قصتي مع معارض السيارات بالشفا ( واقع مؤلم)

[راصد بيئي]

السلام عليكم ورحمة الله وبركاته

كيف حالكم

صراحه أنا مااعرف هذا هو القسم المخصص لمثل موضوعي أو لا

لكن للمشرف حق نقله لأي قسم مناسب

ندخل بالموضوع

أنا كان عندي bmw حوت يبرق ويلمع من جدته
ورحت للمعارض ابي ابيعه جاني شريطي مصري قال تبدل سيارتك بمرسيدس انا وافقت بعد الفحص

المهم
وفقت الموتر عند أحد المعارض ( جعله يحترق ) ووقف الشريطي سيارته بنفس المعرض
انا وقعت اوراق المبايعه لكن صاحب المرسيدس إلي مفوض الشريطي ماجاء فقالوا لي بكره هو بيجي يوقع

إلي حصل أنه ماجاء كان خارج السعودية

وقال الكاتب الي في المعرض مانقدر ننقل المرسيدس لإسم صاحب البي ام الا بحضور صاحبها او وكاله

حالوا فيه الشريطيه لكن رفض الكاتب ( عنده أمانه)

انا خبري أن كل الأمور تمام
إلي حصل أن الشريطي المصري طلع سيارتي والسيارة الثانيه ووداها عند معرض ثاني ووقع عن البائع والمشتري

وكلمني قال ترى سيارتك بتاخذ اسبوعين للفحص وتجديدالإستماره !!

أنا على نياتي قلت خيره
الحاصل انا يوميا اكلم الشريطي واسأل عن التطورات بالموضوع وهو يعطيني تطورات عظيمه أكتشفت أنها كذب لاحقا

بعد مرور 3 اسابيع كلموني المرور قالوا سيارتك المرسيدس موجود في حجز لبن!!

قلت سلامات ليه
قالي العسكري جايها حادث وجهيه كامله:(

أنا كلمت الشريطي قلت وش صاير ؟؟

طلع لي مليون كذبه وعذر
رحت للمعرض إلي انا وقعت عنده في البداية قالوا لي ان الشريطيه سحبوا السيارتين لمعرض غير معروف لأننا رفضنا ننقل من دون وجود صاحب السياره

طيب وين المعرض
مايدرون والشريطي يقولي احنا بنصلح موترك وانت مالك شغل ارقد وآمن

والآن صار لهم 3 اسابيع من وقت الحادث
وعلى فكره كان سواق الموتر ولد خاله الشريطي رايح يمشي أهله بسيارتي!!

واليوم كلمت الشريطي مقفل جواله وأرسل لي رسالة قال موتر مجدوع بالصناعية رح خذه وصلحه!!

انا مباشره رحت لمرور الناصرية لقسم المعارض ورفعت شكوى على المعرض الي تمم عملية المبايعه بدون توقيعي وسلم السياره لشخص غيري بدون اذني وعلمي

وبكره إن شاء الله موعد الحضور عن الضابط

أتمنى دعواتكم لي ياإخوان

[Ss7]

الله ينصرك عليهم يارب
حسبي الله على كل حرامي سروق مايخاف الله

[الربذي]

وعليكم السلام حسبي الله على الظالمين شوف وين وصل طمعهم وجشعهم والله اني انقهرت وتالمت بشده وانا بصفك اسال الله ان ينصرك عليهم وباذن الله تفرح وتنشرح سرايرنا غدا باخذ حقك ورضاك الكامل
اخوي انتبه يمكن يسوون توقيع لك مزور يعني حاول لاتوقع ولاتوريهم توقيعك لكي لاينكرون الحادثه وترا المعرض الي تركت عنده سيارتك او الي كتب لك اول مره هو المسؤل الاول لانك وضعت سيارتك عنده لايضيعونك بينهم وربي معك وينصرك نعوذ بالله ناس ياكلون الحرام عينك عينك الغريبه انه في الغرب مايضيع لك حق فعلا من قال وجدت اسلام بلا مسلمين

[محمد الصرير]

الله يوفقك ويسر أمرك وينصرك عليهم اللي ما يخافون الله





وصل اللهم على سيدنا محمد وعلى آله وصحبه وسلم أجمعين . ودمتم سالمين

[ملقاط بن جمر]

الله يعينك ويعوضك خير ..

إذا أوراقك نظامية .. لا تخليهم .. كلك في المرور والشرطة كل يوم تشكيهم ..

الله لا يوفق كل من كان سبب في ضرر المسلمين ..

[سفاري فتك2009]

الله ينصرك على الحراااميه الضالميين
بذن الله مايصير الا الخير

[دكتور بر]

أسأل الله لك التوفيق يا أخي الكريم

وإن شاء الله أنك تاخذ اللي لك

والله سبحانه لن يضيع حق عبده ما دام مظلوماً

والله لا يجزى ولا يبارك في كل من باع سلعته بالكذب

وأرجو ان تطلعنا على تطورات موضوعك وما حصل عليه

وان تبشرنا بأن الحق قد رجع لك

[وضح النقى11]

أوليه لو انا معك ياتسبديه بس .
وإلا وشلون تبيع وراعي المرسدس موب عندك . كان على طول هونت عن البيعه . لان البيعان بالخيار مالم يفترقا .
معليش يبدو عندك ثقه بالناس فوق اللازم . ترا الوقت تغير . هالحين فيه ناس لازم تكون معه مكار .

فيه مقوله صراحه فيها نوع من النذاله لكن وش تسوي هذا اللي صاير عند كثير من الناس .
إلا وهي ( إن لم تكن ذيب أكلتك الذئاب )
يعني خلك مكار لا أحد يمكر بك . طبعا مهوب مع أي واحد لكن مع زي الناس هذي اللي انت واجهت بالمعرض .
هذا هو الخبث .
الله يعينك . وإرفع للمحكمه إن لم تفعل الشرطه أي شيء .

[الربذي]

أوليه لو انا معك ياتسبديه بس .

وإلا وشلون تبيع وراعي المرسدس موب عندك . كان على طول هونت عن البيعه . لان البيعان بالخيار مالم يفترقا .
معليش يبدو عندك ثقه بالناس فوق اللازم . ترا الوقت تغير . هالحين فيه ناس لازم تكون معه مكار .


فيه مقوله صراحه فيها نوع من النذاله لكن وش تسوي هذا اللي صاير عند كثير من الناس .
إلا وهي ( إن لم تكن ذيب أكلتك الذئاب )
يعني خلك مكار لا أحد يمكر بك . طبعا مهوب مع أي واحد لكن مع زي الناس هذي اللي انت واجهت بالمعرض .
هذا هو الخبث .

الله يعينك . وإرفع للمحكمه إن لم تفعل الشرطه أي شيء .

الا يكرم الذئب عن تلك الحثاله الظالمه الله ينصره عليهم .

[abo_hoor]

وعليكم السلام ورحمة الله وبركاته
الله يعينك اخوي من هولاء الناس النصابين ماعندهم ضمير ولاشي
بعدين اخوي مو موقف سياره عندهم مفروض انك تهتم لسيارتك يعني
تسال عنها مو ياخذونها على كيفهم هذي نصيحه لك لانهم ماينفع فيهم الاجذي
لاتخلي حقك وياهم روح اشتكي عليهم
او قولهم جيبو سعر سيارتي لي ومالي شغل فيكم دعامين فيها بعد لاتسكت ووانا اخوك عن حقك
روح للشرطه احسن واظمن لك

[ابو حامد888]

أسأل الله أن ينصرك عليهم وأن ينتقم منهم ومن كل ظالم

[ابراهيم الريس]

حسبي الله ونعم الوكيل أن الله يمهل ولا يهمل حتى لو لم تأخذ حقك بالدنيا احتسب

[الربذي]

السلام عليكم ورحمة الله وبركاته

رحت للمعرض إلي انا وقعت عنده في البداية قالوا لي ان الشريطيه سحبوا السيارتين لمعرض غير معروف لأننا رفضنا ننقل من دون وجود صاحب السياره

أتمنى دعواتكم لي ياإخوان

اخوي هذا صاحب المعرض الي وقعت عنده اول مره هو المسؤل الاول والاخير عن امورك وشلون سياره مشتريها عن طريقه تسحب منه اكيد له دخل وعليه مسؤليه مباشره لان هناك يبون يقلون وين المعرض الي نقلت عنده واو بعت عن طريقه تبي تقول ماادري وشولون تصير لاتفك صاحبك الاول ماهو معقوله مايدري ابدا ولاتصدق احفظ الورقه معك المبايعه

[AMAZ]

الله يستر النصب عندنا صار عيني عينك قبل فترة واحد من الزملاء في العمل اشترى ارض ومبسوط فيها طلع الارض مبيوعه على اكثر من شخص ولما رايح يطالب بحقه قالوا ليش ماصدقت الصك من هيئة التمييز . حتى الصك ماعاد له قيمه مدري كيف نسوي .

[أبو هاجوس2000]

الله ينصرك عليهم . وان شاء الله تاخذ حقك . لا تتركهم وخاصة المعرض اللي فيه المصري النصاب .
يا ناس : لا بد الواحد يتحرص في مثل هذه الأمور وخاصة البيع والشراء في أماكن يكون العاملين فيها اجانب مثل المعارض ومكاتب العقار . وخاصة من الجنسية المصرية لأن أغلبهم نصاااااب . إلا ما رحم الله ....

[ابن الفيحاء]

الله ينصرك عليهم ... وافعل الاسباب على ذلك من الدعاء وسؤال اهل الخبرة في ذلك وفقك الله00 واعطنا اخبارك فقلوبنا معك

[ال نصيب]

والآن صار لهم 3 اسابيع من وقت الحادث
وعلى فكره كان سواق الموتر ولد خاله الشريطي رايح يمشي أهله بسيارتي!!

واليوم كلمت الشريطي مقفل جواله وأرسل لي رسالة قال موتر مجدوع بالصناعية رح خذه وصلحه!!

انا مباشره رحت لمرور الناصرية لقسم المعارض ورفعت شكوى على المعرض الي تمم عملية المبايعه بدون توقيعي وسلم السياره لشخص غيري بدون اذني وعلمي

...........................


من كلامك وموضوعك انت تهاونت واعتمدت على الجوال لقضاء امورك

واستنتج من ذلك ان الربع شافوك طيب زياده على اللزوم فأستغلوك

كان الله في عونك

[اديب بن صالح]

لا تمسح اي مسجات ولا رسائل ووثقها

وتتبع كل التفاصيل ولا تسكت عن حق

وخل هدفك تأديبي قبل لا يكون انك بتآخذ حقك بس

حسبي الله عليهم ونعم الوكيل

المهم اذا بلغت المرور والشرطه ومن هالقبيل

خذ صورة من البلاغ برضه اذا هو مصري تراه بيهج واسهل منها مافيه

[دايم الخير]

الله يعينك و يفرج كربتك

كان والدي ينصحني قديم .. عن كل شريطي يقول ( إذا ما ضحك على البائع ضحك على المشتري ) .. طبعا ما ننكر ان فيه ناس عندهم ذمه و امانه ... لكن اذا الامانه و الذمه نادرة عن اهل هالمهنه قديم فمابالك بأهلها بالوقت الحاضر ...!!

وانا اخوك .. بالبيع و الشراء ما ينفع غايب و مستعجل .. خلك على الركاده و القرش زاهب .. و غيره يفتح الله.

الله يعينك يارب

[بـــ نجد ـــرق]

الله يكون في عونك

انا قد صار لي مشكله مع معرض في معارض الشفاء اسمه سيف الجزيره

لكن الحمد لله عدت على خير

[ورد طائفي]

لله يحرق قلب كل من شارك فيها وهو داري انها لعب × لعب


إستهتار لأبعد الحدود ، وإنعدام مخافة الله من القلب أعووذ بالله !

[Abu Mryea]

الله يعينك ياأخوي .... ويرد لك حقك


احتفظ بالأوراق ( الأصلية ) اللي معك ... وحاول أنك تصورها عدة صور

ولا تعطي أحد الأصول الا الجهات المسؤولة فقط

وحاول تحصل على تسجيل للمكالمات اللي بينك أنت والشريطية

لأنها تعتبر دليل هي والرسائل والأوراق

والله يكون في عونك

[Abu Mryea]

( من أمن العقوبة أساء الأدب )

والله حالة .............. الأجنبي يحوس ويدوس في البلد


ولا حياة لمن تنادي .......... هذي الجنسية ( المصرية )


أحاول اتجنب التعامل معها بقدر الأستطاعة وكذلك ( البنقالية )

[الغريب 2000]

عليكم السلامه ورحمة الله وبركاته الله ينصرك عليهم اخوي ويرجع حلالك ولاتزعل مني اخوي ليه انت وين عايش مصري يضحك عليك ويقولك اسبوعين فحص والفحص خلال ساعه وانت خالص وين سند المبايعه وانت ساكت اسبوعين ويلعب فيك هاالمصري ليش ماسالت ياخوي اقسم باالله قهر ليه حنا وين عايشين المهم امسك المعرض اللي خليت سيارتك فيه ولاتفكه ترا مارايح يجيبلك المصري ويرد حقك الا المعرض ولاعليك فيهم خلك ورا المعرض حقك عندهم ارجوان تتقبل مروري

[الصــرح]

حسبنا الله ونعم الوكيل

أخي صاحب الموضوع

أوصيك بكثرة الإستغفار فإن فيه فرجة من الذنوب وسلوة من الكروب

ولا أعلم حقيقة إلى متى ومسلسل تلك التجاوزات مستمر
للأسف لابد من وضع آلية جديدة لعملية البيع والشراء

[راصد بيئي]

مشكورين ياحبايبي على دعائكم وتوجيهاتكم

لكن انا عرفت أسم المعرض الذي تم فيه النقل والمبايعه وخروج السيارة من دون علمي
وهو بعد اذن المشرفين معرض ( المسهار ) بالشفاء وحقيقه انا لاأعلم مكانه ولم ادخله قط

لكن الله فوق الظالم
والله بينصرني ان شاء الله

اليوم بعد صلاة العشاء يوم وصل خطاب الإستدعاء للمعرض عن طريق مرور المعارض كلمني صاحب المعرض
قالي( يارجال احمد ربك انت الموتر بإسمك خذه وبنعطيك 2000 ريال وانت زود عليها وصلح موترك والستر زين ترانا راحمينك واعتبر هذا المبلغ مساعده من معرضنا !!!!) انتهى كلامه
هم المساكين يعرفون إني شخص مسالم وطيب لكنهم لايعرفون إني مشتكي عليهم في الإماره ووزاره التجارة ومرور الرياض وبرفعها للشرع حتى لو عطوني موتري وقيمه التصليح

