سيارتي سكويا تهرب زيت وهي مابعد تجاوزت 10000........

[درباس فرناس]

ا
السلام عليكم ورحمة الله وبركاته اللهم صلي وسلم على نبينا محمد وآله أجمعين
أسعد الله أيامكم بالمسرات وأبعد عنكم الأحزان والمكدرات
عندي السيارة سكويا 2010 دبل sr5 واليوم الصباح لاحظت زيت نازل على جنط الكفر الامامي بجوار السائق من الجهة الداخلية تجاه الماكينة
المشكلة السيارة مابعد مشت عشرة الف كيلو واستخدامي لها محترم للغاية حتى أني ماسبق أني دخلت البر أو طعست
في الحقيقة اصابني احباط كانت ثقتي في السيارة أكبر من هذا ولكن أحس أن السيارة سببت لي أزمة في الثقة لأني وجدت بعد البحث في قوقل في منتدى أخر نفس المشكلة لدى أحد الاشخاص
الأخوان ملاك السيارة ياليت يتأكدون من المشكلة المذكورة وهل هناك تهريب في الزيت أو أن المشكلة عندي فقط
حسبي الله ونعم الوكيل والله يخلف علينا بخير ويعيننا على ملاحقة الوكيل ومطالبته وينصرنا عليه يارب العالمين ...

[قرم العيال]

تاكد من السيفون (( فلتر الزيت )) لا يصير ما ركب صح

تراهـ اغلب ترشيحات الزيوت من الفلتر وانا والله مدري وين موقعه بالمكينه !!

[ذيب زلفاوي]

التايوتا صار يخوف مو مثل منول الناس تثق فيه بس الحمدلله البديل موجود مثل النيسان والفورد

[مواسي الطعوس]

السياره مع شياب كان تشوف البلاوي .رح اذا تعرف احد ويوثق فيك بالوكاله ويعطيك علومه .

[escape_man]

امرها بسيط ان شاء الله

تلاقيه تهريب بالكليبر ويتصلح

مو عيب او خلل مصنعي باقي معك بالسيارة حتى يضيق صدرك

[قصمي]

ايه هذي صارت عندي هذ علبت الدركسون انجخرات بسبب
انك لفيت با لدركسون بقوه وهذ بسيطه اتصير ابكل السيارت

[.أبوعبدالرحمن]

أخوي الغالي : لا يضيق صدرك ولا حاجة ، السيارة معروفة وجبارة وشكلها جميل


وهذي الحركة تحصل في أرقى وأغلى السيارات مر الوكالة و راح تكون على الضمان بإذن الله والشغلة بسيطة


والسيارة جديدة ماشاء الله ، الله يعطيك خيرها ويكفيك شرها

[abo_hoor]

وعليكم السلام ورحمة الله وبركاتة
لاتضايق ولاشي اخوي العزيز
مدام سياره تحت ضمان روح وقولهم
ووممكن يكون تسريب من سفايف سياره ووحاشها ماي وعبالك انها زيت تاكد من هالشغله
والله يحفظك يارب لاتحاتي ولاشي سياره جديده وماعليها كلام

[البرتقالي]

افادوك الشباب ماقصروا وبإذن الله امورك يسر
يا كليبر بالتحديد ( لي الكليبر ) يمكن تعلق فيه شي وانقطع
يا علبة دركسون يا سيفون ما تركب صح

ومره صار لي نفس الموقف لقيت باقي علبة زيت رافعها بكبوت السيارة
ومع الزمن وعوامل التعرية انفكت من نفسها :)

موفق للخير اخوي

[درباس فرناس]

تاكد من السيفون (( فلتر الزيت )) لا يصير ما ركب صح

تراهـ اغلب ترشيحات الزيوت من الفلتر وانا والله مدري وين موقعه بالمكينه !!

الله يجزاك الجنة الزيت مغيره عند محلات بترومين والعاملين فلبينين مهرة في عملهم وأحسن أنه فاهم الشغله وعسى المشكلة تكون من الفلتر ...

[الربذي]

وعليكم السلام

انت شيك على مكان التهريب اخر يقول اول مره اطعس فيها تطعيس خفيف جدا جدا بل ماهو تطعيس بس عشقت االدب من بكره مايعشق القير معلق احاول عيا يريوس وعلى سطحه قالوا القير معدووووم وغيرها على الضمان وكنت ناوي اشتري دام هذي اعلومها هونت .

