رحت للفحص الدوري وطلعت لي النتيجة - فشل - لأسباب بسيطة

[مفخرة فورد]

السلام عليكم
رحت للفحص الدوري وطلعت لي النتيجة فشل بعيد عنكم .

الفحص الخارجي :
فحصوا الانوار - القزاز - الاشارات الامامية والخلفية - الفلشر - المساحات - البوري - قزاز باب السايق والراكب (يشتغل والا مايشتغل ) - المرايات الجانبية - انوار الفرامل - مسامير الكفرات
(الريوس ماجربوه )

انحراف العجلات : عديت ولله الحمد

الفرامل : قال اوزن فرامل اليد (الجلنط)

غازات العادم : عديت ولله الحمد

الفحص السفلي : عديت ولله الحمد

الفشل :
1- قزاز السايق مايشتغل ولازم ماكينة !
ليش لازم أصلحه :mad: يعني ماهم عارفين ان سعر الماكينة حول 500 ريال وكالة !
وهل فيه ماكينة تركب على vxr98 تكون رخيصة ( او تجاري ) ؟

2- المراية الجانبية مكسورة !
المشكلة انها شغالة وأشوف منها بوضوح ! لكن ماادري هل تجي قزازة لحالها والا لازم كاملة ؟ قيمتها كاملة 400 وكالة :(

3- لازم أغير لون اللمبة حقت (الغمازات - الفلشر ) الى برتقالي (أمامي وخلفي)
هذي بسيطة ان شاء الله

4- مسمار كفر ناقص
وهذي بسيطة كمان بالرغم ان البنشري قال مافيه خوف منها وماتسبب رجة بالموتر !

5- وزن الجلنط
هل يحتاج تغيير اقمشه او هوبات ؟ لان عندي الفرامل ضعيف ويطلع صوت :(

والله يعين

[عاشق vip]

هلا فيك أخوي

يا الغالي بجاوبك سؤال سؤال إن شاء الله :ـ

1 / بخصوص مكينه القزاز فروح التشليح وإن شاء الله تلاقيها رخيصه .. أنا أخوي خربان قزاز السواق ورده عليها وراح طلع الفحص من أحد القرى .

2/ المرايه : إذا بس القزازه الي جوه المرايه مكسوره فهذي محلات القزاز يصلحونها لك ( مثل التفصيل ) وقيمتها مره رخيصه ما تتجاوز 25 ريال .

3/ الجلنط على حسب : يمكن يكون نفس الجلنط تعبان .. ويمكن يشده لك وما يمسك معك .. عشان كذا لو ماضبط معك الشد شوف هل يحتاج تغيير لنفس الجنط أو الأقمشه !! .. والأفضل يا الغالي تغير الأقمشه دام عندك تعبانه وتشد الجلنط وإن شاء الله يثبت معك .

بالتوفيق إن شاء الله

( أتمنى الدعاء لي بصالح الأعمال )

[ولد وايل]

عموما انتبه من مسار رقم 6

رح مسار اربعه وخلك قبل فترة الراحه الغداء حقتهم بنص ساعه

وحط بطفاية الدخان 50ريال وامورك تسلك

[بدوي جنوبي]

وحط بطفاية الدخان 50ريال وامورك تسلك

ما يجوزاخى ولد وايل
هذه تعتبر رشوة
وتفتح باب على الناس اللى يفحصوا سياراتهم
وهذا يؤدي الى رسوب السياره عمدا للحصول على مقابل

بالتوفيق

[النبع الصافي]

ما يجوزاخى ولد وايل
هذه تعتبر رشوة
وتفتح باب على الناس اللى يفحصوا سياراتهم
وهذا يؤدي الى رسوب السياره عمدا للحصول على مقابل

بالتوفيق
أضف عليه منطق انساني لو جاء شخص ما عنده خمسين يرسب عشان اللي دفع !
والخمسين صلح فيها سيارتك
موفق

[أبوجهاد التبوكي]

الله يعين....

[ولد وايل]

والله مرجعين سياره عشان ثقب بسيط في الكنداسه لحمه اليماني ببلاش من القهر


هذا طبعهم



حتى جمارك الميناء الجاف مستحيل تمشي لك ببلاش لو انت نظامي

هل نظام الفحص من مصلحة المواطن ام لمصلحة الغير

هل هي من المكوس والاشياء اللتي تفرض بدل الضريبه ام انها في مصلحة المواطن


حكم الضرائب المأخوذة على البضائع

ما حكم الجمرك على البضاعة المستوردة؟
وهل يجوز دفع مبلغ من المال لأحد موظفي الجمارك للتقليل من قيمة الجمرك ؟
مثلا : يدفع مبلغ من المال للموظف الذي يقوم بتقدير الجمارك للتقليل من قيمة الجمرك أو لتقديم تقرير مخالف للواقع .