المعرض هذا بيستمر بالنصب والإحتيال ويجب أن يقفل ويحاسب المتسببين

[ابو صاالح]

لا حول ولا قوة إلا بالله ، لا تتنازل عن حقك ، والشريطي ( مصري ) ؟

[ولد وايل]

وربي قمة القهر انا انقهرت


لو بغيت فزعه باي قطاع راسلني بابذل جهدي معك

[ابونواف 999]

حسبي الله ونعم الوكيل
اخوي لاتخليهم اشتكهم وعلمهم ان البلاد مهوب لعبه والله ينصرك عليهم

[Ra3e aljeep]

مشكورين ياحبايبي على دعائكم وتوجيهاتكم

لكن انا عرفت أسم المعرض الذي تم فيه النقل والمبايعه وخروج السيارة من دون علمي
وهو بعد اذن المشرفين معرض ( المسهار ) بالشفاء وحقيقه انا لاأعلم مكانه ولم ادخله قط

لكن الله فوق الظالم
والله بينصرني ان شاء الله

اليوم بعد صلاة العشاء يوم وصل خطاب الإستدعاء للمعرض عن طريق مرور المعارض كلمني صاحب المعرض
قالي( يارجال احمد ربك انت الموتر بإسمك خذه وبنعطيك 2000 ريال وانت زود عليها وصلح موترك والستر زين ترانا راحمينك واعتبر هذا المبلغ مساعده من معرضنا !!!!) انتهى كلامه
هم المساكين يعرفون إني شخص مسالم وطيب لكنهم لايعرفون إني مشتكي عليهم في الإماره ووزاره التجارة ومرور الرياض وبرفعها للشرع حتى لو عطوني موتري وقيمه التصليح

المعرض هذا بيستمر بالنصب والإحتيال ويجب أن يقفل ويحاسب المتسببين


راصد .. ولايهون الاخوان ..
قسم بالله قلبي يرجف رجف كأن الموضوع صاير علي
انـقهرت من جد آآآآآآآآآآآآه بس
ياصبرك وانا اخوك احس اعصابي انـفلتت
كلامك هذا ريحني شوي لاتخلي قطاع حكومي له علاقة إلا تشتكيهم وتمرمطهم
تكفى تكفى تكفى لا تتركهم في حالهم حتى تـقفل المعرض هذا
خله يصير عبره
يا اخوان لاتلوموني والله شيء يـقهر
الله يوفقك وينصرك ويعزك عليهم ويذلهم ويغربلهم ويجعل فقرهم في هذا الموضوع
تـقبل تحياتي

[مخاوي النادر]

السلام عليكم

عسى الله ينصرك عليهم يارب

حسبي الله على كل حرامي سروق مايخاف الله

قلوبنا معك

[عاشق الماركيز]

حسبي الله عليهم لها الدرجه نصب واحتيال ماقول غير الله يعوضك بخير منها ويسلط عليهم الله لايوفقهم الواحد صاريخاف من كل شي لحول ولاقوة الى بالله الله يرحم زمان اول تلقى الناس مشرعه بيبانها ولحد يتجرا يطل مو يدخل بس يطل

[جون الشمالي]

حسبي الله عليهم
وبأذن الواحد تأخذ حقك غصبن عليهم اشتك عليهم يوميا طفشهم لمن تأخذ موترك

[الهاوي 9]

حسبي الله ونعم الوكيل

[ابو خا11لد]

الله ياخذا حقك ولا تترك الموضوع خلك وراهم طفشهم

اول مرة في حياتي ادري ان فية مصري شريطي!!!!!

[القناص-sniper]

لاحول ولا قوة الا بالله

الله يعينك وتاخذ حقك ان شاء الله

[عشه83]

حسبنا الله وتعم الوكيل ,,,الله ينصرك عليهم ,,أكل حقوق الناس عينك عينك لاحولا ولا قوه الا بالله ,,وللاسف حتى المصاريه واليمنانيين والبنقاليين و أغلب الجنسيات تلقاهم بالمعارض وغيرها من الاسواق يحوسون و وينصبون ولا حسيب ولارقيب والمصيبه حنا الضحايا ,,ومثل ماتفضل الاخ الربذي عند الغرب تاخذ حقك وفعلا وجدنا أسلام بلا مسلمين

[الربذي]

قالي( يارجال احمد ربك انت الموتر بإسمك خذه وبنعطيك 2000 ريال وانت زود عليها وصلح موترك والستر زين ترانا راحمينك واعتبر هذا المبلغ مساعده من معرضنا !!!!) انتهى كلامه

بعدي والله خلهم يعرفونك والحليم اذا غضب شب عليهم .

[FAREES]

الله يعوضك و يوفقك ..

حسبي الله و نعم الوكيل ..

[راصد بيئي]

ياجماعه الخير
والله توني راجع من مرور الناصرية قسم إدارة المعارض

والله يجزى الرائد محمد السلمي ألف خير
وقف معي
وجرجر لي صاحب المعرض والشريطي وكل المسؤولين

واشتكيتهم بشكوى سرقه سيارتي وتزوير توقيعي واتمام المبايعه بدون علمي
وهم اعترفوا

والشريطي المصري الي يشتغل عندهم طلعت اقامته منتهية وهرب من مكتب الضابط وعجزوا يلحقونه
والموضوع كله بوجه المعرض وصاحبه

والله ياإخوان ان صاحب المعرض يترجاني يقولي انت وش تامر عليه بس يقول ندخل موترك بالوكاله ونصلحه لك

قلت له لا موتري بيصلح غصب مو بكيفك

لكن ابي حقي من التزوير واتمام المبايعه بدون اذني وتسليم موتري لشخص مااعرفه

المهم القضيه اليوم ارتفعت للأمير سلمان وبكره موعدنا في الإماره

والله ان شاء الله بيرد لي حقي وبيوقفهم عند شر اعمالهم

انا حبيت اعطيكم المستجدات الي صارت معي

[ايقاع المطر]

الله يبشركـ بالخير دوسهم بالجزمه الشريطي وصاحب المعرض ماينفع الطيب في هالزمن
وانت ماشيتهم بالطيب الان وبما انها وصلت الشرطه والامارة بالله عليك ورهم وجهكـ الثاني
والعن ابو خيرهم مابقى الاابومصير يضحكـ علينا المشكله صاحب المعرض يحط الاجنبي يشتري
ويبيع ويلعب بحقوق الناس واذا الامور ازمت وانكشف العيبهم وصلت للشرطه حطها في راس الاجنبي
ويسويله خروج وبكذا يقولك خلاص انتهى .,,لازم يتجازى وغرامه وتشهير واغلاق المعرض عشان يكون
عبرة لغيرة ,,,,,,واعتذر لطول الكلام

[باث2001]

أسأل الله الكريم رب العرش العظيم أن ينصرك ويأخذ حقك منهم ,وأن يرد كيدهم في نحورهم ويجعل تدبيرهم تدميرا عليهم إنه سميع مجيب الدعوات ,, آمين آمين آمين
لا تنس أن دعوة المظلوم ليس بينها وبين الله حجاب , وأكثر من قول لا حول ولا قوة إلا بالله وقول إنا لله وإنا إليه راجعون , وقول اللهم صل على محمد وعلى آل محمد , فإنها تكفي الهم كما قال صلى الله عليه وسلم .

[ولد وايل]

الله يبشرك بالخير

كيف المصري هرب وين العسكر عنه

لاتتنازل

ولا تفكر تصلح الموتر

اطلب قيمته زود

لو صلحته بيطيح من سعره

[الخادم]

الغالي
انت قلبك طيب مرة ( خطاك الكبير) و جاهل بالشريطية
و على قد نيتك الله يرد لك حقك
لكن لاتثق باحد اطلاقآ
الله يوفقك

[مصلح بن بيئي]

اولا الله ينصرك عليهم ان شاء الله
ثانيا تراااك غلطاااان وانا اخوك البيع والشراء لازم تصير اموره واضحة ولا تستحي او تخاف من احد بايع منه او شاري منه يعني كيف وثقت بشقلبة الامور وتبديل السيارة بسيارة وراعيها غير موجود وكيف تطلع من المعرض قبل تنهي امورك اما بموترك او بالسيارة البدل
ثالثا وهو الاهم انت ان شاء الله منصور لاكن تنبه ان صاحب المعرض الاول اللي دخلت البي ام عنده هو المسؤول الاول والاخير امسك برقبته والشكوى ضده وتراه ارتكب مخالفتين الاولى تزوير اوراق وتوقيع صاحب السيارة ادري ان التوقيع صار خارج معرضه لاكن انت مالك الا هو كيف يطلع السيارة وهي مبيوعه لك وثاني المخالفات هو انه طلع سيارة من المعرض بدون نقل استمارتها للمشتري وهاذي لوحدها فيها تقفيل معرض وفيها غرامه ماليه كبيرة اما عن عقوبة التزوير فالله يعين اللي زور راح فيها

وتبي نصيحتي بعد اللقاء الاول بيبين كل شي يا يدفعون تعويض لك عن الضرر ويرجعون سيارتك القديمة او وكل محامي صاحي يسحبهم تسحيب

والله ينصرك وبشرنا عن الامور وش يصير معك

[نواف503]

والله قهرتني يا شيخ وانا مالي دخل لكن ابشرك أمورك تبي تزين ان شاء الله والله يوفقك عليهم

[كوع نملة]

ان كان تبي فزعه فارسل لي علي الخاص وابشر بسعدك

قاهرني هالشريطي :mad:

[الوبيري 1]

ياجماعه الخير
والله توني راجع من مرور الناصرية قسم إدارة المعارض

والله يجزى الرائد محمد السلمي ألف خير
وقف معي
وجرجر لي صاحب المعرض والشريطي وكل المسؤولين

واشتكيتهم بشكوى سرقه سيارتي وتزوير توقيعي واتمام المبايعه بدون علمي
وهم اعترفوا

والشريطي المصري الي يشتغل عندهم طلعت اقامته منتهية وهرب من مكتب الضابط وعجزوا يلحقونه
والموضوع كله بوجه المعرض وصاحبه

والله ياإخوان ان صاحب المعرض يترجاني يقولي انت وش تامر عليه بس يقول ندخل موترك بالوكاله ونصلحه لك

قلت له لا موتري بيصلح غصب مو بكيفك

لكن ابي حقي من التزوير واتمام المبايعه بدون اذني وتسليم موتري لشخص مااعرفه

المهم القضيه اليوم ارتفعت للأمير سلمان وبكره موعدنا في الإماره

والله ان شاء الله بيرد لي حقي وبيوقفهم عند شر اعمالهم

انا حبيت اعطيكم المستجدات الي صارت معي



الله يجزأه خير ويجعل ما قام به في موازين حسناته

وانت الله ينصرك عليهم ويرد حقوقك كامله مكمله أن شاء الله

[zoom10]

الله يكون في عونك أخي الحبيب .

توكل على الله فهو خير المولى وخير النصير . وثق أخي الحبيب أنهم حاسبين ألف حساب لما راح تسويه فكن حذر ولا تقف عند أول مطب .

أعرف واحد من الشريطية يقول : ( إذا ما ضحكت على المشتري ما أرتاح والله لو كان أبوي لضحك عليه ) والله هذا كلامه .

فعن أبي هريرة ـ رضي الله عنه ـ قال : قال رسول الله صلى الله عليه وسلم : " إذا ضيعت الأمانة فانتظر الساعة "

الله يكون في عونك .

[راصد بيئي]

اشكركم يااخواني من كل قلبي

وصراحه دعائكم بنيات مخلصه ان شاء الله انه من اسباب استرجاع حقي لي

واليوم والله لحد الساعه التاسعه ليلا وانا بالمعراض يتحببون في يدي اني مااكمل شكواي

لكن والله لوريهم نجوم الظهر

[الهر]

كفو ولله تعجبني.. ولا تخلي لهم صغيره ولا كبيره
الله ينصرك عليهم

[مع الحدث]

مشكووووووووووووووووووور .....

[S a L e H]

الله يوفقك وينصرك على الكلاب ذي الله لايوفقهم...
توكل على ربك ومعاليك من احد...

[ولد وايل]

ننتظر باذن الله انتصارك عليهم يارب

[ابونواف 999]

الله يوفقك وينصرك عليهم ياما لعبو على المساكين وبيعوهم مواترهم بتراب الفلوس
وبعوا على المسلمين مواتر خجم ورايحه فيها بسعار غاليه

[كاشت وحداني]

الله ينصرك عليهم وعلمنا بالمستجدات
وبالنسبة لوحدة المعارض في مرور الناصرية ما يقصرون يتخذون اجراء بسرعه
وانا بعد اذنك بحكي قصتي مع المعارض
بعت سيارة ورحنا معرض وسويت المكاتبه واخذت صورة المكاتبه في جيبي
جلست اسبوع وشيكت على سجلي المدني ولقيت السيارة باقي باسمي
رحت المعرض قالو لي السيارة موجوده
وشفتها واقفه
وبعد يومين شفت موتري يتمشى قدامي بالشميسي
وطلعت المعرض الصباح لقيت عامل فيه قلت ابي صورة الاستمارة بعد نقل الملكيه قال كلم الكفيل
كلمت الكفيل اللي هو صاحب المعرض وتلفظ علي بالفاظ يكرمون الاخوان في هذا المنتدى عن ذكرها
وذهبت الى وحدة المعارض في الناصريه وبلغتهم بما حدث
والنتيجه خلال يومين
1- اغلاق المعرض وتغريمه اتوقع الغرامه عاليه شوي
2- التعميم على السيارة وخلال يومين تم حجزها في حجز وادي لبن
3- اتصال المرور علي قالوا تبغى سيارتك قلت لا انا بعته واخذت فلوسه قالو خلاص بيتصادر قلت بكيفكم
وتم مصادرته واسقاطه من اسمي .
والله يفرج همك

[كراع الذيب]

الله يكون في عونك ..

