الكابرس اثنا انفجار الكفر الخلفي لماذا يخرج عن السيطرة ولكن الحمد لله العواقب سليمه

[الربذي]

السلام عليكم العنوان مكتوب انقلاب سيارة وهو بالاصح انفجار الكفر الخلفي للكابرس وكان يصوره شباب بالسيارة الكامري التي تمشي خلفه والصبر زين ترا الانفجار يحصل بالدقيقة الواحدة واربعون دقيقه يعني الانفجار باخر عشرين ثانيه فقط

السوال لماذا خرج عن مساره ولف وخرج عن الطريق هل هو من السائق مثلا والتصرف السليم ماهو
اعرف البعض وهو يمشي 180 انفجر الكفر ولم تخرج سيارته ولو متر واحد عن مسارها
ماعليش نسينا الرابط هاهوhttp://www.youtube.com/watch?v=WW8Y84JFnGE

[هبــ حريملاااء ـبوب]

وعليكم السلااام ورحمة الله وبركااته

هلااا بك اخوي الربذي ..

انا كان عندي كابرس 2000 اتوقع صناعة الكوابرس من هالموديل صارت استرالي وخربت

عموما كنت طالع من موقف في سوق يعني مفرمل يمكن امشي 3 الى 5 كيلو سرعه بس

ويطلع بوجهي ددسن او متسوبيشي والله ما اذكر ويشيل علي الصدام وشبك ولمبه .. كل هذا مو مهم

العجيب ان الطاره طاحت بحضني قسم بالله !!! كنت رافعها ومع الصدمه نزلت آخر شي !!!

واناظر ولا اللي ماسكها مجرد قطعة معدن مدري وشهو الوكاد انه مهو حديد لا يتعدى حجمها طابع بريد !

بالله هذا حكي ؟ عقبها صلحت وبعتها على الوكاله واخذت جمس ..

الشاهد :: والله أعلم ان الموقف اللي حصلي هو نفسه اللي حصل في المقطع

انفجر الكفر ومع الروعه تمسك الرجال بالطاره ونزلت واختل التوازن وضاعت العلوم ..

الله يحمانا واياكم ويكفينا شر السرعه والحوادث ..

حياك الله ..

[volcano]

السبب بعد قدر الله عين الراكب الايمن دقه بذيك العين الله لا يوفقه ولا حظ رفع يده الشمال جعلها الكسر وحطها صوب عينه ونسف كفر الرجال

[الربذي]

وعليكم السلام ورحمة الله وبركااته



هلااا بك اخوي الربذي ..


انا كان عندي كابرس 2000 اتوقع صناعة الكوابرس من هالموديل صارت استرالي وخربت


عموما كنت طالع من موقف في سوق يعني مفرمل يمكن امشي 3 الى 5 كيلو سرعه بس


ويطلع بوجهي ددسن او متسوبيشي والله ما اذكر ويشيل علي الصدام وشبك ولمبه .. كل هذا مو مهم


العجيب ان الطاره طاحت بحضني قسم بالله !!! كنت رافعها ومع الصدمه نزلت آخر شي !!!


واناظر ولا اللي ماسكها مجرد قطعة معدن مدري وشهو الوكاد انه مهو حديد لا يتعدى حجمها طابع بريد !


بالله هذا حكي ؟ عقبها صلحت وبعتها على الوكاله واخذت جمس ..


الشاهد :: والله أعلم ان الموقف اللي حصلي هو نفسه اللي حصل في المقطع


انفجر الكفر ومع الروعه تمسك الرجال بالطاره ونزلت واختل التوازن وضاعت العلوم ..


الله يحمانا واياكم ويكفينا شر السرعه والحوادث ..



حياك الله ..

ياربي تحيي اخوي الفاضل ددسن2008 ياهلا بك هل تعلم ان الكابريس الاخير يمنع من دخول امريكا لاسباب السلامة
ولا امتصاص الصدمه افضل ان السياره تسلم والراكب يموت
لكنها رسبت بالامتحان
وكل السيارات من 2000 وبعد غير عمليه وكل خمس سنين تقل جودتها

[هوايتي مكشات]

الله يستر العين حق

[satam1389]

السبب الاول والاخير السرعة المتهوره

[عبدالرحمن1980]

ليتك حذرت يالغالي عن الاغاني