أبي حل للتغريز في النفود بعز الصيف.......

[أبو يحيى]

السلام عليكم ورحمة الله وبركاته
فيه راعي gxr 2005 كفرات 35 ومغرز بالنفود. سؤالي متى أستخدم الدبل الخفيف و الثقيل وهل أدوس على البنزين مع الثقيل. مع العلم إن السيارة تماتيك ولا فيها هزاز.

نصايحكم يالنشاما.

[بواسامه]

اهم شي ينسم الى 20 او اقل شوي عشان يفرش الكفر
ويحاول بالخفيف وينزل نمرة القير على 1ولا 2 ويلعبه شوي لين ياخذ له ممر وطريق ثمن يكنس
بس ينتبه ليكون يحفر من جهة دون الاخرى ثمن يثولث
وممكن يستخدم الثقيل
بس يرفق لا يجور على القير :no2:

وان شاء بيطلع :D
وان حصل تدور واحد طاره ياخويك وتستفيد منه
وممكن يسوق عنك :D

[حرباش]

زي ماقال اخوي ابو اسامه

الكفر 20 واقل

وافضل الدبل الخفيف يكون شغال على طول في منطقه مجهوله

لانك بأي لحضه ممكن تطب برباضه واذا طبيت مالك الا تشد الموتر

الثقيل اشوف انه آخر خيار يمكن يلجأ له الشخص لأنه يحفر الأرض وعلى هذا الأساس ماافضل الجور عليه



تحياتي لك ;)

[nahham]

خلك حذر لا يحفر احد الكفرات

ماتشوف شر

[الكابتن]

انصحك اخوى لانويت الرمله اول شى نسم الكفرات ل15قبل لايقع الفاس بالراس والله الله على الممشى بالركاده المعتدله

واذا بغيت توقف خلك على مرقاب(مكان مرتفع)

[أبو يوسف]

أهم شي تنسم للموتر
وأول ما يغرز مهب بعد ما يقعد على الدفرنسات

راجع هالموضوع لعل فيه فائدة
http://www.mekshat.com/vb/showthread.php?t=35612

مع التحية

[أبو يحيى]

جزاكم الله خير على الرد المقنع ........
طيب هالحين كيف أستخدم الأزرار second start و ect power ...

[أبـ [مطلق] ـو]

الشباب قالو لك كل شي ...... ولا قصروا

بس أهم شي الركااااده ولا تسرّع أبد


بالتوفيق

.

[بو خليفه]

بالنسبة لي في الصيف نزل الهواء إلى 10 و أدخل بالدفع الرباعي الخفيف الهاي و تكون السرعة متوسطة

[aziz2727]

يا بو يحيى
خلك من الزرارات
اول شي توكل على الله سبحانه وتعالي ودعوه ان لا يجعل اتكالك على الموتر او الدبل او التنسيم .
ثاني شي قم بالاشياء الوجب اتباعها وهي
تنسيم الكفرات على 20 او على 17 تقريبا" علشان ما ينسلخ الكفر ، و على 15 في اضيق الحدود .
وضع الدبل على الخفيف .
عن الرغبه على الشد على السيارة تضعه في النمره 1 بعد ما تشوف ان الموتر ارتاح وشد عزمه حطه في النمره 2 واذا حسيت ان الموتر بدء ينقص عزمه رده الى النمره 1 وهاكذا .
دائما" ابحث ان الطريق السهل ولا تحاول انك تعسر الموتر .
وزي ما قالو لك الاخوان اذا حبيت توقف دور على المكان الرفيع او المنحدر .
مع تمنياتي للجميع بالسلامه والتوفيق .

[أبو يحيى]

ما شاء الله عليكم ردود سريعة ..... جزاكم الله خير.

[القناص]

اخوي ابويحيى
second start يخلي الموتر يقوم بالثاني
عشان يوفر بنزين
ولا ينفع مع الرمل.

اما ect power ... قومه قويه وهو اللي يستخدم في الرمال والوعر

ولاتنسى عند السياقه في البر ان تطفي الاوفر درايف O/D
هذا الزر اللي في يد القير من فوق
والحكمه هو ان لاتسمح للقير بان يغير للخامس
حماية للقير من التسخين
لان الاوفر درايف يجب ان يستخدم للسرعات العاليه فقط من 80 وفوق.

وبالتوفيق ولا تنسى ما طور هواء من النوع الجيد.

[مرقاب الشرق]

عزالله ماقصرو الزقرت اسمع كلامه وانا اخوك .

[شيخ ال مقبل]

السلام عليكم اخوي ابويحى والجميع
على كلامك تقول الهوا على خمسة وثلثين ماالومه مايمشي
وبعدين ترا كل نوعية كفر لها تنسيمه معينه
يعني هنكوك لينه وتفرش بسرعه من تفرش خلاص وقف التنسيم
المهم ودي اتكلم واجد لكن
ابقولك شي يبدولي عبداللطيف جميل معطيك طرمبه صح
فنسم الكفرات على عشرة كانك تبي تفلها ماتغرز ابد وخمسة طعش ولا سبعة طعش اذا تبي تتمشى خفيف
وعلى فكره كفرات الوكاله قلق ماتنفع تطعس غيرها بهنكوك ولا بالون وشكرا..

[أبو يحيى]

أقول الله يكثر من أمثالكم ........ أشهد بالله إنكم راعين فزعة.

[a.الخثلان]

اتوقع مع استخدام الدبل الثقيل استخدم second start

مثل الي معه عايدي ويستخدم الدبل الثقيل ويقوم الموتر في النمرة الثانية

[حمود الفشقة]

طبعا ً الشباب ماقصروو يعطيهم العافية على هاالاجابات واماابقولي شي الرئي ... واشكر اخوي ابو يوسف على هذاي البيالة الشاهي الخاثره