استفسار قد يكون سخيفا عن السواقة بالقير العادي !!!!

[يريور عيمان]

السلام عليكم

يا اخوان
انا اذا جيت ابدل القير من 1 الى 2 و ايضا من 2 الى 3 افعل الاتي
1- اشل رجلي عن البنزين
2 - ادوس كلتش الى الاخر
3 - اركب القير في الثاني
4 - ادعس بنزين خيفيف
5 - اشل رجلي عن الكلتش بسلاسة


هل هذه الخطواط صحيحة و خاصة رقم 4 و هو دعس البنزين الخفيف بين التبديلات
لاني اذا ما دعست بنزين خفيف تنتع السيارة وو انا ما احب انتع السيارة ;)
انا احب التبديلات تكون سلسة و بدون نتع :D:D

تقولون وش يقول هذا جاي يتعلم يسوق منا
هههههه
الحمد لله اسوق من زمان و بدون مشاكل
لكن المشكلة اني و في بعض الاوقات اذا جيت اوقف عند ااشارة مثلا تفوح ريحة الكلتش من الموتر
طبعا هذا يحصل في بعض الاوقات و ليس دائما
فاعتقدت ان المشكلة في تبديلاتي
هل طريقة تبديلي صحيحة اذا ما كانت صحيحية وش الطريقة الصحيحة
و آسف على السؤال السخيف
لكن وش نسوى ما عندنا غير مكشات :good2:
و شكرا

[عميد سامودة]

ما ينفعش بالكتابة التوصيف
لكن واضح من كلامك انك غشمنجي
ويمكن طحت في موتر كلشته ثقيل او او او
لكن ::
ستبدي لك الايام ما كنت جاهلا ويأتيك بالاخبار من لم تزود

[شقران نجد]

خذ تماتيك وريح بالك من الخطوات الكثيره هذي كلها يالحبيب ......

[ساحووق]

اتوقع الطريقه صحيحه لكن الكلتش فيه مشكله الانه يطلع ريحه

[يريور عيمان]

يا اخوان ما عندي مشكلة في القير العادي
و الحمد لله اسوق قير عادي من كنت في 18 سنة
بس المشكلة في الريحة
انها تفوح مرات و انا شكيت ان المشكلة من طريقة تبديلي
و الموتر سفاري مشاي 15 الف تقريبا

[التعـ King ـديل]

بالنسبه للكلتش لازم دعستك تكون معقوله

ماتكون على الاخر وتحرق الكلتش ولا تكون خفيفه وتكسر سنن القير

[الطالبي007]

اذا شميت الريحة فهذا يدل اما على انك تنسا عمرك وتضغط كلتش بدون ما تدري وانت تمشي .....او انك لا ترفع رجلك علن الكلتش بالوقت المناسب بعد تعشيق النمرة

[هلي ديزل]

بعد اذن صاحب الموضوع،،
هل الضغط على الكلتش للآخر يضره؟؟

[ال حميدان]

QUOTE=يريور عيمان;5679059]يا اخوان ما عندي مشكلة في القير العادي
و الحمد لله اسوق قير عادي من كنت في 18 سنة
بس المشكلة في الريحة
انها تفوح مرات و انا شكيت ان المشكلة من طريقة تبديلي
و الموتر سفاري مشاي 15 الف تقريبا[/QUOTE]


للأسف اخي الكريم انت تمارس القياده منذ18سنه وبنفس الخطوات
الموضحه في مشاركتك وكأنك تأخذ ابجديات في مدرسة القياده .
فعلا طريقة تبديلك خطأ لازم يكون فيه تناسق بين الضغط على دواسة البنزين والكلتش
بحيث انك ترفع قدمك تماماعن دواسة البنزين عند التبديل وشغلة تنتيع هذه تدل مع احترامي لك
انك من جنبها في القياده بالقير العادي وهذا ما هو عيب لكن له حل وهوالقير الأوتوماتيك
واعذرني على صراحتي معك

[هلي ديزل]

بعد اذن صاحب الموضوع،،
هل الضغط على الكلتش للآخر يضره؟؟

[ابو شادن 07]

الطريقة الصحيحة بس ممكن عندك مشكله في الكلتش

استمرعلى هذه الطريقة كم يوم وتصير الامور عايدي وتصير تفحط وتقرص الكفر


بالتوفيق ان شاء الله

[البرتقالي]

النقطتين اربعه وخمسة بدل بينهم
يعني ارفع رجلك عن الكلتش قبل تدعس بنزين
وريحة الكلتش لأنك تدعس بنزين قبل ترفع رجلك عن الكلتش

وباقي النقاط ميه الميه

[البرتقالي]

بعد اذن صاحب الموضوع،،
هل الضغط على الكلتش للآخر يضره؟؟
أبدا ما يضره وهذا الصح
اللي يضره انك تدعس بنزين وانت باقي داعس على الكلتش

[ابوصالح3]

طريقتك صحيحه وبالممارسه على سيارات اخرى بتضبط امورك ؟؟؟

والمسأله ماهي صناعة صواريخ ...؟ ولاهي قيادة ناقلة نفط ؟؟؟ وفداك اول كلتش وكم دقشه خفيفه؟وبتتعلم ان شاء الله

[الدبيخي]

الله يوفقك ويصلحك

[GMC79]

]الخطوة رقم 4 غلط فادح

وهذا اللي يطلع ريحة الكلتش

وبالنسبه للنتعه ما عليه مع الو قت تتعود على الوزنيه

الطريقة الصحيحة انك ترفع رجلك عن الكلتتش وفي اخر لحظ تدوس بنزين يعني هذا طالع وهذا نازل[/SIZE]