 اوكتين اكثر يعني احتراق سريع اداء افضل ويحافظ على السلندر ..
واي موتر يستحسن تعبيه 95 لكن الـ 91 ما يصلح لكل موتر ..

اختلاط البنزين عندك هو
عيب في العوامه تبع الكبريتر لانك تطفي الموتر والبنزين مستمر وينزل على الكرتير
ولو كان بخاخ اكيد عندك كم ابره ما تسكر ويستمر البنزين وينزل على الكرتير

وارامكو قدمت تخفيض بالقيمه مقابل تخفيض في الجوده ..

حياك الله ..

[التعـ King ـديل]

لايهمك عب 95

انا كان عندي باترول 97 كنت اعبيه 91 وكنت يشرب بنزين ويخرب الصفايه لدرجه ان راعي قطع الغيار حفظني حاط الصفايه جنب المحاسبه اول مايشوف وجهي يحطها على الطاوله

ومن جربت 95 نسيت شكل راعي المحل من قل الجيات له

[راعي المجهم]

السلااام عليكم

هلااا بك اخوي .. بنزينا ممتاز ما يحتاج

بس الخلل في كثير من المحطات سواء كان تعمد او إهمال

سمعنا وقرأنا كثير عن مخالفات محطات وقود تقوم بخلط الكيروسين او مواد اخرى مع البنزين !

وهناك محطات لديها اهمال اداري وصيانه معدومه للخزانات والانابيب وتسرب المياه اليها ..

بخصوص البنزين شي أكيد ان الـ 95 أفضل وأجود من الـ91

وخراب السلندر لو حصل راح يكون الـ91 احد الاسباب .. وهو بطبيعة الحال أرخص

الميكانيكي اللي سألته فاهم غلط مع احترامي ..
وما يحوس الموتر الا الـ 91 خاصه الموديلات 2005 ونازل
وعموما الـ 95 اوكتين اكثر يعني احتراق سريع اداء افضل ويحافظ على السلندر ..
واي موتر يستحسن تعبيه 95 لكن الـ 91 ما يصلح لكل موتر ..

اختلاط البنزين عندك هو
عيب في العوامه تبع الكبريتر لانك تطفي الموتر والبنزين مستمر وينزل على الكرتير
ولو كان بخاخ اكيد عندك كم ابره ما تسكر ويستمر البنزين وينزل على الكرتير

وارامكو قدمت تخفيض بالقيمه مقابل تخفيض في الجوده ..

حياك الله ..


مرحب اخي ددسن 2008

صدقني السبب ماهو محطات البنزين السبب هو 95 بنفسه

لست انا الوحيد الي يشتكي من زياده زيت السيارة

كل خويا يقولون ان الزيت يزيد اذا عبوا 95 !!!

واذا عبوا 91 واستمروا عليه ضبط عيار الزيت

حتى لوكان سياراتهم قديمة موديل 83 أو 85

انا متاكد 10000000% أن المشكلة في بنزين 95 من الشركة

لأني جربته وراقبته أكثر من سنة في السفر الطويل وبعد فترة اجد الزيت زاااااايد

وصاااااير خفيف وفيه ريحة بنزين قوية

لو كلامك صحيح فرضا ان عندي مشكلة في البخاخات او الكبليتر والأبر حقته تعبانه وتهرب بنزين

ليش الزيت لايزيد ولا تختلف ريحته ولزوجته اذا عبيت 91 ؟؟؟؟؟؟

[بو خليفه]

بالنسبة للدراجات و الدبابات بنزين 95

اما السيارات الامريكية واليابانية الاغلبية 91

اما الاوروبي بنزين 95

المشكلة في سيارتك او محطة الوقود

[لاندكروزر11]

http://www.mekshat.com/vb/img]http://www.mekshat.com/pix/upload04/images189/mk188069_20100622_dsc01428.jpg[/IMG]

[راعي المجهم]

بالنسبة للدراجات و الدبابات بنزين 95

اما السيارات الامريكية واليابانية الاغلبية 91

اما الاوروبي بنزين 95

المشكلة في سيارتك او محطة الوقود

اخي بوخليفة لا والله المشكلة في بنزين 95

اذا على كلامك اجل سيارات الجميع فيه مشاكل ومحطات المملكة كلها فيها مشاكل

لست الوحيد الي يشتكي من هذا الشئ حتى انت راقب زيت سياراتك

إذا عبيت 95 بعد اسبوع اسبوعين تجد الزيت زاااااايد عندك

[عطيب ومايغيب]

لم اركز عاى الموضوع مره

ولكن انصحك عن المكانيكي اليماني والبنقالي بتحديد عليك بالفلبيني

هذ نصيحه مني والله يسدد خطاك

[راعي المجهم]

