شــــــوركم علي يالربع ,, أبي جيب ..

[أبو الفارس]

بسم الله الرحمن الرحيم

أعزائي المكاشيت
أسعد الله صباحكم / مساؤكم بكل خير

ندخل في الموضوع مباشرة

أبي لي جيب أطلع ها اليومين (الله يجيب الخير) ..
والصراحة أني أدور لي شروكي من 97-2001 ,, وبصراحة أني متردد ..
والتايوتا و النيسان غالية بالنسبة لميزانيتي .. أو تجيب شيء (قرنبع)

يالغالين الميزانية تقريباً 25.000 (خمسة وعشرون ألف)
أبي شيء نظيف , يشيل الربع والعزبة

واللي يخبر لي موتر نظيف يدلني ويبشر بالخير

فالله لا يهينكم ,, ما استغني عن مشوراتكم القيمة ..


* رجاء للجميع دامك دخلت الموضوع رد لو بكلمة

[جومانشي]

عليك بالنيسان دور لك وبتلقى ان شاء الله

واترك منك الشروكي اعطاله واجده

[عاشق السيل]

حرام عليك ياشيخ توقعت معك أقل من عشرة آلاف !!!

25000 تجيب لك باترول من 91 إلى 94 صالون نظيف ،، أو لاند 90 أو 91 جي إكس أو في إكس برضو نظيف تراها أحسن لك من الشروكي ولا الفرق بسيط !!!!!

والله يوفقك للي فيه الخير ......

على فكرة فيه باترول 93 خليجي أبيض تماتيك نظيف حاده راعيه بـ 28000 إذا لك رغبة أجيب رقمه وتتفاهم معه !!

[أبو الفارس]

الأخ / جومانشي
والله كثير اللي يقول مثل كلامك , بس واحد من الشباب ما أشوف معه إلا شروكيات ويمدحها .

الأخ / عاشق السيل
يا أخي أشوف الشباب من ربعي يشترون في ها الموديلات وبيني وبينك ما فيها اللي يفتح النفس أو اللي ينضمن ينطلع به بر بعيد . ولا النيسان والتايوتا ما فيها كلام .
وبالنسبة لموتر خويك , إذا تشوف أنت انه نظيف و يستاهل (تراي والله واثق فيك) فالله لا يهينك أرسله لي على الخاص .ولا زم يراعي لأني أعرفك :)

بيض الله وجيهكم . وتراي أنتظر باقي المكاشيت ينوروني .

[_دربيل_999]

اخوي الغالي ابو الفارس
مدامك طلبت مشورتنا يصير علينا لزوم نتكلم معك بكل أمانة..
ميزانيتك 25000 فيها بركة..
والشيروكيات سيارات استهلاكية بكل ماتعنيه الكلمة
وسيارات ماينشد فيها الظهر والتعمق في الصحراء فيها..


انت تشوف مكشات وتشوف سيارات المكشاتيين وشي سياراتهم..
اكيد تبي تقول تويوتا ونيسان..طيب ليش اختاروا ذالنوعين المكشاتيين..


اقولك ليش؟
لأنها حتى لو كانت قديمة فيمكنك الوثوق فيها في البر لأسباب..
اولا اعطالها تسهل السيطرة عليها وقطعها حتى في الهجر والبقالات..!


أما الشيروكيات مالك الا الوكالة وفيها أعطال كثيرة تكلف فوق 6000ريال مع انها تافهه
شبيهها من الاعطال في تويويتا ونيسان ما يتعدى 300 ريال..

ممكن يطلع راعي شيروكي ويفند كلامي ويصنع لك من الشيروكي بطولات وكانه يتكلم عن باترول او جي اكس آر
لان طبع بعض الربع في مكشات يفتيك حسب السيارة اللي معه
فلا تستغرب اذا شفت واحد يفند كلامي فابو طبيع مايجوز عن طبعه ولو غير ربعه ..http://www.mekshat.com/vb/images/icons/icon10.gif

والشور الاول والاخير لك..لكن اذا تبي الهموم خذ الشيروكي ..


بارك الله فيك..


