تجربتي مع ورشة سوافي ( تحذير ... تحذير )

[Black Night]

الموضوع الاصلي كتب بواسطتي في منتديات البرية بإسم خيال الشقراء



السلام عليكم ورحمة الله وبركاته ...


اليوم كانت تجربتي مع ورشة سوافي التي اثبتت لي نظرية ان نسبة كبيره من شبابنا وللاسف اذا نجح واشتهر وفتح الله باب رزقه تنكر للعملاء وبدت بضاعته تخرب وبدى يجيب اردى الصناعات لانه ضمن الزباين

انا سمعت عن ورشة سوافي الكثير والكثير وكل من سالته وش رايك وين اركب البطاريات الاضافيه قالي سوافي اتصلت على احد الشباب يعرف مكانها ودلني عليها وهي بمخرج 18 تتجه شرق واول ماتنزل من الكبري ادخل اول دخله يمين بعدين ثاني دخله يمين وبعدين يجيك جامع ادخل بعده يسار تجيك الورشه في وجهك وللامانه الرجال حذرني وقال ترى مايمدحون اسلوب راعي الورشه في التعامل وقطعهم صارت كلها صينيه ومن الصيني الردئ بعد

دخلت الورشه لقيت احد الاخوان الظاهر انه من دولة الكويت سالته وين صاحب الورشه قال العامل يقول شوي وبيجي رحت اخلص لي شغله عند الحداد ورجعت دخلت الورشه وكنت واقف عند سياره واشوف رجال قبالي ماكان موجود يوم اجي المره الاولى قاللي بالحرف ( وش عندك ) عرفت انه راعي الورشه لكن استغربت من الاسلوب قربت منه ومعي الكتالوج حقهم قلت انا بركب بطاريه اضافيه ومحول ولمبات كبوت واحتمال اركب ماطور هواء بس بغيت استفسر عن القطع اللي تركبونها وش صناعتها نظر لي نظرة استغراب وقال ( القطع ! تسال عن القطع ؟ ) قلت انا ايه بعرف وش صناعتها ؟ ( قال انت يوم انك تسال عن القطع تعرف لها ؟ ) قلت انا ايه اعرف لها ( قال لا بس بعرف انت تفهم بالقطع ولا بس جاي مسوي فاهم ؟ ) قلت ايه اعرف لها وانا ماجيت ادقق وراك لكن من حقي اعرف وش بتحط بموتري وانا رجال بدفع فلوس على هالقطع ومن حقي اسال قال ( من حقك تسأل ؟ تبين اعلمك انا وش احط ؟ ) قلت ايه مو تقول من حقي اسال جاوبني ( قال ايه من حقك تسال ومن حقي بعد ما اجاوبك !!! ) قلت ادفع فلوس وتشتغل بسيارتي ولا تبين اعرف وش تركب به قال ( تعال شف القطع دامك تعرف تعال تعال ...) رحت معه لغرفة المعدات قال ( وش تبي تعرف ؟) قلت المحول قال ( شف هذا كرتونه اقره ) اشوف الكرتون فاضي ومافيه المحول قلت المحول ماهو فيه علشان اشوفه قال بلهجة استهتار ( اقرا الكرتون مو تقول تعرف تقرا ؟ اقره وتعال اقرى شف هاذي الاسلاك اقراها وهاذي الكتاوت تعال اقراها وهاذي المسامير بعد اقراها ) حطيت الكرتون من يدي وقلت له تستهتر انت ؟ قال ( قال ايه استهتر واستهتر 10 مرات بعد ....... ) بعدها صار كلام قدركم وقدر المنتدى ارفع من اني اذكره .


والشهاده لله اني لم اتقول على لسانه اي كلام وان ماقلته هو ماحصل بالظبط وانا لا اكن لهم اي حسد او حقد ابدا وانا اتمنى ان اجد من يناقض كلامي حتى لا اتهم الرجل ولكن هذا ماحصل لي وكلام صاحبي عن سوء تعامل صاحب الورشه طلع صحيح 100% ولا اعلم عن القطع لكن هم يستخدمون بطارية باقادر مقاس 90 والمحول تايواني نسيت اسم شركته واشوف الغطاء البلاستيكي الواقي لاصابع البطاريه عليه كتابة سوافي فالظاهر ان الرجال له مصنع هناك بالصين او ماشابه.

وسوافي يستخدم اسلاك المنازل الترا وشاكلتها سؤال بسيط كيف ياسوافي تستخدم اسلاك حقت كهرباء منازل لتوصيل الأجهزة الكهربائية للسيارة .. ؟؟
كهرباء السيارة لابد كهرباء قوي وتوصيل صح وتحمل للحرارة
فليس السلك بوسط جدار وعوازل حتى تركب اسلاك الترا حقت البيت

والموضوع يطول لو اشرح نوع النحاس الي لابد يركب بكهرباء وتوصيلات السيارة
وانه لابد يكون ناعم وكل ماكان ناعم وصافي كان اكثر سلامة وافضل في توصيل الكهرباء صح
واذا تبي النحاس الي صح ناعم وكثيف اضرب لك مثال بـ اشتراك السنيدي الجديد
ياشيخ لو تقوم به تريله قومتها به صافي وناعم جدا وكثيف

ولكن خذ هاذي عني عن ثقه من الربع شب موتر اخوه بسبت توصيلات وتجهيز سوافي
وهذا قريب قبل سنه تقريبا من اليوم شب الموتر ويالله لحقوا عليه وطفوه توها شابه حول البطارية والكبوت
بسبب توصيلات سوافي السيئة واتصلت بنفسي على صاحب ورشة سوافي وقلت له عن الحادثه قال ايه صارت
ولا صارت كثير بس بكذا موتر وحنا الآن تلافينا هالعيب قلت غيرت اسلاكك قال لا قلت طيب كيف تلافيته .. ؟؟؟


والمشكله لا تتعدى انك راح تركب عنده القطع وتمشي لو احتجت لصيانه او تعديل او اي شي اعتقادي انك سوف تعاني المر لانك ستتعامل مع هذا الرجل مباشرة ومن هذا رده على زبون جديد يريد ان يدفع له فكيف سيكون تعامله مع من دفع وانتهى ؟!؟!؟؟

نقلت لكم هذه التجربه لنناقش قضية تسلط اصحاب العلامات التجاريه والخدمه الدريئه وانعدام خدمات مابعد البيع عند كثير منهم سواء سوافي او بادحمان وكيل بريموس او عبداللطيف جميل وتلاعبه وغيرهم من الوكلاء .

انتظر ردودكم وتعليقاتكم وتجاربكم

تحياتي لكم واعتذر عن الاطاله ...

[مفخرة فورد]

عليكم السلام ورحمة الله وبركاته

نقلت لكم هذه التجربه لنناقش قضية تسلط اصحاب العلامات التجاريه والخدمه الدريئه وانعدام خدمات مابعد البيع عند كثير منهم سواء سوافي او بادحمان وكيل بريموس او عبداللطيف جميل وتلاعبه وغيرهم من الوكلاء .
المشكلة تدري وين ؟ حنا شعب طيب واجد
حتى لو فيها نصب واستغلال وسوء معاملة - راح تلقانا طيبين :(
الله يعافينا ويعفوا عنا جميع

[ابو خالد 1992]

اخوي الاغلبية في المنتدى تمدحة وان كان فيه مشكلة فهي بسبب التكلفة العالية يمكن في الفترة الاخيرة صار الشغل كلة تجاري - من اردى الصناعات الصينية قليلة التكلفة على الموزع - ومثل ماتفضلت تجربتي مع ورشة سوافي التي اثبتت لي نظرية ان نسبة كبيره من شبابنا وللاسف اذا نجح واشتهر وفتح الله باب رزقه تنكر للعملاء وبدت بضاعته تخرب وبدى يجيب اردى الصناعات لانه ضمن الزباين
ولااخفيك كنت ناوي اجهو موتري عنده لاكن ربك ستر وشاكر لك اخي الكريم على التنبية واللي اشتغلو عنده بالفترة الاخيرة اكيد بيتحققون من شغلة ويفيدونا .

[الربذي]

وعليكم السلام اعوذ بالله انا ناوي امر عليه لان سمعته فوق بس دام هذي اخلاقه الوقحه بلاش منه
شكله مواصل مانام ولا فيه بلا ليه مايتحمل الاسئلة

[ابن عكاش]

كلامك واضح وبين انك حيادي
الله يهدينى واياه والمسلمين اجمعين
وبصراحه كثير من المحلات او الورش المشهوره بعد الشهره انحش عنهم لأنهم ماعاد يهمه كثرة الزاين او المحافظة على الزبون لكن همه المكسب وارفع في السعر والناس تجيك تركض
تقبل مروري لاهنت

[ابو حامد888]

والله اني ناوي اركب بطاريه ثانية عنده هالأيام لكن دام هذي علومه والقطع رديئة فعزالله هونت من التركيب ومحول على الطفايه ابرك لي واضمن

[الخادم]

اخوي
كل واحد يذكر ماواجهة
بالنسبة لي : فانا ركبت عنده لعدة سيارات لي و لااصدقاء لي
وكل شي تمام اخلاقة حلوة و شغلة ممتاز و قطعة الى الان ممتازة ماطور كهرباء و ماطور هواء ابو جمل و لمبات كبوت ( ولها الان اكثر من سنتين شغالة )
عدى
البطارية من نوع ردئ بعد شهرين غيرتها بعد العطل

[ابن سعيدان]

حياك الله أخي بلاك نايت

تبي الجد ،، انا اشتغلت عندهم منذ حوالي ثلاث سنوات واي شيء ابيه منهم كصيانة ما يقصرون
والمدير اللي تذمه كلمة حق ما جيت للورشه ولقيته إلا ويقلطني ويقهويني وعلمه
وبخصوص القطع
أنا ركبت عندهم المحول التايلندي وله 3 سنوات ولله الحمد ما اشتكيت منه ابد
الشيء الوحيد اللي يخرب مع الاستخدام هو الافياش
وغيرها 100/100

هذي وجهة نظري ـ وتحياتي لك وللجميع

[هاوي نفود]

أنا جربت سوافي والشغل حليو ( وسط )

وهذا خبري به من أكثر من 3 سنين

وأسلوبه الله يهديه شين مع الناس بشكل عام

والمشكله إن البعض يرى أن أسلوبه هذا بسبب إنه خبير ويعتبرونه دلاله على مهارته

وسالفة حرق السيارة الله يستر شكلي بشيل أسلاكه من الموتر

[هبــ حريملاااء ـبوب]

وعليكم السلام ورحمة الله وبركاته


حيااك الله اخوي وماااجور على النصيحه ..


ولكن الحكمه تقول ::


إذا بلغك عن أخيك الشيء تنكره
فالتمس له عذرا واحدا إلى سبعين عذرا ..
فإن أصبته .. وإلا .. قل لعل له عذرا لا أعرفه !


سبق وان قابلت الرجل وهو في الخمسين من العمر
وقد بدا لي ذو خلق ناصح قليل الكلااام وسمح ولا أزكي على الله تعالى أحد


وتم تجهيز موتري بالكامل بورشة سوافي
ولي تقريبا حول ثلاث سنوات لم أرى سوء او اختلاال بعملهم ولله الحمد ..


واعرف من الشباب من راجعهم للصيانه
وتم الترحيب بهم واصلاح ما يلزم ..


وبصراحه انا مستغرب ومتفاجيء من الموضوع ..!


والحقيقه لا أكذبك وبنفس الوقت لا أشك بسوافي
الا حين انظر بعيني واسمع بأذني ..


ونا مثلك لم أدفع هلله الا بعد الاطلاع
على كل صغيره وكبيره من عملهم ..


أري والرأي لك وللأخوان الاعضاء عدم التعجل بالحكم
وانتظار مزيد من الشكاوي في حين الحكم الغيبي
وعدم التمكن من معاينه العمل والقطع ..


حتى القاضي في المحكمة يطلب شاهدين ..
التريث مطلوب وأفضل


جزاك الله خير ومن يقرااا ..

