استفسار عن كفرات البالون الجديده

[خالدالقنص]

السلام عليكم ورحمة الله

إخواني في واحد من الشباب قالي

ان في كفرات جديده بالون اسمها سيم تاير

ويمدح فيها والحين بالسوق الوحده 800 ريال

من سمع عنها يااخوان وهل في احد جربها

يقول جت كميه قليله وخلصت

وش فرقها عن البالون اللي نعرفه التيواني

الله لايهينكم

[مواسي الطعوس]

لي موضوع سابق عن كفرات البالون كلها مميزاتها وسلبياتها .....ومن ضمنها سيام تاير .
((كفرات البالون ....الاستخدام السليم ))

[خالدالقنص]

حياك اخوي
بس مالقيت موضوعك

ياليت تعطينا الرابط
واذا احد مجربهم

[ابوصالح77]

هلا بك أخوي
سيام تاير موجودة من زمان لكن مو منتشرة مثل ابوجمل لغلاء سعرها
وكان سعرها الموسم الماضي يتراوح بين ( 550 - 650 )
والحقيقة ما جربتها لكن اللي جربها يمدحونها
والأكثر يجيبونها من قطر
وفي هالسعر(800) غالي بلحيل ما أنصحك تشتريها
خذ ماكسس ورصص مضبوط كويس ورخيص
تقبل مروري

[قرم العيال]

اعوذ بالله وصل 800 ريال الواحد !!

خابره ما بين 500 و 600 يزيد وينقص ..

ولكن الي يشريه بـ 800 هو الي ينقص عقله !!

مرده 6 شهور ومخلص مهما كان نوعه ..

[مكشات وبس]

ماكسس وانا اخوك اسال مجرب وخل الهوا على 18 في الديره وفي البر لا تغير الهوا وممتازه جداً

[خالدالقنص]

لاهنتم يااخوان

طيب وش اللي يخلي سعره غالي كذا

ماكسس غيبه انه اذا طولت وانت تمشي على الزفلت يتأكل بسرعه

اما سيام تاير ماادري عنها

هل هي نفسه او لا

بعدين ماكسس الان بـ 420 ريال

ماادري وش طيره

[التعـ King ـديل]

افضل كفر حتى الان ماكسس التايواني وهذا نادر بالسوق الان وغالبا تلاقيه تاريخ 2009

استخدمته سنه وبعت الموتر والكفر مثل الجديد سيام تاير الاصلي ماعاد يجي ومنقطع من اربع سنوات

اللي جاي الحين تجميع وغالي .. مايسوى التالي من الغنم .. ماكسس 8 غاط ورصص عند المجد وانساه

[آلجنيدي]

آلسلآم عليكم
آخوي يقولك آلمثل [الي مآيعرفك مآيثمنك]... وسيآم تآير مآحد جرِبه لنه غآلي بآلحيل
لكـن مآلك آلآ آلمـــــــآكس بس آلله آلله بآلترصيص آلزين :D:D:D

[famr55]

فيه افضل من الماكسس بكثير .. الماكسس رجه موجان بالازفلت المبطن يتأكل بسرعه . وجهة نظري

اسمه مالون نايلون 16 - 900 8 غاط فرق معي كثير عن الماكسس

منتاز بالحيل غير متوفر بالقصيم متوفر بالرياض سعره تقريباً 570 ريال قبل شهر مشتريه

[ونش]

اشوف الاخوان ما احد جاب طاري البالون من شركه مشلان ممتاز جدا لدرجه اني اشوفه مركب على الطائرات المدنيه وتعرفون الكرف الي يجي الطائرات والسرعه

[فارس العيون]

انا مجرب السيام تاير على موترين ..

الصراحه لاتقولي مالون ولا ماكسس..

لارجه ولا تأكل وصبور ياله لك الحمد لكن يعيبه سعره الغالي شووي

واللي يبي 2008 مستعمل فيه اكثر من نص عمر يراسلن على الخاص

[الكونترولCONTROL]

لي موضوع سابق عن كفرات البالون كلها مميزاتها وسلبياتها .....ومن ضمنها سيام تاير .
((كفرات البالون ....الاستخدام السليم ))

مع الشكر ..... لعله هذا :

اذا ركبت كفرات البالون لاتنسى هذه التوصيات...للاستخدام السليم (http://www.mekshat.com/vb/showthread.php?t=142176)