حياك اخي الفعير

المشكلة مايحتاج لها مكيانيكي

انا ملاحظ هذا الشئ

اذا عبيت 95 يزيد زيت المحرك ويصير زي المويه

وماينفع لتزيت المحرك ومع الوقت يتاكل الشنبر وتتفقع الصوف

واذا عبيت 91 الزيت يبقى كما هو ولا يزيد ولزوجته ممتااااازة

بس فيه ريحة كربون مع الشكمان

وكثيييييييييييير من خوياي لاحظوا هذا الشئ

[البرتقالي]

اعذرني اخوي راعي المجهم ما أكذبك لكن موضوعك عيى يدخل المخيخ ;)
كيف يزيد الزيت وأنت تعبي بنزين الا اذا في سيارتك خلل ميكانيكي ؟

معي سيارتين جيب اعبيه 95
وبحكم انه جديد عايرت الزيت اكثر من مره والامور تمام ولله الحمد
فورد استعمال امريكي عبيته مره 91 وصار يناتع ويطامر الله وكيلك
وبعد ماعبيت 95 زانت اموره
95 يصلح لكل السيارات و91 مايناسب الا بعضها والحكم لك

كلنا نسمع عن زيت زيتون عصره اولى وعصره ثانيه
هذا 95 عصره اولى و 91 عصره ثانيه :)
وسلامتك

[الحرالاشقر]

السلام عليكم

والله غريبه انا معي امريكي ولا اعبي غير 91
ولاعمري لاحظت هالمشكله

عموما ياليت تفيدوننا لتجنبها

شكرا

[ملك الفكتوريا]

بصراحه غريبه واكاد اجزم انها مشكله ميكانيكيه

سيارتي عبيت 91 انواع التفتفه وضعف العزم


وعبيت 95 والامور تمام وانا اعاير الزيت على راس كل اسبوع ولا ريحه بنزين ولا شئ والزيت هو هو

[ابو انس111]

تصديق لكلام راعي المجهم
قريب لي موتره باترول 99 4500 بخاخ
كان يعبي 95 وصار معاه نفس الطريقه
ريحت بنزين في الزيت
وحول ل91 مع انه في فرق العزم واضح لصالح 95

[راعي المجهم]

تصديق لكلام راعي المجهم
قريب لي موتره باترول 99 4500 بخاخ
كان يعبي 95 وصار معاه نفس الطريقه
ريحت بنزين في الزيت
وحول ل91 مع انه في فرق العزم واضح لصالح 95


ألف شكر لك اخي على المداخلة الطيبة التي تثبت كلامي

صدقوني يا أخوان المشكلة من شركة أرامكو في بنزين 95

راقبوا زيت سياراتكم مع 95 وشوفوا كلامي

[بدوي جنوبي]

بنزين 95 من زمان موجود
91 هو الجديد

الخلل من نفس السيارات وليس من البنزين

[راعي المجهم]

بنزين 95 من زمان موجود
91 هو الجديد

الخلل من نفس السيارات وليس من البنزين

هل اخي بدوي جنوبي

صدقني المشكلة في بنزين 95

وراقب زيت سياراتك وشوف الفرق

[K.S.A.A]

أخوي راع المجهم وش هالميكانيكي اللي يقول هالكلام
هذا جاهل ماعنده من العلم شي .
وياأخوان البنزين ال95 ممتاز مافيه شي
ومن قبل ماكنا نسمع هالشكاوي عليه ..

والبنزين ماله دخل إطلاقا في زيادة الزيت
لكن ياأخوان تأكدوا من العيار مع أحترامي لكلامكم مع ثقتي فيكم ,,
وانا والله مصدقكم ووأتمنى أفيدكم ..
في حالة زيادة الزيت يكون العيب في البخاخات او الكلبليتر
ويكون الزيت خفيف شوي ويبين انه زايد وتتغير ريحته ..

والله يعيننا على هالسيارات وخراباتها ويعوضنا ..

[أسيرنجد]

السلام عليكم ورحمة الله وبركاته
اخوي راعي المجهم مشكلتك صارت معي انا على فورد 2004 امريكي كنت اعبيه 91 وبعد فتره عبيته 95 وصار عندي نفس المشكله صار يزود الزيد كل ما اغير الزيت يزود بعد اسبوع ورحت كشفت عليه حتى في الوكاله وقالولي سليم الى ان نسبة المكينه 85% وغيرت الى البخخات والصفايه والطرمبه ما تركت شي ما غيرته بس بدون فايده والله الى اخرتها نفسي طابت من الموتر وبغيت ابيعه وقالي واحد من العيال رح غير البانزين حط 91 وجرب وفعلن والله من يوم رجعته على 91 غيرت الزيت وكشفت على الزيت كل بعد يومين اعايره ولافيه زياده ولا شي الحمد لله ...
فا اعتقد اخوي انه في مشكله في السيارات اذا عبيت 91 وبعد فتره عبيت 95 ياثر 95 على السياره والله اعلم فلذالك انصحك تعبي 91 وتريح نفسك لاني والله العظيم تعبت انا في نفس مشكلتك ولا ارتحت الى يوم عبيت 91 هذا وتقبل خالص تحياتي ..

