لماذا تكشت باهلك في الثمامة !!!!!!!!!!!!!!!!!!!!!

[طفران بس بطران]

استغرب من البعض ان يكشت باهله في الثمامة مع العلم ان الثمامة فيه اللي انتم خابرين شباب عاد فيهم الصاحي والمجنون انتبهوا من المجنون لحد يسب والله ماجبته الا خوف على اعراضنا وعرضك ولماذا الهيئة مانراها فالثمامة !!!!!!!!

[محرين باالخير]

طيب ياخوي وين المكشات المناسب للعوائل يكون امن وقريب غير الثمامه

[ألم وعشناه]

الثمامه كبيره وفيها الزين وفيها الشين بس صراحه ماجازت لي

[الذيب 502]

الثمامة مافيها الا الدشير واللي يسدون النفس

وقلة من هل الدين والطيب

أما عن اللي يسأل وين المكان القريب اللي تبي تكشت فيه أهلك

فأنا أقول لك خلهم في بيوتهم أصرف لهم

و البر والمكشات له ناسه و أهله

[محمد-الرس]

يا أهل الرياض خابر لكم مكشات زين

(روضة خريم) 90 شرق الرياض

والله أني اذكر يوم رحت لها بشهر محرم
بأحدى السنين ...

بأوصفها لكم
1-ريحة العشب والزهور تشق الخشم شق
رائحة وكأنك بالجنة ريحة تنعشك انتعاش
مب طبيعي

2-العشب يوصل لين ركبك ببعض المناطق

3-جب قشك معك وانتبه للطريق لأنه خطر وقليل محطات


أرض طيبة ومربعة بس بوقت المطر والضباب
أما الحين ممكن صحراء

[السومر]

روضة خريم اغلب وقتها هواء وغبار

[القوبعي]

يالي تقول الثمامه وش تبي فيها فيه اقرب منها اذا جاك ملف الرمحيه بويبات لف يمين يامال الغنيمه تجيك الشعبان والارض الزينه بعد الكسارات وبعيد عن الازعاج والدبابات والدشير

[عاشق الماركيز]

الثمامه مافيها الى وجع الراس والازعاج وقلة الحيا والي يبي طلع اهله وعياله فيه مية حل غير الثمامه عندك روضة خريم فيه صلبوخ واجد الاماكن وان صفت على الثمامه والله ماطلع اهلي شفنا فيها واحنا شباب البلااوي واكبر دليل روحو له بعد صلاة الفجر وتذكرو كلاامي شف قوارير المخزي والعياذ بالله منثره بكل مكان

[طفران بس بطران]

الحكرنة تلقاهم اهناك

[الدوسري دت كم]

الله يصلح قلبك يا الطفران قل امين .
هالحين اذا تواجدوا رجال الحسبه (الهيئه) في مكان قلتوا وش جاب ها المطاوعه هنا ...
الله يجزاهم عناوعن المسلمين خير الجزاء هذاحقهم علينا ...
ترا مابنتقص قدرهم الاناقص عقل ودين والله اعلم واحكم

[طفران بس بطران]

انا مع الهيئة ونتا ضد من هو ضد الهيئة اقسم بالله مااسبهم ولا اكرهم اقصد ليش مايجون في الثمامة ولا الهيئة انا منهم

[طفران بس بطران]

ابك يحمون عرلاضي وعرضك

[سليمان الربيعان]

هلا اخوي بنسبه المكاشيت واجد مثلا عندك الزوليات جنوب الرياض طريق الخرج حلوه طعوس وجبال وشعبان واقرب من الثمامه

[-ظل الجزيرة-]

انا بصراحه اشوف ان الي يكشت باهله في الخمامه اشوف انه مغفل

[وارد منصور]

اشوف منتزه سعد هو الانسب قريب من طريق الدمام بعيد عن الملقف والزحمه

[مرقاب الشرق]

افا وانا احسب الثمامه زينه زي الهافمون
ياالربع انا امس جيت الرياض دورة 6 اشهر ابي الامكان اللي تصلح للعوائل وقريبه ومافيها دبابات وقل حيا ولو امكن صوره لها. لاهنتوا يارجال مكشات

[مرقاب الشرق]

للرفعععععععععععععععععع

[عشق بري]

محمد - الرس
أتعب أنا على وصفك روضة خريم ...ياهووووووووووووووه

[ساحووق]

يااازين القصيم وااتراابه بس

[طفران بس بطران]

وصف روضة خريم علي يمينك ونت جا ي لرماح منم طريق الدمام

[ابومعتز99]