ونصيحتي لك قدم اوراقك لاماره الرياض وراح يجبونهم طرق عن خشومهم

والله يعينك وينصرك على من ظلمك

[الفيصل55]

اسأل المولى بعزتة وجلالة ان ينصرك وان يأخذ بحقك

اخي الحبيب لاتنسى الاستغفار وصلاة اخر الليل والدعاء والتذلل واظهار الانكسار لله

ثالثا ما ضاع حق وراه مطالب

رابعا استشر من هم من اصحاب الخبرة والحكمة

اعتقد انهم ارتكبوا اكثر من جريمة تزوير توقيعك في المبايعة وهذة جريمة لها احكامها وهي ليست بسيطة

سرقة سيارتك من قبل ولد خالة الشريطي

نقل السيارة من معرض الى معرض بدون نقل الملكية وخروج السيارة وهذة اذا ماني غلطان فيها تقفيل للمعرض وغرامة يعني خراب بيت لصاحب المعرض

الان انت من يتحكم بهم .. يجب ان ترتب اوراقك وتعرق ماذا تريد بالضبط وبامكانك تتشرط على المعرض

لاتنسى انه نصب على غيرك كثير يعني المعرض مو بحاجة لموترك يستطيع تعويضك سيارة من الوكالة ومعها رضاوة شيك مبلغ وقدرة

نصيحة اذهب لمحامي واطرح علية السالفة وشف كم ياخذ اتعابة وكذلك وش يستطيع يسوي لك براعي المعرض

[راصد بيئي]

جزاكم الله خير يااخوان

اليوم المستجدات

كلموني المعرض وقالوا تعال للشفا خذ موترك على سطحه وقدره وبنعطيك قيمه التصليح
قلت لا مانيب مستلمه انتم ارسلوا الموتر بسطحه ومعه مندوب من المعرض

وقفوني بالشارع والله من الساعه 8 الصباح لحد الساعه 12 الظهر وانا انتظرهم

اخيرا شرفوا وجوني الساعه 12 وقدرنا الموتر وتصليحه قدر قطع الغيار بـ 40 ألف وشغل اليد 17 ألف

وكأنهم يوم شافوا المبلغ ككبير فكروا انهم يجحدونني قالوا لي المبلغ مبالغ فيه
عموما تعال لنا العصر للمعرض ويصير خير نتفاهم

واللحين بحرك لهم وابيدعائكم

وتكفون يااخوا الي يقدر يساعدني بالموضوع او احد عنده واسطه يقولي ابي فزعتكم يارجال عشان يرجع لي حقي

[ولد وايل]

اذا قالوا ان المبلغ كبير

قلهم رجعوا لي موتري الاول

او قدروه قبل الحادث

وما ابي شي منكم

[ABO-3BDULLAH]

حسبي الله ونعم الوكيل

الله ينصرك عليهم

[المهاجر انا]

في المرور قسم المعارض يقفل المعرض شهرين ويغرم صاحب المعرض هذا هو المعروف لا تتنازل ولا تقبل السيارة لان صدمة الوجه للسيارة تصبح دائم في تعطل خذ فلوسك ولا تتنازل الله يسهل امرك

[ابو ســــاره]

نصيحتي لك استرجع سيارتك ال BM ولا تقبل بسيارة مصدومة حيث انها فقدت سعرها الي النصف او اقل من النصف .

[إعصار]

أهم شي لاتتنازل ..


ولاتقبل بقيمة تصليح الموتر ..



خلهم يعوضونك قيمته قبل الحادث ..



ولاتتنازل عن حقك في التزوير الي صار عليك ..

واصل دعواك وحاول تشهر به ولو تراسل صحيفة سبق الالكترونية ممتاز

[هويدي]

تطليعه السياره من المعرض بدون نقل الملكيه مخالفتها 10 آلاف ريال على المعرض

فمابالك بحوادث ونصب وتدليس

اللي مثل هذا مايستاهل من يتنازل عنه انتبه هذا حصني بيستأجرله شايب وعجوز يتحببونك علشان تتنازل
واكيد ضحاياه واجد الله يهديه

كان الله بعونك واذا تبي شوري زي هالاشكال ذي لاتكلمهم ولا تهارجهم بينكم الشرطه

اللي مايخاف الله خف منه

[جوالة]

واشتكيتهم بشكوى سرقه سيارتي وتزوير توقيعي واتمام المبايعه بدون علمي
وهم اعترفوا


اسمع وانا أخوك أولا جريمة السرقة تعتبر جنائية وتحول إلى المحكمة وفيها حكم شرعي.
ثانيا تزوير التوقيع تعتبر جناية خطيرة وهاك النظام فيها :



نظَام مكافحة التزوير

صدر بقرار مجلس الوزراء برقم 653 وتاريخ 25/11/1380هـ وتوج بالمرسوم الملكي رقم 114 وتاريخ 26/11/1380هـ ونشر بأم القرى العدد 1874 في 10/1/1381هـ

المادة الأولى من قلد (http://ar.jurispedia.org/index.php?title=%D8%AC%D8%B1%D9%8A%D9%85%D8%A9_%D8 %A7%D9%84%D8%AA%D8%B2%D9%88%D9%8A%D8%B1_%28sa%29&action=edit&redlink=1) بقصد التزوير الأختام والتواقيع الملكية الكريمة، أو أختام المملكة العربية السعودية أو توقيع أو خاتم رئيس مجلس الوزراء، وكذلك من استعمل (http://ar.jurispedia.org/index.php?title=%D8%AC%D8%B1%D9%8A%D9%85%D8%A9_%D8 %A7%D9%84%D8%AA%D8%B2%D9%88%D9%8A%D8%B1_%28sa%29&action=edit&redlink=1) أو سهل استعمال تلك الأختام والتواقيع مع علمه بأنها مزورة عوقب بالسجن من خمس سنوات إلى عشر سنوات وبغرامة مالية من خمسة آلاف إلى خمسة عشر ألف ريال.
الماده الثانية من زور أو قلد خاتماً أو ميسماً أو علامة عائدة لإحدى الدوائر العامة في المملكة العربية السعودية أو للممثليات السعودية في البلاد الأجنبية، أو خاصة بدولة أجنبية أو بدوائرها العامة. أو استعمل أو سهل استعمال التواقيع أو العلامات أو الأختام المذكورة، عوقب بالسجن من ثلاث إلى خمس سنوات وبغرامة من ثلاثة آلاف إلى عشرة آلاف ريال.
المادة الثالثه إذا كان مرتكب الأفعال الواردة في المادتين الأولى والثانية من هذا النِظام أو المشترك فيها موظفا (http://ar.jurispedia.org/index.php?title=%D9%85%D9%88%D8%B8%D9%81_%D8%B9%D8 %A7%D9%85_%28sa%29&action=edit&redlink=1) عاماً أو ممن يتقاضون مرتباً من خزينة الدولة العامة يحكم عليه بأقصى العقوبة. وإذا أتلف الفاعل الأصلي أو الشريك الأشياء المزورة المذكورة في المادتين السابقتين قبل استعمالها أو أخبر عنها قبل إجراء التتبعات النِظامية يعفى من العقاب والغرامة.
المادة الرابعه من قلد أو زور الأوراق الخاصة بالمصارف أو سندات الشركات سواءً كانت المصارف أو الشركات سعودية أو أجنبية، أو قلد أو زور الطوابع البريدية والأميرية السعودية وإسناد الصرف على الخزينة وإيصالات بيوت المال ودوائر المالية أو صنع أو اقتنى الأدوات العائدة لتزوير السندات والطوابع المذكورة بقصد استعمالها لنفسه أو لغيره عوقب بالسجن من ثلاث إلى عشر سنوات، وغرامة تتراوح من ثلاثة إلى عشرة آلاف ريال . ويغرم الفاعل الأصلي والشريك بالإضافة إلى العقوبات السابقة بجميع المبالغ التي تسبب بخسارتها للخزينة، أو للشركات، أو للمصارف، أو للأفراد. ويعفى من العقوبة من أنبأ بالجرائم المنصوص عنها في هذه المادة قبل إتمامها كاملاً، أما من أخبر عن الفاعلين أو المشتركين فيها بعد بدء الملاحقات النِظامية فتخفف عقوبته إلى ثلث الحد الأدنى من العقوبة، كما يجوز الاكتفاء بالحد الأدنى من الغرامة فقط . ويشترط للاستفادة من هذا التخفيض أن يعيد الشخص جميع ما دخل في ذمته من الأموال بسبب التزوير.
المادة الخامسه كل موظفأرتكب (http://ar.jurispedia.org/index.php?title=%D9%85%D9%88%D8%B8%D9%81_%D8%B9%D8 %A7%D9%85_%28sa%29&action=edit&redlink=1) أثناء وظيفته تزوير بصنع صك أو أي مخطوط لا اصل له أو محرف عن الأصل عن قصد أو بتوقيعه إمضاء وخاتماً أو بصمة أصبح مزوراً أو أتلف صكاً رسمياً أو أوراقاً لها قوت الثبوت سواء كان الإتلاف كلياً أو جزئياً أو زور شهادة دراسية أو شهادة خدمة حكومية أو أهلية أو أساء التوقيع على بياض أؤتمن عليه، أو بإثباته وقائع وأقوال كاذبة على أنها وقائع صحيحة وأقوال معترف بها 00 أو بتدوينه وقائع وأقوال غير التي صدرت عن أصحابها، أو بتغيير أو تحريف الأوراق الرسمية والسجلات والمستندات بالحك أو الشطب أو بزيادة كلمات أو حذفها وإهمالها قصداً، أو بتغيير الأسماء المدونة في الأوراق الرسمية والسجلات ووضع أسماء غير صحيحة أو غير حقيقية بدلاً عنها أو بتغيير الأرقام في الأوراق والسجلات الرسمية بالإضافة أو الحذف أو التحريف عوقب بالسجن من سنة إلى خمس سنوات.
المادة السادسة يعاقب الأشخاص العاديون الذين يرتكبون الجرائم المنصوص عليها في المادة السابقة أو الذين يستعملون الوثائق والأوراق المزورة والأوراق المنصوص عليها في المادة السابقة على علم من حقيقتها بالعقوبات المنصوص عليها في المادة المذكورة. وبغرامة مالية من ألف إلى عشرة آلاف ريال.
المادة السابعه الأوراق المالية المنظمة لحاملها أو لمصلحة شخص آخر أو السندات المالية أو الأسهم التي أجيز إصدارها في المملكة العربية السعودية أو التي صدرت في البلاد الأجنبية ولم يمنع تداولها في المملكة، وبصورة عامة كافة السندات المالية سواء كانت لحاملها أو تحول بواسطة التظهير تعتبر بمثابة الأوراق والمستندات الرسمية في جميع الأعمال المنصوص عليها في المادة الخامسة من هذا النِظام.
المادة الثامنة كل موظف (http://ar.jurispedia.org/index.php?title=%D9%85%D9%88%D8%B8%D9%81_%D8%B9%D8 %A7%D9%85_%28sa%29&action=edit&redlink=1) أو مكلف بخدمة عامة أو مهنة طبية أو صحية أعطى وثيقة أو شهادة أو بياناً لشخص آخر على خلاف الحقيقة وترتب على ذلك جلب منفعة غير مشروعة أو إلحاق ضرر بأحد الناس، يعاقب بالسجن من خمسة عشر يوماً إلى سنة.
المادة التاسعة من انتحل اسم أو توقيع أحد الأشخاص المذكورين في المادة السابقة لتزوير الوثيقة المصدقة أو حرف أو زور في وثيقة رسمية أو في حفيظة نفوس أو جواز سفر أو رخصة إقامة أو تأشيرة من التأشيرات الرسمية للدخول أو المرور أو الإقامة أو الخروج من المملكة العربية السعودية عوقب بالسجن من ستة أشهر إلى سنتين وبغرامة من مائة إلى ألف ريال.
المادة العاشرة من قلد أو زور توقيعاً أو خاتماً لشخص آخر أو حرف بطريق الحك أو الشطب أو التغيير سند أو أي وثيقة خاصة عوقب بالسجن من سنة إلى ثلاث سنوات.
المادة الحادية عشرة يعفى من العقوبة الأشخاص المنصوص عليهم في المادتين الثامنة والتاسعة إذا أقروا بالجرائم قبل استعمال الوثيقة المزورة وقبل بدء الملاحقة.
المادة الثانية عشرة على الجهة المختصة بالحكم في جـرائم التـزوير (http://ar.jurispedia.org/index.php?title=%D8%AC%D8%B1%D9%8A%D9%85%D8%A9_%D8 %A7%D9%84%D8%AA%D8%B2%D9%88%D9%8A%D8%B1_%28sa%29&action=edit&redlink=1) الحكم بغرامة لا تتجاوز عشرة ملايين ريال، أو بالحرمان من الدخول مع الوزارات أو المصالح الحكومية أو الأجهزة ذات الشخصية المعنـوية العامة في عقود لتأمين مشترياتها وتنفيذ مشروعاتها وأعمالها أو بهاتين العقوبتين على أية شركة أو مؤسسة خاصة وطنية أو أجنبية أدين مديرها أو أحد منسوبيها في جريمة من الجرائم المنصوص عليها في هذا النِظام إذا ثبت أن الجريمة ارتكبت لمصلحتها، ولمجلس الوزراء إعادة النظر في عقوبة الحرمان المشار إليها بعد مضي خمس سنوات على الأقل من صدور الحكم
المادة الثالثة عشرة : (مضافة) كل من زوّر بطاقة وفاء او سحب مما تصدره البنوك أو المؤسسات المالية المرخصة ، بأن اصطنعها او قلّدها او غيّر بياناتها او غيّر في الصورة التي عليها أو استبدل فيها صورة شخص بآخر، او اشترك في ذلك بطريق التحريض او الاتفاق او المساعدة ، أو استعمل البطاقة المزورة مع علمه بذلك في الغرض الذي أعدت من أجله، بالاحتجاج بها لدى الغير، او استخدامها آلياً ولو لم يتحقق الغرض من الاستخدام ، يعاقب بالسجن مدة لا تزيد على عشر سنوات أو بغرامة لا تزيد على خمسين ألف ريال او بهما معا.
المادة الرابعة عشرة: (مضافة)
أ- تعد صور المحررات التي تبدو أنها أصل بذاتها محررات أصلية في تطبيق احكام هذا النظام.
ب- كل من زوّر الصور الضوئية او المستندات المعالجة آلياً او البيانات المخزنة في ذاكرة الحاسب الآلي أو على شريط أو أسطوانة ممغنطة أو غيرها من وسائط، أو استعملها وهو عالم بتزويرها يعاقب بالعقوبات الواردة.