[ذيب عالية نجد]

أخوي راعي المجهم غيّر المحطة اللي تعبّي منها عادةً ممكن الخلل من المحطة مو من البنزين
تحياتي لك

[راعي المجهم]

الحمد لله مشكلة زيادة الزيت أختفت بعد التغير إلى 91

لكن التفتفة باقية شوية

[MohsinSK]

الحمد لله مشكلة زيادة الزيت أختفت بعد التغير إلى 91

لكن التفتفة باقية شوية

التفتفة يوم يومين و تختفي ان شاء الله..

انا موتري فورد و اعبيه 91 و لله الحمد بدون مشاكل..
و بصراحة اول ما شريت الموتر ما حسيت بفرق بين 95 و 91 غير السعر, لأن المحرك نفسه مصمم بحيث انه يستخدم البنزين 91 او حتى اقل..

و على فكرة,, للتوضيح.. الاوكتين في البنزين يضاف لمقاومة الاحتراق. يعني البنزين 95 مقاومته للأحتراق اعلا من 91, و عشان هذا السبب تلاقي ان المحركات المشروط عليها البنزين 95 ما تستحمل البنزين 91 و يبدأ يحترق في غير وقته و تظهر فيها القرقعة.. لأن تصميم غرفة الاحتراق (المكان الا فوق البستن الا ينضغط فيه البنزين و والهواء) فيه مسببات تجعل احتمال انفجار البنزين اكبر من محركات الـ 91
من هالعوامل, الزوايا الحادة, الضغط العالي, الحرارة الزائدة,,

[سليمان الصقر]

أنا صارت لي قصة يمكن تفيدكم ، في اجازة عيد الأضحى قبل ست سنوات تقريبا كنت بمقناص لحزم الجلاميد وعبيت من أحد المحطات اللي قريبة من الحزم وبعدها ما عينت خير الموتر قام يقططع وزيت المكينة ارتفع بشكل واضح جدا وقامت تطلع دخنة زرقا ، المهم يوم رجعت لاهلي وغيرت الزيت رجع موتري مثل أول وبعدها بكم أسبوع وأصادف بعض زملانا من أهل طريف وأخبروني أن أهل طريف والمناطق اللي حولها راح عليهم العيد كله بالصناعيات أكثرهم تخبيط وبعدها بكم شهر أصادف عند أخوي أحد زملاه العاملين بمحطة توزيع المحروقا بالشمال وقال بالحرف الواحد أنه حصل خطأ غير مقصود في نظام تغذية الخزانات أدى إلى خلط البازين بالديزل أو القاز وتم توزيع البانزين المخلوط على جميع محطات المنطقة وإمارة المنطقة استفسرت عن الموضوع وتم اخبارها بما حدث لكنها تكتمت على الموضوع

[راعي المجهم]

بنزين 95 مغشوووووش من شركة ارامكو السعودية

[volcano]

بنزين 95 مغشوووووش من شركة ارامكو السعودية


دايما اعبي 91 ولي الان 3 اسابيع في الجنوب اعبي 95 عشان العزم في الطلعات بكرة الظهر ان شاء الله اشيك الزيت لن الجو عندنا ثلج

[عاشق الفتك 20]

والله المشكله هاذي سالفتها سالفه اول مره اسمع بها المشكله

با العكس الناس تذم بنزين91 يكربن با البواجي والكبريتر

اما 95 هو البنزين الي يعطي الموتر عزم ويحافظ على المكينه

تقبل مروري’

[زحلول]

انا بصراحة اتوقع ان المشكلة بالسيارات لأن استخدم 95 4 سنوات في جيب 2006 باترول ولاعانيت من شي مع العلم اني اشيك علية بالوكالة ,,, وجربته ايضاً على 96 باترول وماشفت اي شي تغيير ,,, وسلملي على الميكانيكي وممكن تكون المشكلة انكم عبيتو من محطه وحدة فيها مشكلة ,,, تحياتي

[بروق ساق]

والله يا أخوان المشكلة ليست في البنزين ربما أنها في السيارة نفسها أوصاحب المحطة ....
والدليل معي داتسون أعبي بنزين 95 ولاشفت إلا العافية زيت يمشي معي إلى 4500 ولازيادة ولاشي
كذلك الكامري والهايلوكس موجوات معنا ولاشفنا شي