الجواب :



الحمد لله

أما المكوس المأخوذة من المسلمين فحرام ، لقول الله تعالى : ( يا أيها الذين آمنوا لا تأكلوا أموالكم بينكم بالباطل ) النساء/29 ، وقول النبي صلى الله عليه وسلم : ( لا يحل مال امرئ مسلم إلا بطيب نفس منه ) رواه أحمد وصححه الألباني في الإرواء (1459) . وقال صديق بن حسن البخاري في الروضة الندية 2/215 عن الجمارك التي تؤخذ من المسلمين : ( فهذا عند التحقيق ليس هو إلا المَكْس من غير شك ولا شبهة) اهـ والمَكْسُ – بفتح الميم - هو الضريبة والإتاوة ، وهو دراهم كانت تؤخذ من بائعي السلع في الأسواق في الجاهلية . أو تؤخذ من التجار إذا مروا . انظر : عون المعبود حديث رقم : (2548) . والمَكْس من كبائر الذنوب لقول النبي صلى الله عليه وسلم في المرأة التي زنت ، ثم أتت النبي صلى الله عليه وسلم ليقيم عليها الحد : ( وَالَّذِي نَفْسِي بِيَدِهِ ، لَقَدْ تَابَتْ تَوْبَةً لَوْ تَابَهَا صَاحِبُ مَكْسٍ لَغُفِرَ لَهُ ) رواه مسلم (3208) . قال النووي رحمه الله في شرح صحيح مسلم (11/203) : فِيهِ : أَنَّ الْمَكْس مِنْ أَقْبَح الْمَعَاصِي ، وَالذُّنُوب الْمُوبِقَات اهـ .



وإذا لم يجد المسلم وسيلة لدفع هذا الظلم عن نفسه إلا بدفع مبلغ من المال لموظف الجمارك فإن هذا جائز بالنسبة للشخص الدافع ، أما بالنسبة للموظف الذي أخذ هذا المال فإنه حرام عليه . انظر مجموع الفتاوي لشيخ الإسلام ابن تيمية (30/358،359) . هذا إذا لم يترتب على تلك الرشوة الاضطرارية مفسدة أكبر ، فإن ترتب على دفعها مفسدة أكبر فإنه لا يجوز القيام بذلك حينئذٍ . وأيضاً : يجب الانتباه إلى عدم الوقوع في الكذب ، وإذا اضطر الشخص إلى الدفع فإنه يدفع ويحتسب أجر مظلمته عند الله تعالى . والله تعالى أعلم .

تنبيه :

أراد بعضهم التشغيب على هذا الجواب وتقويل الموقع ما لم يقله.

وزيادة في التوضيح فإن السؤال قد ورد إلى الموقع بتاريخ : 2001-11-29 ، والسائل من إحدى الدول الغربية.

وفيما يلي فتوى اللجنة الدائمة للإفتاء في المملكة العربية السعودية في عموم الموضوع والواردة في الموقع برقم (42563) والتي وقع عليها كل من الشيخ عبد العزيز بن عبد الله بن باز والشيخ عبد الله بن غديان والشيخ عبد الرزاق عفيفي


المصدر

http://islamqa.com/ar/ref/25758



فتوى اللجنة الدائمة في الجمارك

السؤال

قرأت في كتاب ( الزواجر عن اقتراف الكبائر ) لابن حجر الهيتمي في حكم المكوس ، ونهي النبي صلى الله عليه وسلم عنها ، وأن أصحابها أشد الناس عذابا يوم القيامة ، وكثير من الدول يعتمد اقتصادها على تحصيل الرسوم الجمركية على الواردات والصادرات وهذه الرسوم بالتالي يقوم التجار بإضافتها إلى ثمن البضاعة المباعة بالتجزئة للجمهور ، وبهذه الأموال المحصلة تقوم الدولة بمشروعاتها المختلفة لبناء مرافق الدولة . فأرجو توضيح حكم هذه الرسوم وحكم الجمارك والعمل بها وهل يعتبر نفس حكم المكوس أم لا يعتبر نفس الحكم ؟.