[ابولولو]

شكرا لك اخوى راعى الموضوع ولهب اقصور وتكذيب بك هذا سالفتى انا معهم
وكلمت حق والله انى لى مده من سنه وشوى ماشفته
اشتغل لى مايقارب 5سنوات واكثر ولى عمر خرب لى شى باالسياره ولله الحمد والمنه
علما انى اشتغلت عنده اشياء كثيره وكذا موتر
من بطاريه
وماطور هواء
ولمبات كبوت وشنطه
وافياش كهرب داخلى
ومحول كهرب
العيب الى يشتكون منه بعض الزبائن انه غالى شوى
وانا مقتنع باسعارهم لشى واحد ان الشغل كهرب ولازم مااتهون فيه لانى بعض الزبائن يبى يوفر 300او400باالكهرب وبكره السياره شابه علشان توفير مبلغ بسيط لان الكهرب اللعب فيه خطير جدا وكم سياره احترقت بسبب اللعبث باالكهرب
وارسلت ولد عمى قبل مده حوالى اقل من سنه وركب كل شى عنده واشوف ولد عمى ويمدح شغله ومعاملته
وانا جيته كم مره قبل سنه وشوى ورجال محترم واسمه ابوعبدالله المنصور ولازم على ادخل المكتب وقهوانى وكان فيه زبائن مثلى جاين له من الزلفى واكرمهم ودخلهم باالمكتب وقهوهم ورجال ونعم والله هذا الى صار معى
والله لاتربطنى معه اى شى لاقريب ولا من بعيد كلمت حق محاسب عليه
وفيه ورشه تشتغل هاالشغلات للامانه تعاملت معها قبل العيد ونعم الناس والتقدير
الورشه موجدوده باالرياض بحي الربوه خلف اسواق المجد غرب واسعارهم جدا حلوه
راعى الورش اسعودى متواجدبنفسه على طوال واكثر عمالهم هنود واسمه ابوشهد 0505458182وهذا يدل انى لاتربطنى مع راعى ورشه سوافى اى صله يوم حطيت ورشه ثانيه والرزق من الله سبحانه وتعاله
حفظك المولى

[برهان1]

والله مدري بس الواحد المفروض يحمد ربه ولا يتمرد على رزقه وانا الاحظ ربعنا اذا فتح الله عليه يكلم الناس بطرف خشمه كأنهم يطرونه ولكن صدقني مثل ما اسلوبه جذب الناس فهو بطريقته هذي بينحش الناس عنه

[Black Night]

اخوي ددسن 2008 ولايهونون الاخوان انا لم احكم على الرجال من اول مره واكثر من 5 اشخاص اكدوا لي هالشي واعرف واحد يعرفه معرفه شخصيه ظحك يوم قلت له السالفه وقال ايه هو هذا هو طبعه واسلوبه وللمعلوميه الورشه فيها 2 سعوديين يمكن يكون حظي طحت باللي الناس تسبه تراه اسمراني وعوارض ومتوسط الطول اقرب للقصر

وبالنسبه لتسليكاتهم وشغهلم مع احترامي الشديد لك ولكافة الاعضاء اللي يمدحونه اللي له خبره بالاسلاك والكهرباء راح يعرف ان بضاعته سياحيه

وفي منتدى البريه الان اكثر من واحد كتبوا انه مواترهم احترقت او الاسلاك ذابت ولحقوا مواترهم قبل لا تعتلق



واتمنى منك اخي او اي احد مركب عند سوافي مر لك اقرب ورشة كهربائيه للسيارات واساله عن هالاسلاك وش رايهه فيها واتركه يحكم هو ؟

والله هو حسبي ونعم الوكيل والله من وراء القصد من تنزيل هذا الموضوع اني اردت احذر المسلمين من غشه وكون سياره وحده احترقت هذا بحد ذاته مشكله كبيره

[مجرد وسم]

بعض شبابنا الله يهديه لاشبع فسق

[البتار2011]

ما دام انه فيه سيارة او سيارتين احترقت ...انحش منه ...يمكن انا اكون الثالث او الثاني ...واذا كان اي شخص اسلوبه خايس والله ما اركب ولا اشتغل عنده لو اموت ....فلوسي في جيبي ...وبضاعته عنده ..

[صيادالجبيل]

اي سيارة بينحط فيها سلك كبير وقوي راح تكون عاقبتة وخيمة لأنة لو صار التماس هذا السلك يضغط على الاسلاك الضعيفة المشبوك فيها وبتشب نار اذا كان مافية فيوز

[بيق مان]

انا جربت الورشة منذ ما يقارب الثلاثة اشهر وشغلهم ممتاز بكل تجرد وتقابلت مع الرجل
"ابوعبدالله"
اذا كان هو المقصود
وهو رجل فاضل متزن وقور وصادق في تعامله وفي غنى عني وعنك ان شاء الله.
وقد يكون اسلوبك اخي العزيز قد استفزه.

[عبون الجواء]

بصراحة ما ازيد عن كلام الاخوان ولكن الله يهدي ابو عبدالله عصبي شوى في اسلوبه وتعامله
ولكن انا عن نفسي امزح شغلهم ركبت عندهم بطارية ولمبة الكبوت فقط

[فيصل التميمي]

اشكرك اخوي على النصيحة
ومدام ان الناس تشكي منه وفيه سيارات احترقت فاماهوب لازم نوصل بطارية اضافية او نشبك لمبات ثابته

[مخاوي الليل1]

السلام عليكم ورحمة الله وبركاته

كثير مايشكون من ارتفاع الاسعار

وسو المعامله ولا هو افضل مافي السوق

بالعكس اسؤى مافي السوق هو

وكلامي عن تجربه

والي بالصناعيه

اكثر من 10 سنوات





اخـــــــــوكـ


مخاويـ الليلـ

[كوع نملة]

الله يجزاك خير

كنت ناويه هالخميس لكن ندور غيرة بعد كلامك

[ابو صقر 111]

انا ما اعرف في هذه الأمور ولكن ربما كثرة الأسئلة تضايق الفنيين بسبب كثرة الزبائن فلو يتلطف لكل قادم ويجيب عن جميع الأستفسارات لاعتبر موظف استقبال اكثر من كونه فنيا 0 فأحيانا الزبون يكون مستفزا ويسمع مالا يرضيه 00 لذا فالمسألة قد تكون فردية 00هذه وجهة نظر قد تكون مصيبة وقد تكون خاطئة وأنا لا اقصد صاحب الموضوع ولكنها ملاحظة عامة وشكرا

[ابوصالح77]

السلام عليكم ورحمة الله وبركاته
يا إخوان أرجو أنكم ما تتعرضون للرجال بعينه وتدخلون في باب الغيبة والنميمة
خلونا من تعامله
أهم شيء شغل الورشه هو يستاهل عليه العلم
في إعتقادي أن المشاكل الكهربائية ، تنحصر في سببين :
1- من الورشات : بسبب عدم الجودة ، والتكتم الزايد (مصنعية أو سر المهنة أو الخبرة)
2- بسببنا : أعتذر على هالألفاظ السوقية مقدماً
ندربي الدميجة بأي مكان نروح له ، وما نسأل عن التفاصيل ، ليش ؟ عشان خاطر راعي الورشة يزعل
أليس من حقي كعميل أسأل ؟ لكن بعض أصحاب الورشات هداه الله يعتبرها ( سر المهنة)
الله أكبر رأس مالها دقمة ومحول وسلك وكلبسات وفواصل بيصنع نووي
وأنا لا أعترض على سر المهنة أو الخبرة لكن المبالغة الزايدة فيها ما يصلح ، وسر المهنة تكون في معالجة خلل معين أما شيء مكشوف ومعروف فإدعاء سر المهنة مهزلة
عموماً أكد على معرفة طريقة التسليك في السيارة حتى لو قبست تعر كيف تتصرف بشكل سليم
واللي تقدر عليه إشتغل بيدك ( إخششنوا فإن النعمة لن تدوم )
تقبلوا مروري

[راعي المستوي]

اخواني بالنسبة لتركيب بطارية اضافية انصحكم بجهاز مثيل لحهاز رفيق الدرب وهو موجود في الـ eby و الامزووون
وعند رفيق الدرب بـ 290 وعندهم كيبل بطاريات 16 ملي اسود و احمر
فقط يبقى حداد يركب لكم قاعدة للبطارية

[الصمان 2]

الله يعطيك العافية على النصيحة .


.

[MSAHMM]

السلام عليكم ورحمة الله وبركاته


اخي الكريم لا اكذبك ولا اصدقك ولا اعرف ورشة سوافي اصلان ولاتعاملت معها لكن كلمة حق احببت ان اقولها

اسمع الكثير عن ورشة سوافي وشغلهم مضبوط وناس تتكلم عن غلاء سعره وناس تمدح وقليل ماشفت ناس تذم شغله وموضوعك هذا اغلبه عاطفي من خلال ماوجهت من اسلوب تعامل وهذا ليس بمبرر ان تكون ردة الفعل بهذه الطريقة وافراد مواضيع في المنتديات للتحريض لمقاطعته

فقطع الرزق بلاء عظيم وكل من يشارك بكلمة او بتحريض ستتحملها انت فالدال على الخير كفاعله

لو كنت مظلوم افضل ان ابات يومي وانا ظالم


" يَاأَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا
عَلَى مَا فَعَلْتُمْ نَادِمِينَ "

[تميمي 1414]

الا على طاري سوافي مانوع محول الكهرباء الي يستخدمه

[قطب 999]

اعذر الرجال ما تعلم كيف وضعه يمكن صاير عليه شي من بلاوي الدنيا رفعت ضغطه وانت صرت في فوهة المدفع وجاك منه ماجاك

[أبو الحارث 4]

السلام عليكم
أخي صاحب الموضوع: سوافي ليس بحاجة تزكيتي ولا تزكيتك،
الماء إذغ بلغ قلتين لم يحمل الخبث،
جهزت سيارتي الجيب من 3سنوات وبعتها ولم أشتك من شي سوى الفيش غيره لي مجانا
ثم اشتريت سيارة أخرى وجهزتها عنده وتمام ،
بقي أن صاحبها أبا عبد الله قليل الكلام ،
والمدير الفني هو الهندي فيروز،
أما تعامل أبي عبد الله معي طيب بالحيل، هذا رأيي،

[rpk]

ابو عبدالله ونعم الرجل كرم وشهامه وتعاملت معه منذ ثلاث سنوات رجال ونعم وشغله لو مهب زين او فيه مشكله يغيره لك بكل طيبه نفس ويعلم الله انه لا تربطني به لا صداقه ولا معرفه بس كلمه الحق تقال للمعلوميه المحل مهب له له شريك قصيمي بس كيف اخلاقه الله اعلم يمكن انت طحت فيه لانه نادر ما يتواجد في الورشه

[alqassimy]

والله الصدق يقال الرجال فعلا تعامله سئ الى ابعد درجه

لاكن انت وحظك في اثنين واحد اقشر والثاني حبيييب مره

انا الحمد لله طحت بالحبيب وضبطت موتري عندهم قبل شهر

واللي تقول انه شب موترهم هذولا اللي مركبين نظام اشتراك

بين البطاريتين وهو الان ماعاد يسويه

الله يهديه انشاء الله

[واطي الجمرة]

محول على الطفايه ابرك لي واضمن

[WRWRWR]

المشكله هذا رزقه
واهم شي احترام الزباين
واعتقد مايضر صاحب السوافي انه يشرح لزبون واذا هو مو رايق لزبون يوكل احد يستقبل الزباين
لان الزبون دايم له الحق

لان طلوعه من الله ثم الزباين

[مفخرة فورد]

السلام عليكم والله يمسيكم بالخير
ياشباب الحديث بشكل عام عن سلوك الوكلاء وأصحاب الورش يكون أفضل
يعني التعامل السيء هذا علاجه ايش ؟
وايش اللي يخليهم يتصرفوا مع العملاء بهالشكل ؟
وكيف التصرف لضمان الحق وتعديل هالسلوك ؟

لعلنا نتفق على شيء من صالحنا
والله يغفر لنا ولكم جميع

[ولد وايل]

سوافي عيبه شي واحد كيابل الكهربها يوصلها ببعض
لانه يتحسف عليها

بخصوص كهربا المنازل عادي من البطاريه الاسبير الى المحول
انا مشتغلها بيدي والان سنه ولله الحمد ممتازه

بس سوافي يبخل على نفسه بالاسلاك الجديده وماخذ حقها وافي

[مواسي الطعوس]

انا ماعرف الورشه ولا صاحبها لكن عندي كلمتين اقولها :

1/ 95% من اللي تكلموا كلهم يقولون قبل 3 سنوات يمكن الامور الان تغيرت .

2/ اللي يمدحونه نتمنى ينقلون له ان سمعته رايح تتدهور اذا تعامله تغير مع الناس (من باب النصيحه)لانه بفعله هذا رايح يتوجهون الناس لغيره ....وكثير تغيروا وتركوهم الناس .

