سوال للي يعرف عن كفرات( مستر كرافت)

[عبدالله الضويان]

اخواني
السلام عليكم ورحمة الله وبركاته
اخواني بغيت اشاروركم عن كفرات اسمها( مستر كرافت)امريكيه
لقيت صاحب المحل يمدحها مره علما بان سعرها غالي شوي 850 ريال مع التركيب وهي نفس اللي بالصوره مع الاعتذار لصاحب الصوره
http://i247.photobucket.com/albums/gg135/ahmed255/Mastercraft%20Trres/901950e4.jpg


الكفر اللي اقصده اللي يسار
ياليت اللي جربه او عنده خبر عنه يفيدني قبل لا اركب واهم شي هل يصلح في النفود اذا نسمته والا ما يصلح
علما باني ابي اركبه على جمس سييرا 1500

[عاشق z71]

وكيله الجمعان بالغرابي

شرينا منه تقريبا الى الان اربع طقوم مقاس 305-70-16

وطقم 285- ؟ - 17

كفر ممتاز جدا وجربناه بالنفود صراحه له فرق غير طبيعي بالجلد والحصى اثبت جدارته

مايعيبه الا ان له ونه خفيفه على الخط


لاتاخذه الا من الجمعان سعره انقص من السوق بحدود 150 ريال بالكفر الواحد


بالتوفيق ..

[عبدالله الضويان]

وكيله الجمعان بالغرابي

شرينا منه تقريبا الى الان اربع طقوم مقاس 305-70-16

وطقم 285- ؟ - 17

كفر ممتاز جدا وجربناه بالنفود صراحه له فرق غير طبيعي بالجلد والحصى اثبت جدارته

مايعيبه الا ان له ونه خفيفه على الخط


لاتاخذه الا من الجمعان سعره انقص من السوق بحدود 150 ريال بالكفر الواحد


بالتوفيق ..

يعطيك الف عافيه اخوي عاشقz71
يعني الكفر تنصحني فيه علما بان سيارتي جمس سييرا غمارتينz71 شد بلد ماهي مرهمه
وفي النفود ممتاز احسن من كفرات شد البلد

[محنك]

السلام عليكم ..
أنا من رأيي إنك تركب اللي جربوه الشعب ..
والماكسس زينة للنفود ... إذا إنت كشتاتك بالرمل ..
شي مجرب أفضل من الجديد ..
وبالنسبة للمقاس وإنت ماسألت عنه بس للفائدة .. ركب مقاس رفيع لايركبون لك كفر طامن وإنت معك جمس كبير وفراغ الرفرف يبي له كفر ارفع من شد البلد إن حصل ..
إذا فيه أرفــع من شــــد البلد يكون أفضل شكل ..
وبالنسبة للمدح مافي شك إن العامل في المحل يبذل قصارى جهده في مدح سلعته حتى وإن كانت رديئة ..
أو مايملك أي معلومة عنها . ومع ذلك يمدح ..
الله يوفقك للخير كله ...

[الربذي]

من شكلة قاسي ويجف ويصير قاسي بس اعتقد للحجر مناسب هذا فقط حكمت عليه من شكله ولا اول مره اسمع فيه على الاطلاق

[الربذي]

عفوا نسيت رد السلام وعليكم السلام ورحمة الله وبركاته

[تناهيت]

أفضل كفر مر علي حتى الآن مخصص للمناطق الوعره هو ماستر كرفت وفي النفود حلو
الصوت يجي معك على سرعه 120 وخفيف ما يقارن بالكفرات الحجريه الأخرى


الماستر كرفت ركبتها على جمس 2500 سنه ونص ما عرفت البنشر رغم اني في وقت الشتا اخلي هواها 20 في الخطوط والبران والشعبان وكل شي وان دخل الصيف وزنتها على 35 ...
شرينا طقمين من بادحمان مقاس 33 طلع علينا الطقم على ما اذكر بــ2800


