تغيير بطن الموتر..فكسآر 98 !!

[ياوجودي]

السلام عليكم ورحمة الله وبركاته

ياإخوان ابسألكم اذا تبي تغير بطن الموتر مقصات جلد بودي وجلدشاص بحيث ان الموتر يركد ولايصير يطلع أصوات ويصير مطبه خفيف مهوب قوي.

تتوقعون كم يكلف ومن أفضل ورشة تسويه بأمانه ..مهوب الورش اللي يقول غيرت ولايغير شي.

السياره فكسآر 98.

[ابن عكاش]

بيكلفك حول الـ 4000 ريال
رح للصناعيه القديمه ومر على محلات الميزان وسعر وتراهم حول بعض في الشغل وكل ماجيت محل قل له ابي انفض الموتر من تحت اي شي خربان سجله ويعطيك تكلفة شغلهم وانت مرالضحيان والنهدي وسعر قطع الغيار وبإذن الله تكلف اقل
بعد ماتصلح الموتر تأكد انهم زينو اللي قالو لك انه خربان يعني مر ميزان ثاني وقله شف الموتر وش يحتاج تصليح طبعًا بيقول لك مافيه شي او يبغاله كذا وكذا
اتمنى اني افدتك واي شي انا حاضر

[مفخرة فورد]

اخوي ابن عكاش ليه 4000 ريال
المقصات بكم والجلد بكم ؟
ياليت توضح لأني ودي أشيّك على موتري مثل خوينا ياوجودي
وفقنا الله واياكم

[العنابي 616]

إذا أنت بالشرقية عندك ورشة الأنصاري
قد دخلت جيبي عندهم و نفضته من إلى و كلفني 2400 ريال شغل يد 900 و قطع غيار 1500

[العنابي 616]

طبعا شغل اليد مع تربيط السيارة كاملة من تحت و من داخل

[ابن عكاش]

اخوي ابن عكاش ليه 4000 ريال
المقصات بكم والجلد بكم ؟
ياليت توضح لأني ودي أشيّك على موتري مثل خوينا ياوجودي
وفقنا الله واياكم

هلا ومرحبا المقصات الواحد تقريباً بـ 600ريال يجي كامل مع الركبه 2بـ1200+شدادات دفرنس خلفي الواحد تقريباً 300ريال 2بـ600 +مساعدات امامي وخلفي 4بـ350تقرباً وعندك عمود التوازن اللي قدم وورا يبغالها جلد مع مسمار التوازن يمكن بـ200ريال +كبس رمامين قدام ووزن اذرعه بـ250ريال ولاتنسى شغل اليد ويمكن فيه بعض الحاجات ماتتغير ويمكن فيه اشياء ثانيه تتغير
طبعاً اناقلت تقرباً وإن شاء الله ماتكلف ألف ريال

[مفخرة فورد]

الله ينور عليك يابن عكاش
الموضوع قيد الدراسة وعلى حسب الميزانية :)
عسى الله يوفقك ومن يقرا

[الربذي]

اهم شي عند واحد ناصح وعنده ذمه بعضهم مايغير بس يحط زيت ويفرك الجلبه وخلاص
مره صيخت اديتر وتخبر لازم ينظف كل ماسوره الاحظ اذا نظرت هنا ولا هنا قام الافغاني الغشاش وطمر ماسورة ولا ماسورتين طبعا افضل على روسهم ولا عند واحد معروف وعنده ذمه الي بدت تنقرض للاسف كلا يبي الفلووووووس وبس الا ماندر