وإتمام المبايعة بدون علمك هذي جناية ...

الله ينصرك عليهم وبنتقم منهم يارب ... لكن انتبه وانا اخوك ترا لهم ضلوع في كل مكان هالشريطية واللي اعترفوا يجب أن تصدق اعترافاتهم أو تجد شهود يشهدون بما قالوا ...

رد الله حقك إليك

[خالدالزلفي]

الله ينصرك عليهم يارب
حسبي الله

[هواي البر فهد]

الا يكرم الذئب عن تلك الحثاله الظالمه الله ينصره عليهم .



يـــــــــــــــه والله صدقت يكرم ذيـــــــــــب :good:

[حكم ساحة]

القضية عند صاحب المعرض الاول اذا تركته ضاع حقك والمسألة
مدروسة بينهم النظام لايجيز خروج السياره الامنقولة

[أبو عبدالله التهامي]

أسأل الله أن ييسر أمرك ويفرج عنك ..


الله يكون في عونك .. أغلب هالشريطية والمعارض هذا حالهم والله المستعان ..


تابع الموضوع أول بأول وما يضيع حق وراهـ مطالب .. وعليك بالدعاء والأستغفار ..


ودعاء المظلوم مستجاب بإذن الله ..

[الربذي]

ياجماعه الخير
والله توني راجع من مرور الناصرية قسم إدارة المعارض

والله يجزى الرائد محمد السلمي ألف خير
وقف معي
وجرجر لي صاحب المعرض والشريطي وكل المسؤولين

واشتكيتهم بشكوى سرقه سيارتي وتزوير توقيعي واتمام المبايعه بدون علمي
وهم اعترفوا

والشريطي المصري الي يشتغل عندهم طلعت اقامته منتهية وهرب من مكتب الضابط وعجزوا يلحقونه
والموضوع كله بوجه المعرض وصاحبه

والله ياإخوان ان صاحب المعرض يترجاني يقولي انت وش تامر عليه بس يقول ندخل موترك بالوكاله ونصلحه لك

قلت له لا موتري بيصلح غصب مو بكيفك

لكن ابي حقي من التزوير واتمام المبايعه بدون اذني وتسليم موتري لشخص مااعرفه

المهم القضيه اليوم ارتفعت للأمير سلمان وبكره موعدنا في الإماره

والله ان شاء الله بيرد لي حقي وبيوقفهم عند شر اعمالهم

انا حبيت اعطيكم المستجدات الي صارت معي

يه بعد حيي برد قلوبنا على اللي ديدنهم االغش والتدليس وانا اشوف انك تطلب فلوسك الي دفعت لهم يعني تهون عن الشريه وبعد تشوف ساهر تشيك عليه اذا ماانت مشترك وتاصلك المخالفات المرورية اول باول

لان اذا سعر المرسيدس 120الف مثلا الان بعد تصليحه يكون 73 الف لا ويمكن يبور مااحد يشتريه لان الصدمه الي بالوجه تنزل من سعر السيارة حوالي 30الى35 بالميه

انا اتابع ردودك واشوفك كانك فترت شوي رجاء هون عن البيعه وريح راسك ماانت قاعد كم اسبوع تحتري سيارتك تخلص وبعد التليح يمكن ماتضبط ويطلع وجهها مشوه
الحل الامثل تقول عطوني فلوسي عن داير مليم
حتى لو يبقى 10 ريال لاتسامحهم
ادبهم ادب ربي مسكك رقابهم تكفى ادب فيهم معارض الرياض كلها .

[راصد بيئي]

جزاكم الله خير جميعا على دعائكم وتوجيهاتكم

والله اليوم كله وانا عندهم بالمعرض
وطبعا المرسيدس انتقل بإسمي خلاص والحوت باعوه على زبون ثاني واستلمه وراح

لكن انا اليوم بالمعرض طرحت عليهم 3 خيارات وهي:

ان المعرض يشتري سيارتي المصدومه بالسعر الي انا احدده وأقرره ماينقص ريال.

والثاني
انهم يسلمونني 55 ألف ريال حق التصليح وانا باخذها وابيع الموتر تشليح ويدفعون لي حق 5000 كيلو هم استخدموه

والثالث
ان السياره تدخل وكاله الجفالي وتتصلح هناك وكذا بتكون قيمه التصليح اغلى من قيمه الموتر.

وبكلالأحوال بيدفعون لي حق الكيلوات الزايده وقدرها 5000 كيلو

وانابنشب بحلوقهم للأخير حتى لو سلموني فلوسي بخليهم عبره

[التمَاري]

أخوي راصد

خذ شوري وطعني

لا تستلم السياره بأي حال لا بتصليح ولا بتعويض وخل عندك قرار واحد ولا تتنازل عنه وهو انك تسترجع فلوسك كامله قبل المبايعه لان السياره الي شريتها ليست التي امامك انت شريت السياره سليمه كيف تستلمها مصدومه

ونصيحتي : لا تستلم السياره وخذ فلوسك الي قبل البيعه ولو توصل المحكمه انت راعي حق وماضاع حق وراه مطالب

[العابر2222]

يخوي لا تروح لهم المعرض ولا تقربهم ابد .... اذا اتصلو عليك قل بيني وبينكم المرور

يعني تعامل معهم بصفه رسمية ... لأنه لو تأخرو راح يوقف كل شي المرور وراح يبهذلهم


انت بكرة اطلع للمرور قل ما عطوني حقي ويماطلون فيني ... على طول بيتصلون عليهم مره ومرتين واذا ما عطوك حقك راح يصير تفاهم ثاني

بس بطريقه الوديه راح يماطلون فيك ويطفشونك ويخلونك ترضى بالي يجي وبعد فترة بترجع للمرور بيقول وينك ما راجعت

اذا قالو تعال نتفاهم ولا قالو بنجيك قل لا .. بيني وبينكم المرور ... وراجع المرور واذا ناوي تحوسهم من قلب اطلب تحويلها شرع بس بتطول معاملتك لأن مواعيد المحكمة طول شوي


==============================

يا غالي وفيه نقاط كثيرة لازم ما تسكت عنها عند المرور
1- حق سيارتك وطالب بقيمتها حالة الشراء
2-سرقة السيارة
3-الشخص الي كان يسوق السيارة ... كيف يطلع من المرور وهو مسوي حادث اكيد له كفيل وكيف يطلع وهو سارق السيارة (لابد استدعاء صاحب السيارة اذا الي يقودها غير صاحبها عشان يطلع)
4-وش الي يثبت ان الي معاه عائلته ؟؟ يمكن مخلي سيارتك للتطليع والبلاوي ويمكنه في حالة سكر
5-نقل السيارة من معرض لمعرض على كيفهم وبدون علمك
6- المعرض كيف يطلع سيارة مع شخص مو صاحبها
7- تزوير التواقيع للبيع وللشراء ( سؤال موجهه لك انت موقع على توكيل التوقيع بالنيابه ؟؟) هذا نموذج عند اهل المعارض

[ملهاب]

يا أخوان دائماً عند البيع أخذو صورة من اخلاء الطرف تراها حق من حقوقكم ومستند رسمي يثبت بيع السيارة والمسئولية كامله على المعرض اللي يحجزها حتى نقل الملكيه

دائماً نسمع نصب واحتيال وللأسف حنا اللي مفرطين

[نجم الصداوي]

..
.. عــطني حــدى إذانــك ..بقول شي بيني وبينك..
..
.. خلك حــازم .. والله ثم والله ثم والله إن بيــن إداراة المرور وأغلب الشريطــية ( عــلاقــات من نــوع هلا والله بولد العم ... وجماعة شلونكوا وش إعلوم الربع والحــلال ** إفهمــها*;)*) وبعــدهــا فزعــات ودسايس أوراق وآخر المشوار تقلب السالفة على راسك وتصير أنت المطلوب عقب ما كنت تطـــالب)
..
.. شوري عليك .. دقق ..واســأل .. ولا تستعجل.. واللي يصرخ عليك بكلمة نــاطحه بخطبة ..
..
.. وإن شفت فيهــا لف ودوران وتحويلات وأنفاق .. فــلا يردك إلا ديوان المظـــالم ..
..
.. ووهـ بس من حــر بتسبدي على هــا الأشكـــال..
..
.. وافنــا بكــل جــديد ..

[راصد بيئي]

يخوي لا تروح لهم المعرض ولا تقربهم ابد .... اذا اتصلو عليك قل بيني وبينكم المرور

يعني تعامل معهم بصفه رسمية ... لأنه لو تأخرو راح يوقف كل شي المرور وراح يبهذلهم


انت بكرة اطلع للمرور قل ما عطوني حقي ويماطلون فيني ... على طول بيتصلون عليهم مره ومرتين واذا ما عطوك حقك راح يصير تفاهم ثاني

بس بطريقه الوديه راح يماطلون فيك ويطفشونك ويخلونك ترضى بالي يجي وبعد فترة بترجع للمرور بيقول وينك ما راجعت

اذا قالو تعال نتفاهم ولا قالو بنجيك قل لا .. بيني وبينكم المرور ... وراجع المرور واذا ناوي تحوسهم من قلب اطلب تحويلها شرع بس بتطول معاملتك لأن مواعيد المحكمة طول شوي


==============================

يا غالي وفيه نقاط كثيرة لازم ما تسكت عنها عند المرور
1- حق سيارتك وطالب بقيمتها حالة الشراء
2-سرقة السيارة
3-الشخص الي كان يسوق السيارة ... كيف يطلع من المرور وهو مسوي حادث اكيد له كفيل وكيف يطلع وهو سارق السيارة (لابد استدعاء صاحب السيارة اذا الي يقودها غير صاحبها عشان يطلع)
4-وش الي يثبت ان الي معاه عائلته ؟؟ يمكن مخلي سيارتك للتطليع والبلاوي ويمكنه في حالة سكر
5-نقل السيارة من معرض لمعرض على كيفهم وبدون علمك
6- المعرض كيف يطلع سيارة مع شخص مو صاحبها
7- تزوير التواقيع للبيع وللشراء ( سؤال موجهه لك انت موقع على توكيل التوقيع بالنيابه ؟؟) هذا نموذج عند اهل المعارض

أخوي لا والله انا ماسويت لاتوكيل ولا وقعت على مبايعه اصلا الا بالمعرض الأول

وبعدين كيف اطالب بقيمه الموتر كاش وانا مبدله بموتر ثاني راس براس؟

[راصد بيئي]

..
.. عــطني حــدى إذانــك ..بقول شي بيني وبينك..
..
.. خلك حــازم .. والله ثم والله ثم والله إن بيــن إداراة المرور وأغلب الشريطــية ( عــلاقــات من نــوع هلا والله بولد العم ... وجماعة شلونكوا وش إعلوم الربع والحــلال ** إفهمــها*;)*) وبعــدهــا فزعــات ودسايس أوراق وآخر المشوار تقلب السالفة على راسك وتصير أنت المطلوب عقب ما كنت تطـــالب)
..
.. شوري عليك .. دقق ..واســأل .. ولا تستعجل.. واللي يصرخ عليك بكلمة نــاطحه بخطبة ..
..
.. وإن شفت فيهــا لف ودوران وتحويلات وأنفاق .. فــلا يردك إلا ديوان المظـــالم ..
..
.. ووهـ بس من حــر بتسبدي على هــا الأشكـــال..
..
.. وافنــا بكــل جــديد ..

والله يالغالي اذا هم عندهم واسطات

انا واسطتي ربي مايضيع حقي ان شاء الله

وأنا بطالب لأخر شيئ والله ان شاء الله بينصرني

[zoom10]

الا على فكرة . مالقو المصري ؟؟؟؟

صار مسلسل ثلاثين حلقة !!

[Ra3e aljeep]

..
.. عــطني حــدى إذانــك ..بقول شي بيني وبينك..
..
.. خلك حــازم .. والله ثم والله ثم والله إن بيــن إداراة المرور وأغلب الشريطــية ( عــلاقــات من نــوع هلا والله بولد العم ... وجماعة شلونكوا وش إعلوم الربع والحــلال ** إفهمــها*;)*) وبعــدهــا فزعــات ودسايس أوراق وآخر المشوار تقلب السالفة على راسك وتصير أنت المطلوب عقب ما كنت تطـــالب)
..
.. شوري عليك .. دقق ..واســأل .. ولا تستعجل.. واللي يصرخ عليك بكلمة نــاطحه بخطبة ..
..
.. وإن شفت فيهــا لف ودوران وتحويلات وأنفاق .. فــلا يردك إلا ديوان المظـــالم ..
..
.. ووهـ بس من حــر بتسبدي على هــا الأشكـــال..
..
.. وافنــا بكــل جــديد ..


الاخ نجم .. هداك الله
اشم في ردك عنصرية مقيتة .. وهذه العنصرية لانقبلها في هذا المنتدى باي حال من الأحوال
الهمز واللمز ليس من شيم الرجال ..
ومنتدانا المبارك فتح ابوابه للكل ..اخوة متحابين لا يوجد بيننا فرق في جنس او لون
الاخ طرح موضوعة بوضوح وجميع الاخوه جزاهم الله خير يبدون آرائهم ويوجهونه بطريقة صحيحة وواضحة لا يحتاج فيها لأذن واحده بل لكلتا الأذنين والعينين .
وانت هداك الله تهمز وتلمز .. إذا عندك قول بينك وبينه فيكون على الخاص حتى لا يفهم غلط .
اتمنى أن توضح مرادك من ردك هذا حتى لا يساء بك الظن هدانا الله وإياك للحق
كما اتمنى من الأخوه المشرفين حذف العبارة الواردة في رد الاخ نجم
تقبلوا تحياتي
اخي راصد ارحت بعض مافي قلوبنا نصرك الله
لاتتنازل مهما كان عن اقل شيء
تقبل تحياتي

[مريقب العيفار]

الله يكون بعونك اخويلكن طلب تكفى لا تخليهمولا تنازل عنهمبل اواصل دعواك عليهمتزوير واستعمال سيارتك بدون اذنك لا تنازل تكفى

[جومانشي]

جزاكم الله خير جميعا على دعائكم وتوجيهاتكم

والله اليوم كله وانا عندهم بالمعرض
وطبعا المرسيدس انتقل بإسمي خلاص والحوت باعوه على زبون ثاني واستلمه وراح

لكن انا اليوم بالمعرض طرحت عليهم 3 خيارات وهي:

ان المعرض يشتري سيارتي المصدومه بالسعر الي انا احدده وأقرره ماينقص ريال.

