سؤال محيرني...

[طخيمان]

عندي يا جماعة سؤال محيرني اللي هو تعريض الجنوط و تكبيرها مثل:
الشاص >>>> جنوط لكزس
الهايلكس الدفرنسين >>>>جنوط في اكس آر 97 وتحت
الددسن الدفرنسين >>>>جنوط باترول .
مع انها تختلف في الحجم فحجم جنوط الددسن شد بلد 15 وجنوط الباترول 16 والكفرات طبعا تختلف فهل تركيب الجنوط ولو كانت أعرض و أكبر يضر بالسيارة ولا لا .و شكرا...... :cool:

[غيّام]

اتوقع انه يضر بها على المدى البعيد هذا من ناحيه
من ناحية اخرى تزيد صرفية البنزين وتزيد من دوران الكارونه
لكن احيانا يضطر الشخص لها اما من ناحيتي فأنا انصح بعدم جعلها هي الجنوط الاساسيه انما تكون لطلعات البر ثم تفك وتركب شد البلد

[عاشق الجبل]

رأي الأخ غيــــــــام لا غبار عليه

[طخيمان]

مشكور يا غيام على الرد السريع لكن المشكلة ان بعض السيارات مايزين شكلها اللا بالجنوط مثل :
الشاص
الربع
الهيلكس دبل أو عادي
الددسن الدفرنسين.

[أبو يوسف]

شف يا اخوي
العكوس مصممة على حجم معين وثقل
إذا اختلف كثرت احتمالية التلف
ما تشوف كثرة انكسار العكوس في الشوارع لسيارات الشباب واذا ناظرت لقيته مركب جنوط سبورت مقاس 17 انش وسيارته شد بلدها 15 انش

هذا رايي
أما اذا غيرت الجنط بجنط أعرض فما يخلوا من حالتين
1- ان يكون الجنط المستبدل حديد والجنط الجديد كروم فهذا بيصير اخف على السيارة
2- يكون الجنط حديد وعريض وهذا ثقيل ويأثر على الموتر

وبعد هذا يبي لك وزن اذرعة كل فترة لأن المقاس العريض يخرب الوزنية
مع التحية