Gx وارد اليحيا اللي بــ بريدة !! ( الهدد )

[اسيزو 4x4]

السلام عليكم ورحمة الله وبركاته

كيفكم يالغاليين بشرونا عنكم عساكم طويبين ...

عندي إستفسار لا هنتوا يالنشاما

كيف وارد اليحيا GX الالندكروزر مواصفاتة طيبة ؟؟؟ ولا هنتوا وشي مواصفاتة

وهل يوجد نوع شنطة وإستبنتين ؟؟؟ وونش ؟؟ ودف لوك ؟؟ وفتحة وثلاجة ؟؟

وكم أسعارة ؟؟

والسؤال المهم جداا هل يعطي اليحيا ضمان مثل الوكالة ؟؟؟

لا تجحدوني يالربع ألحقوني بالردود :D

[هاوي قصيده]

ياخوي بيني وبينك لو تروح للبريمي انت بنفسك تشتري اصرف لك

اليحيا اسعاره بالحيل خياليه

تخيل المواصفات اللي تبيها يبيعها بـ 144 الف..

وهناك تلقاه على 135 او اقل شوي

وانت ورايك اخوي

تحياتي

[بواسامه]

كم رقم البريمي اذا سعره 135 الف

[حرباش]

بالنسبه للgx اليحي يجيبه بمواصفات عديده وحلوه ( فرع الدمام) :good:

من المواصفات اللي تجي
1- اسبيرين
2-ثلاجه
3-فتحه في السقف
4-ونش امامي
5-شكل مميز من الداخل (تخشيبه)
6-تعدد الخلفيات(شنطه أو ابواب) حسب الرغبه

الضمان ماعندي علم به حيث اني زرتهم مرتين وكل مره لهم رأي مره ايه ومره لا :D

الدف لوك ماعندي علم به :)

اما من ناحيه الأسعار ماقد قارنت بينه وبين المعارض الأخرى

والعلم ذا على الموديل 2005 مادري ان كان نزل 2006


حبيت اعطيك ماعندي وعليك الباقي
تحياتي لك ;)

[nahham]

افا يابو حمود

عسى ما غيرت رايك في الايسوزو

تحياتي

[عاشق المزون]

السلام عليكم

اخوي انا معي واحد وارد اليحيا زممتاز جدا ولله الحمد والموصفات مايحتاج تقول Vxr
وانا في البداية مثلك رحت الى البريمي (البازعي) ما اعجبني موصفاتهم يبيعون موصفات ديرة مهب بر ولا عندهم Gx وشايفين انفسهم بالمرة ما يعطون الزبون وجهة اما اليحيا يدقون علي ويعطوني موصفات الجيب ومايحتاج الموصفات :
ثلاجة
نخشيب شد بلد
مكيف في الخلف
المراتب جوانبها من جنب يعمي جلد
القزاز يعمل بظغطه زر
المسجل يباني شد بلد

يعني بالعربي تحس ان كل شي من اليبان ما احد ركب شي

وعلى فكرة اليحيا وارد قطر وكل من سألت قال احسن موصفات في ال Gx من قطر اما الباقي موصفات الديرة وحواري الرياض
والاربعاء تدور على طريق الثمامة وشكرا

[القشيع]

السلام عليكم ورحمة الله وبركاته

مساك الله بالخير أخوي أبو حمود

ال gx وارد اليحيى الكل يمدحه

لكن ودنا نسأل الجميع ونخص بالسؤال أخونا ( عاشق المزون )

هل يتوفر عند اليحيى gx مكيفين شنطة إستبنه تعليق عشان نحط تانكي الماء تحت ؟

وجزاء الله الجميع كل خير

[غيّام]

ابوحمود كنك داري انا اليوم عن اليحى اللي في الرياض والصدق انه يعطي اسعار ما يعطيها احد ابد لاهنا ولا برا لانك اذا جبته من برا بيطلع عليك فرق عمله وجمرك ولوحه واستماره
من ناحية الضمان الوكاله مازمه غصب عنها ولا لها منه انها تضمنه هذا اللي عندي وانا موتري شاريه من البازعي والسبب هو ان اليحي تأخر علي بس والا انا عربنت لليحي والله يوفقك
وبعدين تعال يابوحمود وش جاك على السيزو هذا اخرتها افا يابوحمود الظاهر انها بتكتب فيك قصيده

تقبل وافر التقدير يابوحمود حبيت امزح معك وانا اخوك
غيّام

[ميق ميق]

السلام عليكم ورحمة الله وبركاته
اخوي ابو حمود
كلا يثني على اليحيا
بس عيبهم الوحيد انهم يتأخرون عليك بالسيارة وما لومهم لأن عليهم طلبات كثيرة ويسألك وش الموصفات الي تبي
وانا حاجز عندهم قبل شهرين بالمواصفات الي ارغبها وقال لي بدون دفع عربون
لانهم يحجزون بتسجيل اسمك بالكمبيوتر
وبالنسبة للسعر افضل بكثير من البريمي وقطر لأني قارنت بنفسي
والدليل على ذلك
1-الفل كامل عند اليحيا بـ 143500 وعند البريمي بـ 160000 وخطوطة بايخة
2- القطري بس فتحة وارباجين وثلاجة ومكيفين بـ 145000
3-اليحيا فتحة وثلاجة ومكيفين بـ 131000 ينقص الاربجات
وانصحك بأنك تأخذ من اليحيا
وللمعلوميه عبداللطيف جميل يضمنة ولو رفض قلة بارسل فاكس للوكالة باليابان

[حـاتـم]

اخوي السيزو نصيحه من خوي اذا صامل على الجي اكس خذ 2005 خل عنك 2006 ماكرب شكله مع الجنوط الحديد ابد

وشكرا

اخوك / حاتم

[اسيزو 4x4]

السلام عليكم ورحمة الله وبركاته

حيا الله الغالي هاوي قصيده

صدقت يالغالي ولكن المشكلة السفر والجمارك والغربلة والتذاكر و و و..... الخ...