[احساس الصمت]

نعم صحيح الشخص متقلب المزاج مرة حبيب ومرة سئ لأبعد الحدود
حصل لي موقف معاه قبل خمس سنوات كلمته بالتيلفون أسأله عن بعض الحاجات
ورفع صوته وقفل السماعه بوجهي وكلمته بعدها مباشرة وتلاقطت معه بالكلام وقلت له
إذا مااحترمت نفسك أجيك بالورشه أعلمك الإحترام بعدها قام يتعذر لي عن اللي صار كله
وطاح اللي براسي والا والله العظيم اني ناوي أضرب له مشوار من شمال الرياض علشان
أتفاهم معه لسوء أخلاقه
والموقف الآخر مغاير تماماً حيث أني رحت له بالورشه واستقبلني إستقبال حافل وقلطني
عنده في المجلس وخذ سوالف من بعد صلاة العصر حتى صلاة المغرب والوقت كان صيف


زبدة الكلام ان الرجل متقلب المزاج وماتعرف له وجه
نسأل الله له الهدايه والرزق المباح

[العاذر]

انا ماعرف الورشه ولا صاحبها لكن عندي كلمتين اقولها :
1/ 95% من اللي تكلموا كلهم يقولون قبل 3 سنوات يمكن الامور الان تغيرت .
2/ اللي يمدحونه نتمنى ينقلون له ان سمعته رايح تتدهور اذا تعامله تغير مع الناس (من باب النصيحه)لانه بفعله هذا رايح يتوجهون الناس لغيره ....وكثير تغيروا وتركوهم الناس .
هذا الكلام السليم
من يقدر يوصله الرسالة ؟؟
وله أجر ..

[ابوعبدالله 22]

بالنسبة لي ..

الكلام هذا قبل 5 سنوات ركبت عندهم بطارية اضافية وتمديدات ثلاجة .. وكان فيه هندي كهربائي ممتاز اسمه على ماذكر فيروز .

ويوم جيت استلم السيارة جاني صاحب الورشة بابتسامة وكان ولد شباب في الثلاثين تقريبا .. وسألني اذا فيه اي ملاحظات على الشغل .. واذا واجهك اي شئ راجعنا الورشة ورشتك .

الحق كان تعاملهم وشغلهم ممتاز .. لكن يلحطون في ظهرك من الاسعار لحط غير طبيعي

ممكن الان تغيرت الامور .. مادري ؟؟

[دله وفنجال]

السلام عليكم...


ياجماعه الله يستر .. الحقيقه كثير الي يشتكون منه ..

لي صديق شغال بلخطوط السعوديه .. يذكرلي الورشه وان راعيها معه في الدوام ..

قلتله توسطلنا عنده خله ينزلنا في السعر شوي .. التفت علي وقال يارجال عساك سالم ..

الرجال ماتعرفله !!!؟؟ ما ادري وش يقصد ؟؟؟ ...

لاكن فيه شباب افضل منه وشغلهم ادق واحسن بمراحل من سوافي وكذالك الدفع الرباعي .. تلقاهم في ( ورشة الصبي ) في حي الربوه - الرياض - شارع الامير متعب ( الاربعين ) بجوار محلات ياسلام ( ابو ريالين )...

الشهاده لله شغلهم نظيف وممتاز وانفس حلوه لو تبيه معك الى الصبح وهو يشرح ماعنده مانع ...

والله يهدي الجميع ويصلح الحال ...

[كاشت وحداني]

طيب يمكن الشخص اللي يمدحونه الشباب غير اللي قابلك اخوي بلاك لايت .
ويمكن صاحبها المحترم اللي يمدحونه الشباب باعها او اجرها اوشئ من هالقبيل .

[أطلال نجد]

من أعطي حظه من الرفق فقد أعطي حظه من الخير ومن حرم حظه من الرفق ؛ فقد حرم حظه من الخير .
وأثقل شيء في ميزان المؤمن يوم القيامة حسن الخلق ، وأن الله ليبغض الفاحش البذيء
الراوي: أبو الدرداء المحدث: الألباني - المصدر: صحيح الأدب المفرد

والله لو أن شغله أحلى شغل وهذا أسلوبه وطريقة تعامله مع الناس ما أشتغلت عنده حتى لو كان رخيص
والورش الزينة ما فيه أكثر منها سواء بالرياض أو غيرها

شكراً لك

[دل البحار]

تسلم على التحذير تحياتي

[خشم الرثمه]

ياخوي...انا مركب عندهم بطاريه اضافيه من سنتين...

ولا أشكي..من أي مشكله وكل شئ على مايرام...

على أني أستخدمها في البر بشكل أسبوعي تقريبا...

فقط.. غيرت البطارية من كم شهر...

لكن.. أنت رحت للمحل وتسأل عن صاحب المحل..تبي تناسبه:D

يعني..لو باخذ شاورما أو بفصل ثوب أو باخذ خبز من الفرن...

(( لازم أقابل صاحب المحل )):p

[SuLTaN.M]

الحق يقال
ثنين من العيال توهم مركبين عنده بطاريه اضافيه وتوابعها وتمديدات كامله

اللمبات الجانبيه شغلها لك عليه غير اللي غيرته لهم في البر لأنها تعطلت وهي جديده

تمديد ايكوم واحد من المواتر من بعد الشغل بيومين غيرت فيوز له وكل شي جديد مدري وش اللي حرق الفيوز

الدقمه للبطاريه الإضافيه صغيره ميب المعروفه للبطاريات الأضافيه المذكوره انها حقت جمس
حاط دقمة فورد والله اعلم

السعر غالي والمواد لك عليها


هذا اللي مر علي من شغل سوافي

[توفيق البلوي]

هذا علاجه يا اخوان
كل واحد يجيه ويقعد يقل ادبه معه يمحط به بالعقال والله غير يعرف ان الله حق

طريقه مجربه وممتازه بالحيل

[السلمان2010]

وفيه ورشه تشتغل هاالشغلات للامانه تعاملت معها قبل العيد ونعم الناس والتقدير [/SIZE]
الورشه موجدوده باالرياض بحي الربوه خلف اسواق المجد غرب واسعارهم جدا حلوه
راعى الورش اسعودى متواجدبنفسه على طوال واكثر عمالهم هنود واسمه ابوشهد 0505458182وهذا يدل انى لاتربطنى مع راعى ورشه سوافى اى صله يوم حطيت ورشه ثانيه والرزق من الله سبحانه وتعاله
حفظك المولى
وانا مجربهم تراهم :good2:

[بساط احمدي]

يا خي مع ليش انت والاخوان

سؤال :

كيف شب موتر خويك مدري اخوك قدامك مثل ما تقول من سوافي ثم رحت لمه بعد فتره تبي تشتغل عنده ؟

انا اتعامل مع ابو عبدالله من سنين ووالله ما وجت منه الا كل خير ومحبه وصفاء ونصح واحسان

وبالنسبه للقطع فهي اصليييييييييييه الا بعض الكماليات المكمله فقط ....

واتمنى الجواب على استفساري !!

[مطحن]

ههههههههههه
جاي يشكي عينه مفقوعه
شوفوا الثاني لا تصير عيونه كله مفقعه
القصة وردت من طرف واحد

[صلفان.نجد]

في بداية الامر كان شغلهم تمام , ولو انهم غالين شوي , والان وبعد ان انتشر صداهم قاموا برفع الاسعار مع رداءة القطع!!.

[لاند93]

بيض الله وجهك ..

وانا كنت جازم اني اركب بطاريه اضافيه عنده بس يوم شفت سالفتك واسلووبه الوقح وقلت الادب هونت ..

الله يبعدك عن كل نصاب و طماع وعن كل شر ..

لاهنت يالغلا..

[عاشق المخيله]

ولازالت القائمة طويلة.....من هذه الاشكال

[هبــ حريملاااء ـبوب]

لا حول ولا قوة الا بالله ..


عز الله ان الكثير اغتاب الرجل ولم يقف على عين الحقيقه بشيء


يا اخواان اتقوا الله لا احد يحط بذمته شي


وهو ما شاف ولا تأكد ترا الموت نتقه !


وتذكروا الآيه الكريمه
فوق مربع المشاركه وش تقول


*=== (( ما يلفظ من قول إلا لديه رقيب عتيد )) ===*




.



.



.

[a7la1]

بسم الله الرحمن الرحيم
انا مع كاتب الموضوع
رحت بركب عندهم ولكن لسوء التعامل الغيت الفكره
كنك رايح تشحذ منهم
مع العلم ان الناس طاقه مشوار عشانهم
حتى السلام ما يردونه ولا يعطون احد وجه

[محمد الشمروخي]

الشباب اللي يمدحون الرجال كلهم مركبين قبل ثلاث او اربع سنين
الرجال يتكلم عنه بعد ما فسق بالنعمه وطمع
ياخي شف تعامل السيف اللي يركب هدرز ببريدة عقب ما شبع فسق
وشف تعامله زفت مثل وجهة

[* ضب *]

انا مريت سوافي قبل ثلاث سنوات وحصل معي نفس ما حصل معك تقريباً

كانوا اثنين في المكتب يمكن شركاء واحد منهم يمكن معه جائزة نوبل للاختراع من طريقة كلامة واستهتاره

قلت لخوية الثاني هذا يبخرب عليك الزباين وطلعت من عندهم الى يومك ما طبيت عليهم وكل من ذكرهم حذرته منهم

اولاً غير صادق معك ولا يعطيك العلم الصحيح
ثانياً متغطرس
ثالثاً غالى

[ابوصالح 322]

والله اللي سمعته ان شغلهم جيد
لكن ما تعاملت معه في شغل او تعامل والله اعلم
وماقصرت ياخوي ومافيك شك بس انا اتكلم عن شوف عيني

تقبل مروري,,,

[عبدالرحمن السالم]

ياخي والله تنرفزت، اعجووبه والله هذا وانت ابن بلده اجل شلون الاجنبي ؟!
شف البديل يالغالي وخلك منهم ، انا والله ماجيتهم ولا اعرفهم ولا ابى اجيهم
ولا ابى اقطع رزقهم بس كل شى وله بديل

موفق خير يالغالي

[Bader-M]

اكثر الاشخاص الذين تعاملوا معه يمدحونة ويثنون علية

تصرف الشخص معاك بهذا الطريقة اعتقد أن (نفسيته) كانت متعبة وهذا الشي وارد من الجميع

يجب علينا حسن الظن (بشكل معقول)
يعني لو ترجع له بعد كم يوم تقول ما دار بينكما صدقني سوف يعتذر لك وربما يركب لك بطارية بمجان عربون اعتذار

تحياتي اليك

[You Like Me]

انا والله ماحصل لي تعامل معاه ولا اتمنى اتعامل معاه
لكن للأمانه كثير من المواضيع اللي قرأتها واكييد مريتو عليها
من اكثر من سنه وإحنا نقرأ في المنتديات عن سوء أخلاق ومعامله صاحب سوافي
ما وقفت على هذا الموضوع لو بحثتو في مكشات المواضيع كثير
واغلبها كلهم يشتكون من اسلوب صاحب الورشة
مدام البديل موجود وش لي بخساسه سوافي وقله الادب
حتى لو مافيه بديل والله لو اقوم كل 10 دقائق واشغل السياره عشان ما تنتهي البطارية
ابرك من اني اتعامل مع هالاشكال

[haso]

ما طار طير وارتفع الا كما طار وقع مشكله

[قصمي]

ياخوان اتركو الحلات الشاذه يمكن اللي كنت اتكلم انت ويه يمكن مدوب مهوب رعي الورشه او انه يمثل عليك

[السومر]

بصراحه انا من اسمه ما اعجبني ( سوافي )

ويوم ذكروا لي تكلفة ما يركبه من شغلات زاد صدي عنه

ولكن بالنسبه لتركيب بطاريه اضافيه

فيه مواضيع في المنتدى تغنيك عن الورش وتسويها بنفسك

اخوي مشكور على الموضوع

[عااشق نفود]

حسبي الله عليه كنت ناوي اروح له بس الحيت هونت

[كريزي نت]

وانا انا اشتغت عندهم قبل 6 شهور شغل ولا احلى منه بس اسلوبه مهوب زين بالحيل وانا قلت اهم شئ الشغل اسلوبه لنفسه ماعلي منه والحين ناوي اروح اشتغل عندهم لأني شريت سياره غيرها لكن دامك تقول ان بضاعته صارت تجاريه وصينيه بلاش منه لكن وش البديل ابي نفس الشغلات الي يركبونها ...؟ اتمنى احد يدلني على محل ممتاز .. ولكم جزيل الشكر ,,,

[ابو ســــاره]

انا جيتهم سوافي قبل سنة ونصف وشفت زحمة سيارات عندهم والشغل بمواعيد. وبدون كثر كلام شفت الاسلاك والقطع المستخدمة وما عجبني الشغل بعدها اتجهت الي مركز الدفع الرباعي شفت شغلهم احسن شوي وما عليهم زحمة وما عجبني بعض القطع مثل السويتشات وسلك الثلاجة جبتها بنفسي وما عندهم مانع مع خصم بسيط .
طبعاً الشغلة مكونة من اربع اشياء رئيسية البطارية والدقمة وعلبة الفيوزات والاسلاك . في سوافي وباقي الورش يستخدمون علبة فيوزات تايوان مخصصة لنوع من السيارات بينما في ورشة الدفع الرباعي وجدت علبة فيوزامريكية مخصصة لهذا النوع من الترهيم وفيها فيوز كبير ثانوي بعد الفيوز الرئيسية .
وطبعاً اغلا من سوافي بشي بسيط .

