استفسار لاهل الخبره عن افضل منشار كهربائي للحطب ..

[وادي الريمة]

السلام عليكم ورحمة الله وبركاته

عندي استفسار بشان افضل منشار كهربائي لتقطيع الحطب مثل السمر وغيره
اريد النوع والماركه والسعر ومكان بيعه في الرياض ..
لان عندي حطب حجم كبير واريد تقطيعه
وكذلك اين يباع المنشار الكهربائي الكبير الذي معه طاوله كبيره
وكم سعره وهل تنصحوني به..
وجزاكم الله خير جميعا
واتمنى لكم التوفيق

[درباس فرناس]

وعليكم السلام ورحمة الله وبركاته
المناشير في السوق عدة أنواع بعضها يعمل على البنزين وبعضها على الكهرباء
إن كنت تريده فقط داخل المنزل أو الاستراحة فانصحك لاتشتري الا منشار كهرباء لأنه أقل صيانة من البنزين وأنظف ولايحتاج الا أنك تغير الجنزير إن تلف بعكس البنزين
ويأتي في السوق من الكهرباء تقريبا نوعين منشار قرص ومنشار لسان مثل الي يستعملونه الحطابين
وبالنسبة لي استعمل المنشار القرص وله عندي عدة سنوات وهو آمن بأذن الله من المنشار اللسان مع وجوب توخي الحذر لخطورة مثل هذه المناشير على العموم
وأفضل مكان بيع هذه المناشير هو شارع الريل في الرياض تجد عدة محلات متخصصة ببيع المناشير وعدة ماركات وأحرص على الصناعة الاصلية والماركة المشهورة مثل بوش أو بلاك أو غيرها من الشركات
والنصيحة لك أحضر حطاب من سوق الحطب وأعطه المقسوم وهو يقطع لك الحطب على هواك افضل لك من غربلة تقطيع الحطب وخطورة المناشير

[جديعان]

انا شريت واحد بنزيل يباني اصلي كبير 1800 رياااااااااااال

[اصيل نجد]

صباح الخير اخوي وادي الرمه والاخوه المشاركين بالنسبه للمناشير انا اوايد كلام اخوي درباس فرناس انك تجيب عامل وتعطيه المقسوم للتقطيع الحطب وهم بالعاده شحنه الجيب سمر ياخذون 50 او 60 ريال يمكن يزيد شوي ويمكن ينقص حسب جباره الحطب وكميته المهم بالنسبه للمناشير رقم واحد ( ماكيتا ) وكيله خشيم بشارع عمر المختار( الريل) وانت نازل غرب بعد اشاره تقاطع شارع طارق بن زياد يجي على يمناك ووجهك غرب صراحه منشار يطربك بس يضيق صدرك وكيله القطع غاليه مره وعلي فكره منشار البانزين افضل وانشط بكثير من منشار الكهرب بس زي ماتفضل اخوي درباس فرناس يحتاج صيانه دائمه واقول الله يوفقك وخذ الحذر الحذر من هذه المعده وخصوصا احرص علي عدم وجود اطفال حولك وانت تشتغل فيه ونصيحه اخر ولايجي احد قدامك في حاله نشر الحطب احيانا ينقطع الجنسير حقه طبعا رايح يعدم من قدامه ماقول غير الله يكفيك شره ويستر عليك وعلى اخواني كلهم تحياتي لك ...

[العاذر]

جب لك باكستانيين معهم مناشير البنزين وفي دقايق يقطعونه مثل البصل ونت تتفرج والسعر رخيص جدا مقارنه لو تشتري منشار جديد لان الاسعار ارتفعت عن أول بكثير على ماسمعت
وإذا كنت معزم على المنشار الكهربائي
أفضل شئ ( ماكيتا ) ياباني ويجي منه مقاسات
عندي واحد من أحسن ما يكون شاريه منذو مبطي
من شارع الريل
والجنزير يحتاج تشده كل فترة علشان ما يرتخي
والراي الاول والاخير لك
تحياتي

[هوايتي مكشات]

الله يعطيكم العافية........