والثاني
انهم يسلمونني 55 ألف ريال حق التصليح وانا باخذها وابيع الموتر تشليح ويدفعون لي حق 5000 كيلو هم استخدموه

والثالث
ان السياره تدخل وكاله الجفالي وتتصلح هناك وكذا بتكون قيمه التصليح اغلى من قيمه الموتر.

وبكلالأحوال بيدفعون لي حق الكيلوات الزايده وقدرها 5000 كيلو

وانابنشب بحلوقهم للأخير حتى لو سلموني فلوسي بخليهم عبره

اسمع وانا اخوك اذا تبي نصيحتي

السياره خذ قيمتها كامله قبل الصدمه

وبعد ما تستلم فلوسك في مخباتك

طالبهم بالحق العام

الخاص هو حقك اللي راح تاخذه

والعام هو المصلحه العامه للمواطنين

عشان يكنون عبره لمن لا يعتبر

وعقبه عطهم اشكل لا تجيهم الا كل شهر مره

بس نبش الموضوع

والله يستر عليك

[راصد بيئي]

الا على فكرة . مالقو المصري ؟؟؟؟

صار مسلسل ثلاثين حلقة !!

المصري امس انا شايفه بالمعارض يحرج على فورد

لكن خصمي المعرض مو المصري

[ولد وايل]

بشر وش صار اخوي

تكفى طمنا

[مخاوي النادر]

بشرنا يالغالي


وعسى الله ياخذ حقك منهم

[YUKON_GMC]

والله ياغالي ما قرات كل الردود ولكن انا اوشوف ان القضيه بصالحك مليون بالميه ...!!

اول حاله تروح للشرطه وتقدم شكوى ضد انهم سرقوا سياراتك وصدموا فيها ونطلوها بالصناعيه ..

اسم السائق اللي صدم فيها تقدر تجيبه من المرور وتجيب اسم الشخص اللي طلعا من الحجز ووقع على استلامها واشتك الاثنين جميع بمعروض 30 سطر وتقدمه لمدير مرور الناصريه وتطالب بأغلاق المعرض الاول واللي نقل السياره ..
اللي نقل السياره اسمه مسجل في الكمبيوتر لدى المرور والاوراق موجوده بالمرور وتاريخ النقل

وقول لمدير المرور تعطيني حق والا اقدم بك شكوى لوزارة الداخليه والاماره .. فى محمد بن نايف خارشهم والامير سلمان يدبهم دب

وان شا الله ماتأخذ يومين الا تشوف معرضهم مقفل والشريطه محضرين بالشرطه او المرور

وطالب بقيمة السياره كاش اللي هي قيمة ال bmw دام انك مبدل

[مصري بفخر]

السلام عليكم
أدعو للأخ الكريم أن ينصره الله على من ظلمه وبدد أمواله
كلامي للأخ أبو هاجوس الذي سب وشتم أكثر من 90 مليون إنسان بريء لم يفعلوا له شيئاً
سوى أنهم ليسوا من جنسيته ....لو أن الشريطي السابق كان سعودياً هل كنت ستقول أن أغلب الجنسية السعودية نصابين وحرامية ....بالطبع لأ ..
كلامك واسمح لي في التعبير لا يعبر إلا عن العنصرية المقيتة التي حذرنا منها الرسول الكريم وقال عنها " دعوها فإنها منتنة " !!! وأنت تتمسك بالشيء المنتن !!!
وقال أيضاً " ثلاث من أمور الجاهلية لاتدعها إمتي ..وذكر منها الفخر بالأنساب "
فأنت يا أخي الكريم صنفت نفسك -حسب كلام الرسول الكريم صلى الله عليه وسلم- وليس حسب كلامي أنك إنسان جاهل جهول تتمسك بما هم منتن !!
وهذا هو تصنيفك لنفسك بما ذكرت من إتهامات .
أمر أخير إدخل على أي منتدى مصري ولن تجد إلا كل الحب والاحترام لك ولبلدك وكل التقدير للملوك العظام الراحلين والباقين - اطال الله أعمارهم - فالمصرين يا أخي يحبون الجميع ولايكرهون أحداً ولن تجد عندهم عنصريتك البغيضة
هداك الله

[ابوووهلا]

شريطية اولاد وسخه

[طارق 2010]

الله يااجركـ في مصيبتكـ ويخلفلكـ خيراً منهاا ,,,
الدنيا مابه آآماان ,,

[عاشق الماركيز]

شريطية اولاد وسخه
اتق الله بنفسك وش هالكلام لحول والاقوة الى بالله ترضى ااحد يقولك ها الكلام الله يهديك بس

[ابوصالح2006]

يا ويلي ويلاه

والله شبيت نار من القهر

لو قبلت بمفاوضات التصليح تراك غلطان وينتهي الموضوع سلامات

يعني لو تجاهلنا كل مخالفاتهم للنظام وسامحتهم وقلنا الخطأ وارد
لكن اللي لايمكن تجاهله ردة الفعل ومقابلتهم لك تسحيب وتطنيش

وتقفيل جوالات وقلة الادب يوم يقولون (سيارتك مجدوعة بالصناعيه اسحبها وصلحها بنفسك )

تكفى تكفى طلبتك
لا تقبل المرسيدس
انت شريت سيارة سليمة كيف تقبل سيارة مصدومة !!
والله لو صلحوها في المانيا ما اقبلها لاني مو انا اللي صدمتها...
تكفى اطلب واحد من اثنين وهذا حقك وماظلمتهم :

اما قيمة انظف سيارة مثل سيارتك البي ام وفئتها وموديلها

او قيمة انظف مرسيدس نفس الفئة والموديل

وبعد ماتقبض فلوسك ودراهمك
لا تتنازل ارفع دعوى من جديد عن التزوير وقيادة السيارة

[راصد بيئي]

والله يااخوان انهم صاروا يماطلون فيني ويسحبون فيني تسحيب

وماعاد ينفذون وعودهم لي ويقولي صاحب المعرض ماعنده فلوس!!

[جوالة]

والله يااخوان انهم صاروا يماطلون فيني ويسحبون فيني تسحيب

وماعاد ينفذون وعودهم لي ويقولي صاحب المعرض ماعنده فلوس!!

ما عنده فلوس :no2:

الله يجعله للفقر إن كان غش أو خدع !!! وخله يبيع كل السيارات في المعرض ويسدد لك فلوسك .

[عاشق القرى]

(الله ينصررررررررك على السروقين المرتزقة عباد الدرهم والدينار ) والله ان ذا المصري يبيله رشاش طيب يرش كرشته المخيسة..

لاتنس تشكيهم عند الشرطة وماضاع حق وراه مطالب..

[ابو صقر 111]

الشكوى فيك فيك ولكن اذا كان فيه احد من اصدقائك او اقربائك محامي او قوي فاستعن بالله ثم به لأنه من كلامك يحتاجون قوه 0ولا تيئس من حقك فأذا وقف مسؤول ماهوب منضبط صعد الأمر لمن هو ارفع منه حتى تنال حقك وشكرا

[Ra3e aljeep]

اخوي راصد ..
تبيلك واحد يجيب لهم الهلوسه ؟
عندي واحد من الزملاء راعي شكاوي وبهذله دعوجي من الطراز الاول .
إذا ودك تعطيه وكالة وهو يجيب لهم الجنان وأنت مرتاح ؟
عطني خبر ارسلك رقمه على الخاص
وكله وارقد وانا اخوك
تقبل تحياتي

[ابوصالح3]

حسبي الله ونعم الوكيل
ومع تعاطفي واحترامي وتقديري لك ,,انت نايم ورجليك بالشمس
يخوي انتهى وقت الثقه بالناس وقليل اللي تلقاه يخاف الله من هالشريطيه واعوانهم واذنابهم من العماله السائبه
قدم على المحافظ وقدم على المحكمه وارسل برقيه لوزارة الداخليه ,,ولاتخليهم لين تاخذ حقك

[BLACK-_-LOVE]

اخوي راصد ..

تبيلك واحد يجيب لهم الهلوسه ؟
عندي واحد من الزملاء راعي شكاوي وبهذله دعوجي من الطراز الاول .
إذا ودك تعطيه وكالة وهو يجيب لهم الجنان وأنت مرتاح ؟
عطني خبر ارسلك رقمه على الخاص
وكله وارقد وانا اخوك
تقبل تحياتي

هههههههههههه
الله ينصرك اخوي راصد
والجميع انشاء الله

[كيبك كبك]

الله من زين الذمه عندهم

الله ينصرك انشاء الله عليهم ويسهل امرك

[كاشت وحداني]

تبي تجننهم
اصفق باسم المعرض هنا في المنتدى
وحط العنوان هذا ماحصل من معرض ..
وبيتم تداول هذا الخبر حتى تطيح سمعة المعرض

[طير الحر0]

الله ينصرك ويوفقك على هالحثالة النصابين لكن لاتخلي صاحب المعرض ولا توقف الشكاوي عليك ابهم الين ما تاخذ حقك وان شاء الله ان حقك بيرجعلك لا حول ولا قوة الا بالله

[alrsash911]

أخوي الله يطمن بالك ويرد لك حلالك ....أنا دائماً أسمع عند اي مشكلة بشيخ المعارض وش دوره .. ليش ما أقحمته بهالمشكلة ( ولا صار دخله )

[ولد وايل]

بشر وش صاااااااااااااااااااااااار معك

[عبدالمالك]

اخوي الله يعوضك لكن الصراحه انت الغلطان كيف تثق بمصري والله شكلك طيب اسال اهل المعارض يعلمونك وشلون طرق النصب
اخوي انت قدم شكوى للمحكمه واطلب ترجيع سيارتك الاوله البي ام افضل لك من السياره المصدومه
هذولا نصابين وروك سياره وباعوا لك سياره ثانيه لانك مااخذت رقم الشاص قبل المبايعة

[فايز العامر]

والله يااخوان انهم صاروا يماطلون فيني ويسحبون فيني تسحيب
وماعاد ينفذون وعودهم لي ويقولي صاحب المعرض ماعنده فلوس!!

مثل ماقالوا الأخوان

المرمطة اللي صارت بسبب أنك تساهلت معهم وزرتهم في معرضهم لما قالوا تعال نتفاهم، هذولا عصابة يعني عندهم ألف طريقة وطريقة للتحايل والطريقة اللي استخدموها معك وحده منهن، لذلك باقي عندهم عدة طرق بتشوفها إلا إذا قطعت الطريق عليهم وصار التعامل معهم فقط بشكل رسمي عن طريق المرور وغيره من الدوائر الرسمية.
أخوي هذي العصابة معروفة بالتحايل، يعني احتمال يوقعونك على أوراق وأنت ماتدري أو يتبلونك بمصيبة وأنت مالك علاقة فقط لأنك كثرت الزيارات لهم، فلابد يكون تعاملك مع المرور والجهات الرسمية فقط.

أسأل الله أن ينصرك عليهم وأن يرد لك حقك واعتبارك وأن يخزي من كان السبب في هذا الموضوع.

[أرمادا]

الله ينصرك ويوفقك ..


لااااااااااااا تتنازل عن قيمة السياره قبل الحادث الافضل لا تستلم السياره ولا تصلحها مالك شغل فيها تتكنسل البيعه

وتكفى لا تنساني بآخر التطورات والله اني على نااار ومقهور

[موادع الرياض]

الله يوفقك ويسر أمرك

[YUKON_GMC]

هااااهـ ماهي آخر التطورات ويش سويت ..؟؟

[برق العز]

ياخوي لاتمم البيعة ولاترضى الا بسيارتك البي ام
اصمل وينصرك رب العالمين
والمصري لازم ياخذ حقه

[راصد بيئي]

شكرا لكل من دعا لي
شكرا لكل من ساندني
شكرا لكل من نصحني
شكرا لكل من حمل همي
شكرا لكل من وقف معي
شكرا لكل من عرض خدماته لي

شكرا مكشات

[YUKON_GMC]

شكرا لكل من دعا لي
شكرا لكل من ساندني
شكرا لكل من نصحني
شكرا لكل من حمل همي
شكرا لكل من وقف معي
شكرا لكل من عرض خدماته لي

شكرا مكشات


العفو بس ماهي آخر التطورات

[H 2]

انا لله واانا اليه راجعون

[ابونواف 999]

اخوي الله يعينك عليهم
بس وش صار معك

[باترول 4×4]

عموما لا تنازل مهما حاولوا يعطونك
وإن شاء الله ما ضاع حق وراه مطالب

[ابو نايف التميمي]

سوق السيارات عندنا يتميز ياحتراف اللصوصيه سواء من المعارض او الشريطيه

لاحسيب ولا رقيب ولا رادع لهم

[ذيب حضن]

حسبي الله ونعم الوكيل يمشون الاجنبي (بالاصح يمشي نفسه عند الرخوم) ويخونون ابن البلد
الله ينصرك عليهم يارب ويرجعلك كامل حقوقك وأرجو الا تتنازل عن شيئ لتأديبه

[باث2001]

اخوي ما هي اخر اخبار ؟
أسأل الله ان ينصرك عليهم وان يرزقك من حيث لا تحتسب

[أطلال نجد]

حسبنا الله ونعم الوكيل

أخوي ليتك ذكرت أسم المعرض وصاحبه للتحذير من التعامل معه

90% من شريطية السيارات سواء بالشفا أو النسيم مسلمين بالهوية

[التيس المفترس]

الله يعينك ويسهل امورك

[saadqc]

السلام عليكم أتمنى لك التوفيق ولجميع الأعضاء في هذا المنتدى العملاق
أتمنى أن تفرحنا هل انتهت أمورك بكل سلام ؟
أتمنى إن لم تنته أن لا تذهب لهم في المعارض ولا تطلب منهم التفاوض وأن تضع شروطك أنت ألا وهي
- تصليح سيارتك وهذا لست أنت ملزم بقبوله لأنها في الأساس لا تعتبر سيارتك ومبيوعة لك بالتزوير ومصدومه.
- طلب قيمة السيارة كاملة ويطلب الحد الأعلى في المعارض من قيمتها مستعمله أي قيمة البيع.
- طلب الشريطي ومحاسبته.
- محاسبة المعرض المتسبب في هذه المشكلة.