[تبريزة]

بصراحه يا اخوان اكثر من مره سمعت عن نفسيته الخايسه

واللي يقول انه يمكن هذاك اليوم معصب ،، اذا هو معصب يقعد في بيته لا يجي يتلفظ على خلق الله ،، بكرا يطيح له بواحد اعصب منه ثمن يمسح به بلاط الورشه ،، وماتسوى عليه تركيب هالبطاريات

ومن ناحية الشغل ،، كل اللي اعرفهم ومشتغلين من مده اكثر من سنتين وطالع شغلهم جدا ممتاز ،، لكن اللي مشتغلين عندهم خلال الفتره الحاليه ماادري عنهم

[نجم الصداوي]

كنت ناوي أركب عنده بعض الحاجيات .. ودام هذي أخلاقه فعلا..ويستهزأ بك ..لا والله يعقب..
..
..نصيحة يالسوافي ونحن معك ..بتذكر حديث ( رحم الله امرأ سمحا إذا باع ..

[vxr99]

غالبية ما نسمع المدح في بدايه المشروع التجاري ثم بعد فتره ياتيك الذم
والسبب اما طمع التاجر او ارتفاع اسعار المواد فيحاول التاجر ما يرفع الاسعار على الزبائن
عن طريق خفض التكاليف ويطيح في هالمشكله زي ما تشوفون

[ساهر اليل2010]

للاسف هذا حالنا عند الشهره ماندري انا نخرب اللي بنيناه بسنه نهدمه بدقايق
وتحياتي

[ريثان القصيم]

الموضوع الاصلي كتب بواسطتي في منتديات البرية بإسم خيال الشقراء

شكر الله توضيحك


السلام عليكم ورحمة الله وبركاته ...

وعليك السلام ورحمة الله وبركاته


اليوم كانت تجربتي مع ورشة سوافي التي اثبتت لي نظرية ان نسبة كبيره من شبابنا وللاسف اذا نجح واشتهر وفتح الله باب رزقه تنكر للعملاء وبدت بضاعته تخرب وبدى يجيب اردى الصناعات لانه ضمن الزباين
نعم صحيح لانه الوصول للقمه سهل ولكن المحافظه فوق القمه مستحيل وهذي هي الدنيا



انا سمعت عن ورشة سوافي الكثير والكثير
ولكنك لم تقرأ عنه كل شيء

وكل من سالته وش رايك وين اركب البطاريات الاضافيه قالي سوافي
لانه لايوجد منافس له في كل شي الا في بعض الشغلات

اتصلت على احد الشباب يعرف مكانها ودلني عليها وهي بمخرج 18 تتجه شرق واول ماتنزل من الكبري ادخل اول دخله يمين بعدين ثاني دخله يمين وبعدين يجيك جامع ادخل بعده يسار تجيك الورشه في وجهك
تسمى صناعية الفوزان

وللامانه الرجال حذرني وقال ترى مايمدحون اسلوب راعي الورشه في التعامل وقطعهم صارت كلها صينيه ومن الصيني الردئ بعد
يعني ان خويك لم يتعامل معه شخصيا وهذا سند ضعيف في النقل

دخلت الورشه لقيت احد الاخوان الظاهر انه من دولة الكويت
هذا دليل على ان سمعته وصلت دول اخرى

سالته وين صاحب الورشه قال العامل يقول شوي وبيجي
بين من كلامك اول مره بحياتك تدخل الورشه والافضل انك تعمل جوله تفحصيه حول عدد العاملين
وعدد السيارات وقرات بعض الكروت الخضر المدون فيها التجهيزات حتى تطمئن في البدايه

ورجعت دخلت الورشه وكنت واقف عند سياره واشوف رجال قبالي ماكان موجود يوم اجي المره الاولى قاللي بالحرف ( وش عندك؟ )
كان قلت له السلام عليكم ورحمة الله وبركاته لان السلام يؤلف القلوب

عرفت انه راعي الورشه لكن استغربت من الاسلوب
بلا والله من كثر الزباين اللي يسألون ويكاسرون بالسعر عند استلام السياره

قربت منه ومعي الكتالوج حقهم
قلت- انا بركب 1-بطاريه اضافيه 2-ومحول 3-ولمبات كبوت 4-واحتمال اركب ماطور هواء
بس بغيت استفسر عن القطع اللي تركبونها وش صناعتها؟ نظر لي نظرة استغراب

وقال- ( القطع ! تسال عن القطع ؟ )
قلت- انا ايه بعرف وش صناعتها ؟
قال- انت يوم انك تسال عن القطع تعرف لها ؟
قلت- انا ايه اعرف لها
قال- لا بس بعرف انت تفهم بالقطع ولا بس جاي مسوي فاهم ؟ )
قلت- ايه اعرف لها وانا ماجيت ادقق وراك لكن من حقي اعرف وش بتحط بموتري وانا رجال بدفع فلوس على هالقطع ومن حقي اسال
قال- ( من حقك تسأل ؟ تبين اعلمك انا وش احط ؟
قلت- ايه مو تقول من حقي اسال؟ جاوبني
قال- ايه من حقك تسال ومن حقي بعد ما اجاوبك !!!
قلت- ادفع فلوس وتشتغل بسيارتي ولا تبين اعرف وش تركب به
قال - تعال شف القطع دامك تعرف تعال تعال ... رحت معه لغرفة المعدات
قال - وش تبي تعرف ؟
قلت- المحول
قال - شف هذا كرتونه اقره .. اشوف الكرتون فاضي ومافيه المحول
قلت- المحول ماهو فيه علشان اشوفه
قال- بلهجة استهتار ( اقرا الكرتون مو تقول تعرف تقرا ؟ اقره وتعال اقرى شف هاذي الاسلاك اقراها وهاذي الكتاوت تعال اقراها وهاذي المسامير بعد اقراها ) حطيت الكرتون من يدي
وقلت- له تستهتر انت ؟ قال ( قال ايه استهتر واستهتر 10 مرات بعد ....... ) بعدها صار كلام قدركم وقدر المنتدى ارفع من اني اذكره .
مع احترامي لك واسلوب اسئلتك واحترامي له واسلوب اجوبته بدون تعليق لان الحوار بينك وبينه لايرقى لسمعتكما

والشهاده لله
والله خير الشاهدين سبحانه
اني لم اتقول على لسانه اي كلام وان ماقلته هو ماحصل بالظبط
قال صلى الله عليه وسلم(ان كان فيه ماتقول فقط اغتبته وان لم يكن فيه ما تقول فقط بهته)

وانا لا اكن لهم اي حسد او حقد ابدا
ان شاء الله انك صادق

وانا اتمنى ان اجد من يناقض كلامي حتى لا اتهم الرجل
عنوان موضوعك شيء وحوارك مع الرجال شيء اخر

ولكن هذا ماحصل لي وكلام صاحبي عن سوء تعامل صاحب الورشه طلع صحيح 100%
لو انك بمكان الرجل هل ستكون على خلق واحد طوال هذه السنوات؟

ولا اعلم عن القطع لكن هم يستخدمون بطارية باقادر مقاس 90
اسمها روكت كوريه الصنع ما يمدحونها بائعو البطاريات

والمحول تايواني نسيت اسم شركته
لايعني ان التايواني سيء الصنع

واشوف الغطاء البلاستيكي الواقي لاصابع البطاريه عليه كتابة سوافي
لابد من وضع دعايه لحفظ اسمه

فالظاهر ان الرجال له مصنع هناك بالصين او ماشابه
والله لو هو ساكو او ماشابه


وسوافي يستخدم اسلاك المنازل الترا
هل تأكدت من كهربائين اخريين لتثبت ماتقول

وشاكلتها سؤال بسيط كيف ياسوافي تستخدم اسلاك حقت كهرباء منازل لتوصيل الأجهزة الكهربائية للسيارة .. ؟؟
تجد الاجابه من بقية الاعضاء ان شأ الله

كهرباء السيارة لابد كهرباء قوي وتوصيل صح وتحمل للحرارة
فليس السلك بوسط جدار وعوازل حتى تركب اسلاك الترا حقت البيت
وجهة نظرك ورأي يعبر عن شخصك الكريم

وانه لابد يكون ناعم وكل ماكان ناعم وصافي كان اكثر سلامة وافضل في توصيل الكهرباء صح
واذا تبي النحاس الي صح ناعم وكثيف اضرب لك مثال بـ اشتراك السنيدي الجديد
ياشيخ لو تقوم به تريله قومتها به صافي وناعم جدا وكثيف
تعقيب وكلام طيب وواضح

ولكن خذ هاذي عني عن ثقه من الربع شب موتر اخوه بسبت توصيلات وتجهيز سوافي
وهذا قريب قبل سنه تقريبا من اليوم شب الموتر ويالله لحقوا عليه وطفوه توها شابه حول البطارية والكبوت
ياليت انك مزود الموضوع بالصور حتى ينتبه الاعضاء


واتصلت بنفسي على صاحب ورشة سوافي
وقلت- له عن الحادثه
قال- ايه صارت
هذا يدل على مصداقية الرجل ويحسب الاتصال ضدك

ولا صارت كثير بس بكذا موتر
اخوي لو فيه صور نكون لك شاكرين


والمشكله لا تتعدى انك راح تركب عنده القطع وتمشي لو احتجت لصيانه او تعديل او اي شي اعتقادي انك سوف تعاني المر لانك ستتعامل مع هذا الرجل مباشرة ومن هذا رده على زبون جديد يريد ان يدفع له فكيف سيكون تعامله مع من دفع وانتهى ؟!؟!؟؟
ننتظر رد المجربين بنفس الطريقه فهم خير دليل


نقلت لكم هذه التجربه لنناقش قضية تسلط اصحاب العلامات التجاريه والخدمه الدريئه وانعدام خدمات مابعد البيع عند كثير منهم سواء سوافي او بادحمان وكيل بريموس او عبداللطيف جميل وتلاعبه وغيرهم من الوكلاء .
الله يعطينا من خيرهم ويكفينا شرهم

...
_____________________________________

ريثان القصيم

[درباس فرناس]

يا أخوان العدل قامت عليه السماوات والأرض
ولاينبغي أن نسمع من طرف ولانسمع من الطرف الأخر ولنتذكر قصة نبي الله داود عندما عاتبه الله على سماعه من أحد الخصوم وبادر بالحكم قبل السماع من الخصم الآخر بقوله لقد ظلمك بسؤال نعجتك الى نعاجه ...... الآيه
لذلك ياليت من يعرف صاحب الورشة أن يذكر له مانشر هنا ونسمع منه رده على كل ماذكر
والله يوفق الجميع لكل مايحب ويرضى

[العاذر]

اعتقد الرمايه هي البديل وسمعتهم طيبه

واشكرك على التنبيه جزاك الله خير

[ابن سعيدان]

الحكم على الشخص غير............

والحكم على الشغل غير ..........

وأنت ياراعي الموضوع خلطت شعبان مع رمضان

عموما البديل موجود وكل واحد كراهمه في مخباته ، وعقله معه ....