الروقي

[أبو الفارس]

أخي / دربيل 999 (الروقي)
فعلاً كلامك عين العقل , وفعلاً مواتر الكشاته هي التويوتا والنيسان .
أنا بعد الله يحييك أبي موتر أدخل به البر ما ينخاف منه , وكنك تدري أني ما وثقت من الشروكي .

أشكرك على النصحية الطيبة , وبيض الله وجهك يالغالي .

[عاشق السيل]

الأخ / عاشق السيل
يا أخي أشوف الشباب من ربعي يشترون في ها الموديلات وبيني وبينك ما فيها اللي يفتح النفس أو اللي ينضمن ينطلع به بر بعيد . ولا النيسان والتايوتا ما فيها كلام .
وبالنسبة لموتر خويك , إذا تشوف أنت انه نظيف و يستاهل (تراي والله واثق فيك) فالله لا يهينك أرسله لي على الخاص .ولا زم يراعي لأني أعرفك :)


الموتر والله ما أعرف راعيه بس شفت الموتر مع أخوي كان ناوي يشتريه بس يقول ما أبي إلا 97 والمشكلة إن 97 غالي بالحيل ،، ولا يهمك بسأل أخوي وآخذ منه رقم الرجال وأرسله لك بإذن الله تعالى ،،

ومن ناحية نظافته أنا سقته مسافة بسيطة وباين عليه ماشاء الله نظيف وأخوي جلس معه الموتر أكثر من أسبوع يقول ممتاز بالحيل بس عيبه صرفية البنزين !!!!

[ضيغم تميم]

طول الله عمرك نصيحتي لك
دور لك باترول من 88 الين 93 - 94
بس دور لك واحد متماسك
صراحه موتر لكل شي الا اللهم عزمه لك عليه
لكن بالبر والمكاشيت يعجبك

[K.S.A.A]

أخوي أبو الفارس انا جربت الشروكي لمدة سنتين بصراحه الموتر عزمه قوي وخفيف ويطربك
ويسوي لك معارف وعلاقات مع جميع الورش وجميع الصناعيات بأي مدينه .. مع أحترامي طبعا لأهل الشروكيات ,,
ومع ذلك انا مضبط موتري من الصدام للصدام لأن ماكان عندي إلا هو وأشتغلته شغل صحل بس
أتعبني صراحه
بس نزلت في الصيفيه للجنوب يم الباحه والنماص وماقصر والله .
والله نزلت فيه عقبات وجبال وانت تعرف الجنوب وجباله وأوديه شي خيااااااال وأهل الديره مايروحون لهالأماكن
إلا بأبو شنب القديم أو الكبسوله .. وأحلف أن الفكسار والنيسان ماينزل معه لأنه تحتاج موتر قوي وخفيف ..
بس بيني وبينك نازل وانا ماسك قلبي بصراحه لايتعطل . لأن ماله قطع في الجنوب . ولله الحمد ربك ستر .
أما أخوي دربيل 999 بصراحه يبالغ في كلامه شوي , بس عز الله أنه نصحك نصيحه مابعدها نصيحه
صحيح هو رخيص بس والله ماينشد فيه الظهر أبد . تروح وانت قلب مو مطمأن أبد ..

فلوسك تجيب لك باترول 90 او 91 او 92 بالراحه ونظيف بعد
أو خذ باثفندر تراه ممتاز يكفيك انه نيسان . قطعه تلقاها بالبقاله بعد
المهم انا بالخرج وخابر لك موتر وش حليله. أنا أضفتك بالمسن
أذا تبي الموتر حادثني . هو جيب سفاري 92 أحمر وذهبي الموتر حليو ومناسب .

[أبو الفارس]

الغالي / ضيغم تميم
بيض الله وجهك على النصيحة , المشكلة أن النظيف في ها الموديلات شبه مستحيل . وأنا أبي موتر يمشي ما أبيه للتطعيس .