أتمنى أن يوفقك الله عليهم وأن ينصرك

أنا والله أكتب الآن حروفي هذي في أمريكا ولكن من القهر وأني حطيت نفسي مكانك فإن واجبي يحتم علي هذا

[عزوتي وايل]

والله قهر حسبي الله ونعم الوكيل ماطاح بيدي هالمصري وانا اخوك ولاقصوراً فيك

والله ماخليه يمسي ليله عند اهله لكن الحكومه راح تاخذ حقك بأذن الله

وبشرنا عاد يالذيب

[الفنطاس]

اكثر المعارض نصابة لاما رحم ربي على شان لايكون تعميم
لاتتساهل معهم وبلااخص المصري وانشاء الله تاخذ حقك

[zoom10]

اخاف تروحون المحكمة ويطلع القاضي هو المصري الشريطي وتنتهي الحلقة .




فلم هندي

[جوالة]

ماهي آخر التطورات؟؟؟

[الصايخة]

انقز لشيخ المعارض وهو بينقز لك حقك _ من واقع تجربة _

[آخر العنقود]

هلا اخوي الزمن تغير وبيعة السياره اذا تمت ما تطلع من المعرض الا وورقة المبايعه معك ومختومه بختم المعرض ونقلها يكون بعد استلام المبلغ وعساك تسلم وبالنسبه لسيارتك المصدومه رح للشرطه وقدم شكوى على صاحب المعرض اللي نقل السياره بدون توقيعك صدقني اذا قدمت شكوى راح يتقفل معرضه لمد شهر كامل وغرامه 50000 ريال وشد حيلك وبلغنا بالجديد ....

[النووي 2009]

الله يوفقك ويسر أمرك وينصرك عليهم اللي ما يخافون الله

[اابوكايد]

الله ينصرك ويفقك ويردلك حقك

[كاشت وحداني]

على فكرة
الحين شيخ المعارض تراه المالكي
معرض المالكي

[راصد بيئي]

على فكرة
الحين شيخ المعارض تراه المالكي
معرض المالكي

ياخوي المالكي ماعنده سالفه غير متواجد
حاط لي يمانيين وزيود هم الي يقيمون السيارات الله لايوفقهم ظلموني بتقدير سعر سيارتي

وللحين وانا شيل وحط وشكاوي على المعرض عند وحده المعارض وحقي للحين والله ماجاني

وحسبي الله ونعم الوكيل

[كاشت وحداني]

ياخوي المالكي ماعنده سالفه غير متواجد
حاط لي يمانيين وزيود هم الي يقيمون السيارات الله لايوفقهم ظلموني بتقدير سعر سيارتي

وللحين وانا شيل وحط وشكاوي على المعرض عند وحده المعارض وحقي للحين والله ماجاني

وحسبي الله ونعم الوكيل
ممكن ترسل لي جوالك عالخاص

[ولد وايل]

شيخ المعارض اكيد مكلمينه
خصومك



عموما انت ارفعها للمحكمه

[ولد وايل]

شيخ المعارض اكيد مكلمينه
خصومك



عموما انت ارفعها للمحكمه

[ابو نواف المطرفي]

الله يرد حقك وحق كل مظلوم

[سيد الجو]

الله يعينك عليهم

وماضاع حق وراه مطالب

ولا تمل ولا تكل

[بحر مستورة]

الله يكون بعوونكـ

[شخص بري]

اسمع الشور اذهب الى قسم شرطة الشفا وقدم شكوى مفادها تزوير توقيع اشتك المعرض
المهم تكون الشكوى الرئيسية تزوير واستغلال سلطة (يعنى رخصة المعرض )
ولا تستلم السيارة ولا تروح للمعرض خل الامر رسمى
ون ما نفع الشرطة عليك بالامارة وادارة المرور
طيب وش يضمن ان المعرض يستعمل سيارتك بعد ما يوقع عنك فى الشراو فى امور مشبوهه
توكل على الله والله يبى يعينك وكن صلب وحازم

[راصد بيئي]

اسمع الشور اذهب الى قسم شرطة الشفا وقدم شكوى مفادها تزوير توقيع اشتك المعرض
المهم تكون الشكوى الرئيسية تزوير واستغلال سلطة (يعنى رخصة المعرض )
ولا تستلم السيارة ولا تروح للمعرض خل الامر رسمى
ون ما نفع الشرطة عليك بالامارة وادارة المرور
طيب وش يضمن ان المعرض يستعمل سيارتك بعد ما يوقع عنك فى الشراو فى امور مشبوهه
توكل على الله والله يبى يعينك وكن صلب وحازم

جزاك الله خير على النصيحه

[الليزر....]

قل امين اخوي الله يكون بعونك وييوفقك وييسر امرك ومن قال حسبي الله ونعم الوكيل فقد كفاة تذكرها دائما في صباحك ومساك وتذكر بأذن الله ان دعوة المظلوم مستجابه........

[ن م ر]

أخي الكريم أسأل الله لك العون وأن ينصرك على من ظلمك
وكن على ثقة أن الله لن يضيع لك شيئا
أما الشرذمة الظالمة فسوف يسألون عن كل صغيرة وكبيرة اقترفوها

نصيحتي لكل الأعضاء :

- لا تتعامل مع المعارض ومحلات تأجير السيارات إلا بمستندات رسمية ( المبايعه - استلام و تسليم السيارة - سند المبالغ المدفوعه - الاستمارات ) واحتفظ بنسخه منها فقد تحتاجها ولو بعد حين

- تأكد أن السيارة بالمعرض حتى تنقل بإسمك اذا اشتريتها أو تنقل بإسم المشتري أو على الأقل خذ من المعرض أوراق تخلي مسؤوليتك

- تعامل بوضوح وافهم كل ما يدور حولك واذا وجدت تعاملات مشكوك فيها أوقف جميع العمليات حتى تتضح الأمور

- خذ عربون من المشتري قبل أن يفحص سيارتك لكي يثبت جديته في الشراء

- احذر كل الحذر من الشريطيه اللي خارج المعارض
والمقصود هنا هم الأشخاص الذين يتلقفون الناس عند مدخل المعارض لأنهم غالباً مرتزقه لا يمثلون أي جهه رسمية وتنعدم عندهم المسؤولية والأمانه
انا قلت غالباَ يعني مو كلهم



هذا ما يحضرني وأتمنى الحرص من الأخوان في جميع التعاملات

[النوفي 3535]

اخوي العزيز
اول شي انا اعرف تقدير المالكي مره يصيب ومره يخيب ماهو قلة في المالكي بس لقلة خبرته

لذلك ارسل سيارتك للشيخ المعارض النسيم ولك حق تعترض على التقدير
وخذا فلوسك على تقدير شيخ معارض النسيم وعطهم السيارة
وتنازل عن موضوع التزوير وإذا رفض راعي المعرض اخذ السيارة وتعويض بس الفرق
اقم دعوة بالشرطة على التزوير وشف المعرض وش يقول ممكن تراسلين وعلشان اعرف بعض الاشياء عن القضية
ارجو منك لا تروح للمعرض مره ثانية
بس إذا اتصلو عليك قل بيني بينكم مكتب المرور
الله يرد لك فلوسك وهذا درس قوي لك على الثقة الزايده كل واحد يخطي
الله يوفقك ويرجع لك حقك

تحياتي

[الباثفندر 3.5]

الله يعينك و يفرج عليك

[ابو شدون]

الله يوفقك

[راصد بيئي]

اخوي العزيز
اول شي انا اعرف تقدير المالكي مره يصيب ومره يخيب ماهو قلة في المالكي بس لقلة خبرته

لذلك ارسل سيارتك للشيخ المعارض النسيم ولك حق تعترض على التقدير
وخذا فلوسك على تقدير شيخ معارض النسيم وعطهم السيارة
وتنازل عن موضوع التزوير وإذا رفض راعي المعرض اخذ السيارة وتعويض بس الفرق
اقم دعوة بالشرطة على التزوير وشف المعرض وش يقول ممكن تراسلين وعلشان اعرف بعض الاشياء عن القضية
ارجو منك لا تروح للمعرض مره ثانية
بس إذا اتصلو عليك قل بيني بينكم مكتب المرور
الله يرد لك فلوسك وهذا درس قوي لك على الثقة الزايده كل واحد يخطي
الله يوفقك ويرجع لك حقك

تحياتي


جزاك الله خير أخوي

بس أنت قلي وش تحتاج تعرف وأنا أجاوبك

[m-a-z-d]

الله ينصرك ويردلك حقك..يارب..

انت سو اللي عليك,,انا بندعيلك..

الله يردلك حقك ..يارب..

[راشد الخير]

صراحة الحين كلن جربها قبلك ملايين

[جروان]

عليك به
حنا اصلا مذبحنا الى ذاشريطيه
الله يوفقك ويوفقني معك

[ابوزياد99]

نصيحة للجميع مسألة البيع والشراء ارمي على جنب النية الطيبة يكفي تجارب الاخرين ماعلمتنا ياخوان للي بيبيع سيارته اولا جددها وافحصها عشان اذا بعتها تنقل علطول مكاتبة الا اذا تقبلها المعرض ينقلها وقع مبايعة واكتب التاريخ والساعة وخذ المبايعه معك سواء بعت ولاشريت والامر الاخر مصري ولا يمني ولا شريطي ليش تخليه يضحك عليك انا دايم بالمعارض واشوف ناس تصدق اليمني ولا الشريطي ومقهور من هالشخص طيب اذا ماتعرف لاتقول شكله صادق ووو اخذ السيارة وافحصها وريح نفسك من الخوابير

[شهاب2020]

الله ينصرك

المعارض صارت كلها اجانب وخاصه السواريه ا لا ذمه ولا ضمير ولا انسانيه

يبع ويشتري وشرطي وعينه قويه ودام عزك ياوطن

[دواك عندي]

نصيحة للجميع مسألة البيع والشراء ارمي على جنب النية الطيبة يكفي تجارب الاخرين ماعلمتنا ياخوان للي بيبيع سيارته اولا جددها وافحصها عشان اذا بعتها تنقل علطول مكاتبة الا اذا تقبلها المعرض ينقلها وقع مبايعة واكتب التاريخ والساعة وخذ المبايعه معك سواء بعت ولاشريت والامر الاخر مصري ولا يمني ولا شريطي ليش تخليه يضحك عليك انا دايم بالمعارض واشوف ناس تصدق اليمني ولا الشريطي ومقهور من هالشخص طيب اذا ماتعرف لاتقول شكله صادق ووو اخذ السيارة وافحصها وريح نفسك من الخوابير

صدقت اخي ابو زياد في هذه الأماكن لامكان للنيه الطيبه

[عاشق الغضا]

أخوي راصد



خذ شوري وطعني


لا تستلم السياره بأي حال لا بتصليح ولا بتعويض وخل عندك قرار واحد ولا تتنازل عنه وهو انك تسترجع فلوسك كامله قبل المبايعه لان السياره الي شريتها ليست التي امامك انت شريت السياره سليمه كيف تستلمها مصدومه



ونصيحتي : لا تستلم السياره وخذ فلوسك الي قبل البيعه ولو توصل المحكمه انت راعي حق وماضاع حق وراه مطالب

نفس الكلام

[راصد بيئي]

جزاكم الله خير
وللعلم لحد الآن لم يتنتهي القضية

[معشوقي الصمان]

الله ينصرك عليهم

بعدين وشلون يقول المصري تحتاج إلى اسبوعين
الاستمارة والفحص هذا دليل كذبتة حسبي الله عليه

يأخوان خذو حذركم من الشريطيه أغلبهم نصابين

[سلطان الهاوي]

الله يرزقك وبالتوفيق

[ويلومني]

أرتفع القولون
أنغثيت
الله يسر أمرك وويوفقك ويجعل مااصابك تكفيرا للذنوب

[علي ابونواف]

أسأل الله العظيم بمنه وفضلة أن ينصرك على من ظلمك وأن يرد إليك حقك ويثبتك على الحق

سر وقلوبنا ودعواتنا معك أخي الكريم والله يكون بعونك انشاء الله

[ford f150]

..
.. عــطني حــدى إذانــك ..بقول شي بيني وبينك..
..
.. خلك حــازم .. والله ثم والله ثم والله إن بيــن إداراة المرور وأغلب الشريطــية ( عــلاقــات من نــوع هلا والله بولد العم ... وجماعة شلونكوا وش إعلوم الربع والحــلال;)* ** إفهمــها*) وبعــدهــا فزعــات ودسايس أوراق وآخر المشوار تقلب السالفة على راسك وتصير أنت المطلوب عقب ما كنت تطـــالب)
..
.. شوري عليك .. دقق ..واســأل .. ولا تستعجل.. واللي يصرخ عليك بكلمة نــاطحه بخطبة ..
..
.. وإن شفت فيهــا لف ودوران وتحويلات وأنفاق .. فــلا يردك إلا ديوان المظـــالم ..
..
.. ووهـ بس من حــر بتسبدي على هــا الأشكـــال..
..
.. وافنــا بكــل جــديد ..

الأخ الي يقول هاذي عنصريه....

لا والف لا فهاذي الحقيقه في كل مكان:mad:....