بعت الكفرات على شخص اعرفه بعد ما بعت الموتر والى الآن وهو يمدحها


توكل على الله ولو حصل تشوف احد يشتري معك ترى بتطلع ارخص
بس لازم رفعه من قدام كانك بتركب 33



تحياتي

[عبدالله الضويان]

السلام عليكم ..
أنا من رأيي إنك تركب اللي جربوه الشعب ..
والماكسس زينة للنفود ... إذا إنت كشتاتك بالرمل ..
شي مجرب أفضل من الجديد ..
وبالنسبة للمقاس وإنت ماسألت عنه بس للفائدة .. ركب مقاس رفيع لايركبون لك كفر طامن وإنت معك جمس كبير وفراغ الرفرف يبي له كفر ارفع من شد البلد إن حصل ..
إذا فيه أرفــع من شــــد البلد يكون أفضل شكل ..
وبالنسبة للمدح مافي شك إن العامل في المحل يبذل قصارى جهده في مدح سلعته حتى وإن كانت رديئة ..
أو مايملك أي معلومة عنها . ومع ذلك يمدح ..
الله يوفقك للخير كله ...



مشكور اخوي محنك
انا والله ماسالت عن الماكسس لانها ما جت في بالي وانت جزاك الله خير ذكرتني فيها
واكيد العامل بيمدح بضاعته حتى لو كانت سيئه وهذا اللي خلاني اطلب الشور من اصحاب الخبره مثلك ومثل باقي الاخوان
والله ياخوي محنك اني فرحت بردك وخاصة الدعوه لي في اخر ردك
وما اقول الا امين انا وياك وكل الاخوان
جزاك الله خير

[عبدالله الضويان]

من شكلة قاسي ويجف ويصير قاسي بس اعتقد للحجر مناسب هذا فقط حكمت عليه من شكله ولا اول مره اسمع فيه على الاطلاق

هلا اخوي الربذي
مشكور والله وانا مثلك احس انه بيصير قاسي
وتراني مثلك اول مره اسمع فيه
لاكن فيه من الاخوان اصحاب خبره في الكفرات وما يقصرون يعطونك الخبر الاكيد

[عبدالله الضويان]

أفضل كفر مر علي حتى الآن مخصص للمناطق الوعره هو ماستر كرفت وفي النفود حلو

الصوت يجي معك على سرعه 120 وخفيف ما يقارن بالكفرات الحجريه الأخرى


الماستر كرفت ركبتها على جمس 2500 سنه ونص ما عرفت البنشر رغم اني في وقت الشتا اخلي هواها 20 في الخطوط والبران والشعبان وكل شي وان دخل الصيف وزنتها على 35 ...
شرينا طقمين من بادحمان مقاس 33 طلع علينا الطقم على ما اذكر بــ2800


بعت الكفرات على شخص اعرفه بعد ما بعت الموتر والى الآن وهو يمدحها


توكل على الله ولو حصل تشوف احد يشتري معك ترى بتطلع ارخص
بس لازم رفعه من قدام كانك بتركب 33




تحياتي


هلا والله اخوي تناهيت
والله انك محرجني من موضوعي الاول ونصايحك فيه
وابشرك رفعت السياره من قدام بكعكات
ومن ورى ركبت له بالون
وطلع تمام هذا طبعا بعد ما اخذت برايك في الموضوع الاول
وكنت ابي اركب كفرات بالون وقلت خلني اسال عن كفرات مستر كرافت
وانا بصراحه كثر ما يهمني في الرمل لاني اقنص الرمله باستمرار وعشان كذا تهمني في الرمل
ويعطيك الف عافيه اخوي تناهيت

[على رمشي تمشي]

انا اعرف واحد مركبهن على شروكي ممتازه بالنفود والشعيب ولينه وخفيفه
بصراحه مدحهن لى

[ابو محمد الزهراني]