[راعي هدد 2007]

والله العضيم انك صادق صادق صادق
انا جيته وتهاوشه معه بس الله يسامحه
انحدينا عليه من كثر مدح الناس له
بس لقينا الى ازين منه ارتحنا
وفيه ناس جوه من برى الرياض ولا مدحو تعامله واكرر انت صادق

[النمر الكحلي]

يا اخوان يوجد في المحل اثنين واحد شين واخلاقة والعياذ بالله حتى في الاسعار اغلى والمعاملة سيئة جدا جدا ( لا احد يروح له ) والثاني بوعبدالله ملتحي والله والنعم من رجال سمح جدا ونصوح انا من الشرقية وركبت عند بوعبدالله عدة سيارات والله والحمد لله ماشفت منه الا كل خير وطيبه حتى لوخرب عندي اي شي وجيته بعد سنوات ونزل عنده شي جديد يركبه لي ولا ياخذ قيمته ( ياخذ قيمة تركيب فقط ) وللعم انا مركب عنده لسيارات الشباب من 5 سنوات والحمد لله كلها تمام

[عبدالله الضويان]

اخوي انا عندي حاجه في كلامك حيرتني يمكن انا ما فهمتها
انت تقول ان فيه اثنين من اقربائك او ربعك شبت سياراتهم بسبب التوصيلات اللي حاطينها سوافي قبل سنه
طيب يوم انك عارف ان ربعك شبت سياراتهم من سوافي ليه تروح يمهم الحين وربعك شابه سياراتهم
علما باني انا ركبت عندهم كل الشغلات لي اكثر من سنتين وما شفت منها اي مشكله ولله الحمد
وبالنسبه لاخلاق الرجل والله ما علي منه انا مانيب مناسبه اهم شي شغله حلو واخلاقه ترجع له
وبالنسبه للبطاريه هو يركب با قادر وهذي من افضل البطاريات رحت ابي اركب مثلها لقيت قيمتها 380 في الصناعيه القديمه

[عبدالله الضويان]

اخوي اتمنى انك تكون ما سجلت في المنتدى ىبس عشان تشوه سمعت الرجال وورشته لان بصراحه كلامك قوي عنه وانت مالك الا موضوع واحد ومشاركتين فقط في نفس الموضوع يعني كآنك ماسجلت الا عشان تذمه واتمنى ان هذا مايكون قصدك

[محمد بن سعيد]

الله يهديه إن شاء الله صاحب الورشه كثيرين يشتكون من تعامله

[الؤلؤي 2006]

اخوي
انا اشتغلت عنده ولي حوالي 4 شهور والموتر وضعه تمام
واذا انت تتكلم عن اسلوب واخلاق لا تحكم على الرجال من اول مره والتمس له العذر يمكن صادفت ذاك اليوم مزاجه معكر شوي وجت الطقه فوق راسك ههههه
بس عادي وسع صدرك بناهية انت ماراح تناسبه ولا تخاويه انت عندك له مصلحة وهي عمل وشغل بالسياره فقط
طال لما انه يضمن لك الشغل واي مشكله تواجه تراجعه ويظبطها لك انا بوجة نظري الموضوع منتهي
اخلاقه واسلوبه لنفسه
وجهة نظر احط فلوسي وسيارتي عند ابن البلد ولا احطها وادفع لواحد غيره
ودمت لنا بصحه وعافيه

[أبـو عــزام]

للاسف كثير من اصحاب الورشات اذا كسب الزبون صار شغله لك عليه .. وفيه امثله كثيرة ولكن لا اود ذكرها ؟؟

[سعيدالليل]

وعليكم السلام ورحمة الله وبركاته عز الله ان لسانك نظيف ولا فيه اي غلط هذه الورشه راحلها ولد عمي قبل العيد ولم سئل الصناعه علي طوووول بدا يتنافخ صدقوني اتحدا اي واحد سئل عن الصناعه
الله ماشفناه عرفناه بالعقل
الواحد لـ شراء كنب يسئل وش الحشوه وش نوع القماش
هذه الورشه ادفع ولا تسئل
الله يوفقنا ويستر علي جميع المسلمين ويحفظهم من كل شر

[awod]

لله الحمد والمنة
انا جهزت سيارتي كااااامله بنفسي ولا احتجت لاحد بالمره
وهي شغلات جدا جدا بسيطة ولا تحتاج الى كل هالهيلمة .
عندي خلفية بسيطة بالكهلرباء ولكني مطلع على المواقع الاجنبية واستفسر منهم وعلى طول يردون علي بكل امانه.
وجهزت كذا سياره لبعض الاصدقاء والحمد لله.
ليش كل واحد ما يجرب بنفسه وتروها بسيطة جدا وممتعه.
تحياتي للجميع

[القوبعي]

يالربع حبيت اطرح تعليق
والله حنا شعب طيب وينلعب علينا بالراحه ومشكلتنا كلها رح لابو فلان وترى ابو فلان يعرف وابو بطيخ جيد
وقلوبنا طيبه نروح لهم
لكن صدقني انت يامواطن ياصالح تقدر تضبط سيارتك احسن من اف سوافي
اشتر بطاريتك اسلاكك الي تبيها وشغلاتك والرياض فيه الف كهربائي وقل يابو هنود ابيك تسوي كذا وكذا
على كيف كيفك
وصدقوني بتلقى الفرق عن سوافي وغير سوافي 100% في السعر
انا ووالله من واقع تجربه شخصيه ضبطت كهرباء وماكهرباء عندهم بحدود 1700 ريال مع بطاريه
شافها اخوي وضبطها بسيارته بتكلفه 900 ريال وافضل من شغلهم وتسليك افضل واقوى من تسليكهم
الفرق كم يااخواني ماهو سهل 800 ريال

لكن هذا عيبنا وعيب ابو فلان يسوي وانصحك في فلان
الحاجه ام الاختراع والكسلان والله ماياخذ من وقته كل الشغل يوم واحد باي محل كهرباء

[القوبعي]

مداخله للامانه وتكمله لردي السابق الرجال صاحب سوافي قابلته واخلاقه طيبه جداَ جداَ
رجل بمعنى الله احسبه والله حسيبه
ماشفت منه الا كل خيـر

[abofaten]

والله ان قوله الحق انا حصلي نفس المعامله وناقشته فالقطع والصيانة وكان رده جاف جداَ حتى اني اعطيته مقدمة اني ما ابغاه يراعيني بالمبلغ بس القطع تكون جيده قال هذا شغلنا تبي والا توكل على الله جاي تتفلسف ونفس شينه واسلوب مقزز عفت الشغلة كلها وتأسفت لذهابي له

[قناص*07]

والله ان ابو عبد الله صاحب الورشه ما يستاهل
رجال طييب ونصوح وابن حلال

[ابونورة15]

أنا طلعت من القصيم ومأخذ الوصف للورشة
والوصف اللي معي غير دقيق
وبحثت عن الرقم بالانترنت ودقيت عليه يوصف لي مكانه
الرجل حبيب ومتفاهم كل شوي أتصل عليه وأنا بالطريق
يمكن ثلاث مرات أو أكثرإلى أن وصلت للورشه

وصلنا للورشه كان معنا باترول 99 قلنا نبي تركب لنا
بطاريه إضافيه ولمبة كبوت وماطور هواء
وأعتذر قال ما أقدر تعالوا بعد عيد الأضحى عام1430
يعني هالكلام قبل سنه

قلنا له حنا عانين لك من القصيم لك
ويوم قلنا هالكلام
قال خلاص لكن يمكن يقعد يومين أو ثلاثه

وسلمناه الموتر حول الظهر قلنا ودنا إذا حصل نستلمه
بكرا المغرب لأن مامعنا سيارة غيره

وسألناه عن القطع وصناعاتهن لاننا ماعندنا خبره كافيه
دخلنا للمستودع وعلمنا عن الثلاجه فيه لها مواطير
ألماني أقل استهلاك كهرب

وتعمله كان جدا راقي ومحترم
ودخلنا المكتب وقهوانا

وقال تبون أوصلكم للشقه
شكرناه وقلنا الله يعافيك نأخذ تاكسي


وفيه أثنين من اصدقائي واحد مزين عنده كامل الموتر
والثاني مشتري الموتر2004 ومجهز مسبقا من سوافي

ـــــــــــــــــــــــــــــ
والنعم بأبو عبدالله

وكل المشكله علشان السعر غالي
ويوم انا عنده جاء له ناس من حائل ومن الدمام

[صقر أمه 506]

اخوي شي معروف عنه ابو عوارض
اخلاق زفت وشايف نفسه فوق العالم
جيت مره وحده لموتر واحد من الشباب
وهي الاولى والاخيره
تعامل زفت واسعار غاااليه فووق اللزوم ولا كأنه يصنع مكاين موب يركب بطاريه ولمبه

[عبد الله 99]

_____________________________________

ريثان القصيم
معليش اخوي اعذرني من اسلوبك تدافع عن السوافي كأنك شريك معه او انه موكلك
و انت الحين طبيت في الرجال ولا تأكدت من السوافي
و الامر الاخر زرت ورشتهم و بالفعل كان فيه اثنين سعوديين و اضن انهم شركاء
و واحد نفسيه و الثاني رجال و متواضع الا والله لزم علي بالقهوه و اعتذر عما بدر من زميله لا يحضرني اسمه و من كلامه تبين انهم كل يوم واحد يجي و اكرر والله ان الرجال يعتذر عن خويه يقول هذا اسلوبه
و اخوي ريثان لا تدافع عن شخص لا يدري عن مقصده .... من كبر او ظرف او اي شي
تقبل مروري

[ابونايف2001]

السلام عليكم
انا سمعت عن سوافي من الناس منهم يقول انه كويس ومنهم يقول انه موكويس طبعا كويس بقيمه التركيب ، لاكن مارحت عندة ورحت ركبت البطاريه الاضافيه ولمبتين في الكبوت ولمبتين في الشنطه ومحول كهرب وفيش قدام وفيش ورا وتمديد سلك زيادة 1400 ريال عند الرمايه الي بطريق القصيم بالرياض

[ابوسليمان99]

خير الكلام ما قل ودل

انا معك في ان صاحب الورشه نفسه في خشمه

تقل جاي تشحذ منه قروش الهنود ازين منه

الرازق الله سبحان الله العظيم

[ابن سعيدان]

اخوي اتمنى انك تكون ما سجلت في المنتدى ىبس عشان تشوه سمعت الرجال وورشته لان بصراحه كلامك قوي عنه وانت مالك الا موضوع واحد ومشاركتين فقط في نفس الموضوع يعني كآنك ماسجلت الا عشان تذمه واتمنى ان هذا مايكون قصدك



الغريب ان اكثر حديثي الاشتراك بالمنتدى يذمون
واغلبية القدماء واصحاب المشاركات الكثيرة يمدحون

هل الدعوة مؤامرة مثلا

[عبدالله الضويان]

الغريب ان اكثر حديثي الاشتراك بالمنتدى يذمون



واغلبية القدماء واصحاب المشاركات الكثيرة يمدحون



هل الدعوة مؤامرة مثلا


شف انا متاكد ان صاحب الموضوع مسجل عشان يشوه سمعة الرجال
والدعوى كلها حقد باتفاق هو وصاحب منتدى البريه لانهم زعلانين منه وفرحانين حسب مشاركاتهم في نفس الموضوع في البريه بانهم نشروا الشي هذا في اغلب المنتديات والغريب اللي انا استغربه من عنوان الموضوع انه تحذير من عضو ماله اي مشاركه غير الموضوع هذا والمشرفين في مكشات مافيه احد علق
وسبحان الله الرازق في السماء والحاسد في الارض والرزق بيد الله موهب عند عباده
وفيه حاجه مهمه جدا لو صاحب الموضوع جاد ويهمه النصيحه بجد مهب القصد التشويه كان فعلا نصح ويقول انتبهو للقطع اللي تركبه الورشه تراها صينيه او مقلده او غيره ما يحتاج يسب في الرجال ويصفه بوصف مايليق بالمسلم انه يتحدث فيه
لاكن ربك ما يخلي احد يمهل ولا يهمل

[شبابها]

..سأكتب ما أدين به الله عز وجل..

أنا لست أحمق أردد ما يقوله الناس ولا بعاطفي أنغر بكتابة فلان أو فلان

ولكن لن أقول إلا ما شاهدت

والله يا إخوان إني أتعامل مع هذا الرجل من أكثر من 5 سنوات اللي هو أبو عبد الله وكما سماه البعض ( أبو عوارض ) !

ويعلم الله اني لم أجد منه إلا أخلاقا طيبة وكرما وحسن استقبال (صح ان الرجال هااادي مهوب يطير بك ويهلي ويرحب لكن يضيفك ويحترمك ويرد على أي سؤال تسأله )

وما عرفت عنه يوما ( الأخلاق الزفت ) اللي ذكرها الكاتب

وبعدين يا إخوان اتقوا الله أنتم تحسبون هذا نصح ؟! هذي والله غيبة

فضلا عمن هو إمعه يردد ما يكتب ويسب وهو لم يقف على الأمر بعينه فهذا بهتان

الرجل والله لا تربطني به أي علاقة سوى التعامل معه بهذه الورشة

وما دفعني إلى هذا الكلام إلا قول الحق والذب عن عرض المسلم

ويعلم الله انه الآن بجانبي أحد الزملاء اتصل به شخص من أصدقائه وقال له اكتب رد في الموضوع وسب سوافي !!!