الحمد لله

تحصيل الرسوم الجمركية من الواردات والصادرات من المكوس ، والمكوس حرام ، والعمل بها حرام ، ولو كانت ممن يصرفها ولاة الأمور في المشروعات المختلفة كبناء مرافق الدولة لنهي النبي صلى الله عليه وسلم عن أخذ المكوس وتشديده فيه ، فقد ثبت في حديث عبد الله بن بريدة عن أبيه في رجم الغامدية التي ولدت من الزنا أن النبي صلى الله عليه وسلم قال : ( والذي نفسي بيده لقد تابت توبة لو تابها صاحب مكس لغفر له ) الحديث رواه أحمد ومسلم وأبو داوود وروى أحمد وأبو داوود والحاكم عن عقبة بن عامر عن النبي صلى الله عليه وسلم أنه قال : ( لا يدخل الجنة صاحب مكس ) وصححه الحاكم .

وقد قال الذهبي في كتابه الكبائر : والمكاس داخل في عموم قوله تعالى : ( إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الأَرْضِ بِغَيْرِ الْحَقِّ أُولَئِكَ لَهُمْ عَذَابٌ أَلِيمٌ ) الشورى/42 .

والمكاس من أكبر أعوان الظلمة بل هو من الظلمة أنفسهم فإنه يأخذ ما لا يستحق ، واستدل على ذلك بحديث بريدة وحديث عقبة المتقدمين ثم قال : والمكاس فيه شبه من قاطع الطريق وهو من اللصوص ، وجابي المكس وكاتبه وشاهده وآخذه من جندي وشيخ وصاحب راية شركاء في الوزر آكلون للسحت والحرام . انتهى .

ولأن ذلك من أكل أموال الناس بالباطل وقد قال تعالى : ( وَلا تَأْكُلُوا أَمْوَالَكُمْ بَيْنَكُمْ بِالْبَاطِلِ ) البقرة/188 .

ولما ثبت عن النبي صلى الله عليه وسلم أنه قال في خطبته بمنى يوم العيد في حجة الوداع : ( إن دماءكم وأموالكم وأعراضكم حرام عليكم كحرمة يومكم هذا في بلدكم هذا في شهركم هذا ) .

فعلى المسلم أن يتقي الله ويدع طرق الكسب الحرام ويسلك طرق الكسب الحلال وهي كثيرة ولله الحمد ومن يستغن يغنه الله ، قال الله تعالى : ( وَمَنْ يَتَّقِ اللَّهَ يَجْعَلْ لَهُ مَخْرَجاً * وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً ) الطلاق/2-3 وقال : ( وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْراً ) الطلاق/ 4

وبالله التوفيق وبالله التوفيق، وصلى الله على نبينا محمد وآله وصحبه وسلم.

اللجنة الدائمة للبحوث العلمية والإفتاء عضو ... نائب الرئيس ... الرئيس عبد الله بن غديان ... عبد الرزاق عفيفي ... عبد العزيز بن عبد الله بن باز

من فتاوى اللجنة الدائمة للإفتاء 23 / 489 .

المصدر :

http://www.islam-qa.com/ar/ref/42563

روح للورش اللي قريبه من الفحص يفحصونها لك بـ200ريال شامله كل شي

[التعـ King ـديل]

الفشل وارد لو ان الموتر وكاله ..

ماعمري شفت موتر عدى من اول مره لازم عذروب لو سخيف علشان تدفع 23 ريال

بالنسبه لاسئلتك جاوبك اخوي عاشق بخصوص المكينه تقدر تكلم مدير الفحص وتشرح له وبيمشيك

[salmansa]

عموما انتبه من مسار رقم 6

رح مسار اربعه وخلك قبل فترة الراحه الغداء حقتهم بنص ساعه

وحط بطفاية الدخان 50ريال وامورك تسلك

انتبه والله واحد من الزملاء اخذ قضية رشوه

بعدين الواحد يخاف من الله قبل كل شي

[YUKON_GMC]

هذي كلها بسيطه ان شاء الله والمفترض ماتروح للفحص الا انت اخذ احتياطك وفاحص السياره عند الورش المجاوره للفحص وان رسبت يتحمل الاصلاح مرة اخرى

بالنسبة للاشارات تقدر تركب تجاوي ب 20 ريال للفحص بس وبعد الفحص رجع القديم

زجاج المرايا يركب لحاله ورخيص

مكينة الباب تقدر تبدلها مع مكينة احد الابواب الاخرى وسبق وسويتها في سيارة من نوع اخر غير نوع سيارتك

حتى الكفرات تقدر تستاجر كفرات للفحص وبعد الفحص ترجعها

حتى لو فيه تهريبات في السياره غسلها ورشها زيت قبل الفحص

الدعوى كلها سهالات وفيه 100 حيله تتحيل فيها عليهم

[الربذي]

