يا اهل الفتــــــــــــــــــــــك تكفون

[قناص مزاجي]

يا اخوان عندي فتك ذبحني بس يقطع

غيرت صفايت البنزين ما ضبط غيرت اسلاك بواجي ماضبط غيرت كتاوت تحت مرتبت السواق ماضبط معي

جنني الموتر

عطوني حل او دلوني على كهربائي جيد

شغله مضمون مو يقول لي غير وغير ولا يضبط

لاني طفشت كل كهربائي يقول غير كذا وكذا وغير ولا يزين

يعني 95 %

من قطع الموتر الكهربائيه غيرتها

[vxr99]

رح الوكاله وريح عمرك
هالميكانيه كنهم منجمين كل ارائهم توقعات لين تضبط معك وتلقاك خاسر شي كثير لو انك اريح الوكاله ابرك لك

[Ra3i.mekshat]

حاول تروح الوكالة وخلهم يحددون المشكلة واذا بغيت زينها عندهم ولا بكيفك

تقبل مروري
أخوك : فتى الخوالد

[ابن عكاش]

حدد متى يقطع معك مع القومه ولا وهو واقف ولا بإستمرار
هل تخلي البنزين لين الخط الأخير تحت دايم
انتظر ردك

[سفاري959]

ورشه ابو صالح التركي سعودي متخصص باترول يجونه زباين مطلعين سيارتهم من الوكاله ما لقوا علتها ويصلحها ما شاء الله عليه موقعه الرياض الصناعيه القديمه وهذا رقم جواله بعد اذن المشرفين ولا تنسانا من دعواتك 0504118191 محمد التركي

[يريور عيمان]

هناك احتمالان
الاول استبدال طرمبة البنزين بواحد جديد لانها مع مرور الزمن تتسخ بالاتربة و الرمال الموجودة في قعر خزان البنزين و هذا يؤثر على عملها و لا تطخ البنزين بدرجة كافية مما يسبب التقطيع

و الاحتمال الثاني هو الكهرباء
حيث ان الكهرباء قد تكون ضعيفة و لا يحترق البنزين بكفائة و بما انك قمت بتغير البواجي و الاسلاك فينحصر السبب في الكويل و الفتك له ست كويلات كل بوجي له كويل افحصهم عند الكهربائي

[ابوحمد666]

اخوي تاكد من خرطوش فلتر الهواء بنفسك لايكون فيه شق او تنسيم لانه يسبب التقطيع بنسبة 100%
وهو الخرطوش الخارج من فلتر الهواء الى الثلاجه او البخاخات
تحياتي لك

[ضيغم تميم]

اذا قطع بنزين وواضح من الريحه
فـ اكيد طرمبه

[Noz]

اخوي اذا موقعك القصيم عندك ورشة الخضير

مشكلها شكلها من حساس الهواء نظفة وجرب

[قرم العيال]

إذا انت بالقصيم مر يوسف الخضير رجال نصوح ويعرف

او مر الوكاله وقل فحص كمبيوتر بس يعطيك العله !!

[رمثان155]

عليك بلوكاله .....

[قصمي]

المرتر ام عيون جيته عين ماصلت علئ النبي

[مليك]

اقولك صارت مع معاي قبلك .... راقب ليات البانزين القريبه من المكينه وخاصه اللي تكون بالجهه اليسار مقابله للقزوز اما يكون لي ملفوف او حميان منكسر ماسحب بانزين واجد وشكرا

[ناصر جبر]

اهلين اخوي عندى نفس المشكله يكتم احين ويصفق الشكمان اذا ماسك خط اذا حصلت حل او مكان كمبيوتر ممتاز علمنى اشكرك الله يسر امرنا

[القناص المميز]

كان عندي نفس المشكله وغيرت طرمبة البنزين ورجع وكاله ولله الحمد ..

[ناصر جبر]

كان عندي نفس المشكله وغيرت طرمبة البنزين ورجع وكاله ولله الحمد ..
غيرت الطرنبه والصفايه وبواجي نفس الشي

[ناصر جبر]

مساء الخير كشفت بالكمبيوتر ويقول تمام يمكن ليات البنزيم او الشكمان مادرى وشي المشكله

[الربذي]

طيب وزنت الكويل اعتقد ان المشكله بالكويل قد صارت معي بباثفيندر واذا وزنتها انا ضبطت اذا وزنتها عن طريق الكهربائي بالمبة الي تشر ووزنه صح بدات تقطع ماتتعدى ا110

[الربذي]

السلام عليكم مر على هالروابط ولاتستعجل تخسر نفسك على الفاضي
http://www.mekshat.com/vb/showthread.php?p=5014581


http://www.mekshat.com/vb/showthread.php?p=3736909


http://www.mekshat.com/vb/showthread.php?t=304252&page=2



http://www.mekshat.com/vb/showthread.php?t=68213

[ناصر جبر]

الله لايهنك يخوي واشكرك بس الموتر مفك اكويله وكاله محتار وش اسوى اشكرك يالربذى

[الجيب الريو]

شكله عندك لي ينسم
شيك على ليات البنزين وليات البخاخات

[السجل المدني]

السلام عليكم

اخوي معي باترول جنني 6 أشهر من ورشه بورشه كلفني فوووق 3000 ريال ماخليت شي ماغيرته الكهربائيين كلهم يتطببون عليه مشكلته يقطع و مرات يكون مامثله ومرات يقوول هذا مكاني ولا يشتغل بالاخير نصحني واحد من ربعي على كهربائي وكان هذا الكلام برمضان وشحنته بسطحه له طبعا كان مايشتغل ونزلته مع صلاة التراويح ويوم جاء الكهربائي وشغل السيارة وتشتغل بسم الله الرحمن الرحيم المهم بعد كم دقيقيه نجرب مره ثانية وتطفي المهم بعد ساعتين دق علي قال خذ الموتر والحمد لله والشكر ماشاء الله راحت العله اللي به وآخذ علي 120 ريال شغل يده

الموقع القصيم - الخبراء
الكهربائي فليب
بعد أذن الادارة هذا رقمه للاستفاده 0501907090

بإذن الله تعالى يحصل المشكله

[ناصر جبر]

الله لا يهينك يخوي السجل المدني وش صاربه واشكرك على مساعدتى واشكر الجيب الريو

[almjrooh_07]

مساكم الله بالخير مادري تم حل المشكله او لا لكن حبيت اعطي معلومه تاكد من سلك الكويل الي رايح للديلكو ممكن يوكون هو السبب لانه صار معي نفس المشكله تقطيع وصوت فرقعه ارجو اذا تم حل المشكله انك ترد وش كان سبب العطل لتعم الفايده وشكرا

[خلاد الشرق]

الوكاله وريح بالك انا عندي 2004 فتك ونفس الشي صار مع وغيرت اكثر من شي ولا فيه فايده
المهم رحت الوكاله وقالوا الفحص 180
دخلتها الظهر وأخذت السياره المغرب زي الحلاوه
سألة المهندس قال هذا منظم لدخول الهواء مع دخول البنزين وله رقم معين يتم ضبط الرقم عن طريق الكمبيوتر
ولا يمكن تصليحه خارج الوكاله لان لازم الكمبيوتر حق الوكاله
يمكنه نصاب بالكلام لكن رجعت لورشه وقالي صحيح كمبيوتر الوكاله يختلف
اهم شي ريحت بالي ولا خذوا مني غير 180ريال
والله يوفق الجميع

[كديان]

اخوي بالرياض عندك التركي
القصيم عندك الكهربائي العثيم و ايضا يوسف الخضير