[ابو سمسم]

لا تجيب باكستاني ولاشي روح ياطويل العمر محلات المناشير والعدد بتحصلها ياكثرها

خذلك نوع اصلي مثل ماكيتا غالي شوي او ايكو او تناكا يانانية كلها ممتازه واننصح بتناكا يعيش معاك 10 سنوات باذن الله مايخرب فيه الا الجنزير اذا قطع وسعره مايتعدا 60 ريال
وان لاسمح الله خبط توضيبه يكلف 400 ريال بس نادر مايخبط

والنصيحه خذ مقاس 18 حجمة صغير او 24 حجمة كبير شوي

[أبوبانا]

أنا عندي من زمان بنزين يازينه
يوم جيت للبيت على جيت احد اخواني شاري كهرب ماتوقعت إنه كذا ممتاز مره شاري هو و3من ربعه تريله سمر عاد تعرفون وش عرض بعض الجذوع كبار مره لاكن الباكستان لعب بالحطب لعب خلاه زي الشابوره انضر للمنشار ولقاه الشركة العريقه ريوبي
شاريه من شارع الريل من الوكيل شركة الصقور.

[وادي الريمة]

الله يجزاكم خير جميعا والله لايحرمكم الاجر والثواب
عز الله انكم ماقصرتو الله يبيض وجيهكم..
نسيت اعلمكم بانه عندنا مزرعه يعني لو اشتريه مهوب خساره ابلقاه بعدين لتقطيع بعض اشجار المزرعه والحطب فيها..
وبالنسبه للمنشار الكهربائي الكبير زي حق المناجر كم تتوقعون اسعاره جديد او مستعمل ووين احصله فيه
لانهم يمدحونه مره ويقولون ليس فيه اي خطورها ..
وبارك الله فيكم جميعا

[ابومازن 25]

السلام عليكم ورحمه الله وبركاته


عندي ريوبي جنزير علي كهرب له اكثر من عشر سنوات عملي ولاعمره خرب بس ابدل الجنزير
والجنزير يكون روله الماني غير الجاهز عمره اطول بكثير من الجاهز وانشط للحطب الكبير نفس المحل يقصه ويوصله.

اما بخصوص منشار الطاوله اشوفه افضل شي شرط حجم الحطب من خمسه بوصه ونازل تقطع فلين
لاكن يبي حرص خطير عندي صيني اخذته بـ 1500 قبل سنتين استخدمه للحطب
والاصل لاعمال النجاره لاكن بعد التجربه قلبته حطب .

[ولد الخبر22]

السلام عليكم

http://www.mekshat.com/vb/showthread.php?p=5674111#post5674111

احترامي

[هويدي]

شريت منشار كهرب ابولسان تجميع صيني ضمان 6 شهور قبل ثلاث او اربع سنوات من شارع الريال بـ 320

ولازال يعمل الى ساعتك ولله الحمد

بس مثل ما تفضلوا الاخوان الكهرب مايقارن بالبنزين .... البنزين اقوى

[x24]

منشار ( ماكيتا )


معروف على مدار السنوات الماضية في الاستعمال ، ومن شركة لها ثقلها في الاسواق الامريكية ، سهل الصيانة ، سعره مقبول .


http://www.google.com/url?source=imgres&ct=img&q=http://www.chainsawinfo.com/wp-content/uploads/2010/10/makita-dcs510-300x300.jpg&sa=X&ei=IaX1TOLLDIH7lweWof3WBQ&ved=0CAQQ8wc&usg=AFQjCNGBJB7F5iXWtgRvwz2xc9asT_3mqQ


http://www.google.com/url?source=imgres&ct=img&q=http://www.fieldandstream.com/files/imagecache/photo-article/gear/33/Makita-chainsaw1.jpg&sa=X&ei=ZqX1TMbxJYaglAel84DPBQ&ved=0CAQQ8wc4Jw&usg=AFQjCNE_XXxkIZthdb9OF-lTwgdp_1vdsQ



اتمنى انني افدتك

[محلات الكشاتة]

منشار ( ماكيتا )