أعوذ بالله ألهذا الحد بلغ الحقد !

ولكن زميلي ولله الحمد عاقل قال له وليش أسبه ؟! قال انه سوى معي وسوى وأساء التعامل , قاله زميلي أنا ما سوى معي اللي تقول علشان أسبه .

لذلك أنصح الاخوان بعدم التسرع في الردود , والتثبت فالأمر ليس بالسهل تكتب حرفين وتمشي , ستسأل عما تكتب .

صح ان الرجال سعره غالي والأفياش بعد فتره لازم تغيرها , وهذا أمر بسيط .

بل بالعكس الكهربائي حقه فيروز قمة في الأخلاق حتى بالتلفون تكلمه وتسأله ويجاوبك

أنا طولت ولكن اسمحو لي كلمة حق يجب قولها

[ابن سعيدان]

الأخ شبابها
أنت
:good2::good2::good2::good2:

[bb5599]

صحيح كلامك ...انا صلحت عندهم سيارتين شغلهم القديم مضبوط ...لكن اللي يبغى يروح عندهم ينصى على طول العامل فيروز..فهو الكل بالكل بالورشة واخلاقه عالية جدا..للتوضيح فقط..

[aljde40]

اخوي

كل واحد يذكر ماواجهة
بالنسبة لي : فانا ركبت عنده لعدة سيارات لي و لااصدقاء لي
وكل شي تمام اخلاقة حلوة و شغلة ممتاز و قطعة الى الان ممتازة ماطور كهرباء و ماطور هواء ابو جمل و لمبات كبوت ( ولها الان اكثر من سنتين شغالة )
عدى

البطارية من نوع ردئ بعد شهرين غيرتها بعد العطل



حياك الله أخي بلاك نايت

تبي الجد ،، انا اشتغلت عندهم منذ حوالي ثلاث سنوات واي شيء ابيه منهم كصيانة ما يقصرون
والمدير اللي تذمه كلمة حق ما جيت للورشه ولقيته إلا ويقلطني ويقهويني وعلمه
وبخصوص القطع
أنا ركبت عندهم المحول التايلندي وله 3 سنوات ولله الحمد ما اشتكيت منه ابد
الشيء الوحيد اللي يخرب مع الاستخدام هو الافياش
وغيرها 100/100

هذي وجهة نظري ـ وتحياتي لك وللجميع

نفس الكلام الحقيقة معاملته معي ومع كل من أرسلته له يمدحونه ، والحقيقة ودك ماتستعجل بالتحذير يمكن الرجال في ذيك اللحظة عنده ظرف أو شئ آخر جعله يرد عليك بهذا الرد .

[aljde40]

..سأكتب ما أدين به الله عز وجل..



أنا لست أحمق أردد ما يقوله الناس ولا بعاطفي أنغر بكتابة فلان أو فلان


ولكن لن أقول إلا ما شاهدت


والله يا إخوان إني أتعامل مع هذا الرجل من أكثر من 5 سنوات اللي هو أبو عبد الله وكما سماه البعض ( أبو عوارض ) !


ويعلم الله اني لم أجد منه إلا أخلاقا طيبة وكرما وحسن استقبال (صح ان الرجال هااادي مهوب يطير بك ويهلي ويرحب لكن يضيفك ويحترمك ويرد على أي سؤال تسأله )


وما عرفت عنه يوما ( الأخلاق الزفت ) اللي ذكرها الكاتب


وبعدين يا إخوان اتقوا الله أنتم تحسبون هذا نصح ؟! هذي والله غيبة


فضلا عمن هو إمعه يردد ما يكتب ويسب وهو لم يقف على الأمر بعينه فهذا بهتان


الرجل والله لا تربطني به أي علاقة سوى التعامل معه بهذه الورشة


وما دفعني إلى هذا الكلام إلا قول الحق والذب عن عرض المسلم


ويعلم الله انه الآن بجانبي أحد الزملاء اتصل به شخص من أصدقائه وقال له اكتب رد في الموضوع وسب سوافي !!!


أعوذ بالله ألهذا الحد بلغ الحقد !


ولكن زميلي ولله الحمد عاقل قال له وليش أسبه ؟! قال انه سوى معي وسوى وأساء التعامل , قاله زميلي أنا ما سوى معي اللي تقول علشان أسبه .


لذلك أنصح الاخوان بعدم التسرع في الردود , والتثبت فالأمر ليس بالسهل تكتب حرفين وتمشي , ستسأل عما تكتب .


صح ان الرجال سعره غالي والأفياش بعد فتره لازم تغيرها , وهذا أمر بسيط .


بل بالعكس الكهربائي حقه فيروز قمة في الأخلاق حتى بالتلفون تكلمه وتسأله ويجاوبك



أنا طولت ولكن اسمحو لي كلمة حق يجب قولها


هذا الكلام الصحيح ، ورجائنا من ادارة منتدانا الغالي عدم السماح بالكتابة ضد أشخاص معروفين تجريحا وقدحا من اناس مجهولين دون تثبت .

[هوايتي مكشات]

يمكن بلحظة غصب يمكن جايه احد ورافع ضغطه ماتدري

[محمد بن سعيد]

والله انا اتعامل مع الدفع الرباعي وممتازين وشغل نظيف ما شاء الله تبارك الله

[aljde40]

والله انا اتعامل مع الدفع الرباعي وممتازين وشغل نظيف ما شاء الله تبارك الله

وش دخل الرد بالموضوع ؟؟؟؟؟؟؟؟؟؟

[ابن سعيدان]

هذا الكلام الصحيح ، ورجائنا من ادارة منتدانا الغالي عدم السماح بالكتابة ضد أشخاص معروفين تجريحا وقدحا من اناس مجهولين دون تثبت .


صوتنا مع صوتك
ويا إدارة نفذي لطفاً طلبنا

[تموز]

["]سلام عليكم
من واقع تجربتي ركبت التجهيزات في ورشه في الربوه شارع متعب بن عبدالعزيز وقارنا شغله بسوافي وجدت انه ارخص من سوافي وافضل والله اعلم وان شاء الله اني ماقصدت دعايه لهم ويعلم الله اني مااعرفهم مثال لجودة العمل ==كرسي البطاريه== علبة زيت الدركسون مركبه باتقان ولاتتحرك
والله يجزاهم خير كلهم

[أطلال نجد]

المحلات والورش الزينة كثيرة ومنتشرة للي بيسأل ويدور
مشكلة الكثير منا يمشي على السمعة دائماً حتى لو كانت الورشة تمحط بالسعر أو أن أدواتها غير أصليه أو أن أسلوب راعي الورشة غير محترم
نركب عنده ونقول هذا يستاهل لأنه معروف من زمآن و فلان وفلان مركبين عنده !
لدرجة أن بعض الناس يصفط 400 كيلو وربما أكثر عشان يركب فيش أو بطارية إضافية في محل معين !

[سرهيد]

السلام عليكم

مرحبا بالجميع

كلمة حق يجب ان اضعها هنا

زرت لورشة سوافي مرة من اجل تثبيت خزان الماء ، والحقيقة كان في استقبالي رجل سعودي يظهر فيه الحماس والحرص على التعامل بكل احترام لمن يأتي ، وهو الاخ الكريم ابو عبدالله اللي له دقن خفيف .

قلت السالفة عندي كذا وكذا ...

قال ابشر الامر سهل فكو الخزان اليوم الثاني علشان التركيب يدخلني في غرفة الضيافة وما غير قدوع وقهوة وشاي ، تقول كنك في بيتك ... دقايق الا السيارة خالصة

والى هذه اللحظة والخزان ضابط بعد تركيبهم ، لاني ركبته في ورشه ثانية الحقيقة تركيبهم ما ينفع ابدا

لذا احببت ان انقل الحقيقة عن هذه الورشة

صحيح الاسعار مرتفعه عن غيره ... لكن الحقيقة كل من ركب عندهم من ربعي يمدح ويثني واخرهم رفيق لي مركب ترهيمات شاص وجاء وركب مره ثانية للجمس وهذا يوضح ان عملهم جيد ...مع اني قلت له فيه ورشه اتعامل معها زينة ، قال انا مجرب شغلهم وجايز لي ..

ومن باب قول الحق احببت ان انقل ما حصل معي مع هذه الورشه وصاحبها وهو ابو عبدالله الله يبارك له ويوفقه .

تقبلوا احترامي

[خلاد الشرق]

بعد التحيه للاخوان
تنبيه مهم الورشه فيها 2 سعودين وكلهم يقال لهم ابوعبدالله
اما احدهم قيل لي انه ناشف وشديد بالاسعار
والحمد لله اني ماقبلته
اما الثاني الشهاده لله انه رجل ذوخلق وكريم وكما قال بعض الشباب انه يرحب ويقلطك بالمكتب
بل انه لما عرف اننا مسافرين وصلنا للشقه بنفسه
وماقصر بالسعر
وشغلهم ولله الحمد ممتاز واكثرمن خمس اشخاص اعرفهم جهزوا عنده اكثر من سياره مااشتكوا منه ولله الحمد
على العموم هذي تجربتي مع الرجال ومع الورشه ولا انسى العامل فيروز ناصح وخلوق
تحياتي للجميع

[سسته]

ياخي واحد من الربع مركب بطارية اضافية من عند الرماية وعليها ضمان سنه وكل القطع اصلية اصلية اصلية .... وله الحين سنتين وزود وما اشتكى من شي .... والضمان حقهم تغيير يعني خرب محول او شي يغيرونه بدون اي هواش او شي ... وازودك بعد ارخص بكثييييييييييييييييييييييييير من سوافي

هذي مشكلة المنتدى يجي واحد ويقول هذي الورشة احسن ورشة في التوانك والمدري وشو وتعاملهم طيبة ... ويجي الثاني يرد وانا اشهد وبس

ويطيرون الاعضاء اللي معه دراهم واللي مامعه ويروحون لم الورشة وياخذ دريهماتهم وبس ...

مكشات اصبح يضر الاعضاء اكثر من نفعهم بسبب الاعضاء انفسهم .

[كديان]

ياخوان احيانا تعامل الشخص يكون جفش خشن من الله سبحانه
و ذلك بناء على البيئة اللي تربى و عاش فيها من قديم سواء زبون او راعي ورشة
و
احيانا بعض الزباين تعامله مع صاحب الورشة قد يكون سيئ و قد يخيل ان تعامله مابه غلط
لذلك ما يكتشف عيبه و بالتالي يكون رد صاحب الورشة سيئ او بالمثل

رابط لشغل الكهربائي سليمان الخطيب

تركيب بطارية إضافية لشفر غمارة و نص م2005 =====> بالصور (سوبر Vtc) (http://www.mekshat.com/vb/showthread.php?t=289770)

[عبدالله الضويان]

اغلب اللي يذمه ما جرب شغله
واغلب اللي يمدحه جربوا شغله

[vx6]

يا شباب فيه ورشه بحي الربوه يشتغل كل هالشغلات ذي
والصراحه انا ما اشتغلت عنده بس اشوف ربعي يمدحون شغله بالحيل
وصف الورشة :

مخرج 15 اتجاه غرب - خلك بالخدمه -من عند الاشاره الاولى يمين - راح تجيك الورشة على اليمين بعد 500 متر تقريباُ - مقابل اتصالات الربوه

وياليت اللي مجربين شغله يذكرون لنا التجربه

[* ضب *]

اغلب اللي يذمه ما جرب شغله

واغلب اللي يمدحه جربوا شغله

بس الغريب ان 80% تقريباً من اللذين ردوا او علقوا على الموضوع اتفقو على ان المعاملة من صاحب الورشة ليست جيدة, وهذه نسبة كبيرة ,اذا بالفعل هنالك مشكلة في التعامل !!!!!!!!!!
وكان ينبغي لك مع الدفاع عنه (وهذا شئ جيد ) ان تنقل له تصور الناس عنه لكي يغير من طريقة تعامله مع الزبائن .

رحم الله امرءً اهدى الي عيوبي
والمؤمن مرآة اخيه

[ALBDRANE]

من ناحيتي ما يطري علي أسوي ترهيم للبطارية وشغلات الكهرب ... هذي الامور تحتاج خبراء في كهرباء السيارات مهوب ناس يتعلمون .

الا الي سيارته قرشوعه ولا عليها حسافه يخربط فيها على كيفه كل ما شاف نفسه فاضي والدريهمات زايده يقعد يخربط .
ولا وش الحاجه للبطاريه الأضافيه أذا كنت رجال تعرف السنع واذا كنت ما تعرف السنع للا تتعدى الاسفلت بخمسه كيلو ...!