أخي / K.S.A.A
فعلاً خويي راعي الشروكيات يقول عزم وخفه طرب ورخص إلا في القطع . وتبي الصدق ما شاء الله عليك موترك ما قصر اللي وصلك للجنوب و مشاك ورجعك , عز الله أنه ما قصر .
وبالنسبة لخويك راعي السفاري ما يمنع أني أشوف الموتر , وبرسل لك رقمي ع الخاص . دخولي ع المسن قليل جداً (جهاز العمل ما فيه مسن :) ) .
بس ما أوصيك وإن شاء الله أنك ثقه ومحل النفس , إذا الموتر يستاهل ولا ما له داعي ..
س / لو قلت لك شروكي سبورت 2000 الواضح فيه النظافة يباع بـ 22500 وش رايك فيه ؟

أشكركم من أعماق القلب على التفاعل الأكثر من رائع , وليس غريب على المكاشيت.

[_دربيل_999]

س / لو قلت لك شروكي سبورت 2000 الواضح فيه النظافة يباع بـ 22500 وش رايك فيه ؟

ابو الفارس
صحيح السؤال غير موجه لي لكن بجاوب عليه والمعذرة

(يدلك على الخيل أثمانها)
بارك الله فيك..


الروقي

[أبو الفارس]

الغالي / الروقي
بالعاكس يالغالي الله يحيك , و تمون يالغالي , ويسعدني أنك جاويت .
لكن إذا صار خويك ضايع وما يدري عن الخيل , لأني بصراحة مالي في الجيوب , فما بالك يالمستعمل .

بس اللي فهمته إني أنحاش عن الشروكي .

ألف شكر يالغالي على عودتك هنا .

[_دربيل_999]

اخوي الله يحفظك انت شف مثيلاتها من الباترول والتويوتا موديل 2000 كم اسعارها..
ولك ان تحكم


بارك الله فيك..


الروقي

[مخاوي النادر]

السلام عليكم ورحمة الله وبركاته


عسى الله يرزقك يابو فارس


ونصيحه وانااخوك انحش عن الجيوب التماتيك وخاصه الموديلات القديمه 95 وتحت


واشروكي سياره قويه ومافيها كلام بس تاخذه وكاله بس والمستعمل اصحى توطوط عنده ويعيبه قطع غياره غاليه جدا جدا ياكلك اكل

حاول كل يوم تأخذ جوله في المعارض بإذن الله بتحصلك سياره نظيفه على قد قروشك انت اسعى بس


ولااوصيك بصلاة الاستخارة قبل كل شي


وحط في بالك ..نيسان...اوتايوتا


اركد ولا تستعجل


والله يوفقك

[راعي المجهم]

25 ألف تجيب لك ربع تويوتا 98 حليييييو

يشيل عزبتك وخوياك

[أبو الفارس]

أخي / مخاوي النادر
فعلاً الركادة مطلب , و المشكلة عملي قلق أطلع منعمي ما أشوف الطريق , ولا يصير فيه وقت إني افر في المعارض إلا إن كان الخميس والجمعة .
والأهم الاستخارة , جزاك الله خير على النصيحة الطيبة .

أخي / راعي المجهم
25 ألف , مع النيسان يالله تجيب شيء زين . لكن الله ييسر الأمور .

شاكر لكم مروركم الطيب .

[hamido]

اوافق اخوي دربيل -999 الا من ناحية قطع الغيار فالشروكي من 91 الى 2002 ارحم مليون مره من قطعه وحده بالتيوتا ولا النيسان يعني تبي مثال
كمبرسر باترول يجيبلك مكينه كامله لشروكي

سلف باترول يجيبلك قير كامل
انا ياخوي جربت الشروكي الين دخت ومر علي شروكيين الاول اخذته على رفاله وكرته وكسر مخباتي باول 6 شهور تقريبا 8000 ريال لاني فقعت مكينته ( طبعا الخطاء مني قعدت اتفتف به مسافة تقريبا 15 كيلو ) تقولي ليش ؟؟؟؟ كنت حاط مصفي بخاخات ومير اصفي المكينه بعد انشق تحتيه كل الصوف قامت تهرب غيرتهن كلهن وعلى دربي دزق وكلتش وفحمه وايضا كان الموتر مجلود جلد الى انه متشعر بديه كله حتى السمكه الي بين البابين انكسرت فقررت اصلحه اكل علي ممكن 1000 ريال وبعدين وزنت الكارونه وغير التلاقيط من مراوح وخلافه ( هذا باول 6 شهور ) بعدين عافت نفسي الموتر وبعته بعده ماش حنيت للشروكي بس هذي المرهكان على حسن دبره شريت واحد وكرفت وجلدته ورحت عليه الصمان ما قال اح الا مره دخلت بشعيب الين دخل الما مع الدريشه خخخخخ بعده بس انفقع الباكم وانشعر القزوز وبعته بنفس مشتراه وبخرابه
وبعين فتح الله علي وشري باترول ربع 2002 كرفته سنه عن عشر ماخرب علي الا سلفه وما لقيته الا 1200 واشري ياباني ب300
بعدين شريت 98 والا الحين معي ماغيرتله الا جلد بدي ب800 الطقم من غير شغلهن <<< الزبده
لاتشري الا نضيف سواء شروكي او باترول اتويوتا لان الياباني مابه ملح اذا طاح