والله يكتب اللي بة الخير ومشكور يالنشمي على مرورك الكريم ..


حيا الله الغالي ابو اسامة

مشكور يالنشمي على مرورك الكريم ..


حيا الله الغالي حرباش

هلابك يا بعدي والله كلامك صح اللي بالدمام كثير مدحوة

وما قصرت يالنشمي والله يكتب اللي بة الخير وبارك الله فيك يا راعي الفزعات

ومشكور يالنشمي على مرورك الكريم ..


حيا الله الغالي nahham

كل شي إلا ابو حمود يغير راية بالأسيزو :D رفيق الدرب الاسيزو :good: ;) :D

ومشكور يالنشمي على مرورك الكريم ..


حيا الله الغالي عاشق المزون

يا هلابك يالغالي وصادق اليحيا مواصفاتة ممتازة وكل شي يجيبة شد اليابان

وكم كلفك من دراهم ؟؟؟؟

ومشكور يالنشمي على مرورك الكريم ..


حيا الله الغالي القشيع

هلا بالنشمي

ومثل ما قلت اليحيا الكل يمدحة والله يرزق أعضاء مكشات بأكملهم كل واحد GX قطري هدد

ومشكور يالنشمي على مرورك الكريم ..


حيا الله الغالي والنشمي غيام

حلالك يابعدي السيزو رفيق الدرب ما عاش من ينكرة :D الجيب بغيتة للوالد ;) :D

واليحيا ممتاز ولكن مشكلتة اللطعة يتأخر على الخلق ويا ليتك إنتظرت اليحيا يوم عربنت ...

ومشكور يالنشمي على مرورك الكريم ..


حيا الله الغالي مق مق

ما شاء الله

الله يعطيك خيرة ويكفيك شرة :) :good: ومثل ما قلت اليحيا طيب والله يكتب اللي بة الخير

وعبد اللطيف جميل قلة كلمة فاكس و ينفذ اللي تبي :D

ومشكور يالنشمي على مرورك الكريم ..


حيا الله الغالي والنشمي حاتم

نصيحتك بأخذ بها إنشاء الله والله يجزاك ألف خير يا بعدي

ومشكور يالنشمي على مرورك الكريم ..

أخوكم أبو حمود يدعي لكم أن الله يوفقكم ويعينكم على طاعة ربكم ومشكورين يالنشاما

...
..
.

[Waleed1]

السلام عليكم

أنا ماأدرى وش يصير لو تركنا وكيل تايوتا شهر، ماتروح ألا والصالات مليانة والبلد بيزوع من كثر السيارات خصوصا من نوع تايوتا حقيقة أسعار فاحشة والسبب منا. السوبر وسيع ومريح الى اخرة 109000 مديل 2005 والجكس أر 140000 والهلى ب 80000 وش ذا .


شى معقول وشى غير معقول. واللة يعين الحال

[salehhd]

وانا اقول فرع الدمام اصرف

[اسيزو 4x4]

السلام عليكم ورحمة الله وبركاته

حيا الله الغالي Waleed1

والله كلامك صح 100%

المشكلة يا ليت الهايلوكس يستاهل 80 ألف والله حرام تقول أيكو أو كامري !!! :confused:

يا ليت لو الشعب السعودي فقط ما نبي غيرهم يقطعون تويوتا شهر بس والله ممكن تفلس الشركة :D ;)

وفية واحد من الأعضاء جزاة الله كل خير أقترح أننا نرسل خطاب للشركة الأم باليابان ونقولهم على هالمصيبة ابو جميل

وأسعارة وقطع غيارة المغشوشة ؟؟ ولكن لا حياة لمن تنادي ... أنا صحت بالمنتدى ولا أحد معبر

وقلت يالله يا ناس من اللي يضبط الأنجليزي ولكن كل في وادي علشان نرسل لليابان

هذا الحل الوحيد للمشكلة ..

ومشكور يالنشمي على مرورك الكريم ..


حيا الله الغالي salehhd

صدقت يا بعدي اليحيا فرع الدمام ممتاز وكثير مدحوة ولا علية زحمة

مشكور يالنشمي على مرورك الكريم ..

....
...
..
.

[عاشق المزون]

السلام عليكم

اخوي ابو حمود الموتر مكلفني 130000 ويوجد عندهم ستبنة علاق والشنطة الى انت تبي بس انا ابي تماتيك علشان كذا خذت خلفية لكزز والله رحت علية يمكن 8 مرات الى النفود ولاهب اي نفود رحت نفود المذنب الى حول ام حزم ونفود المستوي والحمد لله ماغرزت ابد واسوقه با الثاني L2 والدبل الخفيف والحمد لله ماشفت شر سيارة لايعلا عليها

وشكرا وانا شرية من 3 شهور تقريبا

[اسيزو 4x4]

حيا الله الغالي عاشق المزون

يعطيك الف عافية يا بعدي :good: :good:

وما قصرت يالغالي والله يكتب اللي بة الخير لنا ولك وللمسلمين ....



.