ضبط أمورك وأعرف كيف تتعامل مع السيارة وتتعرف على البطاريه والتواريخ والمدة الأفتراضيه ومت تشغل السيارة الى صار عليه كبس مولع وكم يستهلك الكبس من الكهرب الخ ......

[المخلفي]

والله ياجماعه

لا تعاملت معه ولا شي بس اكثر الناس يمدحونه

وانا اقول ان كل اصحاب المحلات المعروفه اذا ضمنوا الزباين بدو يقللون الجوده

[غارب النملة]

هذي سوات البعض لا شبع بدل انه يحمد الله يقوم يتغطرس على الناس ياهب ياوجهه

[ابونبيل]

هذا وانا كنت ابي اروح له

بس دامه كذا عزالله انه مايستاهل

[خضر الماء]

هذي سوات البعض لا شبع بدل انه يحمد الله يقوم يتغطرس على الناس ياهب ياوجهه

يا غارب النمله وش له ترفع الموضوع وهو من سنه !!! بس من شان تسب !!

وليه ما تتعض من توقيعك لعلك تنفع نفسك


عليك بتقوى الله ان كنت غافلاَ َ * يأتيك الأرزاق من حيث لاتدري

فكيف تخاف الفقر واللــــه رازقاَ َ * فقد رزق الطير والحوت في البحر

ومن ظن أن الرزق يأ تي بقوة * ماأكل العصفور شيئا من النسري

تزود من الدنيا فأنك لا تدري * ا ذا جن الليل هل تعيش الى الفجري

[عبدالرحمن الحربي]

عن نفسي وأنا ما أعرفك يا بلاك نايت لكن ما علمنا عن هذا الرجل إلا كل خير

وإسمحلي بعقلانية أقولك إنه هذا الإسلوب اللي من المفترض أن يتعامل به مع السيناريو اللي ذكرت.

لأننا تبي الصدق الحسد مالي عيون مجتمعنا مايجي واحد يسترزق في مشروع وينجح

بكره تلقى عشرين ألف واحد فاتح جمبه ويقلد شغله.

الرجل سمعته تجارته وأنت جيته مخصوص لأجل جودة سمعته،

وكما لك الحق كزبون تسأل عن البضاعة اللي تريد له الحق الكامل أن لا يطلعك على كامل

تفاصيل أسرار صنعته قد تكون سئلت بطيب نفس وأنا أجزم بذلك ولا أتهمك

ولكن أسئلك بالله لو كنت مكان الرجل فتح الله عليك بصنعة وحرفة تتقنها

ثم يأتيك كل يوم واحد يسألك من فين شريت هذا وفين تجيب هالبضاعة

وكم تكلفتها عليك ووش نوعها وا إلى غيرها وش يجي في بالك هذا زبون

يبغى يصلحه شغلته ويدفع فلوسه ويأخذ عليها ضمان تركيب

ولا واحد نشبة حاسدك على صنعتك يبي يسرقك من ورا

الرجل أكيد إنه عانى من ملاقيف واجد وأنا أجده معذور وربي لأن من تعامل مع الجمهور

يعرف ما أقصد عندنا جمهور قله الله لا يكثرهم ( تكرم أنت ياخوي بلاك نايت عنهم )
فيهم مرض نفسي إذا تعاملت مع واحد منهم يسبب لك شحن نفسي يؤثر على تعاملك

مع بقية الناس الكرام غصب عنك

يا أخي الكريم أبسط مثال إبنك في البيت أو أخوك إذا حصل زعل منه في البيت وإرتفع صوتك معاه

وطلعت من البيت وأنت في قمة غضبك ولقيت جارك أمامك ألن يكون وجهك ظاهرا عليك

الغضب أمام جارك والعبوس غصب عنك وإن حاولت تصنع الإبتسامه...!!!

[google-999-]

آقول ماعد نبي بطاريات ,,, :)

[راعي المجهم]

لا حول ولاقوة الا بالله

[الوانيت1]

والله أن هالبطاريات وخسائر تركيبها
والخطورة بأحتراق السيارة
ولا ظفيرة أسلاك كهرب السيارة
أنها وهم وتقليد لشئ لا يستحق هذا التكلف كله
وغير ضروري ولاااا له داعي والعاقل خصيم نفسه .
ولابد من وجود بدائل أخري .....////.

[اكسير الحياة]

الغريبة ان الموضوع قديم جدا .؟

[ابوكشتات]

والله ياعزيزي فيه مثل يقول عامل الشخص مثل مايعاملك يعني اذا هايط واسلوبه وسخ حتى لوانه شايب ارد بمثل مايقول ولوتتطور الأمر انه رفع ايده اوظرب ارده بدبل . انا ماجيت عنده اهايط اناوانت ياخوي يابلاك نايت .البائع يحترم الزبون . اذاقل ادبه قلاادبك معه واذامدايده جبلك اقرب عفريته والحطه بظهره اوبرجوله خله يعرف ان الله حق واذا تطور الأمر العن خامسه واكسر ورشته .

[ابو خالد 111]

الموضوع الاصلي كتب بواسطتي في منتديات البرية بإسم خيال الشقراء



السلام عليكم ورحمة الله وبركاته ...



اليوم كانت تجربتي مع ورشة سوافي التي اثبتت لي نظرية ان نسبة كبيره من شبابنا وللاسف اذا نجح واشتهر وفتح الله باب رزقه تنكر للعملاء وبدت بضاعته تخرب وبدى يجيب اردى الصناعات لانه ضمن الزباين


انا سمعت عن ورشة سوافي الكثير والكثير وكل من سالته وش رايك وين اركب البطاريات الاضافيه قالي سوافي اتصلت على احد الشباب يعرف مكانها ودلني عليها وهي بمخرج 18 تتجه شرق واول ماتنزل من الكبري ادخل اول دخله يمين بعدين ثاني دخله يمين وبعدين يجيك جامع ادخل بعده يسار تجيك الورشه في وجهك وللامانه الرجال حذرني وقال ترى مايمدحون اسلوب راعي الورشه في التعامل وقطعهم صارت كلها صينيه ومن الصيني الردئ بعد


دخلت الورشه لقيت احد الاخوان الظاهر انه من دولة الكويت سالته وين صاحب الورشه قال العامل يقول شوي وبيجي رحت اخلص لي شغله عند الحداد ورجعت دخلت الورشه وكنت واقف عند سياره واشوف رجال قبالي ماكان موجود يوم اجي المره الاولى قاللي بالحرف ( وش عندك ) عرفت انه راعي الورشه لكن استغربت من الاسلوب قربت منه ومعي الكتالوج حقهم قلت انا بركب بطاريه اضافيه ومحول ولمبات كبوت واحتمال اركب ماطور هواء بس بغيت استفسر عن القطع اللي تركبونها وش صناعتها نظر لي نظرة استغراب وقال ( القطع ! تسال عن القطع ؟ ) قلت انا ايه بعرف وش صناعتها ؟ ( قال انت يوم انك تسال عن القطع تعرف لها ؟ ) قلت انا ايه اعرف لها ( قال لا بس بعرف انت تفهم بالقطع ولا بس جاي مسوي فاهم ؟ ) قلت ايه اعرف لها وانا ماجيت ادقق وراك لكن من حقي اعرف وش بتحط بموتري وانا رجال بدفع فلوس على هالقطع ومن حقي اسال قال ( من حقك تسأل ؟ تبين اعلمك انا وش احط ؟ ) قلت ايه مو تقول من حقي اسال جاوبني ( قال ايه من حقك تسال ومن حقي بعد ما اجاوبك !!! ) قلت ادفع فلوس وتشتغل بسيارتي ولا تبين اعرف وش تركب به قال ( تعال شف القطع دامك تعرف تعال تعال ...) رحت معه لغرفة المعدات قال ( وش تبي تعرف ؟) قلت المحول قال ( شف هذا كرتونه اقره ) اشوف الكرتون فاضي ومافيه المحول قلت المحول ماهو فيه علشان اشوفه قال بلهجة استهتار ( اقرا الكرتون مو تقول تعرف تقرا ؟ اقره وتعال اقرى شف هاذي الاسلاك اقراها وهاذي الكتاوت تعال اقراها وهاذي المسامير بعد اقراها ) حطيت الكرتون من يدي وقلت له تستهتر انت ؟ قال ( قال ايه استهتر واستهتر 10 مرات بعد ....... ) بعدها صار كلام قدركم وقدر المنتدى ارفع من اني اذكره .



والشهاده لله اني لم اتقول على لسانه اي كلام وان ماقلته هو ماحصل بالظبط وانا لا اكن لهم اي حسد او حقد ابدا وانا اتمنى ان اجد من يناقض كلامي حتى لا اتهم الرجل ولكن هذا ماحصل لي وكلام صاحبي عن سوء تعامل صاحب الورشه طلع صحيح 100% ولا اعلم عن القطع لكن هم يستخدمون بطارية باقادر مقاس 90 والمحول تايواني نسيت اسم شركته واشوف الغطاء البلاستيكي الواقي لاصابع البطاريه عليه كتابة سوافي فالظاهر ان الرجال له مصنع هناك بالصين او ماشابه.


وسوافي يستخدم اسلاك المنازل الترا وشاكلتها سؤال بسيط كيف ياسوافي تستخدم اسلاك حقت كهرباء منازل لتوصيل الأجهزة الكهربائية للسيارة .. ؟؟
كهرباء السيارة لابد كهرباء قوي وتوصيل صح وتحمل للحرارة
فليس السلك بوسط جدار وعوازل حتى تركب اسلاك الترا حقت البيت


والموضوع يطول لو اشرح نوع النحاس الي لابد يركب بكهرباء وتوصيلات السيارة
وانه لابد يكون ناعم وكل ماكان ناعم وصافي كان اكثر سلامة وافضل في توصيل الكهرباء صح
واذا تبي النحاس الي صح ناعم وكثيف اضرب لك مثال بـ اشتراك السنيدي الجديد
ياشيخ لو تقوم به تريله قومتها به صافي وناعم جدا وكثيف


ولكن خذ هاذي عني عن ثقه من الربع شب موتر اخوه بسبت توصيلات وتجهيز سوافي
وهذا قريب قبل سنه تقريبا من اليوم شب الموتر ويالله لحقوا عليه وطفوه توها شابه حول البطارية والكبوت
بسبب توصيلات سوافي السيئة واتصلت بنفسي على صاحب ورشة سوافي وقلت له عن الحادثه قال ايه صارت
ولا صارت كثير بس بكذا موتر وحنا الآن تلافينا هالعيب قلت غيرت اسلاكك قال لا قلت طيب كيف تلافيته .. ؟؟؟



والمشكله لا تتعدى انك راح تركب عنده القطع وتمشي لو احتجت لصيانه او تعديل او اي شي اعتقادي انك سوف تعاني المر لانك ستتعامل مع هذا الرجل مباشرة ومن هذا رده على زبون جديد يريد ان يدفع له فكيف سيكون تعامله مع من دفع وانتهى ؟!؟!؟؟


نقلت لكم هذه التجربه لنناقش قضية تسلط اصحاب العلامات التجاريه والخدمه الدريئه وانعدام خدمات مابعد البيع عند كثير منهم سواء سوافي او بادحمان وكيل بريموس او عبداللطيف جميل وتلاعبه وغيرهم من الوكلاء .


انتظر ردودكم وتعليقاتكم وتجاربكم



تحياتي لكم واعتذر عن الاطاله ...



السلام عليكم ورحمة الله وبركاته

اخي الفاضل / نفس الشي صار لي معه قبل شهرين وللأسف انسان متكبَر ومتغطَرس على لاشي , زبائنه صاروا قليلين

بالاول ورشته كان يادوب تلاقي مدخل على رجلينك ورحت له قبل شهرين ماعنده الا موترين

والذي نفسسي بيده ما اعرفه ولا بيني وبينه اي شي سوا ( ان واحد من العيال وصَفلي مكانه بمخرج 18 لاني كنت ناوي اركب بطاريه اضافيه ومدحه لي ) ولكن للاسف !!
انصدمت من اسلوبه وتعامله الشين والله ياجماعة الخير اني اتكلم معه وانه سافهني انا وخويي قلت لخويي اقول مشينا بس وطلعنا من عنده علماً بان تكاليف البطاريه الاضافيه
تقريباً 2600 ريال او اكثر

طلعت من عنده طبعاً ورحت لورشة المنديل اللي بالسلي بمخرج 16 واقسم بالله ما اعرفه وليست دعايه لورشته ولكن من باب الذَمه والامانه ( انسان محترم , وسموح , وأمين وهو الاهم ويذكر لك القطع تبي تجاري او اصلي ؟؟
وشغله كله وقفت موتري قبل المغرب وخذيته اليوم الثاني بعد العشاء بسبب الزحمه

وكلفني شغله 1950 ريال فرق مايقارب ال 700- 800 ريال ...