اخوي انا مركبها مقاس 285/75/16 شراها لي واحد من الشباب من عند وكيلها الجمعان الكفرات روعه في الطين والجبال والشعبان لكن في الرمل لك عليها ماتفرش واجد لانها حجرية ولان عرض الجنط عندي مو كثير
سعرها تقريبا 790 مع التركيب

[alkongrs]

كلام اخوي محنك وكفى وفى ولا مهونه في الشباب

[عبدالله الضويان]

انا اعرف واحد مركبهن على شروكي ممتازه بالنفود والشعيب ولينه وخفيفه
بصراحه مدحهن لى

هلا بك اخوي
مشكور ويعطيك العافيه
هي اكيد بالشعيب والجبل ممتازه
لاكن بالنفود ما ادري عشان كذا انا اسال اللي جربوها وما دام خويك مركبها ويمدحها هذا المطلوب
يعطيك العافيه

[عبدالله الضويان]

اخوي انا مركبها مقاس 285/75/16 شراها لي واحد من الشباب من عند وكيلها الجمعان الكفرات روعه في الطين والجبال والشعبان لكن في الرمل لك عليها ماتفرش واجد لانها حجرية ولان عرض الجنط عندي مو كثير
سعرها تقريبا 790 مع التركيب

هلا بك اخوي ابو محمد
المقاس اللي عندك انا شفته يس جنط 17 مو 16 وكان عريض مره ورفيع
وغريبه انه ما يفرش معناته ان الكفر قاسي مهب لين وهذا اللي انا ما ابيه
يعطيك الف عافيه

[عبدالله الضويان]

كلام اخوي محنك وكفى وفى ولا مهونه في الشباب

هلا بك اخوي
الاخ محنك ما قصر وباقي الشباب ما قصروا
وهذا المطلوب ان الشباب اصحاب الخبره يفيدونا بارائهم
يعطيك العافيه

[رحال300]

انا مركبها لي سنه تقريبا
الكفرات حلوات من ناحيه القوه والجوده
والنقشه 100%

في النفود حلو ومتتاز جدا طبع بعد التنسيم انا احط بهن 15هواء الى 10
ويمشي زي الحلاوه
وفي الحصا والشعبان خذ رجل وميزته مايعرف البناشر ابد

العيب الوحيد الصوت في القار

انا اخذت مقاس 265/65/17 الكفر ب590ريال

[عبدالله الضويان]

انا مركبها لي سنه تقريبا
الكفرات حلوات من ناحيه القوه والجوده
والنقشه 100%

في النفود حلو ومتتاز جدا طبع بعد التنسيم انا احط بهن 15هواء الى 10
ويمشي زي الحلاوه
وفي الحصا والشعبان خذ رجل وميزته مايعرف البناشر ابد

العيب الوحيد الصوت في القار

انا اخذت مقاس 265/65/17 الكفر ب590ريال

اخوي رحال اسف للتاخير
ما انتبهت للرد
الله يعطيك العافيه
لي عوده مره اخرى

[عبدالله الضويان]

انا مركبها لي سنه تقريبا
الكفرات حلوات من ناحيه القوه والجوده
والنقشه 100%

في النفود حلو ومتتاز جدا طبع بعد التنسيم انا احط بهن 15هواء الى 10
ويمشي زي الحلاوه
وفي الحصا والشعبان خذ رجل وميزته مايعرف البناشر ابد

العيب الوحيد الصوت في القار

انا اخذت مقاس 265/65/17 الكفر ب590ريال

هلا والله اخوي رحال 300
يعطيك الف عافيه
وعندي سوال واحد بس اذا ممكن الاجابه عليه بما انك مركبها
هل اذا نسمتها في النفود واذا فرشت قوي من الجنب بالنسبه للعودان والشجر يعني ماتبنشر من جنب
لان في كفرات قويه من الدعسه لاكن من الجنب ضعيفه مره
والله يعطيك الف عافيه