الى أهل اللاندكروزر رأيكم

[سآري المفعول]

السلام عليكم ..


جيب لاندكروزر 2010 GX R اللون ابيض


ابي اركبله جنوط هلل

كفرات


وخطوط


وونش


فماذا تنصحون به واتمنى ذكر السعر ومكان القطع او مكان التركيب


واذا عندكم لمسات او آراء تضيفونها اكون شاكر وممنون

[البرتقالي]

عليكم السلام ورحمة الله وبركاته

اذا تقبل نصيحتي لا تعدل ولا تبدل
لو تسأل نفسك سؤال بسيط وش تستفيد من التغييرات
ولا شي سوى مزيد من الخساير

جنوط هلل مدري وش الفايدة منها ؟
كفرات ليه هو جاي بدون كفرات ؟
خطوط غريبة اغلب الناس تفضله بدونها
ونش يثقل على الموتر وقيمته ما تسوى فايدته

هذا راي احد ملاك اللاند
والراي الاول والاخير لك :)

[عبدالله حماد]

ماشاء الله ....... الله يبارك لك

إذا إنت راعي نفود ركب بالون وعلى نفس جنوطه أفضل وأكشخ أو جنوط الجي الجديد
وإذا إنت راعي شعبان وجبال ركب حجري نفس حق الشاص بس أعرض
وبدل الونش إشتر مساعدات إسترالية وأرفع الموتر ، وإشتر ماطور هوى ابو جمل من الوكيل الشراع ، وأذا طلعت من الشراع مر شارع الريل تلقى محل إسمه الفانوس إشتر حبل جر ( علشان تفزعلي لا غرزت ) وخذ الأصلي
أما الخط ما أشوف إنها فكرة حلوة ...... وإذا رأيت إنك تركب خط ركب أأأأأأأأأأصلي

[خلان الاشده]

الله يعطيك خيره ويكفيك شره
اخوي انا عندي واحد 2010 فل كامل 8 سرندل و اظن موترك سعودي صح؟
شوف الخطوط طاح كرتها حتى اهل قطر اهل الخطوط صار فيهم ناس يفكونها ترى سادة احلى وبخصوص الونش ابعد عنه الناس يشيلونا وانت تركبها !!! تلعب فالموتر وتخرب الشاصي مع الوقت والمطب لان وزنه ثقيل.
الزبده خل موترك وكاله الا اذا انت راعي بر بس بس ركب بلون على جنوط الوكاله.
وبالتوفييييق.

[vza]

البالون على جنوط الوكاله هيبه
بس يحتاج انك ترفعه كم سانتي من قدام
والخط تلقاه في الغرابي 250 ريال شهرين بالكثير وفكه
و الونش ركب وارن تلقاه عند السليماني

[كم كيلو باقي]

اذا تبي شكل ركب البالون على جنوط الجي الشكل الجديد .. مقاسها 17 ورشها نيكل وركب اكواب جنوط الجي القديم تجي الاكواب كبيرة وسودا وعلامة تيوتا بالذهبي


بس يقولون البالون تضر القير والدفرنسات مع الوقت ويحتاج لها تنزل القير شوي لأنها راح ترفع الموتر .. إن كان تبي رأيي ابعد عن الشر وغني له وخل موترك وكالة ولا تعديلات خفيفة

[لاندكروزر11]

جنوط الوكاله ارسى