الثمامة مافيها الا الدشير واللي يسدون النفس

وقلة من هل الدين والطيب

أما عن اللي يسأل وين المكان القريب اللي تبي تكشت فيه أهلك

فأنا أقول لك خلهم في بيوتهم أصرف لهم

و البر والمكشات له ناسه و أهله
وش هالتفكير المتحجررررررررر وش رايك تحطهم بسجن احسن :mad:
والي مايطلع اهله ويونسهم احسن له يقعد فالبيت معهم

[مجرد وسم]

افا وانا احسب الثمامه زينه زي الهافمون
ياالربع انا امس جيت الرياض دورة 6 اشهر ابي الامكان اللي تصلح للعوائل وقريبه ومافيها دبابات وقل حيا ولو امكن صوره لها. لاهنتوا يارجال مكشات



عندك شعيب الحيسيه ممتاز جداً اذا كان على خبري ولا هو بعيد 40 تقريباً على طريق صلبوخ


عندك الخرارة تقريباً 70 كيلو على طريق مكة المكرمة بعد ماتتعدا المزاحمية يجيك مفرق جو والغطغط تدخل معه وترجع رجوع للديرة تجيك محطة وردية على يمينك بعدها يجيك خط ادخل من عنده امش لك كيلوين يجيك الطعوس


عندك شعيب حريملاء تقريباً 100 كيلو عن الرياض ممتاز ونظيف


عندك الثمامة بس مو اولها بعد ماتتعدا التفتيش ويجيك مفرق رماح على اليمين الطعوس اللى على اليسار ترد الروح وماحولك احد


هذا اللى عندى الحين

[مرقاب الشرق]

عندك شعيب الحيسيه ممتاز جداً اذا كان على خبري ولا هو بعيد 40 تقريباً على طريق صلبوخ


عندك الخرارة تقريباً 70 كيلو على طريق مكة المكرمة بعد ماتتعدا المزاحمية يجيك مفرق جو والغطغط تدخل معه وترجع رجوع للديرة تجيك محطة وردية على يمينك بعدها يجيك خط ادخل من عنده امش لك كيلوين يجيك الطعوس


عندك شعيب حريملاء تقريباً 100 كيلو عن الرياض ممتاز ونظيف


عندك الثمامة بس مو اولها بعد ماتتعدا التفتيش ويجيك مفرق رماح على اليمين الطعوس اللى على اليسار ترد الروح وماحولك احد


هذا اللى عندى الحين

بيض الله وجهك

[فيصل التميمي]

اخوي سكان الرياض وين يروحون مالهم مكاشيت قريبة وخاصة بالعائلة

[طفران بس بطران]

اللي قال انه تحجر من لاوالله المكاشيت ياكثرها ويازين التحجر ونحجر على اعراضنا اذا كان فيه دشير وملعنة ثوا

[أبوالمثنى]

وأنا أخوك تعد الثمامه بـ 40 كيلو إلين يجيك مفرق التنهات أدخل يسار للطعوس

هالطعوس ما قد شفت مثلها ترد الروح

يسمونها طعوس الطوقي

حتى الغشمان سهله عليهم ماهي مثل الخراره سيوف ورباضات

[مقرع الحق]

سفاهه + طيش x استهبال - تربيه ÷ مراهقيين دشر = الخمامة

[N-G-D--KSA]

الدهناء ازين مكان

[طفران بس بطران]

سفاهه + طيش x استهبال - تربيه ÷ مراهقيين دشر = الخمامة

ههههههههههههه ذكرتني بالرياضيات

[المهاجر انا]

عندك العينه وصلبوخ

[نايف 1996]

انصحكم بحايل كله ربيع ونفود .....وضلعان

[مقرع الحق]

:good2: طفران بس بطران :good2:



الاسم للبيع

اعجبني احسه على المزاج
:D:D:D

[ولد الأجاويد]

والله ياجماعة ما على الوسيع ونفودها شي

آه يا لبى قلبها نفود سعد

الله يجيب الخير

[أبوحمد 505]

هلا اخوي بنسبه المكاشيت واجد مثلا عندك الزوليات جنوب الرياض طريق الخرج حلوه طعوس وجبال وشعبان واقرب من الثمامه


أي زوليات الله يصحلك أسمها الزويلات وفعلا طعوس ووناسة ولا عندك احد

[مضيع نعوله]