وبنسبه لصاحب المضوع ربي معك انشاء الله
وزي ماقالو الأخوان نصيحه لوجه الله لاتصيرحبيب معهم لا بالكلام ولا بغيروه اذا شافوك تجي لمهم عرفو انك انت الي محتاجهم ويقعدون يماطلون بك بس ابي اقولك
نيابه عن جميع اعضاء منتدى مكشات كلنا معك انشاء الله
والله الله بالدعاء اخوي ان الله ياخذ حقك منهم
الله يوفقك اخوي ونسمع منك الأخبار الزينه

[راصد بيئي]

مشكور أخوي فورد وبيض الله وجهك على الدعم والدعاء والتشجيع

[مكشآتي للآخر]

والله مدري وش إقولك .....إحرررررررررررص إحررررررررص ..
ان بغيت تبيع على الاقل إعرف اسم المشتري الكامل ..وثاني شي حاول تستلم منة إثبآت او حاجة
ثاني شي قبل فترة شريت جيب لكزس ..من معرض وعطيت صاحبة شيك ..ورفض اول حاجة انه يسلم لي الموتر بسبب انه كان يوم الاربعاء بليل والبنوك مغلقة ..ومن حقة طبعآ وكانت ديرتي بعيدة وانا إشوف انه حريص
ومن حقة طبعآ والله وادبر له كاش واعطية واخذ شيكي واستلم الموتررر

[الــفــيــصــــل]

الله يوفقك ويسر أمرك وينصرك عليهم اللي ما يخافون الله

اذ المعرض له فرع في الدمام او الخبر او الجبيل ارسلي رساله على الخاص

موضوعك بسيط جداااا ان شاء الله اهم شي تشهر فيهم في جريده هم واسم المعرض

موضوعك حصل معي تقريبآ مثله

خلهم يشوفون منك صمله وعين حاره لاتصير متسامح مع هذى الاشكال

لاتنزل عن حقك مهم صار وأسمحلي اذ تنزلت انا اول واحد أأأعتبرك ضعيف شخصيه وسمحلي على هذى الكلمه
ماطلعت الا من واحد انقهر على موضوعك
وتمادي المصري وشلته معك

اي استشاره في هذا الموضوع

انا تحت امرك رساله على الخاص وارسلك تلفوني

وبا التوفيق يا الغالي الله ينصرك عليهم

[فهد بن مشبب العاصمي]

االله يسهل امورك وينصرك عليهم ،، لكن نصيحه ارجع للضابط وقله ماصار شيء يمرمطون فيني من ذاك الوقت واذا قالوا انه صار اتفاق بيننا وبينه قلهم فيه اوراق تثبت الاتفاق ؟؟؟ انت ماكذبت وقلهم الكلام ماهو دليل فيه اوراق تثبت ؟

وارفعها للمحكمه وان شاء الله ان يعطونك حقك كامل ونصيحة عشان تاخذ حقك وافي ،، سعر شغل اليد في الوكاله والقطع ونزلها في السوق شف كم يسومونها طبعا بديره غير ديرتك ،، وكل هالتسعيرات ارفقها في شكواك بالمحكمه وحقك مايضيع ان شاء الله واطلب فلوسك كاش وخل المرسيدس عند راعي المعرض عشان يصبح ويمسي عليها كل يوم ويعرف وش معنى الغبنه ،، خويي خلى عبداللطيف جميل يصلح سيارته بقيمة 18 الف ريال بعد مارفعها للمحكمه .. هذي وكاله فمن باب اولى معرض مايخاف الله

الله يكون بعونك واي خدمة انا حاظر وهذا رقمي 0506883430 وان شاء الله اقدر افيدك باللي اقدر عليه

[أجود التميمي]

لا ظالم بخير .. اسأل الله بإسمة الذي لا يرد أن ينتقم لك ممن ظلمك .

[أبوفـهـــــد]

اما المصري ابن ستين كلب .. غبني الله لايوفقه لا دنيا واخره ..

واخوي وين المعرض فيه وش اسمه ..

وشهر بالمعرض تشهير موب صاحي خل اسمه في كل مكان انه نصااب وحرامي ...

ابد حط اسمه ومالك الا اللي ينشره نشره موب صاحيه ...

ماعليش سامحوني بس منغبن من جد...سرقه عيني عينك، ولا قالوا شي .. الله لايوفقهم لادنيا ولا اخر ..

واي خدمه انا مستعد..

[iBader]

منذ مبطي جدا
قد بعت سيارتي في المعارض
رحنا لمعرض نسجل مبايعه (طلع حق ابوة او خال اللي شاري)
جيت استلم فلوسي بكرة لقيتهم يكاسروون والمبلغ مهوب موجود والابو رافض يدفع؟؟؟
الحمدلله تمت على خير وبعت بالسعر اللي ابي
الانتباه من هالاشكال

ومن زمان مرره اول سيارة بعتها على واحد
جاب لي مبلغ الشراء ناقص 3000 ريال
صديق واحد اعرفه ... خذا السيارة وقال الاسبوع الجاي بجيب المبلغ وبفك تليفون السيارة وارجع اغراضك بس باخذ الموتر معي
وهذا وجه الضيف؟؟؟

[ابو درع]

الله يسهل عليك .. وعنديك راي .. فيه محلات لتأجير الزل
استاجرلك كم زولية ولك كم بريز شاي وكم مركات . مع أرسال الاحداثية
وعزم ربع مكشات في المعرض وكلهم بصوت واحد يطالبون صاحب
المعرض بحقك المسلوب .. وقل هذولا اخواني . من ابوي دحيم .ولو طولها
نشد قدام باب بيته ..

اتمنا لك التوفيق ... بلمناسبة بعد الله الامير سلمان ... وبس،، لايردك الامكتبة وقابله شخصياً

[SFDU]

الله ينصرك عليهم ....وحسبي الله ونعم الوكيل عليهم...الله يوفقك

[راصد بيئي]

مشكورين على دعائكم
وجزاكم الله خير
وقرب الموضوع وينحل بإذن الله

[ابونواف 999]

الله يسهل دربك وينصرك عليهم امين

[علي ابونواف]

بشرنا وانا اخوك وش صار معك الله يكون بعونك

[عصام البلادي]

الله يجازي الضالم والله يوفقك وتاخذ كل حقوقك

[لبرتي]

الله يعيننا وياك ويرد لك حقك

[الرماد الاسود]

الله يعيننا وياك

[راكان الاول]

المشكلة تراها بالنظام قبل كل شي ولو عندك نظام وتطبيق كان ماشفت هالاشكال تلعب بالناس بهالطريقة لكن مثل ما قال احد الاخوان يا هلابك يا ولد العم .
يا ما شفنا منهم حسبي الله على كل ظالم.
لاتخلي حقك وحاول تصعد الامور خصوصاً على المعارض المشبوهة لانه لو يطبق النظام عليهم راحو فيها غرامات كبيرة وتسكير.

[ع العمرو]

http://files.fatakat.com/signaturepics/sigpic337501_11.gifالله ينصرك على كل من لايخاف الله ويرجع لك حقك كامل وزيادة ويجعلهم للفقر والهم والغم ويعطيهم الساحق الماحق اللي يسحق بركتهم وتقبل تحياتي ودعائي ربي بارجاع حقك اخوكم ابوسليمان.

[حزيزبون]

السلام عليكم ورحمة الله وبركاته


حقيقةً شدني موضوعك وأنا رأيي كالتالي :


1- لاتقبل بالمرسيدس بتاتاً وإنما استلم قيمة البي إم كاملة عندما تم بيعها بعدك ، (بمعنى أصح بكم بيعت البي إم استلم نفس القيمة) .


2 - بعد ذلك قدم الشكاوى لكل جهة ، فلابد تجد خصيم لصاحب المعرض سابقاً .
لأن عين الله - سبحانه - لاتنام


وتقبل مروري

[الليزر....]

اخوي ترانا شايلين همك بشر وش صار....

[راعي العشاير]

حسبنا الله ونعم الوكيل

[الــفــيــصــــل]

الله يسهل دربك وينصرك عليهم امين

[لبرتي]

ما هو جديدك أخوي راصد ؟

[abu_faisal]

الله ينصرك عليهم وانا اخوك ويرد لك حقك وافي

[الليزر....]

الله يكون بعونك عليهم ويرجع لك حقك ان شاء الله والله ينصرك على من ظلمك

[غاوي قهاوي]

باذن الي ماتنام عينه يجيك حقك والله يعينك ولا تنسى الدعاء قال تعالى ادعوني استجب لكم ودعوه المضلوم مستجابه والله ينتقم منهب واذا لا قدر الله ولا زينوها لك احتسب الحق مايضيع ,,

[فوق الشمس]

افاااااااااااااااااااااااء يلعلم

والله القهر

ليتنى عندك فى الرياض بس

والله لطامر كل يوم فى المعارض


لاكن الوضع حاليا نبغااااااء فى سبق


منت خسران شى ابداااا


كلهاا ارسال رساله فقط

[محطم عنيد]

الله لايوفقهم لادنيا ولا أخره ولا يوفق المصري ملعون الصلايب

أسأل الله العلي القدير بما إن نحن في الثلث الأخير من الليل

يارب يارب يارب سلط على هالمصري سلطة عجله تجعله عبره لمن خلفه يارب يارب أممممممممممين


المصيبه إنه مصري تقهر والله أجنبي ويحتال على إبن البلد يعني فاهم الوضع المصري عارف كل شي أن ليس هناك لا رقيب ولا حسيب

وكل بايع ضمير من الشريطية يعلمونه كيف يسرق إبن وطنهم مافيه وطنية بروحهم

ياخوووووووووووووووووووك أبد لاتوقف لاتوقف إلعب بحسبته لعب

[glascoo]

اخوي الكريم الله يرجع حقك يارب هاذولا الشريطيه بس الخطى منك ليش تتكاتب مع انسان لايملك السياره هاذولا لعبوا بالسوووق شفت وش مسوين فيه بخس للسلع وتوريط للمشترين وحلف بدون صدق المهم لاتخلي حقك حتى لو بالمحكمه وانا اشك ان الشرطه تحل موضوعك

[Alfahad2]

ياشيخ الدعوئ بسيطة رح لشيخ المعارض والمرسيدس لاتاخذة رقم شيخ المعارض0555260115

[الغبشاني]

حسبي الله ونعم الوكيل

[خوي السفر]

يالربع معقول ان هذا الوضع يحصل داخل بلدنا ومن مقيم ويالله دام من اولها شراطي مصري على الدنيا السلام وفيه مقوله تقول القانون لايحمي المغفلين
بس الله يدلك على الصواب اخوي وانا مع الاخوان خلك حازم واول شيء خرب سمعة المعرض ويالله على وعلى اعدائي وماضاع حق وراه مطالب وماكثر الله من الدعوجية بهذه الامور

[~EmPeRor~]

بشر وش صار عليك .!

[ابو حسان الجنوبي]

الله ينصرك عليهم . وان شاء الله تاخذ حقك ولو بعد حين
والله ياجماعه شي يقهر

[ابو تركي 2012]

طمني عسي الامور انتهت علي خير

[رقبة حاشي]

وششششششششششش صاااااااااااااااااااااااااااااار

[4x4ofroad]

بشر وش صار ياخوي
طلوت السالفه حسبي الله عليهم

[خالد مكشات]

قال رسول الله صلى الله عليه وسلم : ( ثلاث دعوات مستجابات لا شك فيهن دعوة الوالد على ولده ودعوة المظلوم ودعوة المسافر ) أو كما قال

[مستر جمس]

جالسين ننتظر اخر التطورات

[دل البحار]

الله يعينك ويرد لك حقك كامل مكمل
ولو منك تروح تاخذ سيارتك ال BM وبلاش سيارت وبيعات بالشكل دا
المرور والشرطه يرجعون لك حقك
ولو منك لا أحرر خطاب شكوى للاماره ومدير
و مدير الشرطه
تشوف يجيك حقك بالكامل ناس ما تمشي الا با الجلد والضرب والتوبيخ والاهانات ،،أغلبهم الشريطيه نصابين وحراميه ،،الا من رحم الله من السعوديين والاجانب لكن دا شغلهم معناته انهم محترفين نصب وأحتيال وأنتا طحت في شلة بلطجيه ونصابين
شوف حبيبي حقك والله ما يرجع لك الا بالشرطه عن طريق الشرع
بيع للسيارات من غير توقيع صاحب الشأن والعبث في ممتلكات الناس من الفساد بالارض
وعقوبة صاحب المعرض أن يتم سجنه وجلده والتشهير به وغرامه ماليه ضخمه وأغلاق المعرض بالشمع الاحمر من قبل المرور وسحب التصريح ولا يحق له لا بيع ولا تسجيل اي سيارات بعد كذا لفتره تطول وتطول وتطول وتطول الين ينسى شيء اسمه استغفال ،،

[كوووره]

اخوي راصد بيئي وش صار على موضوعك ؟

ياليت تحط صور للمعرض

[جبل غرابة]

أين انت يا راصد بيئي
وش آخر المستجدات

[كابتن الشمال]

الله ينصرك اذا انك على حق

[mifleh]

حسبنا الله ونعم الوكيل على الظالم
الله ينصرك عليهم

[السعودي88]

افضل انكك تروح الماره وتقدم معروض في ذي لا تسكت

[رسيس نجد]

دعوه المضلوم ليس بينها وبين الله حجاب0 قل حسبي الله عليهم اجمعين0

[بومحيمل الخالدي]

احـول ولاقـوة ألا بالله ,, ,

: ( و الله شيء يقهـر . . .

المعـارض و الشريطيـة بصفـة خاصـة ,,

نـادر وقليل اللي تحصـل فيهـم ,,

رجال ,, صادق ,, على قد كلمته ,,

يجيك علوووومـه رددديـة ,, أعوذ بالله يأني أكرههم , ,,

و الله أن المعارض أذا بغيـت أروح أما في روحت بيعت موتري أو موتر

أحد من الربع ,, فـ عندي قاعدة نروح أقل شيء 4 وكالعادة نطلع 5 أشخاص , ,

لأن نقول في شيء اليوم ,, أسلووبهم بالكلام مايعجبني وسوماتهم نفس وجيهـم ,,

نجي صاملين في البيعة .. فـ يجون يعني بيطيحون من القيمة أو شيء نتمسخر عليهم ونضحك ,,

وقتهـا يبعـدون عننـا ألا الصامل يبـان عليه ,,

ع العمـو يالغـالي .. نصيحـتي لك ,,

خـــل نفســــك شينـــــة , ,,

والرسـالة أحتفـظ فيهـا اللي أرسلهـا لك لأنهـا دليل معـك ,,

و الله يوفقـك وينصـرك عليهـم ,, , ولاتفكر تاخذ الموتر أو تصلحه ,,


وعليـك بفضيحتـهم أذا ماودك حد يطيح باللي صار لك ,,

و الله أني في محلك لأنشر المعرض و اللي لهم صلة كلهم بأساميهم ,,

بالتوفيـق لك

[white heart]

انا مقهور منهم مرة ومنك 1000000 مرة ليه تعطيهم السيارة .
بس اسمع وكل محامي فاهم بالانظمة وخله يسحب فيهم وطالب بجميع اتعابك لعلمك المعرض اللي يطلع سيارة ما انتهت مبايعتها عليه غرامة حول 20000 ويقفل المعرض . شد حيلك وخلك قوي .