وشغل نظيف طبعاً الشغلات اللي ركبتها كالاتي :

**بطاريه اضافيه 90 امبير بظفيرتها بـ/ 750 ريال

**4 لمبات ليد 8 واط عدد 2 بالكبوت وعدد2 بكتوف السياره يمين ويسار بـ/ 400

**2 لمبات ليد 4 واط عدد 1 بالباب الخلفي داخليه وعدد1 لتانكي الماء مع توصيل التانكي بكل احترافيه مع تغيير لي الماء وبزبوز بمايقارب / 140 ريال

**محول 600 واط بـ/ 400 ريال

**عدد 2 فيش واحد امامي بالتكايه خط 220 وواحد بالشنطه خط 220 لا اذكر سعرها

توصيل كامل للكنود بـ / لا اذكر سعرها

** توصيل سلك ثلاجه جاهز اللهم تشتري ثلاجه وتوصله / لااذكر سعرها

الزبده واسف على الاطاله شغله كلف 2150 ريال ومن كرمه عطانيها ب 1950 ريال

تقبل مروري ودمت :

[AHMED989]

لأنه ما لقى احد ورآه يصلخ جلده صلخ اذا تتريق على الزباين او غشهم بالقطع التعبانه .

[ابوكشتات]

لأنه ما لقى احد ورآه يصلخ جلده صلخ اذا تتريق على الزباين او غشهم بالقطع التعبانه .
ان شاء الله يجي واحد يصلخ جلده ويعرف ان الله حق علشان يتدأب ويمشي سيدا .

[أطلال نجد]

السلام عليكم ورحمة الله ،،،

يا جماعة الخير خلونا نحسن الظن بأخونا و نقدم له العذر ولا ندخل في مشاكل مع الناس
فنحن لا نعلم بظروفهم" قد يكون مريض أو يعاني من مشاكل صحية أو مشاكل خاصة كل ما علينا هو أن نطلب له الهدايةو نبحث عن بديل كما فعل صحبنا و الأمر سهل.
تحيتي

[ابوكشتات]

السلام عليكم ورحمة الله ،،،

يا جماعة الخير خلونا نحسن الظن بأخونا و نقدم له العذر ولا ندخل في مشاكل مع الناس
فنحن لا نعلم بظروفهم" قد يكون مريض أو يعاني من مشاكل صحية أو مشاكل خاصة كل ما علينا هو أن نطلب له الهدايةو نبحث عن بديل كما فعل صحبنا و الأمر سهل.
تحيتي
لوانه مريض اويعاني من مشاكل صحيه اومشاكل خاصه يحله بيته اويلزم بيته مهب ملزوم يجي للورشه وكل شوي يهايط على الزباين والزباين مهب بهايم يهوشهم خله يصير محترم اهلا وسهلا مهب محترم يجيه قلة الأحترام . عامله بالمثل .

[ابوضاري99]

انا ركبت عنده محول وافياش وبطاريه اضافيه وانوار بالكبوت وبالجنب
بس استنكرت منه حاجه
انه اخذ بطاريتي الاساسيه وركباي بطاريه كوريه ضمانها 6 شهور

فكني الله بغت تحرق موتري
كانت تغلي غليان وبالصدفه سمعت الصوت لما كنت كاشت وسمعت الصوت بعد ماطفيت الموتر
الغريب انه اخذ بطاريتي الاساسيه سديلكو
وركبلي بطاريتين اساسيه واضافيه رديئات الصنع

[ابوضاري99]

وكان اسلوبه مره جفش
كأنه بيركبلي ببلاش

غفر الله لنا وله

[رامي القميري]

فعلآ صاحب ورشة سوافي تعامله مع الزباين وكأنهم يشحذون منه
وانا لي سنوات اصلح عنده مايقدر لازبون قديم ولا جديد
بس الحمد الله منيب محتد عليه وفيه غيره كثير
من الورش المتخصصه بالتمديدات

[الضرغامي]

مابقي الا الصبي وبداء يرفع في الاسعار مريته الاسبوع الي فات طلب مني ١٠٠ ريال على لمبة ليد مع العلم ان اللفه الخمسه متر ب ١٠٠ ريال في شارع الريل؟!!!!!!!
الله يكفينا شرهم ما يمدينا نمدح في احد منهم الا ويرفع خشمه او يستعمل قطع تجاريه

[فتك08]

مابقي الا الصبي وبداء يرفع في الاسعار مريته الاسبوع الي فات طلب مني 100 ريال على لمبة ليد مع العلم ان اللفه الخمسه متر ب 100 ريال في شارع الريل؟!!!!!!!
الله يكفينا شرهم ما يمدينا نمدح في احد منهم الا ويرفع خشمه او يستعمل قطع تجاريه


لايهمكم الصبي من عقب ماصار اليماني هو اللي متولي الشغل...

غالي و يفرق شي فضيع عن غيره...

للأسف إنا صايرين نسوي دعايات لهم في المنتديات و على حسابنا...

[الضرغامي]

لايهمكم الصبي من عقب ماصار اليماني هو اللي متولي الشغل...

غالي و يفرق شي فضيع عن غيره...

للأسف إنا صايرين نسوي دعايات لهم في المنتديات و على حسابنا...




مريته وانا اخوك الأسبوع الي فات او بالأصح عنيت له من شقراء بعد ما خذت موعد معه وغلطتي ما سألت عن السعر بحكم الي مدحوه ومن كثر ما مدحوه خفت انه يصلح لي ويعطيني فلوس عشاني جيته هههههه
مشكلتي ولو انها مالها دخل في الموضوع بس ودي اشارككم فيها عشان نوقف تمديح وتبجيل لذولي واشكالهم. انا عندي بطارية إضافيه من شريت السياره ويصير احيان فيها التماس قلت بغير تسليكها واريح نفسي عنيت لصبي وطلبت منه انه يعيد التسليك ويركب لي منظم رفيق الدرب ويركب لمبه لد عند التانكي ولمبه جانبيه ولمبه ف الكبوت مع العلم كل تسليكهن جاهز. ويوم وريته الي انا ابي قال تعال نسجل الفاتوره
منظم مع تسليك جديد ب 700 ريال
وسحب التسليك القديم ب250ريال " مع العلم انه بيجي مع دربه يعني مهوب متعني كل شي جاهزن له"
لمبات ليد 3 بــ 300 ريال!!!
حاولت اكاسره ما عطاني وجه قلت الشرهه على اللي معطيك اكبر من حجمك وكان يتكلم وهو واثق قال رح لغيري بس مصيرك بترجع لأني انا ارخصهم. كان يتكلم بثقه لدرجة ان ودك تدبجه بماصوره. رحت بعدها للشارع الريل ولقيت لفة الد الخمسه متر ب 100ريال يعني طال عمره بيركب لي 15سم ب 100 يعني بقيمة لفه وثلاث لمبات بقيمة ثلاث لفات.
ــــــــــــ
اتمنى منكم يا شباب الي يرفع علينا السعر نتركه يهش ذبان ذبحونا سوافي والصبي واشكالهم وصارت اسعارهم اكثر من خياليه صار الواحد إذا نوا يركب شي تنهز ميزانيته بسببهم وكل هذا من تمديحنا لهم اسفهوهم تكفون لين ينزلون اسعارهم

[XRAY MAN]

مريته وانا اخوك الأسبوع الي فات او بالأصح عنيت له من شقراء بعد ما خذت موعد معه وغلطتي ما سألت عن السعر بحكم الي مدحوه ومن كثر ما مدحوه خفت انه يصلح لي ويعطيني فلوس عشاني جيته هههههه
مشكلتي ولو انها مالها دخل في الموضوع بس ودي اشارككم فيها عشان نوقف تمديح وتبجيل لذولي واشكالهم. انا عندي بطارية إضافيه من شريت السياره ويصير احيان فيها التماس قلت بغير تسليكها واريح نفسي عنيت لصبي وطلبت منه انه يعيد التسليك ويركب لي منظم رفيق الدرب ويركب لمبه لد عند التانكي ولمبه جانبيه ولمبه ف الكبوت مع العلم كل تسليكهن جاهز. ويوم وريته الي انا ابي قال تعال نسجل الفاتوره
منظم مع تسليك جديد ب 700 ريال
وسحب التسليك القديم ب250ريال " مع العلم انه بيجي مع دربه يعني مهوب متعني كل شي جاهزن له"
لمبات ليد 3 بــ 300 ريال!!!
حاولت اكاسره ما عطاني وجه قلت الشرهه على اللي معطيك اكبر من حجمك وكان يتكلم وهو واثق قال رح لغيري بس مصيرك بترجع لأني انا ارخصهم. كان يتكلم بثقه لدرجة ان ودك تدبجه بماصوره. رحت بعدها للشارع الريل ولقيت لفة الد الخمسه متر ب 100ريال يعني طال عمره بيركب لي 15سم ب 100 يعني بقيمة لفه وثلاث لمبات بقيمة ثلاث لفات.
ــــــــــــ
اتمنى منكم يا شباب الي يرفع علينا السعر نتركه يهش ذبان ذبحونا سوافي والصبي واشكالهم وصارت اسعارهم اكثر من خياليه صار الواحد إذا نوا يركب شي تنهز ميزانيته بسببهم وكل هذا من تمديحنا لهم اسفهوهم تكفون لين ينزلون اسعارهم

الصبي كويس بس البلا في هاليمني والله المستعان

الله يهدي أبو شهد إلي خلا هاليمني يخرب سمعته :mad:

[فتك08]

عنيت لصبي وطلبت منه انه يعيد التسليك ويركب لي منظم رفيق الدرب ويركب لمبه لد عند التانكي ولمبه جانبيه ولمبه ف الكبوت مع العلم كل تسليكهن جاهز. ويوم وريته الي انا ابي قال تعال نسجل الفاتوره
منظم مع تسليك جديد ب 700 ريال
وسحب التسليك القديم ب250ريال " مع العلم انه بيجي مع دربه يعني مهوب متعني كل شي جاهزن له"
لمبات ليد 3 بــ 300 ريال!!!
حاولت اكاسره ما عطاني وجه قلت الشرهه على اللي معطيك اكبر من حجمك وكان يتكلم وهو واثق قال رح لغيري بس مصيرك بترجع لأني انا ارخصهم


يعقب هاليماني النصاب

جيته قبل فترة و عطيته طلباتي قال بتكلفك 2800-3000

و أخليه و أروح لواحد حوله بشرق الرياض و بـ1700 ...

للأسف إنا من كثر مانمدح في هالعينات خليناهم يتحكمون بنا و يلعبون بالأسعار

[rpk]

الي يسب ابو عبدالله ما عنده سالفه قمه في الاخلاق من تعمال دام 5 سنوات الا كانه تغير الله اعلم بس اخبر معه شريك ماقد شفته بس الشريك نفسه شينه علي كلام الشباب وسمعت انهم انفصلوا بس من مسكها الله اعلم يبي لي اتأكد اما ابو عبدالله انسان هادي ويجاوبك وينصح بس مهب راعي كلام يعني اسأل يجاوب بس

[محمدالعريني]

يعقب هاليماني النصاب

جيته قبل فترة و عطيته طلباتي قال بتكلفك 2800-3000

و أخليه و أروح لواحد حوله بشرق الرياض و بـ1700 ...

للأسف إنا من كثر مانمدح في هالعينات خليناهم يتحكمون بنا و يلعبون بالأسعار
نفس اللي صار معي قبل يومين انا مسلك عند الصبي ومعي سياره ثانيه قلت بنقل الاغراض من هالسياره للثانيه
تدرون كم قال 1250 ريال
وانا مكلفني التسليك مع الادوات 1750 في اول مره
طبعا هجيت منه لانه رفع اسعاره وبدا الطمع فيهم مثل اي ورشه تنجح
ورحت لابو سليمان المنديل
وقال يكلفك النقل 400 ريال
لاحظتو الفرق ياجماعه
وتم النقل عنده واضفته مع النقل تركيب لمبة ليد اضافيه ونقل ونش بالقاعده حقته للسياره الثانيه وتعدي في قاعدة الثلاجه وكل هالشغل 950 ريال ومن احسن مايكون