سجل عندك اماكن قريبه حلووو تصلح للعوائل
1- خلف الجنادريه الى ان تصل قريب من الجبال في نفود بسيطه جلسات وضلعات حلوووه حوول جبل برمه او قبله
2- بعد التفتيش الثمامه لف يسار وطلع الطعوس امش شوي تحصل اماكن حلوه فووق بالطعوس فيه روضه اعلى ماضن الان ممنوعه لكن زمان كنت اروح لها اسمها روضه نوره مع طريق العاذريه خلف الثمامه طريق صحراوي امش الى اخر شي بعد طعس طويل تعده تصل اخر اطراف النفود دخله كانها مزرعه قديمه حلووه وقت الامطار الربيع قريبه
3 - طريق الرماح خلف روضه خريم هناك طعوس حلووه كنت اطرد الجرابيع زماااان هناك
4- اذا تبي اراضي منبسطه طريق الدمام لفه طريق رماح مخيم الوليد بعده ارضي حلووه تمشيه و لعب كوره
5 - وعندك على طريق الثمامه بعد لفه الصمان روضه الخفس يمين وقت الربيع حلوووه وقت الصيف جليسات النفود الى عندنا
6 -جنوب الرياض نساح المحليه والخراره نفود مقابل مزرعه العزيزيه
7 - طريق ضرما بعد ضرما 10 كيلو يسار بعد المزارع شعبان حلووه
8- نفود على طرق الخرج لاكن مادري ليش انا ماحبها احس بضيقه صدر هناك
9 -طريق الدمام منتزه سعد حلوو والنفود الى هناك رووعه بس مشوار بعيده

اذا تبي بعيد فيه كثير جد

[ابن مجدوع]

الثمامة مافيها الا الدشير واللي يسدون النفس

وقلة من هل الدين والطيب

أما عن اللي يسأل وين المكان القريب اللي تبي تكشت فيه أهلك

فأنا أقول لك خلهم في بيوتهم أصرف لهم

و البر والمكشات له ناسه و أهله

المعذرة ياخوي .. ماهو بالاسلوب هذا .. الا يطلعون ويتمشون.. حتى الغنم تكرمون تطلع من المراح !!
وتراهم انس .. وجرب تقعد يومين في البيت :D
لكن ماهو بالطريقة ذي ياني احطهم بين خلق الله ولا يقعدون في البيت .. الحمد لله والشكر ما اكبر من برارينا في المملكة .. ولا تخفا على احد ..
اعذرني اخوي :)
تحياتي لكم

[كنق عفيف]

مشكورين على الامشاركة

[ابوغزاي]

أي زوليات الله يصحلك أسمها الزويلات وفعلا طعوس ووناسة ولا عندك احد
:D:D:D ليتك خليتهاعلى حالها جيت بتكحلها واعميتها0
الله يصلح الجميع
امابخصوص الثمامه0 اختصارللجواب هذه قمامه اجلكم الله
والسلام عليكم0

[سيف 518]

الحمد الله اني ماني من سكان الرياض
انا في محافظة ويش احليلها بادية
وعلى الطبع الاول جمعت الشيبان كل مغرب عند واحد
وإذاء ابي اتمشئ انا وأهلي عندي اربع اتجهات شمال وجنوب وشرق وغرب ومايجيلها 5 كم عن البيت
اللهم لك الحمد والشكر مرتاح من الزحمة

[المؤمن كالغيث]

انقل للقصيم وارتاح
كل انواع التضاريس فيها

[الشاهين2004]

مشكور وما قصرت

[ولد عياد]

شكلي بنقل امن الرياض

[to be]

ما اعتقد احد يرغب بالطلعة للثمامة ... اساسا من تشوف المخلفات بالارض تنسد نفسك

لكن خلونا واقعيين ... اذا الواحد يبي يتقهوى عصرية ويرجع مع عيالة مهوب معقول يطق 100 كيلو وش يبقى بالوقت

الثمامة اولها زبالة .. لكن عندك اللي خلف مزرعة العاذرية فيه اماكن نظيفة وهادية ورايقة وتنفع تغييرة جو

[ولد عياد]

نعمممممممممممممم مشكور على المشاركة ياتوبي والشباب كلهم

[ابويزيد1]

اخوي الثمامة ابعد عنها شوي ورى العاذرية او طعوس الطوقي او حول روضة ملهم افضل الاماكن هناك
بعدين راعي العائلة يدور الونس شوف نفسك اذا شفت عائلة تحاول تكون حولهم اونس لك ولهم وبعدين مالى بالاماكن البعيدة لوتعطلت من بيسعفني

[ولد عياد]

