يـ أهل [ الباترول ] فزعتكم ..

[ضيغم تميم]

سلام عليكم ورحمة الله وبركاته




هذا اول موضوع لي صراحه وماسجلت في المنتدى الا يوم شفت التفاعل فيه صراحه واي استفسارات نحصله بالمنتدى ..



الموضوع :


انا عندي باترول 1992 خليجي وبالاخص قطري صآلون
كان توماتيك ومحول عادي من صاحبه اللي قبل


انا ركبت عليه مراوح كهرب وواجهت مشاكل من ركبتهم
لدرجه انو غيرت الدينمو مرتين ..
مع العلم ان المراوح لها فاصل عندي مو حساس ..
وقآلو لي ركب دينمو باترول جديد وركبته ولا فاده
ورجعت نفس المشكله ..
والحين فكيتهم ..وبرضو غيرت الدينمو


ولا عرفت وش السبب للحين ؟؟
إذا فيه احد مر بالحاله ذي يفيدنا الله يجزاه خير



وفكرت اركب هدرز مع أسلاك بواجي رياضيه
وبواجي اعتقد على حسب ماسمعت



وهل يفيد الهدرز والأسلاك ولا لا ؟؟
ووين احصل الأسلاك البواجي الرياضيه
هل فيه محل معروف يبيعهن ؟؟ بالقصيم او الرياض؟


وهل فيه حلول للباترول
من دون ترهيم المكينه والخرابيط من أنو ارفع من عزمه ؟؟



أتمنى الإفاده الله يجزاكم خير

[_دربيل_999]

ياهلا وغلا فيك اخونا ضيغم تميم..

اخوي ضيغم هذا انت تشتكي من تغيير بسيط في المراوح..
مابالك في التغييرات الأخرى اللي ذكرتها...

السيارة اذا حصل فيها تغيير عن طع شركتها اكيد بتواجه مشاكل..

ليش
لأن الترهيم بحد ذاته عبث غير مفيد..
المراوح اللي انت ركبتها شيء مؤكد انها اعطت جهد عالي يتسبب في عطل الدينمو..
ركب للمراوح كتاوت ليقلل من الجهد على الدينمو...أو رجع سيارتك شد بلد وريح رأسك..
واقدم لك نصيحة اخوية البواجي الرياضية والهدرز وغيرها لو فيها خير بادرت الشركة المصنعة بتوفيرها في السيارة...

حتى وان جاك واحد يمدح لك التغييرات او الترهيمات فبكل صراحة هي بداية النهاية والسريعة للسيارة..

بارك الله فيك..


الروقي

[ضيغم تميم]

هلا بك أخوي الروقي
أخوي أنا مركب عند واحد
عارف للشغله
ومركب كتاوت وكل شي
وحتى عرضت المشكله على
واحد مركب مراوح على باترول
واسستغرب

وبالنسبه تقولي ارجع موتري وكاله
الله يصبرن على عزمه بس


اسعدني مرورك ..

[سفاري959]

اخوي كنت مركبها على باترول 92 جلس اكثر من سنه معي ولا اشتكيت من الدينمو ابد ولله الحمد اكيد عندك مشكله هي اللي تخرب عليك الدينمو رح لورشه محمد التركي ابو صالح في الصناعيه القديمه بالرياض متخصص باترول وان شاء الله راح تنحل مشكلتك وهذا رقمه بع اذن الاداره 0504118191 ولا تنسانا من صالح دعواتك

[مواسي الطعوس]

عزم الموتر عندك ضعيف من الكوارين ....لازم تركب كوارين قير عادي وان حصل كوارين فتك 2002م وطالع فخذها ولاتشاور احد .

** اللي يخرب الدينمو : يمكن المراوح اذا شبكت تطول اكثر من نصف دقيقه وهذا غلط ....المفروض ترفع درجة حرارة الحساس بحيث تشبك وقت قصير ثم تفصل.

** اللي يقول الهدرز يضر اقول له فيه سيارات تجي شبه هدرز مثل الهايلكس ..وعندك الاف جي تجي دبته رياضيه لكن صوتها يزعج اللي يركب خلف .والشركات تحاول تكتم الكنداسه علشان
1/ مايصير صوتها مزعج .
2/ المواصفات الجديده تجبرهم على الكتم الزائد ...يقولون محافظه على البيئه .

[ضيغم تميم]

الله يجزاكم خير ع الافآده ..
بس آبي أسلاك البواجي اللي يقولون
وين آحصلهآ ؟؟
وهل هي مضره للموتر ؟

[يريور عيمان]

رجع مراوح الشركة و تنحل مشكلتك
البواجي و الاسلاك ما تعطيك عزم و قوة حتى ما تحس فيه
انت فقط جدد البواجي ببواجي الشركة و الاسلاك بأسلاك الشركة كنوع من التجديد
و لا تعبث بالموتر و لا ترهم اشياء
ففعلا لو كان لها فايدة كانت الشركة المصنعة ركبته من زمان

[ضيغم تميم]

يعطيكم العافيه

وإذا فيه احد عنده فوائد لايبخل علينا