المساعد الشخصي الرقمي

مشاهدة النسخة كاملة : نظام ibs


ابو العز بلس
29/11/2010, 06:42 AM
السلام عليكم

اقدر اركب فاصل لنظام الفرامل ips
عشان اذا دخلت النفود ما يحوسني؟
عاشق السيل
29/11/2010, 09:10 AM
وعليكم السلام ورحمة الله وبركاته ،،

تقصد ABS ،، أنصحك ماتركبه لأنه عبارة عن مانع إنزلاق إذا ربطت بريك قوي يخلي الكفرات ماتمسك للأخير ،، وترى ماله أي فايده بالنفود !!!!

هذا فايدته إذا كنت مسرع وربطت فرامل مايخلي السيارة تزحف ويتغير مسارها ،، لكن إذا كانت المسافة بسيطة جدا يعني متر أو مترين ممكن يسبب لك حادث لأنه يمسك ويفك بسرعة وأنت بذاك الوقت محتاج الفرامل اللي يمسك الموتر بكل قوته !!!!!!!
ابو العز بلس
29/11/2010, 09:21 PM
الله يعطيك العافيه اخوي على الرد

بس انا اقصد ان السيارات الحين اغلبها يجي فيها هالنظام

وانا ابي اركب فاصل للنظام هذا بحيث اذا بغيت اشغله اشغله واذا بغيت افصله افصله عن طريق الفاصل؟
بيك اب 4X4
29/11/2010, 09:24 PM
اتوقع له فيوز
بس ما انصحك تلعب فيه نهائياً
الزم ما على الواحد سلامته
العتيبي 88
29/11/2010, 09:30 PM
هلا أإاخوي على ماإأعتقد على حسب نوع الموتر بس فيه فيوز له بس مانصحك تفصله يبي يتلخبط علييييك وينحاس له نظام خاص فيوزات جواالكبوت تقدر تفصلهاااا ... بالنفود يدبل كبدك لاكن وش تسووووي .. موفق ياغالي
ابو العز بلس
29/11/2010, 09:39 PM
الله يعطيكم العافيه

السيارة لاند كروزر ان شاء الله
مواسي الطعوس
29/11/2010, 11:14 PM
هذا النظام خطيررررررررررررررررررررررر جدا في البر المفروض كل السيارات يصير فيها فاصل له ...لانه مايمسك في البر ....رح لوقع تويوتا اكيد راح تحصل مكان الفيوز حقاته ...ورايح تلقى ناس تدلك على ورش تركب فاصل .

** مايحتاج تسال الناس هنا لان اللي ماجرب ولاحصل معه مشكله رايح يقول اتركه ....وانت ما سالت الاعندك خبره ....ركب فاصل وارتح .
سوبر152
30/11/2010, 12:12 AM
شل الفيييييييييييييييييييييييز بالبر
ابو العز بلس
30/11/2010, 06:51 AM
الله يعطيكم العافيه


طيب تعرفون ورشة تركب فاصل
عاشق السيل
30/11/2010, 08:31 AM
الله يعطيك العافيه اخوي على الرد

بس انا اقصد ان السيارات الحين اغلبها يجي فيها هالنظام

وانا ابي اركب فاصل للنظام هذا بحيث اذا بغيت اشغله اشغله واذا بغيت افصله افصله عن طريق الفاصل؟

آسف جدا أخوي أنا فهمتك غلط 180 درجة :(

أنا فهمت إنك تبي تركب نظام ABS والحين عرفت إنك ودك تفصل النظام إذا بغيت تدخل النفود :D

الباجيرو فيه زر فاصل للنظام لكن أحيانا يغثك حتى لو فصلته ،، فالحل الوحيد إنك تفصله نهائيا بفك الفيوز الموجود بالكبوت وتأكد إن الموتر ماراح يضره أي شي ،، وإذا بغيت تستفيد منه فعلا ركب الفيوز وقت الأمطار فقط !!!

آسف وأعتذر عن ردي الأول وتقبل مروري مرة أخرى ....