اخوي الثمامة ابعد عنها شوي ورى العاذرية او طعوس الطوقي او حول روضة ملهم افضل الاماكن هناك
بعدين راعي العائلة يدور الونس شوف نفسك اذا شفت عائلة تحاول تكون حولهم اونس لك ولهم وبعدين مالى بالاماكن البعيدة لوتعطلت من بيسعفني
راع العايلة يبا الستر لعايلتة

[fahd999]

الزويليات بطريق الخرج بعد التفتيش رح مع العماجية وتفرج على الطعوس نظافة وسعة صدر

[العاذر]

سفاهه + طيش x استهبال - تربيه ÷ مراهقيين دشر = الخمامة


فعلا المراهق بلا أخلاق شئ محزن
الله يعدي مرحلته على خير

[الربذي]

سفاهه + طيش x استهبال - تربيه ÷ مراهقيين دشر = الخمامة

بكل عوامل الحساب
صراحه من كلامكم جوها مايصلح لي .احب اجاور ويجاورني رجال ماهو مثل ماقلت

[مرسى القصيد]

كلام الاخوان صحيح

[برادو97]

افضل مكان الدهناء بس مشكلتها بعيدة 200 كيلو تقريبا

[الإستراتيجي]

أخواني بصراحة إلي يبي مكشات زين زين ولعائلة


لكن بشرط بحكم معرفتي بأني لو كتبته راح يدمر لذلك بجعله في الخاص علما أنه بعيد شوي لكنه حلو جدا كمكشات ,,,


طبعا الفترة هذه ما هو ذيك الدرجة لكن أعطيك الموقع راح تدعي لي :)


بعيد عن الرياض ساعة ونصف تقريبا

[ناصر]

أخواني بصراحة إلي يبي مكشات زين زين ولعائلة


لكن بشرط بحكم معرفتي بأني لو كتبته راح يدمر لذلك بجعله في الخاص علما أنه بعيد شوي لكنه حلو جدا كمكشات ,,,


طبعا الفترة هذه ما هو ذيك الدرجة لكن أعطيك الموقع راح تدعي لي :)


بعيد عن الرياض ساعة ونصف تقريبا
لو ما عليك كلافه راسلني الله يوفقك اخوي الإستراتيجي
وعلمني بالمكان :)

بخصوص الموضوع
انا اتفق معكم فيما ذهبتم اليه
لكن منطقه الثمامه لو نجلس نتكلم من الان حتى السنه الجايه
ماراح احد يقتنع وستبقى منطقه مزحومه بالعوائل وعالم من كل مكان
لسبب بسيط انا وانت والثاني والثالث لدينا عدة مكشاتيه في السيارة
ادوات طبخ وتخييم وتجهيز كامل محل ماتروح بسطه وروعه وماتحتاج حد
لكن الكثير من الناس اللي تروح الثمامه ماعنده تجهيزات في السيارة
وتعجبه مطاعم المثلوثه وهرفي وكودو ويسكنو حولها قصدي يكشتو
حول الثمامه واقصى الطموح يشب نار
تحيتي لكم

[الإستراتيجي]

لو ما عليك كلافه راسلني الله يوفقك اخوي الإستراتيجي
وعلمني بالمكان :)




من عيوني ;)

[.أبوعبدالرحمن]

الله يحفظ لنا الزويليات ويفكنا من الشياول والقلبيات اللي فيها

[ولد عياد]

مكانت احسب بيصر الموضوع بهالحجم انا موضوع واحد نافع وعشرة خرابيط هههههههههههه
انتم شوقتونا الرياجيل انروح الها بدون العايلة

[ابوعبدالعزيز6]

اخوي بطران مواضيعك دائما مميزة

بارك الله فيك

[حبران والمسمى]

لو ما عليك كلافه راسلني الله يوفقك اخوي الإستراتيجي
وعلمني بالمكان :)

بخصوص الموضوع
انا اتفق معكم فيما ذهبتم اليه
لكن منطقه الثمامه لو نجلس نتكلم من الان حتى السنه الجايه
ماراح احد يقتنع وستبقى منطقه مزحومه بالعوائل وعالم من كل مكان
لسبب بسيط انا وانت والثاني والثالث لدينا عدة مكشاتيه في السيارة
ادوات طبخ وتخييم وتجهيز كامل محل ماتروح بسطه وروعه وماتحتاج حد
لكن الكثير من الناس اللي تروح الثمامه ماعنده تجهيزات في السيارة
وتعجبه مطاعم المثلوثه وهرفي وكودو ويسكنو حولها قصدي يكشتو
حول الثمامه واقصى الطموح يشب نار
تحيتي لكم
جابها نويصر:p