[تيرنيدو]

اخي الكريم... اسمح لي ولا تزعل علي لانك والله مغفل..
اشلون تامن مصري... وشلون ترمي سيارتك 3 اسابيع
يا اخي عقلك وين.. 3 اسابيع يلعب فيك مصري يسرحك ويروحك
بهذي الامور يا اخي ما يبغالها ثقه لو انه قريبك؟؟؟ عااااااااااد مصري
قسم بالله قهرتني .. عاد الحين شف نشاط المرور تروح تحج وتعتمر وقضيتك بالادراج
لعن الله الشريطيه وين ما كانو ...

[ابوالمثنى11]

حسبي الله عليهم

والله تلاعب

الله يعينك

[سليمان الربيعان]

الله ينصرك وتاخذ حقك انا شاء الله
والواحد يصير فطين

[اللهيب ssss]

كلام اخونا الربذي صحيح والله يسمح دربك والله يفضحهم كانهم ماخلو اح في حاله

[YUKON_GMC]

هأأأه وش آخر العلوم والتطورات ... من شهرين مارديت ؟؟ عسى المانع خير

[الأسااسي]

يالربع اللي يعرف الاخ راصد بيئي يعطينا علومه ترى والله أنها تاكل معي وتشرب
خلوه يرد لنا الراس و أن شاء الله ان النشاما في مكشات مهوب مقصرين معه
بس يعلمنا وين الموضوع واقف فيه

[السعودي88]

الله ينصرك ان شالله صح هو غلط غلطه ليته استفسر قبل لا يرتكب الخطاء لاكن مكتوب عليه

الله يومهل ولا يوهمل الله ياخذ حقك بذن الله منهوم
ما في شي بعيد عند الله سبحانه

[فهد456]

الله ينصرك عليهم وتاخذ حقك ان شاء الله ولاتنسانا تكفى توافينا بأخبارك بصراحه شي يبط التسبد

[SRAAAB]

الله يستر إختفى ....
بالتوكل على الله ، وبالمتابعة والاصرار ، وعدم التراخي ، ستجد إن شاء الله مايسرك
بس وش صار لك ألحين
وأنا أنصحك بالامارة إذا مافادوك

[صالح صلوح]

خلك ناشب في حلوقهم حتى يعرفوا أن الله حق :no:

[النبع الصافي]

وين الرجال ؟
الله يعينك

[محمد العولقي]

الله ينصرك عليهـم وان الله لايوفقهم الله لايعطيهم عافية كذا نصب قدم الله وخلقة والمصري هذا يبقاله جلد لين يعرف ان الله حق ياشباب احذرو من الشريطيه نصابين لا من رحم ربك منهم
والله انغبنة على الحركة الي سوها معاك ان الله ينصرك عليهم بعدين اشتكيهم الشرطة

[ابو شهد 99]

انشالله وبحول الله الله يبي يأخذ حقك منهم ((ومالك الا الصبر وش وداك له))

[أبوتركي V8]

الله ينصرك عليهم ويخذلهم قل امييييييييييييين

[أبو ريما2]

واحد نشبه ها أبو لطيفة وش رايك

[ابراهيم_999]

حسبي الله عليهم اخوي المفروض تكون حريص ماتسلم سيارتك كذا

[ولد الأجاويد]

أخوي الله يعينك على بلواك

صدقني والعذر والسموحة على رأيي إن البجاحة وغسلة وجهك بمرق تبي تجيب لك حقك وزيادة إذا ما نفعتك المراجعات

حبيبي روح للمعارض ودور المصري وشوفه وقت البيعات مع الزباين ووقف للمشتري وقول له أنا رجال أبغى لك الخير الرجال هذا نصاب نصب علي في سيارتي وعلمه بالسالفة قدام الناس وخل صوتك عالي وخذ معاك أوراق بيعة السيارة مصورة حتى تثبت للناس وقدامهم أن سالفتك صحيحة وهذه إثباتاتي ....
والله إنك راح تسود وجه النصاب وراعي المعرض اللي يتعامل معه المصري وياليتك تخلي واحد من ربعك يصور الموقف بالجوال ويبعد وجهك عن التصوير ويركز الصورة على وجه الشريطي وتهدده بينك وبينه إنك تبي تنشرها في الانترنت وخصوصاً مواقع بيع وشراء السيارات علشان تكون عبرة لغيرك وإلا ترجعلي سيارتي وحقي كامل وتعوضني عن تعب الأيام الماضية وأنصحك لا تروح إلا ومعك ثلاثة أو أربعة من خوياك حتى يكونوا شهود معاك على كل ما يحدث علشان لا يتهمك الشريطي بأشياء ويفتري عليك فيها ....


أخوي ما يفل الحديد إلا الحديد

الله يعجل لك بالفرج ويفرحك بنولة نصيبك وحصولك على حقوقك كاملة

واعذرني مرة ثانية على أسلوبي وأنا ما أوصيك به إلا إذا استنفذت كل الطرق السلمية

والسلام عليكم ورحمة الله وبركاته

[بحّار]

أولاً :الله ييسر لك كل عسير.
ثانياً :الله يهلك كل نصّاب وظالم ومتلاعب بأموال المسلمين.
ثالثاً :أقصد البحر واترك القنوات بالعربي ادخل على الأمير سلمان اضبط خطابك وسلمه في مجلسه واعرضه في مجلسه مع العالم وتابع خطابك بإذن الله راح تاخذ حقك وافي وها الشريطي بياكل تبن بإذن الله ولا تمل الله يعينك.:hot::hot:

[الرسن]

ياليت تفيدنا بنهاية موضوعك ياراصد بيئي .. اتمنى تقفيله والا تفعيله

[ابوشجاع911]

لا بالله لاتقفلونه
الا احذروا ثم احذروا ثم احذروا من معارض الشفاء يوجد فيها عصابات مركبة من جميع الجنسيات وللاسف ان رؤوس هذه العصابات سعوديين للاسف اقولها بكل مراره :(
لان البلد فيها خير ويفترض بالسعودي اللي متربي على خير انه يطلب الرزق الحلال بالطرق المشروعة ولكن بعضهم وهم قلة ان شاء الله يكونون عصابات للتحيل ويتتبعون ثغرات النظام بحكم الخبرة ويستغلون البسطاء من الناس وهم اكثر الناس على فكرة وتجب حمايتهم من قبل القانون واجهزة الدولة
وانا ماحذرت من معارض الشفاء الا من موقف حصل مع اخوي وكادت تنطلي عليه الحيلة ولكنني تداركت الموضوع في اللحظات الاخيرة وبتوفيق الله وحده استطعنا الخروج بالموضوع الى بر الامان وترا لهم حيل كثيرة حيلتهم مع اخوي هو كان بايع يوم الاربعا بعد العصر وحجتهم يقولوا مافيه مرور الا السبت واترك السيارة عندنا بالمعرض ويوم السبت بالليل تجي تاخذ الدراهم
وهذه هي الحيلة فانا ادعوا كل من باع سيارته ان ياخذ قيمتها فورا ونقدا هم سياتونك باكثر من حيلة بقولون نعطيك عربون وعادة يكون مبلغ زهيد في سيارة قيمتها عشرات الالوف ويحتجون بانه ممكن يكون عليك مخالفات او التزامات ايا كانت فانت لاترضخ واللي بيشتري لابد ان يدفع اقل شي 90% من قيمة السيارة ولاترضى باقل من هذه النسبة اطلاقا
اسال الله التوفيق لصاحب الموضوع وللجميع واتمنى من اي مسئول كبير في وزارة الداخلية يطلع على هذه الموضوع ان يامر بمداهمة معارض الشفاء عاجلا وتكون قوة مشكلة من كافة القطاعات الامنية وعلى رأسها المرور والجوازات ومكافحة المخدرات فبعض تلك المعارض اوكار للمتخلفين وجرائمهم نسال الله ان يكفينا شرهم انه هو القوي القدير

[B_M_W]

الله ينصرك عليهم النصابين الحرامية

[ابو محمد سعيد]

حسبي الله ونعم الوكيل الله معك لااتخاااف..

[الهر]

قد أقس عليك لكن من أجلك ،،،
أولاً : الله ينصرك عليهم . وان شاء الله تاخذ حقك
ثانياً : تقول
انا خبري أن كل الأمور تمام
إلي حصل أن الشريطي المصري طلع سيارتي والسيارة الثانيه ووداها عند معرض ثاني ووقع عن البائع والمشتري وكلمني قال ترى سيارتك بتاخذ اسبوعين للفحص وتجديدالإستماره !!
أنا على نياتي قلت خيره
بل ماعليش صحيح !!
أجل اسبوعين ؟؟؟؟؟ ماتشم الريحة!
والله لو مكانك لاروح للشرطة
وليس للمرور ،،،،
هاذي مشكلتنا نفتح لمهم الباب وندور من يسدهـ !!!

[الهر]

قد أقس عليك لكن من أجلك ،،،
أولاً : الله ينصرك عليهم . وان شاء الله تاخذ حقك
ثانياً : تقول
انا خبري أن كل الأمور تمام
إلي حصل أن الشريطي المصري طلع سيارتي والسيارة الثانيه ووداها عند معرض ثاني ووقع عن البائع والمشتري
وكلمني قال ترى سيارتك بتاخذ اسبوعين للفحص وتجديدالإستماره !!
أنا على نياتي قلت خيره
بل ماعليش صحيح !! :eek: :eek:
أجل اسبوعين ؟؟؟؟؟ وماتشم الريحة! :mad: :mad:
والله لو مكانك لاروح للشرطة
وليس للمرور ،،،،
هاذي مشكلتنا نفتح لمهم الباب وندور من يسدهـ !!! :(

[البر عشقي]

السلام عليكم ورحمة الله وبركاته



حقيقةً شدني موضوعك وأنا رأيي كالتالي :


1- لاتقبل بالمرسيدس بتاتاً وإنما استلم قيمة البي إم كاملة عندما تم بيعها بعدك ، (بمعنى أصح بكم بيعت البي إم استلم نفس القيمة) .


2 - بعد ذلك قدم الشكاوى لكل جهة ، فلابد تجد خصيم لصاحب المعرض سابقاً .
لأن عين الله - سبحانه - لاتنام



وتقبل مروري




نفس كلام أخوي حزيزبون بس بعد ماتتأكد من بيعة البي أم أن سعرها ماهو بخس

وإلا كيف يلزقزن بظهرك سيارة مصدوومه ليس لك به علاقه واحجدها دامه ماسجلت باسمك

أنت الحين طالب بكيف بيعت البي أم كانها دون علمك تجي على روسهم
وبعدين وين راحت أعترافتهم بالناصرية وش صار عليها والله سالفتك سالفه الله يكون بعونك ويرد لك فلوسك

بعدين خلها تاصل أمارة الرياض لاتتفاوض معهم نهائياً

ومسألتك شأكها شوي يبي لها وقت ومادون الحقوق إلا الحلوق والله


اوه مانتبهت لبداية الموضوع له ستة أشهر ياليت توافيين بماحدث معك وش انتهت عليها او جمدت مع البرد

[بن نويشر]

يا حبيبي
إن لم تكن ذئباً أكلت الذئاب
الطيبة والحبابة في هالبلد ما تنفع
وهذا درس لك وعبرة لغيرك
والإنسان يتعلم من تجاربة
تقبل مشاركتي بقلب رحب
تحياتي

[ابووهب]

السلام عليكم
بشرنا اخوي وش الي حصل معك

[اليامي قطر]

3 سنوات !!

[m900]

ها يخوي بشر تراني انتظر وش صار

[Abu sa3d]

الله يعينا وياك وان شالله انك معوض خير

[مطر وسم]

الموضوع قديم من 2010

وش صار على صاحب الموضوع ؟

[باسم الرياض]

الرجال لايكون انذبح من ذاك الوقت له ثلاث سنين مادخل المنتدى
آخر نشاط: 14/12/2011 02:37 PM

[الربذي]

فعلا وينه الرجال ليه مارد ش صار به

[ابو سليمان بن]

...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ياهوو]

الله يعينك ويعوضك خير ..

[اليامي قطر]

ويييييييييييييييييييييييييييييييينك يالخووو

[ذري المعاني]

ههههههه الله يهديكم راعي السيارة شكله خلص الموضوع ونساه وأنتوا بعد ثلاث سنين تسألون صباح الخير من بدري

[ابو ابراهيم4]

الله يعوضك
لكن لاتتركهم اشغلهم من شرطه لشرطه ومن محكمه الى محكمه هذا تلعب بأموال الناس

[Laith123]

ههههههه الله يهديكم راعي السيارة شكله خلص الموضوع ونساه وأنتوا بعد ثلاث سنين تسألون صباح الخير من بدري



هم يدرون ان الموضوع من 3 سنوات لكن من باب وش علوم الرجال لأنه انقطع عن التواصل ولانه موضوع في نوع من الغبنة والتشويق والتفاؤل بنصره ! فهمت والا

[عميد آسيا]

ما فيه أحد يدري وش صار؟

[ابو معاذ5080]

انا الصراحه قصته مادخلت مزاجي

كيف يصدم بسياره والسواق يطلع منها ولمرور يتركه !!!!!!

[mhstr]

اذَا مٌا انَحُلُتْ مٌشِكِلُتْكِ اشِتْكِيَ الُمٌرَوَرَ وَالُمٌْعرَضُ وَارَفَقً اوَرَاقًكِ ُهذَا رَابّطِ لُدِيَوَانَ الُمٌلُكِيَ ? رَاْعيَ شِكِاوَي
َ تواصل
https://tawasol.royalcourt.gov.sa/

[mhstr]

اشِتْكُِهمٌ بدِلُ مٌاتْجْلُسِ انَتْ تْتْرَدِدِ ْعلُيَُهمٌ صّدِقًنَيَ ُُيَصّيَرَ الُْعكِسِ اُهمٌ شِيَ تْكِتْبّ مٌْعرَوَضُ بّالُصّيَغًُه الُصّحُيَحُُه

[ابوهايلكس]

طيب متى الحلقة الاخيرة

[ابو عزام الشمالي]

:eek:قهر والله تابعت الموضوع من البداية وفي الأخير ما حصلتلوه نهاية :mad:؟؟؟ وش صار على الرجال عوضوه:(

الله يسهل امروه

[فياض الربيع]

مع ان الموضوع قديم بس انا اشوف انا السبب من صاحب السياره
نفسه تثق في شريطي ولا وبعد مصري هههههه
وماشكيت يوم يقول لك اسبوعين بنفحص ونجدد الاستماره هذي مايبي لها الا ساعتين فقط مهوب اسبوعين