وعليكم السلام انا اشوف ناس تطلع من الفحص وتديور وترجع تفحص ثاني وتنجح تصدق ليه قدامي حصل ذلك يقال ان 23 الي تدفع بالاخير تصير للمهندسين الفاحصين وهذا امر وغبى فظيع اكيد ابي اسقط عشان ترجع ثاني انا رسبت بعدة امور تهريب دوده الدركسون رحت لورشه وغسلها ونظفها وايضا الكفر الخلفي وطلع الهوب ونظفه واخذ مني 180 ريال تخيل
اما ولد وائل فاقول لك اخي هذي تسمى رشوه فاتق الله ولاتامر بحرام غفر الله لنا ولك .

[مفخرة فورد]

حياكم الله جميع : عاشق vip -ولد وايل - بدوي جنوبي - النبع الصافي - أبوجهاد التبوكي - التعـ King ـديل - salmansa - safare2 - الربذي

عاشق vip جزاك الله خير ورحم الله والديك

الكينق راح اجرب اكلم مدير الفحص عن ماكينة القزاز لعل وعسى

ولد وايل والله يوم طلعت من الفحص اصحاب الورش كل يناديني سلمت عليهم ومشيت - قلت لما نعرض الموضوع بمكشات ونشوف رايكم :)
والحمدلله ماهنا مفسدة نردها - لأن اللي تصلحه يكون من صالح موترك وصالحك ان شاء الله - وفقك الله

safare2 عسى الله يوفقك , راح امر عليهم هاليومين ونشوف النتيجة

الربذي جزاك الله خير , لكن ياخوك هالفحص السفلي عديته كبري !
يعني يوم خلصوا من فحص العادم طلعوا الموتر عند المخرج !

الله يوفقكم جميع

[Abu Mryea]

أنا رحت الفحص الدوري ( بالرياض )يوم الأربعاء الماضي

الموتر شيفرولية - سيلفرادو - 2007


الموتر ولله الحمد مافيه أي شئ وعدا في كل شئ ولله الحمد


ويوم تعدى الفني الأول المختص بالفحص الخارجي رجّع الموتر مرة ثانية


ليش ؟؟؟!!!


فيه كسر بسيط في الأسطب الخلفي - والله مافي الموتر أي شئ الا الكسر البسيط

اللي مايظر بالأسطب كل اللمبات شغالة : الريوس - الفلشر - البريك

عرفت أن الدعوى فيها


دراهم ............... حسبنا الله عليهم ونعم الوكيل


سرق x سرق

[راع الباث]

حياك الله أخوي

ترى الدعوى حول بعضه ، وكل العالم لازم تسقط عشان هالـ 23 ريال

الغريب إنه تدخل قدامك سيارة ما به شي زين تدخن والكفرات يرجن والشنطة بدون قفل ... إلخ وينجح من أول مرة
كيف ..؟ ما أدري

ولا يتبلون إلا اللي عنده شي بسيييط تستحي إنك تقوله من سخافته

لكن ترى اليمناء اللي حول الفحص عارفين وزنية المهندسين ووش يبون

ينظفه ويسوي به كم حركة

بـ 20 ريال وإن انهبل 50 يخلي لك السيارة تعدي هوا

وأهم شي الستكر ، لأن موترك أنت اللي تستعمله إذا فيه خراب تصلحه على مزااجك متى ما بغيت

وبالتوفيييق للجميع

[مواسي الطعوس]

المرايه مثل ماقالو الشباب تفصيل ب 20 ريال .
**المسمار مايضر لكن صمغ لك صاموله وتمشي الامور .

**اللي يقول التنسيم في الكنداسه هذه خطيره تذكر احتراق الجيوب موديل 97م تحت من الحراره اللي تطلع من الشكمان تحمي البدي وتحرقه .
**الجلنط : الغالب انه يرتخي لان بعض الناس متعود يسحبه الى اخر حد ....ومع هذه الطريقه يرتخي ...لكن اذا شديت عليه وقماشاته ماخربت عود نفسك ماتشد عليه بقوه اذا انمسك الموتر خلاص .

[مفك]

الله يعينك ياخوي وييسر امرك

اللي يقهر انك تشوف الاجانب في الشارع الشكمان تقول مدخنه مصنع والنور تقول نور ولاعه والقرقعه تقول كنك في محل حداده والموتر مايل وحاله السياره تشليح حتى التشليح يمكن يرفضها من شينها
وفي الاخير تحصله مرتز باللوح الجديده ...