وهاهي قصته من قسم تويوتا السكويا


السلام عليكم ورحمة الله وبركاته



مدري وش اقول ما كنت بعمري اثق بالقير الاوتو ولكن اشتريت سكويا 2010 فتحه دبل ثم ذهبت بها للبر واستخدمت الدبل وغرست وطلعت لم يكن بر عنيف ولكن التراكشن بهدلني وعدت بعدها للبيت وثاني يوم ابغى اروح للدوام القير ما يعشق ريوس وبما ان السيارة ما كملت 20 الف اخذت سطحه وبعد 21 يوم من الاخذ والرد قالولي بلوف القيرخربان ويحتاج لتبديل كامل للقير يعني نحط لك قير جديد وبالفعل شفته بصندوقه لما غيروه قلت وش السبب قالوا لا نعلم قلت اخاف يتكرر معي قالو دامك تحت الضمان لا تخاف انبدله مجاني قلت بغير السيارة إن شاء الله تعطوني هايلوكس دبل قالو لا لا تخاف السيارة ما عليها مشاكل وقو قلبك والله زهدت بالسياره عاد معطيهم 50 الف دفعه اولى من زود الثقة وش السوات خبروني

[المنيعي1]

انت شيك على مكان التهريب اخر يقول اول مره اطعس فيها تطعيس خفيف جدا جدا بل ماهو تطعيس بس عشقت االدب من بكره مايعشق القير معلق احاول عيا يريوس وعلى سطحه قالوا القير معدووووم وغيرها على الضمان وكنت ناوي اشتري دام هذي اعلومها هونت .

وهاهي قصته من قسم تويوتا السكويا


السلام عليكم ورحمة الله وبركاته




مدري وش اقول ما كنت بعمري اثق بالقير الاوتو ولكن اشتريت سكويا 2010 فتحه دبل ثم ذهبت بها للبر واستخدمت الدبل وغرست وطلعت لم يكن بر عنيف ولكن التراكشن بهدلني وعدت بعدها للبيت وثاني يوم ابغى اروح للدوام القير ما يعشق ريوس وبما ان السيارة ما كملت 20 الف اخذت سطحه وبعد 21 يوم من الاخذ والرد قالولي بلوف القيرخربان ويحتاج لتبديل كامل للقير يعني نحط لك قير جديد وبالفعل شفته بصندوقه لما غيروه قلت وش السبب قالوا لا نعلم قلت اخاف يتكرر معي قالو دامك تحت الضمان لا تخاف انبدله مجاني قلت بغير السيارة إن شاء الله تعطوني هايلوكس دبل قالو لا لا تخاف السيارة ما عليها مشاكل وقو قلبك والله زهدت بالسياره عاد معطيهم 50 الف دفعه اولى من زود الثقة وش السوات خبروني


خرعت الرجال الله يهديك هو يبي الحل ونت كبرته عليه
أن شاء الله أنه بسيطه.

[الربذي]

خرعت الرجال الله يهديك هو يبي الحل ونت كبرته عليه


أن شاء الله أنه بسيطه.

الله يهدينا واياك اخي الحبيب الامور هذي مافيها مجامله وحبيت اذكر له عيوب السكويا بالرغم انه يحسب لتويوتا سرعة احضار القير خلال 21 يوم
لكن انا ابين له وهو حر وكل من ستشارني عنها علمته بهالسالفه
مع االنظر لسرعة تجاوبهم طبعا سمعتهم تهمهم ولا اذا تعودوا عليها الناس رايح تختلق الاعذار .

[التعـ King ـديل]

بركاتك ياتويوتا

الله يعين بس .. انطل الموتر على الوكاله وقلهم ابي جديد

[الشنه]

رح للوكاله

قد يكون خلل مصنعي وهو وارد في جميع السيارات حتى في الماني يوجد عيوب

مادام ماشي اقل من 10 الف
رح و الوكاله على الضمان

[بعيد الهقاوي6]

اخوي موترك على الضمان رح للوكاله وان شاء الله يصلحونه ومايطلع عيب مصنعي

واكد عليهم يغيرون لك دواسة البنزين لان اغلب سيارات تويوتا الجديده فيها هالمشكله


والله يكتب اللي فيه الخير

[سهم قيادي]

رح للوكاله

قد يكون خلل مصنعي وهو وارد في جميع السيارات حتى في الماني يوجد عيوب

مادام ماشي اقل من 10 الف
رح و الوكاله على الضمان

اويد كلامك :good2:

[ابن البكيرية]

الله يعينك

[درباس فرناس]

التايوتا صار يخوف مو مثل منول الناس تثق فيه بس الحمدلله البديل موجود مثل النيسان والفورد



شاكر لك مشاركتك وأحترم رأيك ....
ولكن ما أدري أظن أن أفضل الموجود هي تويوتا وماتزال في الصدارة بالنسبة للسيارات ومشاكل السيارات التي ذكرت ما تخفى على أحد لكن المشكلة من الوكلاء هم الي يعطون مالك السيارة الثقة بعد البيع أو خلاف ذلك
لو كان الوكيل يعطيك خدمات متميزة بعد البيع وضمان مضبوط وسيارة بديلة أثناء الصيانة مثل بعض الوكلاء في الدول الأخرى لزادت الثقة ولكن .....................الله يعين

[المساهر]

اخوى رحت الوكاله ولا لا

استغرب من اللى ينزل موضوع وينتظر اجابه رغم انه ممكن يروح للوكاله ويعرف السبب ..


انا معى 2009 بلانتيوم ولله الحمد ماشفت منه الا كل خير الوضع وانا اخوك بالمصادف يعنى قسمه ونصيب ممكن تروح الوكاله وتعرف من شنو الزيت هذا وترتاح


الله يوفقك يارب

وياليت تعلمنا عن المشكله وشى

السياره لايعلى عليها بحفظ الله مكينه وراحه