معروف على مدار السنوات الماضية في الاستعمال ، ومن شركة لها ثقلها في الاسواق الامريكية ، سهل الصيانة ، سعره مقبول .


http://www.google.com/url?source=imgres&ct=img&q=http://www.chainsawinfo.com/wp-content/uploads/2010/10/makita-dcs510-300x300.jpg&sa=X&ei=IaX1TOLLDIH7lweWof3WBQ&ved=0CAQQ8wc&usg=AFQjCNGBJB7F5iXWtgRvwz2xc9asT_3mqQ


http://www.google.com/url?source=imgres&ct=img&q=http://www.fieldandstream.com/files/imagecache/photo-article/gear/33/Makita-chainsaw1.jpg&sa=X&ei=ZqX1TMbxJYaglAel84DPBQ&ved=0CAQQ8wc4Jw&usg=AFQjCNE_XXxkIZthdb9OF-lTwgdp_1vdsQ




اتمنى انني افدتك






أنا مع كلام أخونا

[وادي الريمة]

الله يجزاكم الخير جميعا وبارك الله فيكم كفيتو ووفيتو الله لايحرمك الاجر
واتمنى للجميع دوام الصحه والعافيه
وبالتوفيق

[عريق الدسم2]

منشار ( ماكيتا )



معروف على مدار السنوات الماضية في الاستعمال ، ومن شركة لها ثقلها في الاسواق الامريكية ، سهل الصيانة ، سعره مقبول .


http://www.google.com/url?source=imgres&ct=img&q=http://www.chainsawinfo.com/wp-content/uploads/2010/10/makita-dcs510-300x300.jpg&sa=X&ei=IaX1TOLLDIH7lweWof3WBQ&ved=0CAQQ8wc&usg=AFQjCNGBJB7F5iXWtgRvwz2xc9asT_3mqQ


http://www.google.com/url?source=imgres&ct=img&q=http://www.fieldandstream.com/files/imagecache/photo-article/gear/33/Makita-chainsaw1.jpg&sa=X&ei=ZqX1TMbxJYaglAel84DPBQ&ved=0CAQQ8wc4Jw&usg=AFQjCNE_XXxkIZthdb9OF-lTwgdp_1vdsQ




اتمنى انني افدتك





كم سعره الله يرحم والديك ووالدين والدينك

[رحال السراة]

الله يعينك , أنا مجرب الماكيتا الحجم الصغير والله إني كديته كد انا والعمال من الصبح للعصر وحن نقطع ..
ممتااااااااز جداً وإذا تبي الشور عشان ترتاح ولو انك بتخسر شوي بس ماعليه اذا بتريح بالك قدام إنك تستأجر من محلات تأجير الكمبريشن وأدوات البناء تحصل عندهم أنواع تأجيره باليوم تقريبا من 50 إلى 90 ..
نصيحة إشتر كهرب ونصيحة بعد خذ لك علبة زيت احتياط من نفس المحل بس تأكد انه نفس اللون ..

[rkorshed]

افادوك الاخوان ...........جزاهم الله خير

[نطوان1]

أنا عندي كوماتسو ممتاز ورائع وقيمته فيه لكن مشكلته إن الجنزير حقه ينتهي بسرعة خاصة عند تقطيع الطلح إذا كان حمرور .اشتريته بـ 1070 قبل 4 سنوات تقريبا وصيانته سهلة ويحتاج من فترة لأخرى لتنظيف الماطور عند مهندسي المواطير والمكائن يكلف ذلك 35 فقط .

[من حايل]

هذا افضل منشار

http://www.youtube.com/watch?v=YrkmQ0x7bwM&feature=related

[الصفراء]

الله يعطيك العافية

[وادي الريمة]

جزاكم الله خير جميعا والله يبارك فيكم

[إبومشعاب]

السلام عليكم ورحمه الله.
اسئل الله العلي الغدير ان يكفي ها الوجيه شر ها المنشار.انتبهو ياأخوان منه تراه خطيرجدن.حبيت انصحكم من كثرالمشاكل الي سببها .الله يحمي ذلوجيه من كل شر