الله يعينك

تحياتي للجميع000

[بعيد الهقاوي6]

حسبنا الله ونعم الوكيل فيمن اكل اموال المؤمنين بالباطل

[اشهب .]

وعليكم السلام ورحمة الله وبركاته
أخوي هون على نفسك
خويي رسبوه في باب السواق يرفعه وينزله بقوه ويقول أنه يهتز
وش رايك لكن حقك في الأخره مايضيع
ولا خويي ناسي في السياره ريال نادها العمل وقال خذ فلوسك وأضاهر أنه سعودي

[YUKON_GMC]

ولا خويي ناسي في السياره ريال نادها العمل وقال خذ فلوسك وأضاهر أنه سعودي

يمكن ريال مايكفيه ولا ال 50 و دام انه سعودي لازم 100 والا ماياخذ الطفايس :D

[أبو راشد 220]

يا رجل لا تشكي لي واشكي لك


نوبة من النوبات معي باترول ابفحصه بفحص الرياض، وكنت مشيّك على الموتر قبل لا اجيهم من الى، ومع ذلك سقط

تدري ليش؟؟؟

لسبب سخييييييييييييييييييف، ألا وهو

اني مركب له دعامه اماميه اللي يكون فيها مطرقه وفأس والعدّه الباقيه!!!!!

وحاولت بهم يمين يسار، واروح لمديرهم ولكن ما من فايده، ولا عدّا الموتر الا بعد ما فكّيته

ولا اقول الا حسبنا الله ونعم الوكيل

[هبــ حريملاااء ـبوب]

وعليكم السلااام ورحمة الله وبركااته

والله هي حظوظ سبحان الله .. انا فحصت الددسن بالدعاميه ونجح من اول مره ..

وعندي جمس حوض حوسته حوسه من الى عطيته المعرض بـ 1700 ريال ومن بكره والاستكر موجود
مع تجديد الاستماره والنقل ! ولا ادري وش سواا المهم انا شارط فحص واستماره جديد .. على ذمته

الله يوفقنا واياااك ومن يقراا

[راعي المقانيص]

وحط بطفاية الدخان 50ريال وامورك تسلك


ليتها جت من غيرك ولا جت منك ياغالي

الله يغنينا بحلاله عن حرامه

[أبو نـآيف]

الله يكون بعونكـ

[مفخرة فورد]

السلام عليكم

الله يجزاكم عني كل خير على النصح والارشاد

وزن الجلنط :
أقمشة الجلنط كانت منتهية قيمتها 120 ريال - التركيب وصنفرة الهوب من الداخل ب80 ريال

قزاز المراية الجانبية :
فصلت (قزاز مراية ) ب 10 ريال وان شاء الله الامور تمشي

غيرت لمبات الاشارات الى لون برتقالي ب 25 ريال ونظفت الانوار الامامية ب 120 ريال من الداخل والخارج عند محل لاصلاح القزاز وتنظيف الانوار

(صراحة هالتنظيف هذا مهم جداً لأن النتيجة كأنك مركب قزاز جديد :good2:)

بقي ماكينة قزاز السائق :mad:
كان ودي ابدلها بالمكاين للابواب الثانية قالوا ماتجي - وجيت كهربائي قال راح اضبط لك الدينمو حقها أو نبدلها لك وان شاء الله الامور تتيسر - ان ماضبط الوضع احاول اكلمهم يمكن يمشونا - وان ماضبط الوضع :alarm: - الله يعين على ماكينة جديدة .

ونسأل الله التوفيق وشكراً للجميع

[التعـ King ـديل]

وش رايك في فكسار 2007 مامشى الا 6000 كيلو ورسب يقولك كربون زايد

حسبي الله ونعم الوكيل الموتر واقف من شراه راعيه مايستخدمه الا شي بسيط شلون كربن

[مفخرة فورد]

صراحة اخوي الكينق انا نفسي ماصدقت يوم فحصت عدوني من (الفحص السفلي ) يعني الحفرة ماوقف عليها الموتر

حظوظ :D

[YUKON_GMC]

لارسب الموتر في الرياض روح افحصه بأقرب مدينه فيها فحص ... وشرط ان ينجح في نصف الاشياء اللي كان راسب فيها بالرياض ..

90 من مراكز الفحص بالمملكه يركزون على الاشياء التاليه فقط _ :

1- الانوار والاشارات
2- الفرامل والجلنط
3- الفحص السفلي - تهريبات - مساعدات - سست - ربلات
إذا كانت سليمه هذه الاشياء تظمن انك تعدي الفحص ..