[أبو الفارس]

أخي / hamido
أشكرك يالغالي على سرد تجربتك , ميزنك أنك جربت السيارتين , وعرفت وش الفرق بينهم .
أما بالنسبة للنظافة أنا أقولك :
شروكي 2000 م نظيف ما يتعدى 23000
نيسان باترول 92م نظيف مرة وصل 33000 تخيل ! ولا باع . و 97م يقال أنه نظيف ب 30000

يعني الموديل والقوة في الشروكي مطلب , والنيسان فيه السمعه والآمان .

وتزداد الحيرة بعد تعليقك على الموضوع .

شاكر لك مرورك يالغالي .

[K.S.A.A]

اخوي دربيل 999 والله شكلك حااااااااااقد على الشوركي حقد عظيييييييييم . بس حلوه يدلك على السلع أثمانها
هههههههههههههههههههههه

انا مجرب الثنين ولله الحمد . اول جربت الشروكي والحين معي سفاري 99 صالون
بصراحه كل واحد فيه ميزه , وكل واحد له أيجابيات وسلبيات
الشروكي موتر يعطيك على الكيف قوة وخفة نفس ولايصرف بنزين . بس ماله امان . وانا بصراحه أشوف الأخوان يبالغون بعطالاته وأسعارها
انا فريت الصناعيه القديمه بالرياض فر وسعر عن كل القطع حقت الشروكي .
حصلت المكينه بالقير ب 2200 او 2500 الباكم ب300 ريال ,, الكمبرسر ب500 ريال . وغيره وغيره وبصراحه القطع حقته متوسطة السعر أرخص من التويوتا بس يستهلكها

وحاليا مع النيسان الله يكفيني شره دعواتكم ياأخوان . موتر على الكيف فيه شرب البنزين بس . والرجه بالدركسون بس
اما الباقي فهو يعبر عن نفسه ..
واتمنى التواصل مع أخوي hamido لبعض النقاشات .


شكلنا دوخنا أبو الفارس بالنصائح,
وحنا أذا مافزعنا لأبو الفارس لمن نفزع ,,
تقلبلوا تعليقي بصدر رحب ..

[أبو الفارس]

أخي الغالي / K.S.A.A

يشهد الله أني في قمة الحيرة , الأفكار توديني يمين ويسار , وخصوصاً أني ما قد شريت جيب قبل كذا , أهل الشروكي يمدحونه , وأهل النسيان يمدحون النيسان , وكذلك أهل التويوتا .

ومن ناحية أسعار قطع الشروكي , بصراحة أنا بعد السؤال وكلامك تفاجأت أن قطعه رخيصة بل إنها رخيصة جداً بالمقارنة بقطع السيارات الثانية (أنا معي سوناتا تعتبر أسعار قطعها نار بالنسبة للشروكي) .

والله يبارك لك في النيسان و يطعمك من خيره .

أما من ناحية أنكم دوختني في هذي صدقت :) , والله أني محتار وخصوصاً إن فيه رجال حاد علي شروكي 2000 من النظافة يقول أجدد من الوكالة (ما شاء الله) بـ 26500 , وأنا أقول غالي بالحيل .

الله يبيض وجهك يا أبو سعد , وأبرك الساعات اللي أشوف ردك وردود الأخوان هنا .

[K.S.A.A]

تسلم يابو الوليد الله يعطيك العافيه
وربي يرزقك بسياره تطيب خاطرك

بس الشروكي اللي تقول غاااااااااالي .